今日全日包車遊羅平重點景區，約咗毛師傅一早8:30am出車，為省時，所以之前嗰晚就買定麵包、嘢飲，留晌酒店食完就出發。

離開縣城唔使30min車，就到達咗今日第一個景點「金雞峰叢」，一落車我哋又嘩嘩聲，因為一望無際嘅油菜花海盡收眼底，大大小小嘅山丘前前後後咁散佈花海其中，猶如金雞獨立，一個又一個。好彩今日著夠衫，除咗因為氣溫唔夠十度之外，金雞峰叢比較空曠，上到山丘好扯風，唯一係天色差，影響晒成個景觀！

再下個景點「九龍瀑布」，由金雞峰叢開車過嚟半個鐘多少少，又係唔算遠。唔使多講，主要梗係睇瀑布啦，九龍瀑布嘅特色在於瀑布形態，由上游荷花塘至至下游景區入口嘅碧日潭，全長4公里左右，密佈著鈣化灘和瀑布，層層疊疊，蔚為優美。

早上行程到此完結，午飯就一試地道私房菜「農家樂」，晌小村落食餐農家飯餸，體驗一下農家嘅清淡。跟住，下晝嘅行程，原先係先到魯布革小三峽，可惜去到遊客一個都無，遊小三峽係要坐觀光船，唔夠客係唔開船。可以揀包快艇，價錢當然貴一截，但最大問題係快艇類似「大飛」咁，今日天氣又咁凍，晌水上揸得咁快，實凍病呀，最後都係決定放棄依個景點。睇唔成小三峽，都可以順路去睇睇魯布革水電廠，再一個可惜，設備檢修期間，停止參觀廠房。

唯有向最後一個景點進發 - 多依河，書係咁樣介紹：多依河纖塵不染，一身清嫩碧綠，有桂林之靈秀，版納之風惰，遊完一轉環境確係幾優美，但又有啲言過其實，唔係一個好必然要去嘅景點，但假若有時間都一遊無妨嗰類！

行完多依河都成6:30pm，天都變得灰灰濛濛，所以回程途中都無去睇另一個出名景點「十萬大山」，直接返入縣城都要成7:30pm喇。總結整日行程，啱啱好係以縣城為中心，向東北方面行，再南下，跟住再兜返上去縣城，轉咗一個大圈。所以，如果要走勻晒咁多個景點，一日應該唔係好夠時間。

今晚又搵毛師傅介紹今餐食乜好，不過，依次間嘢較地道，相反就唔太啱口味，既辣且油，要俾個苦面佢。

今日是在 Cebu 的第1日

行程都幾多.

早上自由行 Day tour , 中午去玩 Zipline, 晚上到全 cebu 最高的酒店, Crowne Regency Hotel,  食 buffet 加玩 sky adventure.

今日是在 Bohol 島最後一天.

不再下水, 全日都是在 Bohol Land Tour.

是次是選擇了比夠少香港 blog 見過的方式 : 坐公車, 不包車.

行程中去了chocolate hill, loboc river lunch buffet, loboc church, 
玩完晚上坐船回到 cebu.

今日是在 bohol 島上的第2天.

也是在整個7日行程中, 我自己覺得最好玩最精彩的一天.

主要行程是一早就出海追 Dolphine, island Hopping, Discovery Dive, snorkelling, Virgin island hopping.

全日都是同 陽光, 海水 & 魚群玩遊戲 ^^

是日打風，只能去水族館，其他地方留待下次再来吧！

Check out東橫イン -->〉 駕車前往殘波岬、萬座毛 --> 午餐在なかむらそば (自家制蕎麥面、豬手面、三枚肉，日賣7份)  --> 海中展望塔 --> Check in Sun Marina Resort --> 到酒店的沙灘散步 --> 晚餐在しまぶた屋食蒸アグー豚セート3200日元一人