爸爸一早plan定帶我地黎high tea~
原來比起佢上次黎已加價了...
幸好~水準冇變~

o係門口見到佢件d裝cake款好靚~幾吸引~都係賣around hk$27,
但我地都係order左high tea set for three persons.
父親大人嘆咖啡~媽媽就飲lemongrass tea, 我o個隻花茶叫bea flowers & fruit....(唔記得)

6款鹹食+7款甜點+1件生果.
鹹食(由圖既右至左):香脆蝦春卷, 粟米+ 蝦粒+ 肉粒釀脆餅,
炸蟹餅, 南瓜蓉雲吞, 芋頭皮包蝦米肉碎, 沙爹豬肉串. 
個人鍾意南瓜蓉雲吞,同芋頭皮包蝦米肉碎..呢個甜甜地~但又有d鹹鹹地~

至於甜點(由圖既右至左):煉奶撻, 芋蓉椰子西米糕, 香蔥粟米糕, 英式鬆餅,
咖啡蛋卷, 生果, 栗子蓉小食, 芒果椰汁糯米飯.
煉奶撻開頭望仲以為係芝士, 一食落味道似曾相識~好似細個飲既煉奶水
但好甜...撻皮有牛油香夠脆...
芋蓉椰子西米糕用蕉葉包住, 好香椰汁味~加埋面頭椰肉一齊食~甜度剛好~
香蔥粟米糕都好特別,用兩件煙韌既糯米糕, 一邊釀左蔥, 一邊釀粟米~
此泰式甜點未必個個岩....
明知英式鬆餅食完會好飽~但焗得好香~加埋cloth cream 同有原粒士多啤梨既jam...一流~
唔食曬唔得...
咖啡蛋卷媽媽話好好食~我就覺得同平時泰國手信差唔多~不過就真係幾濃咖啡味...
跟住係每人一件生果, 仲有幾粒模仿生果外型既栗子蓉甜點~個皮唔好食~
所以我只係切開外皮,食晒入面d栗子蓉就good喇....
最後既芒果椰汁糯米飯本來真係唔想食~因為驚飽得滯~
但發現一種食法~令我都要食左3件~將糯米飯分好一件件同芒果size差不多~
再放上芒果一齊食~糯米飯煙韌+芒果軟熟; 椰汁香+芒果甜~

餐廳內都有唔少香港人同外國人~
最適合食飽去血拼或者行得耐黎嘆下傾下計~
臨走買左盒花茶~baht130/50g...因為真係好香~又特別~
呢度仲有自家製既jam, honey, 同泰式小食賣...

咁既價錢o係Grand Hyatt食tea真係抵~

此日式shabu shabu+壽喜燒店位於伊勢丹7樓,
Heaven on 7 —設於頂樓的餐廳提供優閒和舒適的環境.

399baht選一款湯底/449baht選有晒兩款湯底,
以上兩個set都係任食牛肉同豬肉~
自助蔬菜吧.
另加39baht任飲麥茶,咖啡, 果汁, 美祿等飲品~
即係話飲茶都照收錢~咁冇得唔飲啦~

食法: 壽喜燒湯底配牛肉, 蘸芝麻汁
shabu shabu清湯湯底配豬肉, 蘸加左酸味既醬汁...
至於蔬菜多數都係加入壽喜燒湯底...
壽喜燒湯底偏甜..加埋牛肉鮮味~d菜索晒汁好食~
3個人食左6盤牛+3盤豬..大量蔬菜及配菜~

牛肉冇渣~切得薄~又有牛味...
豬肉亦唔嚡都唔差~
蔬菜吧有多款菜類, 菇類, 粟米等任均選擇~

而飲品方面: 冷/熱麥茶, 各式汽水, 已溝好既美祿/ 檸檬茶, 及可選多款咖啡既咖啡機~

 咁既價錢~雖然只係限時兩小時..都算抵食既...