sharon59
我是sharon59。 我最喜愛到台灣,泰國旅遊 , 最鍾意遊覽主要地標,城市風貌, 住宿通常會揀3星酒店,民宿。
留言  留言給此旅遊家
  遊記數目 18
  上載相片 283
  上載影片 0
最近分享過的旅程
清邁+曼谷淡季遊
國家/地點: 泰國
旅程日期: 2016-01-09 至 2016-01-16
熱辣辣台北花蓮宜蘭七天遊
國家/地點: 台灣
旅程日期: 2015-06-07 至 2015-06-13
淡季閒遊曼谷2012
國家/地點: 泰國
旅程日期: 2012-03-29 至 2012-04-02
台北自由遊
國家/地點: 台灣
旅程日期: 2010-10-28 至 2010-10-31
熱辣辣台北花蓮宜蘭七天遊 (台灣)
(旅程日期: 2015-06-07 至 2015-06-13 ,  旅程性質: 消閒度假)
 整個旅程  (共7篇遊記)
 分享至Facebook 
發表日期: 2015-08-30
台北市以前來已逛了行多遍, 所以今次嚟台灣就去下台北市以外的新竹, 以及新竹近郊的內灣, 合興車站等,要搭小火車支線, 所以行程及車程要夾到好準, 先唔會浪費時間响等車搭車上. 
新竹內灣線
新竹內灣線
一日票任搭
一日票任搭
合興車站
合興車站
Lemongrass & Rose 雪糕
Lemongrass & Rose 雪糕
是日車程係參考某台灣人的BLOG的, 因為由台北坐火車往新竹的車程較耐, 而且又要夾內灣線(車次約每小時一班), 所以就先搭高鐵至新竹(網上訂飛仲有早鳥優惠呢~), 高鐵站行去內灣線六家站(就响隔離), 搭內灣線至竹中再轉車遊內灣線, 車程如下:

9:00 – 9:31  台北高鐵à新竹高鐵

9:47 – 9:52  內灣線六家站至竹中站

10:10 – 10:43  竹中站至合興車站

11:43 – 11:52 合興車站至內灣站

(Ref.: 台灣鐵路網: http://twtraffic.tra.gov.tw/twrail/)

來到合興, 一落車就要開始拍照, 因為呢個站被打造成一個'愛情車站' (有關故事可以在網上找), 到處都是浪漫的拍攝點, 所以嚟呢度我影得最多相.  不過地方唔大, 遊一個鐘就夠, 天氣熱, 車站有雪糕飲品, 一路食/飲一路等車~

參觀時段: 早上
其他消費: 雪糕NT50
評分: 值得去4  
懷舊小鄉 笑臉2015-08-30
內灣車站
內灣車站
內灣老街
內灣老街
來到這裡, 覺得呢度有啲似九份+十分, 當然這裡路比較宽, 遊人亦相對較少, 店舖都係售賣一啲台灣小食, 麻糬呀米酒之類, 我哋响老街逛咗一陣, 行到盡頭就係出名的景之一: 內灣吊橋
評分: 值得去3  
古老吊橋 笑臉2015-08-30
內灣吊橋
內灣吊橋
油羅溪
油羅溪
在老街逛咗一陣, 就嚟到內灣村東面的地標 - 內灣吊橋

吊橋橫跨的河叫'油羅溪', 雖然望落好破舊, 但行過完全冇搖的感覺 (如果有就刺激了)

行到橋的盡頭, 那邊一片荒涼, 本來打算掉頭就走, 但被我哋發現咗一張寫住'往河道'的紙牌, 我哋就依指示方向走, 結果真的走到'油羅溪'呢~ (後來覺得有點危險, 好彩當時天氣好)

玩咗一陣水就沿路回橋上, 到內灣老街食晏 
參觀時段: 下午
評分: 值得去4  
內灣戲院 - 人文客家菜
內灣戲院 - 人文客家菜
炒板條 + 客家油雞
炒板條 + 客家油雞
雖然招牌寫住係'內灣戲院', 但內裡已經修復, 而家係一間客家菜館

不過, 裡面依然會放映一啲舊日的電影, 而我當日播的就係一套叫'小丑與天鵝'的台灣電影

講番個午餐, 雖然餐廳咁有特色, 但菜式又唔算貴喎, 平均都係幾十至三百台幣左右, 兩個人點一個炒板條+客家油雞

炒皮條類似炒河, 裡面有啲菜絲&咸肉條, 唔會太油, ok; 客家油雞原來係凍食的, 皮脆肉滑, 好鮮味, 正!

呢度唔可以齋入嚟參觀的, 內灣食肆唔多, 嚟食個客家午餐, 又有得食又有戲睇又可以參觀, 一舉幾得呢
推介菜式: 客家油雞
每人消費: 約150新台幣 (午餐)
評分: 味道4   服務4   環境5   衛生4   抵食4
冇人...
冇人...
果茶
果茶
遊完內灣, 就搭番小火車再轉火車回新竹市了

首先要解決的是兌台幣的問題, 原以為可以到新竹市的銀行兌台幣再玩, 點知番到新竹先知呢度啲銀行收3點半, 雖然我哋一落車已經跑去銀行sssss, 但好多一係收咗工, 一係冇得兌....响嗰個無助的情況下, 原以為要打道回台北了, 上網係咁search, 發現原來台灣郵局(地址: 新竹市北區英明街10號)係可以兌台幣的, 而且收5點, 所以最終有台幣可以繼續玩~ (但要帶台證, 手續也需時)

攞到台幣就去下午茶嘞~ (雖然呢度可以刷卡的)

因為驚好似香港嗰間要排長龍, 所以先在網上(openrice新竹page)訂位, 不過可能因為係平日, 所以嚟到冇乜人

兩個人每日各點了一杯嘢飲+一份蜜糖吐司(名字已忘記, 不過menu有圖參考)

吐司烤得好香脆, 濃濃的蜜糖味, 加埋豐富的cream&雪糕, 減肥計劃又要暫停

果茶係列配吐司會比較好, 因為朋友點了咖啡就非常後悔, 唔係杯咖啡唔好味, 係加埋個吐司真係超級之飽....(攪到之後個要食米粉都食唔落).

以下午茶嚟講算貴了, 不過服務好, 個場又舒服又靚, 都抵番ge.

除甜品外, 呢度仲有意粉之類的主餐, 唔啱食(尤其係男士們)都可以嚟(陪人)試試





每人消費: 約400新台幣 (下午茶)
評分: 味道4   服務4   環境4   衛生4   抵食3
好多米粉 笑臉2015-08-30
夜市裡面
夜市裡面
好多大包米...粉
好多大包米...粉
外圍有好多特色小食
外圍有好多特色小食
食飽飽, 响大遠百貨(典型的日式百貨)逛了一圈, 就到附近周圍行吓

諗住再夜啲先去城隍廟夜市, 不過行咗一陣就到, 見商戶都開晒了, 所以就入去行吓

呢度最多的, 就係新竹最出名的 - 米粉

 
評分: 值得去4  
好味炒米粉 笑臉2015-08-30
冷氣開放
冷氣開放
炒米粉+貢丸湯
炒米粉+貢丸湯
嚟到點到要食番出名的新竹米粉啦~

一入去夜市, 遠遠就望到大大個紫色招牌 "阿城號", 就揀咗呢間試

由於之前嗰餐 (約半個鐘前)實在太飽, 所以兩個人只點了一個炒米粉+貢丸湯

炒米粉個賣相平平無奇, 但食落先知正嘢! 好爽口, 炒得唔會太油, 如果唔係太飽, 我一個人可以食兩碟; 貢丸就一般啦, 彈牙的, 個湯就好淡. 
推介菜式: 炒米粉
每人消費: 約50新台幣 (晚餐)
評分: 味道4   服務4   環境3   衛生3   抵食4
夜遊政府 ok喇2015-08-30
新竹市政府大樓
新竹市政府大樓
行完城隍廟夜市, 我哋就周圍閒逛, 行行吓就俾呢座建築物吸引

原本只在門外望下望下, 守門的警員話可以入內參觀, 只要保持安靜就可以了, 我哋就入去見識見識

大樓興建於日治時期, 西洋建築的風格保存至今, 有相當的建築藝術與歷史價值. 不過始終係政府機關的辦工室, 所以我哋都係安安靜靜咁行咗一陣, 影咗少少相就走了, 以免影響人哋做嘢(雖然當時已經晚上七點幾了).

 
參觀時段: 晚間
入場價錢: 每人0新台幣
其他消費: 0
評分: 值得去3  
勁歌熱舞 笑臉2015-08-30
新竹東門城
新竹東門城
遊完新竹市政府大樓, 我哋就沿住中正路走, 打算行去火車站回程了.

不過行到半路, 就被呢度的音樂聲和舞台燈光吸引住, 所以就停低睇下.

原來城門下係一個露天廣場, 當晚正舉行緊一個音樂舞蹈會, 好多年輕人响度跳舞唱歌, 好熱鬧~

能夠將古蹟融入城市中, 既係地標又為市民提供一個表演及發展藝術的地方, 真係值得借鏡一下. 

沿住中正路走到火車站, 就結束新竹一天之旅 
參觀時段: 晚間
入場價錢: 每人0新台幣
評分: 值得去3  
  0 個留言    |  加入你的留言
此遊記的留言
加入留言
如要加入留言, 請先登入