一早落到地下的餐廳食BUFFET BREAKFAST~
好似都幾多野食~=w=
見到琴日食個d海藻(*v*),一盒盒的, 隔離就係納豆, 導遊強烈推介我地試下~好有益wor~
其實之前係日本人的家庭食過,印象中唔係咁鍾意...^~^"不過媽媽幾鍾意~
食左兩輪野,滿足~!除左海藻之後, 仲有一樣野都係差不多餐餐食, 就係苦瓜炒蛋! 因為沖繩的苦瓜好出名~~~唔係香港個d咁苦,又好爽~
呢度既puff都好好食, 兩輪之後飽左都忍唔住拎幾2粒~:p

日式西式野食都有,good~=w=

第1站係海洋博公園~好好天~>w<見到個海好藍好清呢!

其實呢,呢度就好似去海洋公園睇水旅館咁~不過!佢睇表演同埋海象個d都唔洗收$架~
係入個大水旅館先要$~
海豚表演雖然真係同海洋公園差不多,不過對住個海睇,個view好好多~

至於要俾$個水旅館都真係好多野睇,首先入左去的右手邊見到d可以摸的海星同海蔘,有d人會miss左架~緊係去睇下la~d海蔘好綿呢~但要記得唔可以拎上水架~!有d人睇都唔睇指示...中國人啦...工作人員就拎個中文牌出黎請佢地唔好咁做~@x@

之後有好多熱帶魚同珊瑚~突然媽媽驚叫"好大條蘇眉呀~!"
o...之後呢...媽媽就不停咁話我知邊d邊d魚食得喇~~^~^""
雖然係水旅館入面,但有唔少魚缸都可以俾陽光照到, 好靚~
仲有好多平時無見到,同埋唔似魚既魚~好可愛~=w=
鎮館之寶就係300cm的tawny nurse shark~
個個魚缸話係用60CM厚的玻璃造的~仲有好多魔鬼魚係入面~有時游得好快~!

因為呢個旅行,我之前特登睇返戀戰沖繩呢套戲~仲以為係係度談情,,,點知係講數XD
一黎到,見到草原, 有少少之前去塔門的FEEL~!^^"
不過個個大象形的崖係幾得意既~仲可以見到D好清的海~心廣神怡~不過都好曬~哈~
行行下,係D近崖的地上會發現D好似背殼化石(?)的東東~唔通以前我腳下的地都係海~?

1個鐘都無就上返車去首里城LU~太熱....

話說係琉球以前係明朝的子國~好多野都係中國教同埋傳過呢邊~
所以,呢度的首里城就好似故宮的建築, 但當然無得同故宮比LA~
導遊話唔同的是,佢係海邊~
由於去過故宮, 就覺得呢度無咩好睇喇...
不過佢地古代的衫就無咁似~同埋D講解牌係漫畫風的~哈~
同埋佢有好大PART都唔可以影相...其實唔明= =反正佢入面個D都係複製品....
最後,我都唔係點係個度睇到海...
參觀完咁熱!緊係要食雪糕~!試左話係呢個景點限定的三色雪糕~係幾好食~!
上面係莓品雪芭,中間係紅薯雪糕,下面係芒果雪糕~GOOD~

不過總括黎講...呢度唔黎都得~@@"

其實係係國際通り呢個SHOPPING街行完之後搵左間沖縄そば食晚餐~
因為導遊話要試下沖縄そば(類似上海麵)的~

國際通り真係行一陣已經睇晒差不多的手信~^^"旁晚行真係幾好,無咁熱~

講返野食~同媽媽叫左個そばSET + 一個そば +海葡萄~
期待海葡萄多D, 因為BUFFET時都食左そば~
海葡萄幾好食,少少咸味,D汁就酸酸地~不過都唔平....
そば彈牙~