領隊一嚟到聖彼得堡就宣佈咗全程嘅中餐，都係幫襯唐人酒樓名區分店，領隊聲稱呢間中菜館係內地女士開的，但不接待國內團，只接待本地客及香港團，俄羅斯中菜館唔多，之前嘅團隊試過好多間，都被投訴難食，綜合各方意見，呢間算係叫做OK喎，咁即係叫我哋將就下，唔好嫌三嫌四囉。

喺外國嘅中菜款式乏善可陳，都係...

當我開始懷疑俄羅斯係咪真係有羅宋湯嘅時候，今日終於品嚐到俄羅斯的羅宋湯，湯味濃郁，勁多雜菜，好足料，味道和香港做的也很相近，不同嘅係湯底竟然係用豬肉而唔係牛肉；薯仔沙律加咗Packel，酸酸地，幾特別；主菜係俄國餃子，賣相跟北京水餃沒兩樣，外皮較滑同煙韌，唔黐牙，質感似意大利寬條麵，至於餡料帶點騷騷地...

昨天試過窩可（Volkhov）嘅午餐和晚餐，如今試早餐，窩可（Volkhov）嘅自助早餐好green，沙律和漬物較多，除咗漢堡牛肝扒係煎嘅外（都係凍嘅），幾乎全部都係烚嘅同cold cut，今朝冇煎蛋食，有點茫然若有所失嘅感覺。

連續吃了多餐薯仔沙律，真有點納悶，看到餐桌上的雜菜沙律，終於可轉轉新口味，真感動﹗其餘的，乏善可陳。

Settle down後，又到午餐時間，經過三小時車程，早上完全冇活動過，早餐仲未落隔，好彩今次嘅薯仔沙律加咗雜果，食落冇咁滯，餐湯好有中湯feel；仲加咗貌似759有得賣嘅刀削麵，份量十足，飲完個湯，已經飽咗八九成，主菜只能試試味，真係好浪費。

睇完民族歌舞表演，領隊帶我哋過去尼古拉二世皇宮宴會廳享用皇宮晚宴，入到去已經 set 好枱，格局好似豪華婚宴專門店，大概十零圍枱，係「圍」，因為用圓枱，而且擺得都幾密，有好多香港團，好虛撼，好似去飲咁；唔同嘅係 service 我哋嘅 waiter 同 waitress 作古代西方宮廷內侍臣打扮，席間還有鋼琴師演奏。

頭盤紅...

喺隱士蘆博物館附近食午餐，餐廳內部唔係好大，且擠滿了遊行團，侍應們捧著餐，行動迅速的在你背後穿梭，但他們又不會產生碰撞；當你享用完一度菜，放下刀叉，侍應立刻替你收碟，你還來不及反應，而另一位侍應在你另一邊放下第二度菜，上餐速度之快，同澳牛有得fright。

豬仔包﹗今餐終於見到久違了的豬仔包，真感動﹗出國旅行係要嘗試不同飲食文化，遇見孰識的東西，總是產生莫名的興奮和親切感，呢尐係咪叫做家鄉情意結呢。

主菜係魚柳飯，賣相好有茶記feel，白飯就不敢恭維，味道好淡重帶有一絲心硬，西方人煮嘅飯真係食唔慣。

呢間酒店嘅早餐選擇比Radisson少，冇即煎雞蛋，有點失望，雞蛋煎定，仲係煎定擺咗好耐嗰種，完全塑化晒，食落好膠，好似假蛋咁，除此之外，其他食物都不過不失，餐廳環境開揚寬敞，坐得好舒服。