我地著好uniform 後，第一個task係：執雀屎！

我地除咗親手準備咗佢地嘅午餐之外...

仲要清潔啲雀仔籠~

之後，我地就去咗探四隻無敵忍者龜啦！佢地叫~~~係全世界最大品種嘅龜嚟㗎！

下一個task又係去執屎~今次係執wallaby嘅屎~佢地周圍跳很可愛！

同場加映餵Emu!他們很醜但很溫柔！

餵海獅朋友！

依個係老友記大猩猩Janie嘅屋企！因為佢年紀唔細，所以要不時訓練佢嘅觸覚靈敏，等佢保持身心健康~於是我地將佢嘅小食收埋，然後等佢返屋企搵食！

Janie真係好叻女！好快就搵倒我地收入麻包袋裏面嘅一罐yogurt! 望見佢嘅一擧一動真係同人不無兩樣！而佢同zookeeper更加可以話係有傾有講！原全明白大家！感情深厚！

餵完咁多動物朋友仔，係時候餵下自己啦！zookeeper 帶我地去zoo restaurant 入面，任選一款meat pie同side dish, 加drinks 同香蕉，全部都係package包的~不是甚麼特別嘢，但此刻我地完全對食物無要求，因為巴不得快啲食完去會下半場嘅動物朋友啦！

食飽後第一站去了一個不是很開胃的地方，就係動物們嘅食物庫啦！佢個凍櫃同超市嗰啲真係好大分別...有原隻急凍老鼠,白兔頭，血雪條等等~全部都係猛獸們的零食！大開眼界~

跟手又入到去另一個廚房，zookeeper一手搬出一個充滿cricket嘅箱，然後徒手拎咗一打出嚟話俾我地餵之後嘅動物喎！我心諗死啦要我拎住依啲跳跳扎嘅昆蟲我頂唔順㗎喎！但又表面裝作鎮定~原來食家係依啲細細隻髮型十分潮嘅tamarin! Zookeeper 叫我捉住一隻cricket進貢俾馬騮仔，我尖叫住咁隊隻昆蟲埋去，都未尖叫完馬騮仔已經好似食薯片咁將隻cricket 分屍了，然後chap chap聲咁大快朵頤...我頓時感到生命嘅脆弱，同食物鏈嘅力量...

同大象仔散步~

輪到今日highlight: 深入虎穴！要放歺俾老虎大哥真不易！首先zookeeper 要叫佢地返入展區後嘅籠，然後關閳等佢地出唔倒去~跟住我地從後門經過佢地嘅籠入去展區（每次同佢地相目交投都個心寒一寒）。入到佢地屋企都唔係放得塊肉就算！要將塊肉周圍high 一high,訓練佢地嘅嗅覺，然後放一啲高難度嘅位，等佢地可以多啲郁動嘛！等我地任務完成，安全出返去後（記住鎖門！）。佢地就放虎哥出嚟開歺啦！虎大哥左聞聞右聞聞，好快就搵到大歺啦！

再小會多幾種動物後，我地一日嘅「工作」（其實是阻頭阻勢啦）終於完成啦！ 依一日真係見識大增！學到超多保育知識！啟發良多！可能有人會認為每人NZ$500 嘅keeper for a day package好貴~但係咁寶貴嘅經驗，我認為是無價的！(其實去海洋公園親親小海豚都要$700啦~）

今日嘅「工作」仲未完㗎！我地去返Auckland Seafood Market 入面嘅Seafood School煮海鮮餐呀！ 歎住靚酒welcoming drink等入班房~

首先老師會講解技巧同試範一次~老師當然手法純粹好似變魔術咁三兩下手勢就完成了三文魚扒dish同埋焗海鮮包兩味~色香味俱全！

之後我地就四人一組落手去格離廚房煮啦！好彩我地平時都煮開飯都唔算太失禮啫！煮完同同學仔排排坐品嚐自己嘅作品~味道都唔錯，𠱓得下人㗎！ 仲識咗好多新朋友呀！有一對couple仲好nice咁車我地返酒店添！