今次住centara, 係central world Plaza上面, lei 間酒店開左唔係好耐, 所以d 野設施都幾新.  另外, 如果鐘意買蝴蝶袋既朋友就超好啦, 因為超近, 五日我就行左四次.  我住30樓, 個景好開揚, 一共住左4晚, 日日都有人執房, 我地住第二日佢見我地飲水多, 俾多左2支我, 總共6支水, 都幾細心, 不過當住到第5日, 發現對房門LOCK唔到, 唯有快快脆脆食完早餐就Check Out  

係酒店放低左d野就去左siam 個幾個商場行下, 重去左"Greyhouse"食雞翼, 叫左個日式沙律 & 炸雞翼 & 檸檬荼, 好老實, 真係唔好食, 話係日式沙律, 不過係泰式味道, 辣到飛起之餘, 酸味唔知去左邊, 跟住d 雞翼就更慘, 炸到d 肉乾曬, 好彩個檸茶都ok, d 冰係檸荼味, 飲耐左都無變淡.

跟住就去左mbk食多士, 嘩!!  不得了, 真係好食到震  ... 兩個人一口氣叫左4種味: 青咖央, 橙咖央, 栗米湯味, 朱古力味.   尤其係青咖央, 塊麵包脆脆地, d 醬又暖暖地, 唔太甜又香, 好食度停唔到口.  不過朱古力醬個味就假假地. 由於唔俾人影相, 所以偷偷用手提影左一張.