今次都係就另一半去"陽光與海灘"~所以plan左個"雙島遊"
雖然我都鐘意"陽光與海灘"~但我真係好唔鐘意曬黑架(哈哈)
今次旅程要特輕便+想帶最少野出走~所以唔會帶電腦
加上旅行係要hea+食玩瞓~我地會爭取時間去享受假期^^
反正手機都上到網~主要都係update新聞+天氣+上fb
不過我地一日都上唔到半個鐘~唔會浪費時間去上網囉
今個旅程雖然超hea玩~但我覺得d時間都唔夠玩啊^^

3月3日(星期六..Day 1)~國泰航空..旺季先有直航去"浮羅交怡"
所以今次都要坐"馬航"轉機去~第一程由HK > KL(MH075..08:45)
買package時..機位已經預好~去到check in+寄行李手續好快呢
座位安排都好滿意~來回4轉機程都算坐得好前
而KL > LGK(MH1446..14:15)~仲比國際線坐前好多呢

3點多去到langkawi機場~有agent接我地返酒店
今次唔揀住resort~因為其實langkawi已經第3次去
今次只係當過境玩幾日~同埋我地主要係自駕遊+食
行程重點係另一個島~亦係我地今次旅程既主要目的地
今次揀住Kuah town既Bayview Hotel(deluxe seaview)

去到"Bayview Hotel"check in完..我地出發四圍閒逛
酒店位置真係好方便~Kuah夜市都係酒店前方
之後我地walk出去Kuah jetty point租車~反正唔係好遠
以我地既步速..半個多鐘去到
租完車..周圍遊下~之後..我地就去"Steamboat"食晚飯lu
依間上次都有去食~價錢平同埋鑊氣夠..食物整得好唔錯囉

食完飯返酒店泊好架車~再係附近閒逛
行完返房沖涼hea下~唔經唔覺已經11:30pm..要瞓覺啦