T&K (曼谷, China Town)

上次去泰國見黃色閃閃本旅遊書有介紹就去試下，因為上次去得兩個人食唔到幾多野今次大叫特叫！
鋪頭一啲都唔難搵，因為真係勁多人食，好多都識講或識聽廣東話。
講返上次先。上次係2011六月去既。

好啦隔左幾幾個月，2012年二月再去過。
今次四個人去，可以叫多啲野食。呢次再等位，企係出面真係勁熱，因為又有人燒野又多人又多車。
等左幾個字就有位，但竟然唔係坐上面，而係坐中！
環境非常之唔好，係一個似角樓位，企都唔可以企高個人，要鳴低身先行到，隔尼部冷氣係勁污糟勁多黑色野。

個飛天炒通菜真係勁辣！不過辣得好正，好味！
個爐魚都好正，啲汁酸尾尾，有好多蔥同言茜係面，而條魚個肚係塞左啲大蔥入去整走啲腥味！
好味過香港九龍城啲泰國餐廳好好好好多！之後成條魚清哂！

生蝦ok la唔太差唔太好食，如果要食去到泰國大把餐廳都好食過佢。
炒硯普通啦，無通菜咁辣。
登登登登！
最好味既最後登場！就係蟹奄列！
煎得岩岩好，勁香蛋味，食食下會食到蟹既鮮味。
咬落去脆脆地，中間小小淋，送飯一流！加埋個醬汁，酸酸地超夾！
如果有埋美極就好喇！超級推薦大家食呢個蛋！

總括黎講，如果行開唐人街又咁岩經過既話可以一試。



 

又夠鐘Happy Hour！原來China Town唔興Happy Hour亦無酒吧，只有酒樓食店。早點食晚飯吧！去了T&K Seafood Restaurant（後來至知原來幾多香港人去食飯）。
坐在室內，有冷氣，小小迫。看似老闆娘的女仕招呼我們坐下。我們點了啤酒後想了好一會才落單，又改變主意兩次，她也笑住說ok！叫了燒蟹和燒蝦。兩樣都新鮮，但燒蟹好貴呀！成一百蚊港紙一隻，得6～7両，兩啖就食完！有D唔值wor！燒蝦無特別。見隔離檯的香港夫婦叫了抄菜，青咖喱等泰菜，口中也說著唔係特別好味。而且這裡是純遊客區，食野都唔平啊！
跟識食的香港人說這裡主打海鮮?!.....行唔通wor