整個歐洲之旅去了22天, 遊歷包括英國倫敦, 維也納, 意大利威尼斯,

以長達8天的凡帝岡+「羅馬」假期作結束。

我們首先以近期熱播電影「神探福爾摩斯」主角的故居博物館 Baker Street 221B 作介紹。

雖然福爾摩斯只是小說人物,

但英國因為這位是「人民心目中的神探」,

而在這博物館牆上立下了「英國偉人住宅藍牌」,

可見福爾摩斯在英國的影響力…

可能天氣太凍唔習慣，加上又唔舒服，所以躲在房間休息。

到了晚飯時間才出外。

今天搭地下鐵去了溫泉場站(온천장)，然後係附近的一間食店吃晚飯....

跟着約了韓國的朋友出黎聚舊。

早上，我們去了南山谷韓屋村(남산골한옥마을)。我打算試穿韓服，不過係冬天的關係，所以無韓服試穿的活動。

參觀完南山谷韓屋村，我們搭地下鐵去景福宮。同時去埋附近的國立民俗博物館。我們係博物館內的Cafe shop醫肚後，繼續行埋國立古宮博物館。

參觀期間，剛好碰到下雪....四周白雪雪，很靚呀....不過氣溫就係零下四度....寒冷呀...

之後，我們搭地下鐵去仁寺洞(인사동)行街街。行左一陣....我們係附近一間食店吃晚飯...

食完飯後，我們去了仁寺洞的旅客服務中心，用了3000won租了一套韓服拍照，Yeah，很開心呢

大清早就出發去機場，乘搭大韓航空的KE616前往釜山。

可是.......當我Boarding上了機後，機師宣佈要Delay一個鐘，原因係要入油.....吓，有無攪錯呀......等到差不多45分鐘後，機師又再宣佈要Delay多一個鐘，因為香港國際機場的天氣很差，不能起飛......噢.......

經過差不多3個半鐘的行程，終於到達釜山金海機場.....而我拿拿淋過關及攞行李.....

之後，搭巴士及Subway到motel....放好行李後，就搭Subway去南浦洞(남포동)

第一天遊完澳門,傍晚在關閘過關到拱北。由於人生路不熟,先坐計程車去7天連鎖酒店checkin同放低行李。6點係酒店附近行下睇下有咩好食,點知無咩特別,吸引唔到我同男友。因為去旅行前睇過旅遊書介紹灣仔海鮮街,於是我地6:30就搭公車去灣仔,車程大約15分鐘,再行5分鐘就到啦。我地先由頭行一次條街睇下有咩食,旁邊的食店知客不停拉攏,我地最終被一個堅持到底,由街頭跟到街尾的呀姐「感動」。佢仲幫我地講價,我地一心諗住食蠔,每斤$9,要左4隻($27)。之後去左第二檔買蟶仔,一扎$15。仲有扇貝,10蚊三隻,買左6隻。我地仲想買鮑魚仔,諗住要2隻,個檔主叫我地買4隻,不過我地得兩個人怕食唔晒,堅持要2隻。本來佢話$18一隻,平d俾我地主16一隻,呀姐就幫我地講價$30兩隻啦。就係咁買料用左$92。買齊料,就入食店坐低,問下你d海鮮點煮,之後就等食。上菜好快,食完行出門口,呀姐仲俾咭片我地同講拜拜添。之後行返出大街,本身諗住去對面行下,點知經過巴士站,見到62號公車尾班車係8:30,但個陣已經係8:35,好驚,因為除左62,無車返拱北。我地博一博,係巴士站等一陣,如果等多5分鐘都無車,我地就行埋街先搭計程車回拱北。點知俾我地博到,62係2分鐘內就到,立即上尾班車回拱北。回到拱北,因為見時間尚早,諗住去附近行下,睇下有無夜宵,不過我地行到有條類似酒吧街,仲有d小食賣,見到賣的食物同旺角街頭都一樣,日式章魚丸,魚蛋,冰糖胡盧,珍珠奶茶...所以無買到野就回酒店。

第二天9點起身,先到附近真功夫吃早餐,第二次在內地吃真功夫,中式的快餐店。樓梯連裝修就好似以前麥當勞咁,我懷疑佢的位置上手係麥當勞,哈。我地發現真功夫同其他快餐一樣,都有提供生日派對,不過本人就無咩興趣生日會都要食中菜,哈。一朝早就有好多父母帶埋小朋友來吃早餐,不過人流不算多。吃完早餐,返酒店拎行李checkout,之後去附近搭99公車去情侶南路行下。一落車,看到的就真係只有一條普通的海濱長廊,好失望。我同男友行左一陣,影左幾張相就走左,前後都唔夠15分鐘,可想而知係幾悶。之後,我地還要趕著第二天在澳門的行程,所以搭公車回拱北口岸,過關返澳門。