我地之所以去Carfax Tower係因為係度可以望到Oxford的全景，不過係可以望到全景之前就要先行99級樓梯，重點係條樓梯係迴旋式，所以全程係頭暈暈地行上去，而且，條樓梯又窄又矮，好彩亞洲人的身型比較矮，唔駛好似d 外國人一邊彎身一邊行。上到去就見到全景，不過可能個塔唔夠高，所以感覺無嘩一聲。

Christ Church係Oxford最大的一個學院，我地去的原因最主要係因為Harry Potter的飯廳同塊大草地，不過可惜因為我地去的時候係朝早，所以個飯廳未開放比遊客，我地係拍過Harry Potter的樓梯影左一陣相就入去參觀。教堂比人的感覺好宏偉，因為個天花好高，而且，有好多好靚的彩繪玻璃，睇緊的時候有個職員話有一塊玻璃有Alice的表姐，順帶一提，Alice係度係好出名的，因為據說愛麗斯夢遊仙境的故事就係係Oxford寫的，所以周圍都有愛麗斯的東西賣。係Christ Church入面仲有一間房介紹Christ Church的歷史，等遊客可以了解多d。當我地行番出去的時候，見到學院附近就有宿舍，d窗係傳統由下往上推的，如果係度對住一大塊草地溫書做功課都真係好正!

之後我地沿住嘆息橋行左去個博物館度，本來我地想去的唔係lee 個博物館，不過因為成個Oxford的路都有d混亂，而lee度的博物館又好多，所以即使問學生，他們都未必知道。不過既然黎到門口就入去睇睇。一入去就見到好大的恐龍骨(應該係假掛?)，又有大象骨，仲有好多好大的標本，而入面的四周都有d著名學者的石像。成個博物館都有好多小朋友，又有學校帶學生來參觀，所以都幾適合小朋友。