因為坐ANA凌晨機, 落到機就要去搞民宿既野.
整完之後就拿拿聲去我地期待以久既－－築地啦!

搭都營大江戶線就去到築地咖啦...
一出轉過彎就係咖啦, 途中見到d魚販車d魚...
(其實都幾危險, 大家都要小心d車同地下濕)

因為之前都上網做過research 朋友覺得其他貴
所以揀左一間比較平食丼既地方－－大江戶一個丼大約HKD 80-100不等.
入到去嗌左一個 うに．サンモン．まぐろ既三色丼
一拎出黎其實巳經睇得出佢好新鮮！

我冇點任何wasabi 食左一塊三文魚先
好新鮮 !! 魚既鮮美停留左係口到ga! 唔想吞(ﾉ´Д｀)ﾉ
之前再夾左少少海膽再試下先! 有海水味, 而且唔同香港食果d
佢唔會腥! 而且又係好鮮甜 hahah (食完果下真係好滿足咖 :D)
まぐろ中文我唔知係咩(鏗魚?!) 紅色, 呢隻魚反而自己就麻麻中意
可能冇前兩者咁有甜味. 但都好新鮮 !!

但碗飯真係好大碗... 始終都食唔哂
加埋碗miso soup真係滿足哂 (絕對唔係沖粉既miso)
再望下出面, 好多人等位 ....... 其實呢間野唔差咖！推介★★


>>

之後本身想去買少少野. 但太早 ...冇開
之轉左地點去汐留 →淺草→台場啦



淺草去左好出名食てぷら既地方買左串いかてぷら食．(尤魚天婦羅)
一拎上手巳經好失望 ... 凍冰冰 ......
好似放左好耐咁, 一食落去第一淡, d粉好薄, 炸得好靚
但衰在唔熱 ... 不過ika都幾爽口, 未腍
但凍冰冰巳經扣哂分 ....
(100yen．1枚)

行到入去萬世通り
好多桜花好靚!!!!! 同上年一樣都好多人: )
而且今次仲見到桜花雨 !!!! 聽到d日本人都好驚訝嗌好靚.
我睇到都好開心同好靚 ♥♥♥♥ : )

之後食左串和果子飲左杯凍綠茶
( 1入到去會見到左手邊有間鋪頭放哂一杯杯綠茶係到)
加左冰, 甜甜地幾好味咖, 岩哂食完和果子好滯!
然後行多兩步, 俾雪糕吸引左 ...*0*
叫左個 :::櫻花味 ::: 味道怪怪地, 好似藥水, 不過之前買過包櫻花茶都係咁既味!
所以都接受到 ..
:::牛奶布丁味::: 呢個係朋友既, 我試左一淡, 好重布丁味, 唔算太甜, 幾香牛奶味
都幾好食咖 (有少少後悔冇嗌melon味...)


行左陣就坐返地下鐵去台場啦
台場
其實上年黎完都幾中意呢個地方, 幾舒服咖!
而且今次終於可以坐到我期待巳久既摩天輪啦ヽ(´∀｀)ノ
去完富士テレビ之後就去左對面既大廈食之前有人推介既ポムの樹
呢個真係超～級推介!!!! 佢有分SS, S , M同L SIZE既飯
當然價錢都會唔同, 但L真係好好好好好大咖…Σ(゜ロ゜;)!!
本身想叫SET 但最後都冇, 叫左杯SODA
我果個飯本身就忘記左個名, 但係蛋包飯上面有D菜包住肉既卷狀物體
再加D蕃茄汁. 蕃茄汁食得出唔太多人造色素
食落去有少少酸酸地, 幾開胃, 呢一餐認真講係有食到感動到喊

而且真係圖同整出黎係一模一樣咖
唔會圖片只供參考 : P