格斯肥牛牛
格斯肥牛牛
我是格斯肥牛牛。 我是一名醫護支援。 我最喜愛到日本，台灣，德國旅遊 ， 最鍾意遊覽自然景觀，歷史建築/遺跡，民俗風情，展覽館/博物館， 住宿通常會揀4星酒店，民宿。
留言  留言給此旅遊家
  遊記數目 2
  上載相片 24
  上載影片 0
最近分享過的旅程
德國遊記 @ 27-JUN to 15-JUL , 2013
國家/地點: 中國, 荷蘭, 德國
旅程日期: 2013-06-27 至 2013-07-15
   下一篇遊記 >
德國遊記 @ 27-JUN to 15-JUL , 2013 (中國, 荷蘭, 德國)
(旅程日期: 2013-06-27 至 2013-07-15 ,  旅程性質: 背包旅遊, 探訪親友, 消閒度假)
 整個旅程  (共2篇遊記)
 分享至Facebook 
遊記 : 第3日
發表日期: 2013-11-14
席根（SIEGEN) 之旅
Day 3  - 29-SEPT-2013
遊覽地點: Siegen, Deutschland
住宿: Wilnsdorf 的同事家中, 汽車即日來回
============================
之前長途機坐得很辛苦, 而且因為係夜晚到, 沒什麼看到德國的風景, (就只有滿是暗森氣氛的海格爾車站) , 還好的是我能夠直接住在道地的德國人的家中, 相信這經驗不是很多人會有, 而且也知道左好多當地德國人的生活和進餐習慣.

早上我在德國同事家中睡個飽之後, 吃了一個熱香餅就跟同事車出發去遊德國了. 這天去的地方是SIEGEN.

SIEGEN並不是著名旅遊地區, 可是都有小量旅遊景點 , 市中心還有幾個很大的商場 , 好SHOPPING的朋友應該會很開心.

係SIEGEN行完之後就坐車回同事家住了一晚, 間間單單的就過了德國遊的第一天..
欣賞席根風景好地方 笑臉2013-11-14
Oberes Schloss唔係一座大城堡, 不過, 佢既閘口都有特色
Oberes Schloss唔係一座大城堡, 不過, 佢既閘口都有特色
Oberes Schloss - 上城堡
Oberes Schloss - 上城堡
城堡既位置係一個小山上, 可以多角度看到SIEGEN市既全景
城堡既位置係一個小山上, 可以多角度看到SIEGEN市既全景
而城內公園有個好大既草地同步行徑, 係度散步很寫意的
而城內公園有個好大既草地同步行徑, 係度散步很寫意的
在城內公園回望城堡, 由於內裝進行中, 這次行程我們沒法進去參觀, 很可惜
在城內公園回望城堡, 由於內裝進行中, 這次行程我們沒法進去參觀, 很可惜
看完城堡沿路向下行, 市鎮中心都很有特色, 很多店舖可以去SHOPPING
看完城堡沿路向下行, 市鎮中心都很有特色, 很多店舖可以去SHOPPING
簡介:
=================================
席根城市不大, 並不是很出名的旅行地點, 可是也有很不錯的景點可以去遊玩. 離席根(SIEGEN)鐵路站很近的地方則有一座城堡 - Oberes Schloss , 中文意思則是上城堡的意思.

前往Oberes Schloss的路上行人街有很多小商店可以去參觀, Oberes Schloss的城堡公園可以挑望SIEGEN城鎮之風景 ,  而城堡中則有一個博物館可以去參觀. 如果有緣來到SIEGEN, 這裡是必去的地方. (請留意開放時間以免撲空)


參觀時段: 下午
入場價錢: 每人0港元
評分: 值得去4  
檢舉此評論
回到頁首
德國的西班牙餐廳 ok喇2013-11-14
巴 .....塞隆納?
巴 .....塞隆納?
位置其實很近siegen鐵路站, 其實, 在門外露天雅座係可以直接望到siegen鐵路站呢~
位置其實很近siegen鐵路站, 其實, 在門外露天雅座係可以直接望到siegen鐵路站呢~
Currywurst español - 紅咖哩同黃咖哩既雙色配搭, 很好味
Currywurst español - 紅咖哩同黃咖哩既雙色配搭, 很好味
條腸真係幾好食, 又大條, 只係聽個名唔知道佢真係德國腸, 定係西班牙腸呢~
條腸真係幾好食, 又大條, 只係聽個名唔知道佢真係德國腸, 定係西班牙腸呢~
另外我來一杯cocktail , 以rosemary作調味, 可是個人覺得並不突出
另外我來一杯cocktail , 以rosemary作調味, 可是個人覺得並不突出
內裝還滿不錯的, 可是很多人所以很嘈, 最後我們選在外吃
內裝還滿不錯的, 可是很多人所以很嘈, 最後我們選在外吃
簡介:
=================================
同德國同事行了很久, 肚子都餓了, 就來找好吃的東西, 她介紹了這店, 說是又平又抵食的好店.
店舖很大, 有露天雅坐和室內座位選擇
我未出發之前, 就講過我到德國之後一定要食德國香腸 (本肥牛超鐘意食腸) , 所以我就點都叫左個香腸既菜色.

個名Currywurst español睇落去似係西班牙香腸, 或者真啦, 始終我未食過, 唔理個腸係邊度出產, 好味就得~

香腸以中央作界線淋上了紅咖哩和黃咖哩 (最初我還以為是茄汁) , 上面灑了一些咖哩粉作裝飾和增加口感, 的確想像得到如果沒灑一些咖哩粉在賣相方面真的不好...

皮脆而腸內的肉就比較乾, 但是因為附上大量咖哩汁, 只要蘸上咖哩汁一起吃就剛剛好了, 味道很好! 好味!

附上既薯條和香港麥當勞的差不多味道, 只是可能沒下太多鹽, 比較淡, 只要蘸上附上的蛋黃醬來吃就好吃多了!

飲品方面我就點了一個ROSEMARY特色雞尾酒, 雖然見到整條ROSEMARY在杯中, 可是味道並不特出....有點失望呢.

這裡的菜雖然未至於我大讚的程度, 可是還滿好食的, 而且價錢不太貴而賣相有高級餐廳的感覺 , 來這裡食不會令你後悔.

P.S.: (我的香腸可能不太好看, 可是同行的我的女朋友的就看起來很高級了, 味道也很好, 只是沒吃太多也沒影相在這裡不介紹了)

每人消費: 約15歐元 (午餐)
評分: 味道3   服務3   環境4   衛生4   抵食3
檢舉此評論
回到頁首
夠料甜品, 好甜者至愛 笑臉2013-11-14
位置好, 加上味道一流, 所以很多人來幫襯, 時常都排長龍呢~
位置好, 加上味道一流, 所以很多人來幫襯, 時常都排長龍呢~
不同款式, 盛裝既甜品, 都只係eur 4.5 , 某程度都幾抵食x
不同款式, 盛裝既甜品, 都只係eur 4.5 , 某程度都幾抵食x
Super Eistüte - Erdbeer , 超級雜莓冰淇淋筒
Super Eistüte - Erdbeer , 超級雜莓冰淇淋筒
簡介:
=================================
德國人真係好好甜食,  本牛已經好食得濃食得甜, 不過每當德國同事來港做野, 食飯時既甜品真係甜到我都鄒眉頭....

話雖如此, 德國的甜食真的很高質素, 而且價錢實惠, 如很多去過德國玩既人所講, 在德國, 飲啤酒和食雪糕比飲水平宜, 本牛不太好啤酒, 所以就來食雪糕~~

dasnaschwerk係火車站附近既city galeria中, 主要賣朱古力, 雪糕等甜品的店舖, 以平常常見價錢便宜既雪糕球甜筒, 以至比較貴既特色雪糕都有賣. 今次德國同事請客, 我地就各人來左一個Super Eistüte - Erdbeer , 超級雜莓冰淇淋筒

相睇起來唔係好大杯, 不過實際上手之後就知道份量十足, 佢係要用匙來食的 , 雖然你也可以就這樣咬來吃, 可是會食得很辛苦呢.

筒的底層放了兩球冰凍的雪糕, 放了很多果仁在正中央提供了厚實爽脆既口感, 上面漂亮地放了一層厚厚的, 如雲一般口感的cream在上, 在cream之上放了很多雜莓和加上果醬 ,  最後在正中央放了一粒漂亮而看似高級的朱古力, 其份量和陣營間直可以以一等一來形容. 而且每一層不同的口感令我很回味!

如果大家好甜食, 又見到dasnaschwerk的店舖, 真的需要去一試哦! 很讚!
推介菜式: Super Eistüte - Erdbeer
每人消費: 約4.5歐元 (下午茶)
評分: 味道5   服務4   環境4   衛生4   抵食4
檢舉此評論
回到頁首
  0 個留言    |  加入你的留言
此遊記的留言
加入留言
如要加入留言, 請先登入
   下一篇遊記 >