Day 4

   第四日沒有什麼行程, 在首爾酒店check out後, 坐地鐵去"金蒲"機場轉機去濟洲, 真係好快就到, 由金蒲去濟洲機場唔使一個鐘, 怪不得韓國人咁鐘意去濟洲玩, 因為真係好方便!!

   落機就有旅社既人接機同送我去旅社, 揀住旅社唔止係因為平, 仲因為主唔想住得咁部市區, let's go jeju呢間旅日係濟洲好出名(http://www.letsgojeju.com), 好易搵, 同埋佢地仲有攪埋day tour, 超方便, 出出市區坐巴士大約30mins. 到左之後check in埋, 接我機個位小姐好好, 介紹左附近既環境俾我知, 我book左第二日既day tour之後, 整理下d行李就周圍行下, 周圍都好靜同好多花草樹木, 同埋估唔到呢個月份, 一早一晚都好涼, 大約十度左右, 不過到左中午最熱都有廿度. 晚餐去左附近唯一既餐廳食, 語言溝通係韓國真係唔係咁易, 不過加多少少手語指下手劃下腳, 都總算叫到d野食下, 好采!! 我叫左個豆腐海解鍋, 有少少辣, 不過都食得出d海鮮好新鮮, 所以有d海水味同唔會有腥味, 正呀!! 食飽飽就返屋企休息同竹計劃黎緊幾日既行程.