李維斯
我是李維斯。
留言  留言給此旅遊家
  遊記數目 3
  上載相片 17
  上載影片 0
最近分享過的旅程
瀛遊東京七日之旅 (富士山+東京)
國家/地點: 日本
旅程日期: 2015-08-25 至 2015-08-31
瀛遊東京七日之旅 (富士山+東京) (日本)
(旅程日期: 2015-08-25 至 2015-08-31 ,  旅程性質: 消閒度假)
 整個旅程  (共3篇遊記)
 分享至Facebook 
發表日期: 2015-09-06
凌晨起身繼續登上富士山頂, 迎接日出, 然後花三小時落山, 再坐車回到河口湖~
征服富士山2 笑臉2015-09-06
眾位登山客都在凌晨兩三點準備登頂
眾位登山客都在凌晨兩三點準備登頂
四點左右天開始光
四點左右天開始光
天漸漸亮起來了
天漸漸亮起來了
望到太陽邊了
望到太陽邊了
太大霧影響了拍攝
太大霧影響了拍攝
霧漸漸退去
霧漸漸退去
終於望到清淅的日出
終於望到清淅的日出
愈來愈光了
愈來愈光了

凌晨兩三點起身,已經聽到同見到好多其他登山者都起左身準備攻頂。出到山屋抬頭一望見到滿天繁星,淨係呢個景已經值回票價。同時望落去,見到點點星光郁動,其實係無數既登山者帶住頭燈上緊山頂。所以我地都迫不及待,趕住上山,可惜登山人數太多,途中經常出現擠塞。夜晚無咩光行山係比較困難,好在我地係住最高既山屋,所以呢段路程唔會好長,建議想登頂既朋友可以住較高既山屋,日頭行山比夜晚行好。行到四點幾,天已經開始光,視野比較清楚。去到五點幾已經接近日山,由於朋友話怕山頂多人,亦唔想一路行一路留意日出左未,所以我地搵左個地方停留,迎接日出既來臨。等等下突然聽到山頂有人大嗌,嚇死唔知咩事,望下前面,原來開始日出!見到雲邊有少少太陽邊露出黎,我地即刻拎手機開始不停咁影。可惜不時山頂有薄霧飄落黎,遮擋住視線,所以要影到靚既相好睇時機。但好好彩,最尾都影到滿意既相,不過筆者覺得肉眼先係最好既相機,身在富士山親眼望日出係好感動既事。

 

睇完日出上到山頂,上面可以買下紀念品同野飲補充體力。講真呢到冇咩野行,只係難得上到黎,值得留多一陣欣賞下風景。由呢到仲可以沿路去到富士山最頂既劍峰,應該需時半個鐘至一小時,不過筆者就冇行到,有興趣既朋友可以去搜尋一下富士山劍峰。

 

之後就開始落山,坦白講筆者覺得落山比上山難幾多,而且因為同另一條登山徑重疊左所以會有分忿路,要注意指示牌唔好行錯方向,另外落山冇咩風景睇,趣味大大減低。落山既路基本上就係十幾廿個Z形既路,一來比較悶,二來因為落山既路又斜又多碎石,所以好易冼倒,而對腳因為經常要出力固定喺地面既位置,大小腿肌肉會開始痠痛,並可能係因為之前行山累積既疲勞。幾經辛苦終於落到山,可以行到平路,負擔減少得多,最後大概用左三個多小時落山,到達五目合。去到即刻搵餐廳醫肚,之後去行商店買手信,結束今次既登山之旅。

評分: 值得去5  
  0 個留言    |  加入你的留言
此遊記的留言
加入留言
如要加入留言, 請先登入