Da媽
我是Da媽。 我是一名Clerk。 我最喜愛到日本,韓國,瑞士旅遊 , 最鍾意遊覽自然景觀,城市風貌,鄉郊農田,民俗風情, 住宿通常會揀民宿,青年旅舍。
留言  留言給此旅遊家
  遊記數目 1
  上載相片 2
  上載影片 0
最近分享過的旅程
首爾體驗自由行七天遊
國家/地點: 韓國
旅程日期: 2011-12-24 至 2012-01-30
首爾體驗自由行七天遊 (韓國)
(旅程日期: 2011-12-24 至 2012-01-30 ,  旅程性質: 消閒度假)
 整個旅程  (共1篇遊記)
 分享至Facebook 
發表日期: 2012-01-14

韓國自由行體驗七天遊

2011年12月24日我和朋友選擇去韓國旅遊,心想渡過一個白色的聖誕節,我們乘搭大韓航空公司下午三時二十五分班機,因為聖誕假期多市民外出旅遊,所以提早三小時到達機場辨理登機,出乎意料竟然唔使二十分鐘就已經辨理完登機手續,於是就馬上出境然後去機場候機室,嘆左一個超級無敵豐富而又免費既午餐,係時候登機喇,係機上睇左一套亞洲電影,話咁快就到達仁川機場(*☻_☻*)

,落機後就辨理入境手續,然後提取行理搭機場巴士,去Dragon Hill Spa(汗蒸幕),開始我們〝第一天〞既行程喇,所謂的汗蒸幕除了洗澡、三溫暖的基本服務,還有spa設施,以便宜的價格提供過夜的地方。加上全年無休24小時營業,現在我就跟朋友一起去見識這些在城市內處處可見的汗蒸幕喇!因當晚係星期六亦係平安夜,而汗蒸幕係情人約會的熱門地點,所見有平面既地方就有人在睡覺喇,可能係機場候機室食飽又再在機上開餐,所以當晚都full到無食晚餐就睡覺了。

〝第二天〞早上九時check out, 然後搭地鐵去安國站入住Family Guest House,十時我們己到達住的民宿,內裏好似北京的四合院喎,正方形有四間房中間係露天但有上蓋四面通風,民宿經理係一個三十歲左右既靚女,因我們早左到所以就想放低行理去食早餐,佢好有禮話無問題,於是我們放低行理就去搵食,竟然係零下十度既氣溫下意外地見到新鮮熱辣辣既餃子店,我地就叫左餃子麵和餃子年糕各一碗,而檯上的酸蘿蔔係自助及任食既,餃子大大隻,蘿蔔好爽好脆酸甜適中好好味呀,因為天氣實在太凍喇,所以我們返回民宿加添衣服再出動,首先去景褔宮睇門將交接儀式,然後搭地鐵去東大門行街,路經地下街商店排隊買左粟米形奶皇雞蛋仔食,熱辣辣好香好味道,晚餐就係東大門食豬骨煲,食飽飽後去左清川溪,嘩!竟然見到清川溪有個人做雪景,當然要影相啦,係時候回家喇!

〝第三天〞食飽早餐去北川遊覽,跟住返回民宿check out,行行下見到我的至愛新鮮士多啤梨,當然即買帶回民宿即食,香甜美味既士多啤梨真係食唔停口呀,連民宿經理都話好甜喎,好快就將一大盒士多啤梨食清光了,我們將行理寄存在民宿,然後去弘大shopping,午餐係弘大食鐵板雞柳炒飯,午飯後繼績在弘大shopping,係街邊見到小食檔,忍唔住喇就買左一條星條食,唔使講啦熱辣辣脆卜卜認真好味道,行完街就搭地鐵返民宿,落左車上到路面見到焗蕃薯,當然唔會放過啦就買左兩個,熱辣辣好鬼甜呀,在民宿拿了行理後又係搭地鐵去入住另一間民宿,呢間民宿係洋樓黎架,三房兩廳開放式廚房有露台好大呀,其中一間房就係比我地住架喇,主人係一對五十幾歲既夫婦,好韓國樣仲好nice添。

〝第四天〞買左張Seoul City Tour Bus車票,我們第一站行南大門,午餐係南大門食石頭鍋飯,上車去梨大行左一陣街,買左d平貨又上車去參觀昌慶宮及昌德宮,再行東大門,晚餐係東大門食雞煲加麵條又幾特別喎。

〝第五天〞早上七時就起床食早餐喇,因為要去南怡島,而去南怡島既巴士每天只有一班車來回,早上九時開車回程係下午四時,上車前順便去車站隔離既塔谷公園,散散步影影相然後去搭車,點知車長話無車票買喇,因為一早已經比人訂晒囉,好彩我朋友好醒目,佢寫左一些資料,原來可以搭火車去南怡島,於是我地就搭火車搭的士再搭船,開船喇,嘩!好似坐緊破冰船既感覺,因為天氣太凍海面上的水都已經結成冰塊,到達南怡島真係好靚呀,唔怪得咁多人啦,我地係島用2000韓幣買左張Unicef Charity ticket,可以做善事之餘仲可以在園內搭小火車看風景添,係島上食左塊Island Pancake〔㊣_㊣〕,真係超級無敵好好味呀,熱辣辣一塊餅內有兩種餡料,一邊咸一邊甜好特別,沿途風景迷人,有好多特別形狀既樹木,乘船回程後在碼頭府近食春川炒辣雞,然後搭車去仁寺洞,當時落緊雪,我地入左森吉街shopping,行行下又見到曹溪寺,不過我地無入去參觀,就返回仁寺洞食鐵板海鮮炒飯,食飽飽後回家執拾行理,因明天要離開民宿轉住Seoul Palace Hotel,民宿住人送左一包紙菜和一包海帶比我地添。

〝第六天〞早上向民宿主人say goodbye後,就去Seoul Palace Hotel check in,放低行理係酒店後又出動喇,搭車去行明洞,大出血後食午餐,亂衝亂撞意然搵到一間餐廳古宮고궁(明洞店) ,服務好又坐得舒服,飯後仲送左一杯凍梅茶,非常特別而且仲好好飲添,所以我要求要多一杯,又問佢有無得買,佢話係自制既,不過seven eleven都有得買,但味道就無咁好喇,食飽又再係明洞shopping,意猶未盡又再去南大門掃貨,今次真係滿載而歸喇,晚餐係南大門食滷豬手,跟住返酒店收拾行理,明天就要搭車去機場搭飛機回港喇(´・_・`)!

〝第七天〞我地今日搭早上十一時零五分班機回港,亦需在登機前兩小時到達機場,而由酒店去機場車程需時一個半小時,所以我地就搭七時十二分班車去機場,辨理登機手續後就去食早餐,早餐後在機場作最後衝刺,係時候登機喇,收拾心情回港啦!總結今次既旅程,體驗左韓國既風土人情味,品嘗美味地道既美食,獲益良多,今次係我一年內兩度韓國自由行,但我還有興趣再踏足韓國睇紅葉囉
 。◕‿◕。!

 

兩款午餐
兩款午餐
美味的凍梅茶
美味的凍梅茶

行行下街肚餓,係時候食午餐喇,亂衝亂撞竟然搵到一間服務好又坐得舒服既餐廳, 古宮(고궁)的內部都古色古香,無論係桌椅還是墻壁上的裝飾都極有韓國feel,飯後仲送左一杯凍梅茶,非常特別而且仲好好飲添,難忘!

每人消費: 約90港元 (午餐)
評分: 味道4   服務4   環境4   衛生4   抵食4
  0 個留言    |  加入你的留言
此遊記的留言
加入留言
如要加入留言, 請先登入