搭飛機係冇野食o既~所以要醫左肚先~
o係出發之前就上網發現好多人讚依間野~
叫左咖啡同埋三文治...食落真係好好食~

p.s.順便一提o既係上面依張唔係餐廳o既單...依張係吉隆坡→浮羅交怡o既機票...
     廉價航空就係要慳!唔係點會張機票咁平呢~

第一日到左浮羅交怡...出關之後就有一大堆counter可以join local tour同埋租車
去Pulau Payer o既tour好多,不過我就揀定左一定要參加一間叫做langkawi coral o既tour
上網做過reseach依間比較好...而且中午係食buffet lunch...而且食物都有返咁上下~
玩完之後亦都證明揀依間係冇錯~

Pulau Payer真係好靚...D水又好清...魚又勁多...
佢地都好醒目知道船邊會有麵包食...會圍晒過黎"搶包"...
不過如果你皮膚好白,就千祈唔好伸隻手指o係水面引佢地...我女友就係咁俾魚勁"錫"...= =
我唔識游水,但都膽粗粗 join 埋潛水...
睇多好多魚同埋珊瑚...仲有海膽~
如果唔敢潛水但又想睇海底都有辦法...
佢個浮台係有底層...入面裝晒玻璃...可以望到海底~
當然唔及親身去潛咁爽啦!!!
真係值得一試架~

東方村其實唔係一條村...係個賣紀念品同埋食野o既地方~
仲有纜車可以坐...
山上有條世界上其中一條最長o既曲線觀景橋 (Panorama Bridge)...
係由瑞士設計師Dr.Peter A.設計~
Panorama Bridge位於海拔七百米...離地面都有一百米...向下望真係幾得人驚...

浮羅交怡機場...人流唔多,映多幾張相就返香港~

東方村入面有4~5間餐廳...都係是但揀左間...
食o既野其實大同小異(因為我地都搵小食黎食)...
不過食落都有返咁上下~

依間係廉價酒店~佢係三星...但號稱張床係五星~
房間內有床,有風扇,幾個衣架,幾卷廁紙...同埋有供應冷熱水沖涼...係咁多
可以加錢開冷氣...買洗頭水沐浴露...上網等等~
張床訓落都幾舒服...
如果對唔care住o既人黎講的確係個好選擇~

o係雙子星塔度食lunch...食左好出名o既mama...點左叻沙同椰醬飯...好食!
甜品要左個牛奶沙冰...依個就普普通通~
之後去左中央市場行街掃貨...
見到有間舊街場cafe...坐低試左榛子咖啡,白咖啡,架央多士
2杯咖啡都冇乜特別...我地仲嫌唔夠咖啡味...但個架央多士就好食...食完繼續掃貨~

最後一晚o係吉隆坡...梗係要去唐人街(茨廠街)行下食下~
食左...
羅漢果龍眼冰糖燉冬瓜：飲落唔算太甜...都幾潤喉~
牛雞串燒：個老細燒度著晒火...不過都好食
印度薄餅餐：有塊烤餅,點咖喱汁食~我地一共叫左兩個,一個薯仔咖喱,一個牛肉咖喱
肉骨茶：黎到馬來西亞又點可以唔試肉骨茶呢?旁邊d豆泡同油炸鬼係另叫o既~浸下再食~

飲飽食醉就返酒店沖涼瞓覺...聽朝要一早起身去機場坐飛機去浮羅交怡!

機場嘅食店較市區貴，留番夠女友去另一間買嘢食嘅錢，見仲有馬幣夠買個加大餐喎，於是我就叫咗個Tower Burger Combo large size嘞!!!哩間嘢加大都有兩款選擇，一係要A:大薯條+大汽水，一係B: 兩杯大汽水，而我揀咗A~個薯條都麥當當差唔多，而個飽就非常好味道!~

另外，補充一點就係機場嘅食市唔知點解勁多蒼蠅，連餐應入面都係，而且唔係一隻半隻咁簡單tim!!!衛生情況欠奉

本來諗住買 d 咖啡做手信 , 點知比個餐牌張相吸引 , 叫多咗個 "加央牛油燒麵包" ..... 好好味呀 ^o^

5分鐘到車程上到山頂，落車一刻好很興奮.......不過被老點事件又再發生..............

話說揸住嗰本閃吓閃吓有長馬尾風水師做代言人嘅"09-10完全版"旅遊書，裡面寫住上電訊塔嘅入場費用: 成人RM$15;小童RM$9。點知去到售票處睇極個個收費牌都唔見有成人RM$15;小童RM$9喎，我同Cherry睇咗陣都係見唔到嗰個價錢，而見其他人又係按收費表收費買飛，所以最後都係照買咗!

Cherry再多口問個收銀姐姐，指埋本"09-10完全版"旅遊書問"RM$15入場費嘅飛係咪而家無ga嘞?"個收銀姐姐諗咗陣，然後好似恍然大悟咁笑笑口同我講，本"09-10完全版"旅遊書嘅價錢已經係3年前ga嘞!好彩頭先有唱多咗啲馬幣，如果唔係都唔夠錢上去，激氣之餘仲白行一趟兼浪費腳骨力添!!!買完飛忍唔住彈咗馬尾風水師塊面一下洩憤..........

嘩!觀景台上有多部望遠鏡，都係免費嘅，估唔到啲望遠鏡咁勁，連地面上嘅人都可以清楚睇到呀.........我睇睇吓仲搵到我哋住嗰間Guesthouse附近嘅BB Plaza，順便研究吓行返去嘅路線，原來係好近jar 喎~ (睇落好似好近..........)喺觀景台睇吓夜景，影吓相，逗留45分鐘度就走嘞.......如果你依家問我俾RM$38上去望一望值唔值，我會覺得麻麻，因為其實15分鐘咩都睇夠有突。不過一場去到又唔上去又好似好可惜咁，人一世物一世，上去睇吓夜景又真係幾Relax，如果去睇日落應該會更浪漫....

海南雞飯是吉隆坡和新加玻的地道美食,誰先發明重要嗎? 個人認為,兩國的海南雞飯都是很一般的味道,在香港隨處可吃到那般水準。雞種不佳,背負著文化遺產不覺沈重嗎?  但個人的美食經驗,吉隆坡較新加玻略勝一籌。

菜園雞(一隻)(RM 72):來到吉隆坡,自覺怎也要一試新馬為文化遺產美食爭崩頭的海南雞飯,南香是當地的老字號,成立於1938年,在吉隆坡以有六間分店。飯店使用「菜園雞」烹製,聽聞黎明每次來當地,海南雞飯是他必點的菜式,飯店的雞略有一點雞味,比新加玻多間知名的海南雞飯店的雞種好吃。但始終個人認為國內的雞種最有雞味。聞說南香飯店的雞賣清後便關門,但個人並沒有親眼證實。為隱振起建,最好早上來吃海南雞飯。

芋頭扣肉(RM 11):肥肉比例重,而芋頭較為稔身入味

花生雞腳湯(RM 5.8):看餐牌時圖片影得不錯,實際當喝一口時味道極淡，連雞腳也無甚味道

唐茶(RM 0.8): 在大馬這幾天吃很多辛辣的食物,熱氣時喝唐茶,清熱效果最佳