第1日 - 香港出發去加德滿都

今次去加德滿都其實係想去Nepal Hope School做義工同順道遊覽一下, 我選擇了由香港坐直航機到尼泊爾加德滿都, 下午5:30起飛, 當地時間晚上10:30到 (加德滿都比香港慢2小時15分鐘), 雖然係直航機, 其實經過印度達卡, 不過就唔使落機, 都算ok. 用BNO同特區護照到尼泊爾都需要簽證, 不過可以在機場做落地簽證, 請預備美金, 逗留日數不同收費亦不同.

到達之後便坐的車去酒店,  車費Rs750 (Hk$1=Rs10.8), 其實酒店接亦可以(US$10), 不過當地既的士同香港好唔同, 需要接受當地什麼車都可以做的士, 同埋都係容容爛爛, 不過唔使擔心, 坐多幾日就會習慣架啦, 除左機場離境大堂有pre-paid的士, 其他的士都係上車前講好價錢, 記得要講價先好上車.

第2日 - 由加德滿都去Pokhara

起身本來係酒店食早餐, 不過最後選擇酒店附近餐廳食, 酒店行2分鐘 (超近), 味道不錯, 之後每日都有1-2餐係度解決. 中午要坐車Pokhara.

由加湖德滿都去Pokhara要, 坐巴士大約6-8小時, 司機通常中途會停1個站俾乘客去一去洗手間食d野,  要把握時間同認住架車, 落車時間大約晚上9點半, 天好黑, 好采有酒店職員由巴士站接回酒店.


第3日 -  在Pokhara, 行山和遊湖

第4日 -  在Pokhara, 睇日出, Paragliding和周圍行

第5日 -  由Pokhara回加德滿都

第6-10日 -  在加德滿都, Hope School Nepal, Monkey Temple, Boudhanath, Bhaktapur, Pashupatinath

Day 7

   最近一天選擇留在旅社享受寧靜, 同埋睇番呢幾日影左既相回味, 仲有就係要去附近唯一既餐廳食番餐燒黑毛豬肉, 因為冇一人份量叫, 所以我約左另一間房既韓國女仔一齊去食, 有佢同我做埋翻譯.  黑毛豬肉比一般係香港食開既韓國燒烤既肉切得比較厚同大片, 一大片放上爐燒, 燒到咁上下先用剪刀剪開細件, 再燒多陣就加埋d好香麻油問既醬...辣椒醬...同生菜一齊食....yummy!! 好食到停唔到口, 再飲埋個蜆肉湯就真係完美啦!! (因為當日我的相機壞左, 所以冇相睇, 遺憾!!) 總之一定要再食燒黑毛豬肉啦!!

   到日落時影埋d相, 咁呢個旅程都差不多要結束啦, 好唔捨得添, 不過我一定會再返黎既, 因為實在有太多再黎既原因啦!!


Day 8

   最後一日既行程非常簡單, 就係一早坐車出濟洲機場, 坐飛機去首爾金蒲機場(首爾的內陸機場), 再由金蒲機場坐巴士大約1小時車程去仁川機場(首爾國際機場), 最近就坐飛機返香港. 雖然講係容易, 不過已經要用上一日, 成個旅程就咁就結束左la, 好期待下一個旅程!!

Day 6

   因為係前一日既day tour途中差錯腳攪到隻腳腫左, 所以之後既行程就即刻改晒, 令到原本我去濟洲既其中一個目的都冇得去, 就係行漢拿山(Mt. Halla), 行漢拿山有分全程---8個鐘, 同半程---5個鐘, 如果去濟洲唔去漢拿山就真係好可惜, 因為風景真係好靚同, 所以我一定會再去濟洲!!

Day 5

   因為係濟洲唔同景點都有d距離, 自己一個人比較困難去到, 加上語言不通, 所以選擇左跟day tour, 感覺唔錯, 起碼導遊會用英文同普通話講解, 容易明白好多. 一日裡面去左成4-5個景點, 收費大約係2百幾蚊港澳, 都ok.

   鐘意大自然 or 影相既人去到濟洲應該都會好開心, 因為周圍都係花草樹木同自然既景, 真係睇極都唔厭, 絕對係一個休息同叉電既好地方!!

Day 4

   第四日沒有什麼行程, 在首爾酒店check out後, 坐地鐵去"金蒲"機場轉機去濟洲, 真係好快就到, 由金蒲去濟洲機場唔使一個鐘, 怪不得韓國人咁鐘意去濟洲玩, 因為真係好方便!!

   落機就有旅社既人接機同送我去旅社, 揀住旅社唔止係因為平, 仲因為主唔想住得咁部市區, let's go jeju呢間旅日係濟洲好出名(http://www.letsgojeju.com), 好易搵, 同埋佢地仲有攪埋day tour, 超方便, 出出市區坐巴士大約30mins. 到左之後check in埋, 接我機個位小姐好好, 介紹左附近既環境俾我知, 我book左第二日既day tour之後, 整理下d行李就周圍行下, 周圍都好靜同好多花草樹木, 同埋估唔到呢個月份, 一早一晚都好涼, 大約十度左右, 不過到左中午最熱都有廿度. 晚餐去左附近唯一既餐廳食, 語言溝通係韓國真係唔係咁易, 不過加多少少手語指下手劃下腳, 都總算叫到d野食下, 好采!! 我叫左個豆腐海解鍋, 有少少辣, 不過都食得出d海鮮好新鮮, 所以有d海水味同唔會有腥味, 正呀!! 食飽飽就返屋企休息同竹計劃黎緊幾日既行程.

 

Day 1

   去韓國最開心就係可以玩得好盡, 坐凌晨機12點20分起飛, 到達仁川機場係當地時間5點未夠, 洗個面再換下錢就坐巴士去酒店, 7點幾放低d行李就可以開始玩, 超抵!! 不過7點幾除左便利店之外, 只有食店有開, 別無他選先食早餐, 一路食早餐一路睇書計劃行程都不錯. 睇過餐牌才發現, 原來韓國人早餐都會食飯同泡菜, 一早食辣野腸胃真係冇問題嗎?

   今次韓國之旅, 係我咁大個第一次自己一個人完成全個旅程, 想試下一個人既自助遊既感覺會係點, 同埋睇下自己可唔可以照顧自己, 選擇韓國係因為覺得治安比較好同埋睇韓劇個陣見d人好似善良咁, 應該都ok既!!

   去韓國既目的好多, 食...玩...買....就一定有份, 因為太多人叫我代買skin food同face shop既野, 韓國買係香港價錢既4-6折, 所以食早餐之後第一站就去skin food買野, 因為大部份護膚品店都係24小時營業, 勁呀!! 咁我一口氣買齊晒所有要買既野, 咁黎緊就可以玩我盡情d啦!!

   第一日主要係行酒店附近既商場, 因為實在太大同太多野行太多野買, 我行左4-5個鐘, 到下午2點幾帶住大包細包返酒店check in, 就上房大覺訓, 因為一個人住就book間唔係咁貴既酒店, 所以期望都唔敢太高, 不過間房都唔錯同好整潔, 以白色同淺木色為主, 仲有個小型廚房同餐具, 可以係度煮飯咁.  因為行得太倦, 休息左成3個鐘先回到氣, 到6點幾就出去商場附近食野, 第一晚我食左牛肉湯鍋飯.... yummy!! 有好多前菜, 有成6款, 好似冇因為得我一個人就少d咁, 服務員又有禮貌, 最好就係原來韓國既餐廳冇收10%服務費, 不過可能d高級d既有收我唔知, 嘩...加左咁多前茶, 又茶又水都冇收, 即刻覺得抵過hk好多呀!!

   食得飽飽之後就周圍行下, 睇下夜景, 其實因為今次韓國行我特意買左部單反去影相, 不過因為怕重而冇帶腳架就有d後悔, 我既手比較易震, 點都好下次一定一定要帶腳架影夜景先得!! 最後去左便利店, 買左d零食就返酒店一路食...一路做facial同一路睇電視!!


Day 2

   第二日早上約左個韓國既朋友帶我返教會, 午餐帶左我去一間好地道既韓國餐廳食自助餐, 我見黎既人都係本地人, 好少遊客黎, 好平好抵食, 每人都係4000won, 即係港幣唔到$30, 雖然款式唔多, 湯有2款, 飯有2款, 泡菜有4-5款, 其他熱食又4-5款, 不過每樣都不錯, 用$30就食到可以話係抵添呀!!

   食完之後我同朋友就分開左, 朋友有事要先走, 我就去行明洞!! 明洞真係要去, 不過唔好太早去, 路邊既店一早就開左, 我大約4點幾去到, 路上既攤檔才開緊, 唔好心急買野, 睇多一兩間比較下, 因為我見到有d一樣既野, 不過價錢爭幾倍!! 周圍都有d叫"1000won"既店, 即係全間店既野每樣都係1000won, 即係港幣$7到, 多數都係飾物, 手信自用都一流!!

   明洞有街行有野買, 仲有好多路邊小食, 我就係因為一路行一路食, 路邊小食就係我既晚餐, 仲有長長既雪糕都要食呀, 好好味就唔講得, 不過都幾滑既, 藉得一試!!


Day 3

   呢日係係首爾既最後一日, 之後去濟洲, 一早起身就去南山坐纜車去山頂, 如果鐘意行山又有時間都可以行多陣, 風景唔錯, 不過架纜車就細d, 有d逼, 不過好采好快就到. 落車之後可以行下公園, 圭或者上個最高既塔睇下風景, 我就揀左係附近行下, 賣手信鋪頭有好多鎖頭賣, 不過都係冇鎖匙, 原來有個地方就係專俾人掛d寫左心願同人名既鎖頭, 掛到密密麻麻, 寫滿晒字, 唔知係唔係真係咁靈既呢!!

   離開南山之後就坐車再去明洞, 因為有好多餐廳未試過, 不過原來好多餐廳都冇得叫一人份量既食物, 即使係麵都最少係2人份量, 所以最後我都叫左個2人餐, 辣椒蒸雞粉絲鍋同鍋巴飯, 照舊都係有4-6款既前菜, 好味, 不過都食剩左d.

   越行就壞發現好多衫...褲...鞋同飾物款都係香港見過, 不過假錢就比係香港平三份一至一半,總之就滿載而歸啦.