我地去左Bowness之後，去左買船票遊船河，係lee度見到好多天鵝，無錯，係天鵝!有好多隻呀~第一次可以近距離睇佢地，好開心。影再一陣相就上船，我地坐左上層，不過，如果唔係太大風的話，應該會係一個好好的船河，可惜d風不斷地吹埋塊面度。但係遊船河可以睇到書上面先有的屋，因為有d屋係被好多樹包圍，屋主一望出去就係一望無際的海，而且我仲見到有人玩獨木舟，所有，撇除大風的原素，整個船河都好好。

落船之後我地去左搭蒸汽火車，，個火車頭真係Thomas ga~因為天氣太凍的關係，所以我地去左買熱咖啡，小休過後就係附近的地方行左一陣，lee度真係好悠閒，有好大片草地，有一d好似童話故事入面先有的屋，每戶人都會係小花園種花，真係好令人羨慕。我地仲係shop度買左少少Thomas的東西番去，之後就搭火車返去。我地趁仲有時間，就去埋Grasmere行左一陣，又係一個田園感覺的地方，仲應該有好多人係度行山tim，我地食左枝好味的雪糕就番去Hostel啦~