昨天試過窩可（Volkhov）嘅午餐和晚餐，如今試早餐，窩可（Volkhov）嘅自助早餐好green，沙律和漬物較多，除咗漢堡牛肝扒係煎嘅外（都係凍嘅），幾乎全部都係烚嘅同cold cut，今朝冇煎蛋食，有點茫然若有所失嘅感覺。

連續吃了多餐薯仔沙律，真有點納悶，看到餐桌上的雜菜沙律，終於可轉轉新口味，真感動﹗其餘的，乏善可陳。

Settle down後，又到午餐時間，經過三小時車程，早上完全冇活動過，早餐仲未落隔，好彩今次嘅薯仔沙律加咗雜果，食落冇咁滯，餐湯好有中湯feel；仲加咗貌似759有得賣嘅刀削麵，份量十足，飲完個湯，已經飽咗八九成，主菜只能試試味，真係好浪費。

呢間酒店嘅早餐選擇比Radisson少，冇即煎雞蛋，有點失望，雞蛋煎定，仲係煎定擺咗好耐嗰種，完全塑化晒，食落好膠，好似假蛋咁，除此之外，其他食物都不過不失，餐廳環境開揚寬敞，坐得好舒服。