呢次去台灣真係勁平, 4日3夜連機票(長榮)連稅先係$2500..所以我估呢間酒店其實係超低價嘅!

check in嘅時候,第1個印象係呢間商務酒店lobby好細, 做野好混亂...堆左1堆人喺reception唔知想點!

之後入到房, 估唔到間房都幾大幾長, 有張長檯比你上網 (好似以前library果d), 另外shower同toilet係分開嘅, 呢樣我覺得幾好! p.s.張床仲好舒服添...舒服到我屋企人走嘅時候買左2個酒店枕頭返屋企!

唔好嘅係間酒店表面好乾淨, 但係個冷氣出風口舖晒好厚嘅塵...我已經係大近視, 但係我每晚訓覺望住個天花板都望到d塵...唔知點解而家d商務酒店好多都係咁, 得個殼! 比人見到嘅地方先會乾淨, 覺得人地見唔到嘅就求其!

所以如果再去台灣 , 我應該唔會住呢度!

呢間飯店係台灣人帶我地去架...
一入到去見到staff多過客已經知好味極有限... 好似得3,4張檯有人!

我諗係得我地先會喺台北食福州菜囉...

叫左唔係好多野, 因為要留肚食街邊野...d野食嘅賣相嚇死人呀..好似屋企煮飯咁...又唔靚啦...味道亦都10個唔得...

我覺得呢間野真係1次都嫌多!

我唔記得食左幾多$, 不過我記得都唔係特別平架, 好似係1般酒樓價!

本來冇打算去陽明山, 不過行街果陣無啦啦有個馬來西亞人走黎話啲花好靚，又話成個花海咁，叫我地去睇下。。
於是我地第2日就山長水遠坐完捷運仲要坐巴士咁去睇花...去之前我expect d花係好似日本咁...成個山頭都係...
結果真係失望到暈, d花大部份都係一盆盆...極其量只可以叫做1堆花盆堆埋一齊...
個山度係有少少花, 不過望埋去都係普通翠綠的樹多d囉...

唯一嘅得著係喺山頭飲左杯即磨咖啡, 味道ok啦..好過冇咁啦!