行程 :  紅葉館 ~ 米澤牛

我哋喺紅葉館食完個超正早餐後, 再出去玩咗一陣雪我哋就開始起程啦, 未去藏王之前, 我哋要去一嚐米澤牛 講到噤出名, 攪到維妮唔食牛都好想去試一試!　

越接近山形縣，周圍啲雪就越嚟越多，啲雪境就越嚟越靚，睇到我哋四個嘩嘩聲靚到我哋話要搵個地方落車影相，終於搵到個位停車啦，但其實我哋落車嗰度都唔係最靚，但都夠我哋玩啦，一落車我哋就衝埋啲雪到啦，啲雪真係好厚呀，噤嘅環境等我哋齊齊拍番個羽絨廣告先啦！雖然個境唔係最靚，但我哋喺呢度就玩得好開心呀！

 玩完一大輪，我哋又起程啦，沿途我哋都係繼續嘩聲四起!  啲雪境真係好似童話噤靚呀！

日期 : 17/02/2008 (Day 2)    
 

行程 :  那須高原中途站 ~ 紅葉館

紅葉館位於盤梯熱海, 去到盤梯熱海都已經係6點幾啦. 個天已經黑, 根據GPS話我哋已經到咗啦喎 ! 但點解見唔到紅葉館嘅? 只係有個牌寫住紅葉館駐車場, 但紅葉館呢? 當時天又黑, 又係雪地, 啲路又窄, 又搵唔到間酒店, 點算呢 ?我哋再睇下個地圖, 發覺我哋係真係到咗喎, 不過係後門囉! 噤點去前門呀? 無車路行架喎? 噤我哋咪唯有又去番頭先嗰個駐車場泊低咗架車先算啦! 點知我哋泊低咗架車後, 就有人行出嚟啦, 當時真係唔知佢喺邊到彈出嚟架! 原來個駐車場側邊有個門仔係可以通去紅葉館架, 好彩佢哋有人出嚟接我哋咋, 如果唔係我哋就真係會做傻仔拎住晒啲行李兜個大圈去番前門啦! 

其實喺book酒店嘅時候, 維妮覺得最唔得係紅葉館 因為佢個web site影啲相真係唔係好得架, 成日都話睇web site都噤差啦, 真正咪仲衰! 但原來維妮呢個觀念係錯架 雖然紅葉館唔係大, 又唔係話好靚, 但佢就有一種好親切, 好warm嘅感覺, 有種民宿feel, 但就乾淨過啲民宿好多啦! 佢哋仲好有心思送咗啲鎖匙扣比我哋tim呀!   今晚我哋無book到一泊兩食, 因為一來上網見啲餐唔係好得, 再加上唔知邊個話紅葉館出面係溫泉街, 應該有好多嘢食嘅呢~
點知我哋行到出去, 人影都無隻 只係見到一兩間食そば嘅, 而有一間係食壽司, 但我哋又唔係好敢入去喎, 驚貴呀庥, 正諗緊食咩好時, 有位亞叔行埋嚟問我哋係咪住紅葉館, 傾咗兩句, 發現原來佢係紅葉館嘅社長嚟架, 噤正好問佢邊到有嘢食啦, 佢都係指下嗰幾間そば, 維妮又問嗰間食壽司貴唔貴架? 社長話好貴架, 真係好彩無入去咋, 最後我哋決定都係返紅葉館食, 你哋話係咪自己攞嚟衰呀!一早book埋一泊二食咪好囉!    

食完飯抖咗一陣我哋就去浸溫泉啦, 嚟東北浸溫泉就好似例行公事噤!  我哋呢兩位大少揀旅館時首要條件就係要個露天風呂夠"正"! 真係有少少頂佢哋唔順, 不過講真佢哋又真係完全無揀錯呀, 我哋喺東北所住嘅旅館嘅溫泉, 間間都 "正"到暈架!  紅葉館唔係大, 所以入住嘅人都少啲, 今晚我哋就包咗成個溫泉啦, 成個場就得維妮同車厘子, 感覺好寧靜呀! 點知喺噤寧靜嘅環境之下, 我哋竟然聽到有兩把男人聲, 我哋一聽就知係嗰兩隻大少啦, 原來男湯同女湯只係一板之隔咋, 佢哋仲衰到潑啲水過嚟, 好彩無人啫, 如果唔係真係失禮死呀!    

行程 :  士多啤梨園 ~古怪美術館 ~那須高原中途站

上回講到維妮要去入油, 去到油站, 真係雞同鴨講 完全唔知佢講咩, 維妮唯有不停噤話:{Gasoline, Full} 但個職員都係繼續不停噤唔知講咩, 擾攘一輪之後, 維妮相信佢係無我哋噤好氣, 決定放棄, 唔再問, 照同我哋入就算, 但過後維妮先知原來佢哋其實係問我哋入邊種油, 因為Gasoline都有分靚同唔靚, 之後我哋就知啦, 除咗要講:Gasolin, Full之外, 我哋都講埋Regular! 維妮要讚一讚日本油站啲職員呀, 佢哋啲service真係一流呀, 當你一入到去, 佢哋就會有成兩三個人同你抺車, 抺玻璃, 當你走時個個職員又90度躹躬送你走, 真係低讚呀! 

維妮揸咗成百km終於到咗 "古怪美術館" 啦, 真係有啲攰呀! 呢個美術館總共有三個展館, 而第二同第三個展館原來又要再揸車過去架! 其實呢個古怪美術館主要都係玩佢哋啲立體畫, 有啲真係好似架 其實維妮覺得都唔知係我哋去玩啲畫呀, 定係啲畫玩我哋呢? 佢教我哋擺啲post, 有啲真係高難度post嚟架, 有時一幅畫又要影幾張相先影到, 真係唔知邊個玩邊個呀!

玩完第一個, 我哋就再揸車過去第二個啦, 其實第二個都係噤上下, 都係玩啲立體畫, 呢個展館入面有一part畫咗隻好大嘅怪獸張開咗好大個口喺幅牆到, 而我哋就要穿過去先可以繼績行, 但維妮行到去見到有個男人抱住咗個小朋友企咗喺到唔行唔知做咩喎, 維妮正奇怪啦, 原來個小朋友驚唔敢穿過去, 最攪笑係個男人只要一踏入去, 個小朋友就即喊, 一行番出嚟就即刻收聲 噤個男人就係噤行前行後, 個小朋友就喺噤喊~ 收聲~ 最後要勞煩到啲職員帶佢哋由第二個通道行先攪掂! 個小朋友真低死呀! 去到第三個展館, 呢度主要都係睇畫, 不過就唔係立體畫, 而係要你睇下啲畫有啲咩噤最無嘢睇就係呢個展館啦, 係有啲無聊tim架! 

玩完三個展館後, 我哋都話好肚餓呀, 因為我哋好似仲未真正食過嘢噤, 原本諗住嚟到美術館應該會有嘢食, 但原來係無架, 無辦法啦, 唯有上車食我哋啲小食啦, 真係唔好話我哋買噤多小食呀, 佢哋好多時就係我哋呢個旅程嘅lunch嚟架 唔知點解我哋成日都無lunch食架! 篇行程嗰個快啲解釋呀! 無lunch食唯有繼續行程, 呢程維妮可以抖下啦, 因為呢程由丹尼斯做司機, 我哋直上今晚嘅酒店紅葉館! 

行highway真係好, 因為好多時都會有中途站, 比你去下toilet噤, 而日本嘅中途站維妮就最鍾意啦, 因為一定會有間便利店, 又有嘢食, 有啲仲有餐廳tim! 今次我哋就停咗呢個那須中途站, 因為我哋實在太肚餓啦,  嚟到呢度其實已經差唔多5點, 但我哋好似淨係勁食咗士多啤梨之外, 就無食過嘢啦, 唔肚餓就有鬼啦, 所以我哋決定喺呢度食啲嘢先, 其實我哋都唔敢食噤飽, 因為我哋好快就會到紅葉館, 到時又食啦! 

日期 :  17/02/2008 (Day 2)

行程 :  池袋~士多啤梨園 

一早喺房食完個超簡單早餐之後, 8:45出發 去返駐車場到攞車, 開始玩個全自助駐車埸 首先要禁咗個車位號碼先, 跟住部機就會自動計個銀碼出嚟, 嘩~5800yen? 當堂比個銀碼嚇咗一嘢, 但再諗吓, 我哋係尋晚泊到今朝呀, 足足泊咗十一個半鐘, 噤徐番開, 都係三十幾蚊一個鐘, 又好似啱喎 不過就算真係唔啱我哋都唔知去邊到搵人問啦, 呢個駐車埸連管理員都無個呀!  

上車set好個GPS後正式踏上我哋嘅日本東北之旅啦  第一站就係位於櫪木縣嘅士多啤梨園, 行咗134km終於到啦, 離遠已見到好熱鬧, 我哋都未停定就已經有個嬸嬸手指指噤叫我哋泊好架車啦! 士多啤梨園係1200yen無限時間任摘任食, 但唔可以拎走!  對於維妮噤鍾意食士多啤梨嚟講, 真係超正呀! 個嬸嬸帶我哋去到其中一個溫室, 個溫室真係好暖呀, 暖到係有啲熱呀!  一入到去我哋就急不及待噤係噤摘, 係噤食, 開頭真係覺得好似無咩士多啤梨噤架, 但我哋越摘越發覺其實係唔少架, 喺溫室入面來來去去都只係聽到我哋講: {嘩~睇吓幾大粒!}, {嘩~好甜呀!}, {嘩~呢粒個樣幾攪笑!}, {嘩~呢粒好靚呀!}, {嘩~點解粒粒都噤甜嘅!}維妮真係從未試過食士多啤梨食到噤滿足架 亦都未試過一次過食噤多呀, 食完我哋仲將啲頂一排排噤排晒喺溫室門口, 食到噤上下, 我哋真係食唔落啦, 但又唔捨得啲噤好味嘅士多啤梨喎, 呢個時候我哋開始密謀做士多啤梨賊, 唔係講笑, 我哋真係有賊仔袋, 哈哈~其實係機場派嗰啲密實袋嚟架, 噤啱我哋又攞咗無用過喎, 真係啱晒! 偷~ 偷~ 偷.... 但最後我哋發覺我哋搵咗個笨賊, 嗰個就係張生, 佢竟然無裝滿個密賓袋呀! 真係笨賊呀! 食完士多啤梨我哋就行咗過隔離, 嗰度好熱鬧, 又有好多旅遊車泊晒喺度!  之後我哋發現又有個士多啤梨園受付所?  其實一直維妮都有個疑問就係其實呢度係咪有兩間士多啤梨園呢?  而噤熱鬧嘅呢間就係我哋原本要去嘅嗰間? 不過其實都無咩所謂啦, 我哋都食過好正嘅士多啤梨啦!

食完士多啤梨我哋就繼續上路啦, 下一站就係, 古怪美術館! 呢一程係由維妮擔任司機一職! 唔怕話比大家知維妮已經唔記得咗有幾多年無揸車啦, 妳哋話驚唔驚, 唔好話你哋, 連維妮自己都驚驚地呀! 喺日本揸車真係有啲唔慣, 好似啲紅綠燈係喺頭頂, 轉左又要睇人, 不過呢樣都唔係大問題, 都可以好快習慣到, 但有一樣嘢係維妮嘅死穴. 就係比IC費呀, 仲要係無人要自己攞飛嘅IC呀, 維妮永遠都係唔敢攞埋啲, 攪到每次攞飛都要除安全帶, 又要開門先攞到張IC飛呀, 真係瘀爆呀 點解日本噤多嘢都係自助架!  再加上又驚左住後面啲人, 攪到都不知幾狼狽! 唉~ 個GPS都唔知係咪知道維妮好耐無揸車呢? 竟然老點維妮  我哋行錯路呀, 仲要上咗啲唔知咩IC, 只見行極都只係見到啲路牌~ 日光, 鬼怒川, 鬼怒川, 日光,  個GPS又無指示喎!  呀 ~ 究竟我哋去咗邊呀~~............經過咗大約十五分鐘嘅前路汒汒, GPS終於有番指示啦, 我哋終於可以繼續行程啦, 呢個時候領航員張生竟然要維妮去入油, GPS玩我啫, 連你都玩維妮 頭先行錯路, 維妮都係啱啱先定番神咋喎, 而且個油錶都仲有一半, 係咪玩嘢呀! 但維妮無得反對, 鬼叫佢係領航員, 維妮唯有遵照指示啦! 去到油站後.....

日期 : 16/02/2008 (Day 1) 
行程 : 香港 ~ 成田機場 ~ 池袋

今日我哋坐早上10點幾機去成田機場 但我哋差唔多9點先去到機場, 但Check in手續又好快喎, 可能因為我哋一早已經喺網上劃咗位啦, 下次都一定耍噤做! check完 in我哋仲有時間可以去Teminal 2食啲嘢! 食完嘢我哋就行去閘口lu, 其間丹尼斯唔知做咩, 張生同車厘子叫佢, 佢就越叫越走, 叫極都聽唔到!  好! 等維妮出馬:{三萬蚊!}ha~丹尼斯話都無噤快就擰個頭過嚟啦, ha~ha~ 呢"三萬蚊"嘅由來係因為佢話佢個背嚢值三萬蚊喎, "三萬蚊"係丹尼斯呢個旅程嘅其中一個花名(轆續有嚟呀!hee~)

差唔多日本時間下午4點到咗成田機場, 一去到成田機埸, 梗係即時搵日產租車間舗啦, 行吓行吓真係唔多覺有間舗頭喎, 但就見到有個細細counter仔貼咗好多租車公司招牌喺到, 其中一個就係日產啦, 唔理啦, 照隊啲文件比佢睇囉, 呀~佢又真係同我哋攪手續喎 真係無諗過原來一個噤細嘅counter仔可以做幾間租車公司噃! 等咗差唔多成三四個字先有個架仔(其實都係頭先同我哋攪手績嘅其中一個人)帶我哋去攞車, 去到見到架車, 幾靚仔吓噃, 跟手個架仔就比晒啲文件叫我哋簽名, 唔係化, 我哋都未睇清楚架車噃, 呢個時候張生梗係發揮佢平時工作嘅本色啦, Q車呀, 唔知係咪平時啲人係無Q車呢 定係因為我哋職業病呢, 當我哋手指指呢度嗰度時, 個架仔竟然陰陰咀笑喎, 之後我哋簽咗名啦, 佢就走啦! 喂~咪住 佢都未教我哋用GPS, 第一時間拉番佢轉頭, 最後佢都好用心教我哋, 即使佢啲英文係有限公司, 但其實佢教咗5分鐘都唔知有無, 但個GPS的而且確係好似好簡單噤嘅, 但其實我哋都比佢老點咗唔知幾多次呀! set 好資料就出發啦, 真係話都無噤快, 未出到機場範圍就已經行錯路啦, 原因係未習慣個GPS, 錯過咗個路口啦, GPS就係噤啦, 成日都唔知究竟係呢個路口轉呀, 定係下一個呢? 呢個問題喺成個行程經常發生! 好彩個GPS都好快教我哋再行過! 途中遇著塞車, 成7點先去到池袋, 終於我哋都去到間酒店, 但我哋唔係要去酒店先, 而係要搵car park泊車先......
因為之前我哋已經上網check過suncity後面應該有個露天駐車埸, 而且我哋一去到suncity都已經見到個駐車埸, 噤咪照泊啦, 但一入到去, 問題就出現啦, 點解無人嘅?  點攞飛呢?  點比$呀?  淨係見到有部機喺到, 但部機又無話要攞飛, 只係比$咋喎? 又見其他人個個都係泊咗架車就去走人, 噤佢點知我哋泊咗幾耐呀?  再去睇下個告示牌, 以維妮有限嘅日文去理解, 好似話咩泊咗三分鐘之後就會有啲唔知咩咩咩鎖住, 攞車時先攞飛噤, 噤我哋就等佢三分鐘..... 三分鐘後就見我哋個車位底有嘢彈上嚟鎖住架車啦, 嘩~嗰刻真係覺得好神奇呀! 哈哈~ 攪掂咗架車之後, 就那那臨去check in啦! 呢間suncity嗰個lobby真係"大"呀, "大"到我哋四個人加埋啲行李, 已經差唔多迫爆咗佢個lobby呀!  心諗個lobby都噤, 啲房都唔方好得去邊啦, 不過呢樣維妮都就有心理準備噃! 但入到房竟然有驚喜, 因為間房比想像中大呀, 有張茶機不特只, 仲有張雙人梳化tim! 真係比想像中好呀!  

我哋放低咗啲嘢之後, 就即刻出動搵嘢食, 因為我哋四個都勁~肚~餓~呀!  我哋一早plan咗諗住去一間叫"串家物語"到食自家燒串燒架, 但點知我哋搵咗成個鐘都揾唔到 再問下人啦, 終於搵到座大廈啦, 但搵暈都無呢間嘢嘅 我哋一至都認為應該係執咗! 喺又攰又肚餓嘅情況之下, 我哋白撞噤去咗一間叫り鮨大漁食迴轉壽司, 不過呢間迴轉壽司真係普通過普通呀, 所以我哋食咗幾碟, 決定行完街夜啲再揾拉麵食!

我哋去咗池袋最旺嗰幾條街行, 行行下見到有間食小丸子, 行埋去八吓啦, 嘩~唔係小丸子喎, 係大丸子呀! 唔係講笑, 真係大過維妮個拳頭呀, 梗係第一時間買嚟試下啦, 佢有成十種味道架, 但為咗安全起見, 我哋都係要番原味隱陣啲 , 味道同小丸子真係無咩分別, 但入面就多咗好多料, 最奇怪係竟然有半條腸仔喺入面呀! 320yen一個貪得意真係不防一試架, 但如果係食飽嘢去食, 維妮就建議大家同人share一個好啦, 因為我哋兩個人share一個都已經飽飽地呀!

再行咗一陣我哋就搵拉麵食啦, 左揀右揀最後揀去咗間叫"光麵", 我哋一人叫咗腕拉麵再加一碟餃子, 拉麵平平無奇, 餃子, 大板王將好食好多!      

嚟到日本, 藥房係女人最鍾意行嘅地方, 我哋就去咗一間好大嘅藥房到行, 有幾層, 除咗一般化妝品之外, 連小食都有, 喺呢間藥房到比維妮見到上次小虎妹去日本買比維妮嘅kose產品, 見到成set有body soap, powder sheet同powder spray, 成set有晒packing好靚都只係840yen, 但唔知點解維妮同車厘子諗咗好耐都唔知買好定唔買好 理論上840yen成set嘢送比人真係好得啦, 但可能我哋係啱啱到步, 又驚會買貴, 所以先諗噤耐, 最後我哋都只係一人買咗一盒, 買得噤少, 最後咪後悔囉! 因為之後我哋去到新宿淨係支body soap都要1050yen呀! 後悔! 後悔! 後悔! 之後我哋掃咗一堆小食, 張生就狂掃唧唧啫喱, 買埋聽朝早餐, 好! 一袋二袋返酒店lu!  準備聽朝一早向東北出發

很晚才回到酒店，執好野之後就睡了~點知大約睡了一個小時多~
突然震醒了~ 於是立刻起身~四圍望望~ 知道一定是地震了~不過，朋友叫我留在房~他到lobby看看什麼事~ 我再打開電視~ 都即刻知道宜蘭有地震~ 到了機場時~ 過關o既人講開原來係海震~ 冇人有事~ 好在!好在!!
估唔到,今次o既旅程~ 睇到好多得意野~仲送多一個震震比我地~ 哈哈~
於酒店吃過buffet breakfast後，回去執執野~我便到了淡水老街走了一躺~ 懷舊建築鄉土味!!淡水老街，尚有碩果僅存的古式雜貨店、布店、米店等，我和朋友只是到了淡水買了魚酥、蝦酥、鐵蛋等有名而出名的小吃，便要離開回到市政府區,去了誠品打書釘~ 真係唔夠時間慢慢睇~~ 急急地買了幾本便離開了~

離開墾丁了~ 真有點不依依不捨~ 回到昨天早上吃早餐~便到船帆石下影相~
便要離開墾丁，前往嘉義，再轉車到台北了~時間上安排都很好~到達台北，自己覺得有了方向感~哈哈~因為太容易了!我們的酒店在中正紀念堂與另一個站之中～我們選擇在中正落車~因為沿途可以到自由廣場走走~
正在做緊旅客時，另一個旅客走過來與我交談~很棒~雖然他是個胖胖男子~但他自己獨個兒四處走~他是個韓國人~學懂國語及廣東話!!!好犀利~~
到左酒店，因為近永康街~所以懶去再搭車，我們又行了!行行行～行左好多個站~之後買了點手信，朋友轉話去101~於是我們便乘搭公車到101~
101高508M，共101層的，繼杜拜後亞洲最高的大樓。我們只在101附近走走，並沒有上去~
再之後到了101附近ｏ食店吃晚餐～到了晚上再影101~
玩完一大輪，就去了師大夜市走走... ...
很多人~與之前ｏ既很不同~周圍多了很多廣東話... ... 人很忙~~節奏明顯快過前幾天很多!這就是城市了~

個天對我們真係好~ 昨晚前來時天氣麻麻地，不過，有得比我地睇到彩虹，陪住我地到墾丁~
一早吃過當地早餐之後便去玩沖浪遊戲~前往海灘晒豬腩肉~ 好玩~ 不過,好累~我仍可在烈日太陽下也睡著~ 這證明我有多累~~ 睡過後又在海上浮浮沈沈一番~ 玩了一整過上午~ 回到民宿沖涼又再出外玩~ 連食都唔得閒~ 出到外面租了單車~ 便出發到鵝鑾鼻!!!鵝鑾鼻燈塔為台灣美的代表，也是台灣八景之一。燈塔興建的原因是美國商船羅發號沉船事件，因此英美要求在此建塔導航，初建時經常遭受當地原住民侵擾，因此是世上少有之武裝燈塔。白天可以去鵝鸞鼻公園走走，晚上也可以來看看宏偉的燈塔。
過後，再走到了南點~ 故名思議就係全台灣最南一點~ 我們便在最南點~ 爬一番~~ 呵呵~~ 見高就爬~ d人見到我地都覺得好笑~
踩到晚上才知道我們還沒有吃過lunch~於是便要出番去墾丁大街到食野~ 於是用上我們o既極速,踩呀踩~ 踩去墾丁大街到食野~ 好好玩~ 仲要買埋一袋二袋咁踩番去船帆路~ 好開心o既一日~

0230便要爬起身~ 目的都只是一個: 睇阿里山日出~~在大廣場集合便去了玉山處看看，沿途時間尚早，便看星星~ 及後便再到玉山先看日出，日出過後，再到其他景點走走~好累了~~~
在觀看日出後，便到阿里山森林遊樂區走走，呵呵~佔地 1400 公頃，有排行，前往巨木棧道、梅園、姊妹潭等沿行人步道一併參觀。行過之後，便要回飯店取行裝及買埋手信，就去埋奮起湖了~ 奮起湖我以為有一個湖~~~點知唔係o既~ 感覺有點似大澳~很多地道小食~ 只可惜有心無力的我只可看朋友們食吧~ 有機會一定要再去~ 因為實力有很多風景區~ 慢慢行也要一整天時間~~~

行過之後，便離開了阿里山，回到嘉義再去墾丁，我們晚上才到步 - 墾丁!!!!
找到了船帆路的民宿之後，到了墾丁大街走了一躺~ 很熱鬧~ 明天才寫上墾丁之遊~ 因為阿里山實在太美麗了