每年紅葉季節，會有一條臨時既巴士路線來往鳴子温泉、鳴子峽及中山平溫泉，其餘季節就要乘坐計程車了。由鳴子温泉往鳴子峽見晴台大約需要15分鐘，下車後立即看到令人期望既鳴子峽風光。比較可惜的是我們到來既時候已經過了紅葉最盛期，鳴子峽既紅葉已開始散落，否則整個景色會更加美麗，不過能夠親眼睇到鳴子峽壯麗既紅葉景色，已經很滿足了。

鳴子峽有條行人步道能直通谷底，沿路可欣賞峽谷美景，可惜年前因落石而關閉，有關方面於是新開另一條步道，叫做大深沢步道，供遊人健行加欣賞紅葉景色。

鳴子峽有條行人步道能直通谷底，沿路可欣賞峽谷美景，可惜年前因落石而關閉，有關方面於是新開另一條步道，叫做大深沢步道，供遊人健行加欣賞紅葉景色。

大深沢步道全長大約一公里多d，有少許斜路及樓梯，不過都容易行走及很舒服。雖然冇鳴子峽既壯麗風景，但沿途既紅葉及山景已經美不勝收。

沿大深沢步道繞了一個圈，會返回鳴子峽見晴台，附近有攤販售賣食物，滿足一下口腹之慾又順便休息一會。

休息後繼續行程，沿鳴子峽遊步道遊覽。鳴子峽遊步道由見晴台(中山平口)開始，沿谷底河流一直連接到鳴子口，可惜近見晴台的一段因落石已經封閉多年，冇辦法欣賞到步道最美既一段。

今次會漫步鳴子峽遊步道既後半段，由見晴台沿馬路行至花渕山口，行樓梯落至谷底就可到達鳴子峽遊步道。谷底步道由長生橋開始，可看到不老瀑布及大谷觀音，沿溪流步行，鳴子峽谷景色都不錯，峽谷尚有紅葉處處，配合谷中流水聲，感覺舒適。

步行至鳴子口，可以乘搭巴士返回鳴子温泉。

飯後趕往酒店取回行李，乘坐高速巴士返回繁華既大都市—仙台。點解搭高速巴士?因為當天冇使用JR pass，而且高速巴士比較平，又不用轉車，免除搬行李上落之苦。

到達仙台，從大自然返回大都市，仿如隔世。高速巴士終點設於仙台站附近，就近今晚入住既酒店，先到酒店check-in及放底行李，休息一會再出動。

距離晚飯仲有幾小時，係自由活動時間(不要忘記我們是一行八人)，來到仙台，團友們當然要行街shopping，我對行街冇咩興趣，當然另有節目。

我對行街冇咩興趣，當然另有節目，就是獨自一人夜闖松島。

和團友們約好等候時間及地點，各自分頭行動，我獨自跳上往石卷方向既列車，往松島出發。日間既松島大家可能遊覽過，晚上既松島有咩睇? 等我帶大家去闖一闖。

紅葉季節，松島附近都會舉辦點燈活動，瑞嚴寺、圓通院、觀瀾亭等地都會亮燈，漂亮與否，真是各花入各眼。

出了松島海岸站，往碼頭方向行，路旁點有火把，表示紅葉夜間點燈活動正在展開，很有氣氛。

行往觀瀾亭，遊人稀少，園內既樹用慘綠色既射燈照著，氣氛詭異。

五大堂大家可能去過，綠色既五大堂各位見過未? 日本人既藝術眼光真特別。

行往瑞嚴寺，門口掛著白燈籠，內裡漆黑一片，只有行人路兩旁點有白蠟燭，真係大吉利是，唔通係萬聖節之夜? 不過我就覺得很有氣氛啊。

杉樹林兩旁漆黑一片，連遊人既容貌都看不清，只靠兩旁既燭光照著。

右側既洞穴群，放置的觀音像用綠燈照射，究竟搞咩鬼?

走到隔壁既圓通院，內裡正進行夜間紅葉點燈活動，入場費500yen，值得。

圓通院內紅葉正盛，配合燈光效果，顯得紅葉更加鮮艷。

返回仙台，和團友會合後，去食晚飯。來到仙台，一定要食仙台名物—牛舌料理。見大家一臉倦容，惟有簡簡單單，去仙台站裡面既牛舌通，上次食過伊達，今次試下利久，兩間味道都不相伯仲。牛舌味道濃郁，充滿口感。