上次朋友訂左位，但因為遲到搞到食唔到牛排。今次佢早成個月前已訂位，Book左1:15pm，我哋11:00am由Newark出發。好好彩無塞車，仲早左到。餐廳提供free parking。泊完車，過馬路入餐廳。
入到去餐廳見到有好多人(大部份係亞洲人)等緊位。我哋嘅table for2都等左成15分鐘先有枱。
serve我哋嘅係一位好professional的鬍鬚先生。佢好好人，但佢跟每枱客人講嘅對白和笑話都一模一樣，幾有趣。
先來的是麵包，牛油和特製甜酸汁。鬍鬚先生話甜酸汁無論點麵包或牛排都好好味。我就覺得這個汁無論配麵包定牛排都唔好味。
等左一陣，牛排终於上枱。
嘩！好大塊！睇得出係好熱，D牛油仲沸騰緊。塊medium 嘅sirloin好嫩,中間淺粉紅色。不過，塊medium rare 嘅prime rib仲正！比sirloin更香同嫩,仲大塊D添。
雖然兩塊牛排都大過手掌，但我哋兩位女士唔想浪費，最终都食晒。
埋完單，鬍鬚先生送上兩顆印有餐廳名字的金幣給我們。