琴晚寫左張便條俾host mum同佢講成件事唔係咁
不過佢都唔會點信架喇
不過都有寫番話我地中意食佢d pasta,waffles呀個d
希望唔好再有d恐怖菜式
今朝就有waffles la
食食下個host mum走出黎講左好耐..
話多謝張紙又XXXXXXXX{都係講番個d野}
跟住有句好正{Here is my family, we smoke!

d煙味攻上二樓真係好爽!!!!!!!!!!!

 

返完學
個leader懶關心我地問我地呢排點
咁就講番所遇到既事出黎
跟住leader話:{ 可能我同佢有d communication mistake啦
我同左EF講話你地想轉family
咁我就以佢食煙+share雙人床做point
可能個邊get錯我意思啦
{之後佢就係咁叫我地試下相處耐d再睇下點先..
而個host mum轉番投訴話我地有問題e.g. 唔執床- -}
佢鋪到好似酒店咁我地點跟- -??所以我地平時就咁鋪番直張被
估唔到俾人話番轉頭
好無奈share雙人床呢個point好得! 完全有被人屈既感覺}

晚餐有garlic bread同carbonara食
garlic bread正常啦
意粉ok,d肉係豬柳條不是火腿來的
唔太肥幾好[終於有肉食喇!]
個白汁冇乜味, 大部份味道來自洋蔥~
有寬條麵食已經好高興><

放低心情{雖然嬲到想死}
又去行山….
由點幾行到四點幾冇停過
加上落雨d泥好濕滑, 有幾次差d跣低
搞到成褲同對鞋都係泥
不過有意外收獲
有一隻黑白色既馬企係度俾我地影相
之後成群馬走過黎
好壯觀d馬唔太大隻但好靚
玩左好耐之後行條冇咁斜既路落山
跟住又返屋企

如果中意行山既人黎呢度真係唔錯既
不過電話會收唔到請小心



晚飯之後去睇戲, 睇Shrek{不是3D}
d廣告比香港多好多
睇睇下廣告訓埋……
打開眼就到左結尾
其實飯後活動多數仲會問朋友{有個比較好既family}今晚食咩
通常越問越傷心……..