BTS出閘後先往找金佛寺。這區盡是非常舊的店舖，街道破舊不堪，加上這天有點悶熱，行左十分鐘已開始唔想再行，還好金佛寺不難找，但我們沒有付錢行上塔頂，只在下面影下相。跟著去旅遊書介紹的松記沙爹食串燒。老實講，無特別，地方簡陋，唔好坐。此店只賣燒雞肉串和燒雞潤串（Baht 5/串），叫了5串雞肉和5串雞潤，已經唔記得咩味！只記得雞潤唔熟，有小小血水，好驚，只吃了較熟的幾粒。唯一讚是有紅洋蔥，小辣青椒，和青瓜伴食。醬汁有點偏甜，是泰國人的口味，難怪見有當地人專登揸車來買外賣！離開後往China Town進發，總要有目標，去林真香買手信加唱錢喇！買野可以比港幣，仲可以唱錢，對番高過出面好多呀！