未天光，已覺得自己唔多妥，成晚瞓得麻麻，感覺頭重重，有啲燒，快到清晨仲嘔咗一鑊，尋晚餐日本嘢無晒。勉強撐落去酒店「飯堂」，完全無胃口，再問番姨仔、舅仔，佢哋都不遑多讓，成晚又痾又嘔。

原先打算一早退房兼寄存行李，去行甘川洞文化區（감천동문화마을），依家4個人有3個咁榭，一於返房再抖。但最「撈攪」喺所計劃嘅行程，今日下午搭機飛過去濟州，都唔好諗咁多，抖多陣先再算。由於東橫Inn喺10:00am退房，延遲退房要加錢，仲KRW11,000一個鐘，都無辦法，實在需要休息吓。

瞓多幾個鐘，差唔多到12:00pm，大家感覺都OK啲，一致決定照飛過去濟州先，因為機票、民宿都訂好晒，回程都喺由濟州返香港，始終都要過去。所以收拾好行裝，唔好再操勞，寧願花KRW13,600打的一程車去機場，半個鐘頭就到。乘搭釜山航空（Air Busan）BX8113（14:45 – 15:40）航班，搞好機位登記，好彩搭內陸機安檢唔緊，發住燒幾怕上唔到機呀！入到候機室再瞓過，點知航班延誤，無緊要，繼續瞓，卒之3:50pm起飛，4:45pm到濟州，預訂好嘅民宿晌濟州市中心，坐的士KRW4,000就夠。

原本今日濟州嘅行程，打算晌民宿安頓好，就先去睇龍頭岩（용두암），再行東門市場及夜市（동문시장）及中央地下商街（증앙지하상가），飯後再睇場韓國出名嘅「亂打劇場」（제주난타극장），但全部取消晒。取而代之就喺瞓覺、睇醫生。幸好，決定過嚟濟州先真喺明智之舉，因為出門遇上貴人 x 2，點解？睇埋下文講「診所之旅」同「民宿」時，你就會完全明白。多多休息，總算捱過今日，明天會更好！

是日天氣：3℃ ~ 4℃ 天陰

徐州寶蓮寺是國內「四個第一」的寺廟，一是寶蓮寺有國內最大的七佛殿（大雄寶殿），建築面積2377平米；二是殿內藏有長37.5米、高9.5米的南海拜觀音壁畫，是目前國內單體面積最 大的佛教題材壁畫；三是最高的佛閣，通天閣高59.88米，是目前國內最高的佛閣，供奉著彌勒菩薩真身——天冠彌勒；四是最大的室內鍛銅佛像，天冠彌勒佛 像高39.88米，是目前國內最大的室內鍛銅佛像。