伍角船板 (台北, 中正區)

一落機, 即刻去飯店放低行李, 馬不停蹄咁去左伍角船板；之前去過台中果間，好特別，又知道台北又有一間，決定再去見識見識；其實，又因為去過台中果間，發現佢每間都唔同，有裝修，又好食既地方，價錢又相宜；實在係無幾多間囉！

同朋友揀左NT1200果個餐2份食：

烏子律鮮鮑角：烏子有d鹹，同埋ｄ蔥一齊食，又幾好食
威士忌釀生干貝：即係帶子，廚師略煎帶子，但咬落去都好多汁，就算唔“點”汁食，都一樣咁好食！
上湯焗明蝦：超新鮮
清蒸海上鮮：一食落口就知新鮮，連埋豆腐一齊食，唔錯；不過個上湯底就鹹左D！
松阪豬：軟棉棉既感覺，好食
櫻花蝦炒飯：同台中果間一樣咁好食，同埋櫻花蝦既配搭好MATCH
上湯雞燉翅：超抵食，好鮮甜既上湯加埋魚翅，成個餐都HK300，抵！
鮮奶泥：總覺得比起台中差DD；可能係佢地一早連同飲品一齊上，我又放到最尾先至食，味道真係差D囉～～
芒果奶凍：比係香港飲既飲品好好多啦
水果拼：砌成一個女人樣，好有心思！


要留意一點係：每個人都有最低消費NT120；就算唔食嘢，叫杯飲野就可以解決左；不過佢地既套餐真係又平又抵，計埋小費都係NT1320，都係HK330；個餐都仲可以同人SHARE添！

一到步見到這餐廳已經比佢外貌吸引了
本來估佢都幾貴下，一睇個原來唔貴的，
如果個裝修加食物味道黎講，就真係好鬼平

"羊丁骨佐花香醬"<--十分香同味道很重的羊丁骨
"招牌三杯雞"      <--這個係我同女朋友都說(咁大個人第一次食到咁好味的三杯雞)
"鮮奶泥"            <--很重奶味的甜品，味道很特別