諗住係酒店附近揾間餐廳食，於是周圍行下。係Kata Road附近，成條街都係食市，以泰國菜同西餐為主。其實間間餐廳食既野同環境都差唔多，主要係揀下個氣氛同價錢。行行下有個好熱情既泰國男人用國語sell佢間餐廳，又見到幾多人食下，就揀左呢間Natalie's喇。當晚係有自助沙津同西瓜任食，但賣相唔吸引，所以無食過。黎泰國又點少得個冬陰公湯，可能叫左少辣，唔夠惹味，不過不失喇。叫左個春卷，夠脆，醎料夠，點埋個泰式醬，好味。心血來潮想食海鮮，就係出面揀左隻蟹，喱哩炒蟹，無咩膏，但味道搭夠，唔錯。另外仲叫左個波蘿炒飯，好多波蘿，好味。本來想叫青擰梳打，溝通問題，黎左杯類似檸茶既野，麻麻地。間餐廳係路邊，涼涼地又清靜，仲幾有情調，幾舒服。正體黎講食物同環境都唔錯，埋單$280倒。