ChrisX
我是ChrisX。 我最喜愛到台灣,泰國,荷蘭旅遊 , 最鍾意遊覽自然景觀,歷史建築/遺跡,主要地標, 住宿通常會揀3星酒店,宿舍。
留言  留言給此旅遊家
  遊記數目 3
  上載相片 101
  上載影片 0
最近分享過的旅程
慳慳哋吉隆坡+曼谷7日6夜2人世界抵玩之旅
國家/地點: 泰國, 馬來西亞
旅程日期: 2009-06-16 至 2009-06-22
共找到 3 篇遊記, 正顯示第 1 至 3 篇遊記
慳慳哋吉隆坡+曼谷7日6夜2人世界抵玩之旅 (泰國, 馬來西亞)
(旅程日期: 2009-06-16 至 2009-06-22)
 整個旅程  (共3篇遊記)
 分享至Facebook 
發表日期: 2009-10-29

今日係喺吉隆坡嘅最後一日,今晚就會飛去泰國嘞,超級期待!!!!!不過,今日成日流流長,主要都係喺返金三角區行吓商場影吓相咁,加上之前Mark咗要去嘅地方都經已去過,所以今日時間十分充裕。

永興城
永興城
簡撲裝修嘅小店,卻埋藏著無盡的美食~
簡撲裝修嘅小店,卻埋藏著無盡的美食~
哩個係老闆炒粉麵嘅灶頭
哩個係老闆炒粉麵嘅灶頭
店內並無冷氣,只有幾把風扇.............
店內並無冷氣,只有幾把風扇.............
哩啲古舊嘅電錶好耐都無見過,竟然俾我哋喺哩度見到.........
哩啲古舊嘅電錶好耐都無見過,竟然俾我哋喺哩度見到.........
女友叫咗個魚旦粉(RM$5),湯底好清,魚旦夠彈牙,河粉滑到"su,su"聲,再配塊炸腐皮,簡值一流
女友叫咗個魚旦粉(RM$5),湯底好清,魚旦夠彈牙,河粉滑到"su,su"聲,再配塊炸腐皮,簡值一流
我叫咗碗豬肉丸粉(RM$5),清湯底,啲豬肉丸同樣好彈牙,河粉同樣滑溜咁正
我叫咗碗豬肉丸粉(RM$5),清湯底,啲豬肉丸同樣好彈牙,河粉同樣滑溜咁正
三色冰奶茶(RM$2.5),喺香港未見過,茶味夠濃夠香滑,甜味適中,味道唔錯
三色冰奶茶(RM$2.5),喺香港未見過,茶味夠濃夠香滑,甜味適中,味道唔錯
今朝我哋一早8:00起身行去永興城茶餐室食早餐~永興城係一間舊式茶餐廳,店裡面有不同攤檔仔,售賣蛋撻、飯、粉麵...各樣中式美食,而且店內格調好有懷舊味道。哩間嘢係睇嗰本跣過我嘅旅遊書介紹而去嘅,食過之後,今次無俾佢跣,真係好介紹,抵讚番!!

推介菜式: 魚旦粉,三色冰奶茶
每人消費: 約6.13馬元 (早餐)
評分: 味道5   服務2   環境2   衛生3   抵食4
商場外觀
商場外觀
大門
大門
地下大堂
地下大堂
商場內一間裝修以'碗'為主題擺設嘅餐廳
商場內一間裝修以'碗'為主題擺設嘅餐廳
馬來西亞嘅萬寧
馬來西亞嘅萬寧
商場內
商場內
食飽之後,仲有d時間,我哋就去咗成功時代廣場逛逛

其實哩度嘅有個全馬來西亞最大嘅室內遊樂場"Cosmo's World",裡面有幾多機動遊戲玩吓,不過今次我哋無計劃入去玩,所以喺商場裡面四圍影吓相同逛吓就算~

哩度話就話叫times square, 不過有老翻嘢賣嘅!~同香港嘅係兩回事!~
參觀時段: 全日
入場價錢: 每人0馬元
評分: 值得去3  
商場內
商場內
如果你鍾意玩玩具,哩檔就啱你嘞,佢仲有搖控直昇機同搖控UFO賣
如果你鍾意玩玩具,哩檔就啱你嘞,佢仲有搖控直昇機同搖控UFO賣
土產馬來亞小食檔
土產馬來亞小食檔
精緻零食店
精緻零食店
行完times square, 沿路向guesthouse方向行返去。我哋跟住就行到去BB Plaza入面涼吓冷氣,四圍睇睇同埋影吓相~

哩個商場比較殘舊,如果無聊逛逛也無妨嘅~

行到咁上下,見差唔多12點嘞,於是就返Guesthouse退房。去到reception見到老闆娘,同老闆娘傾咗陣計(就係哩個時候發現間電腦房),然後上airasia個網度搞埋online check-in,一天都光晒!~老闆娘問我哋搭幾點機,佢叫我哋唔使急,可以慢慢先check-out。我哋今晚搭20:50分班機去曼谷,所以我哋諗住16:00先去搭車,返到房執好嘢之後,就去check-out同埋擺底啲行李喺reception度,我哋就善用剩餘嘅3個零鐘去其他商場行吓同埋食晏。
參觀時段: 全日
入場價錢: 每人0馬元
評分: 值得去2  
一身綠色裝束的商埸外觀
一身綠色裝束的商埸外觀
商場內
商場內
地下有個好嘆嘅cafe & bar!攤長對腳坐喺梳化上飲嘢,睇吓書咁,睇到都relax呀!可惜無去到
地下有個好嘆嘅cafe & bar!攤長對腳坐喺梳化上飲嘢,睇吓書咁,睇到都relax呀!可惜無去到
開放式設計,營造出relax嘅環境
開放式設計,營造出relax嘅環境
商店display
商店display
本09-10完全版話LOT 10係潮流地帶,裡面有好多潮服出售,所以我哋首先去嗰度哋入八吓先!

喺LOT 10裡面行吓影吓,不過好多舖頭都無開.........而且亦唔見有咩潮物,有d失望,我哋亦都好快行完就走嘞~
參觀時段: 全日
入場價錢: 每人0馬元
評分: 值得去3  
McChicken set
McChicken set
臨走整多杯軟雪糕(RM$1.05),成個人fresh晒!!!!!~
臨走整多杯軟雪糕(RM$1.05),成個人fresh晒!!!!!~
其實我好想試吓馬來亞嘅麥當當同埋肯德雞,因為唔同嘅地方會有唔同嘅款式同味道,所以今次就鎖定食麥當當,女友喺麥當當仲職咗個馬來亞女仔friend添喎。

啲外國人去到香港會覺得香港嘅麥當當好平,而我去完馬來亞嘅麥當當,發覺哩度俾香港更平,不過哩度嘅麥當當係唔賣豬肉o架!!!!哩度lunch period有lunch set, 雖然個飽嘅size的色咗少少,不過一個餐只係RM$6.25 jar!

見到麥當當有啲香港無嘅包,不過唔係咁大興趣,所以我就揀咗個McChicken set。哩度有ketchup同chilli ketchup兩種選擇,不過要先己拎隻碟仔泵出嚟嘅........
每人消費: 約3.65馬元 (午餐)
評分: 味道3   服務3   環境4   衛生5   抵食5
正門
正門
商場內
商場內
女友喺Mango都買到心頭好~
女友喺Mango都買到心頭好~
哩個商埸真係幾靚,裡面好多名牌嘢賣,如果愛好名牌嘅話,哩度啱晒你行~不過咁靚嘅一個商場,唔買名牌都可以過嚟睇吓嘅!

參觀時段: 全日
入場價錢: 每人0馬元
評分: 值得去4  
等女友買到心頭好之後,我哋去咗星同廣場~裡面啲裝飾好有藝術feel o架!不過個商場就無咩人流,靜英英嘅! 仲好,我梗係唔放過機會,周圍影吓啦!

不過影到咁上下部相機無電,而粒後備電又無帶出嚟,只好撇啦.........反正都差唔多係時候返去拎番啲行李搭車去機場。不過醒起要去唱錢先,點解?因為女友頭先買咗條褲囉............唱咗錢之後就同老闆娘講聲byebye,經過阿羅街嘅龍記,係咁宜買咗少少嘢食,然後就去Bukit Bitang站搭Monorail到KL Sentral站,再搭返Aerobus去LCCT嘞~
推介項目: 攝影
參觀時段: 全日
入場價錢: 每人0馬元
評分: 值得去4  
開始入夜,天空變得五顏六色
開始入夜,天空變得五顏六色
女友話我食唔到肯德雞,食Marrybrown當係食咗喎
女友話我食唔到肯德雞,食Marrybrown當係食咗喎
counter
counter
Tower Burger Combo large size(RM$16.1)
Tower Burger Combo large size(RM$16.1)
去到機場,check埋in,就喺機場四圍行下影下。影到咁上下,見有啲肚餓,於是去咗間叫Marrybrown嘅快餐店食嘢,睇佢嗰Menu應該係類似肯德雞咁,不過佢除咗賣炸雞,炸雞包外,仲有麵賣喎。不過女友比較想食Marrybrown對面嗰間Asian Food,於是決定兩間都試試......

機場嘅食店較市區貴,留番夠女友去另一間買嘢食嘅錢,見仲有馬幣夠買個加大餐喎,於是我就叫咗個Tower Burger Combo large size嘞!!!哩間嘢加大都有兩款選擇,一係要A:大薯條+大汽水,一係B: 兩杯大汽水,而我揀咗A~個薯條都麥當當差唔多,而個飽就非常好味道!~

另外,補充一點就係機場嘅食市唔知點解勁多蒼蠅,連餐應入面都係,而且唔係一隻半隻咁簡單tim!!!衛生情況欠奉

推介菜式: Tower Burger Combo
每人消費: 約8.1馬元 (晚餐)
評分: 味道4   服務3   環境2   衛生1   抵食3
店內嘅燈
店內嘅燈
一般般嘅Lemark Nasi Special (RM$9.9)
一般般嘅Lemark Nasi Special (RM$9.9)
食完Marrybrown之後,就去咗對面食飯,哩間Asian Food好似food court咁嘅,Menu有中式同馬拉嘢食.......

女友叫咗個Lemark Nasi Special,個椰漿飯跟隻煎蛋,魚乾花生同青瓜。女友想要多D魚乾,個WAITER哥哥都好NICE比多D俾佢~另外,女友唔要雞件要雞翼,而個汁幾辣嘅!!女友話雞翼係凍嘅,不過味道幾好,而啲飯就一樣係鬆鬆散散,不過不失

另外,同樣問題...唔知點解勁多蒼蠅!!!衛生情況欠奉!!!
推介菜式: NIL
每人消費: 約5馬元 (晚餐)
評分: 味道3   服務4   環境2   衛生1   抵食3
  0 個留言    |  加入你的留言
慳慳哋吉隆坡+曼谷7日6夜2人世界抵玩之旅 (泰國, 馬來西亞)
(旅程日期: 2009-06-16 至 2009-06-22)
 整個旅程  (共3篇遊記)
 分享至Facebook 
發表日期: 2009-10-18
今日嘅行程:
上午: 雙子塔
下午: KLCC水族館, 小印度, 獨立廣場, 茨廠街
晚上: 吉隆坡塔, 阿羅食街
哩條就係我哋想想但上唔到嘅SKYBRIDGE嘞....
哩條就係我哋想想但上唔到嘅SKYBRIDGE嘞....
雙子塔背面及SURIA KLCC商場
雙子塔背面及SURIA KLCC商場
雙子塔背面嘅園景
雙子塔背面嘅園景
雙子塔正面對出有個水池
雙子塔正面對出有個水池
SURIA KLCC內
SURIA KLCC內
商場標誌
商場標誌
商場嘅天幕,好大好靚
商場嘅天幕,好大好靚
本來我哋諗住早D起身雙子塔排隊拎SKYBRIDGE嘅飛,雖然每日免費派發1,700張,不過我哋瞓晏咗,去到已經係十點半。我哋喺雙子塔底層嘅Suria KLCC商場邊行邊搵Skybridge派飛嘅地方,搵咗陣終於搵到嘞,不過點解無人排隊嘅!?我都心知不妙o架嘞,果然係因為咁樣......"NO MORE TICKET AVAILABLE FOR TODAY"

雖然拎唔到飛上Skybridge,不過派飛處旁邊有個免費入場嘅雙子塔展覽館,於是就入咗去睇睇,算係攞返個安慰獎囉喺個雙子塔展覽館睇咗10分鐘左右就離開嘞。之後喺雙子塔四周圍影相.......

另外,SURIA KLCC商場裡面都好大好靚,鍾意SHOPPING嘅話,哩度一定唔會悶親你!!

推介項目: 上sky bridge睇吉隆坡全景
參觀時段: 早上
入場價錢: 每人0馬元
其他消費: nil
評分: 值得去4  
Madam Kwan's
Madam Kwan's
menu
menu
一坐低落完order後,waitress即刻附上哩個汁,酸酸哋,少少辣
一坐低落完order後,waitress即刻附上哩個汁,酸酸哋,少少辣
椰漿飯
椰漿飯
跟椰漿飯嘅開胃辣醬
跟椰漿飯嘅開胃辣醬
炒貴刁
炒貴刁
涼粉冰
涼粉冰
據聞Madam Kwan's啲嘢椰漿飯好好食,今次係慕名而去.......Madam Kwan's位於Suria KLCC內的頂層,同層有一個科學奧秘探索中心,如有小朋友可以帶埋入去睇睇。

Cherry 叫咗一杯涼粉冰,佢話飲落淡淡地,無咩味,淨係好似飲緊一絲絲嘅涼粉咁,當係清熱氣喎~(值3分)

另外叫咗一碟椰漿飯,有魚乾,蛋,雞, 花生碎同青瓜,另外再跟埋一碟醬,碟醬用嚟送飯一流,不過對我嚟講算幾辣。個椰漿飯好好味,好香好有椰香味之餘又唔會太黏亦唔會太硬。而啲配料方面,個汁用嚟撈飯非常開胃,雞件亦夠嫩,魚乾辣辣地,幾香脆,好好味(值4.5分)

我哋亦都叫咗個炒貴刁,啲蝦好大隻,而且新鮮用料十足,啲貴刁又唔會話太油膩,正!! (值4分)

埋單三樣嘢加埋都係RM$41.8
推介菜式: 椰漿飯
每人消費: 約22馬元 (午餐)
評分: 味道4   服務4   環境4   衛生5   抵食3
水族館入口旁邊
水族館入口旁邊
呢堆真魚唔會郁架....好得意...好似假既立體畫
呢堆真魚唔會郁架....好得意...好似假既立體畫
電力十足嘅電鰻
電力十足嘅電鰻
啲魚仔同隻鱷魚放埋一齊,搞到啲魚好似好驚咁"哩"埋一邊,佢哋當時真係定晒格唔識郁
啲魚仔同隻鱷魚放埋一齊,搞到啲魚好似好驚咁"哩"埋一邊,佢哋當時真係定晒格唔識郁
"眇嘴眇舌"嘅唔知咩嘢魚
"眇嘴眇舌"嘅唔知咩嘢魚
海底奇兵嘅小丑魚
海底奇兵嘅小丑魚
大海龜
大海龜
次之所以嚟水族館係因為哩度有一條長達90米嘅海底隧道,俾海洋公園個條長好多好多而且都算幾多嘢睇吓~我喺plan行程時,Cherry本來打算去埋泰國嗰個室內水族館,不過睇一睇入場費仲貴過去海洋公園,覺得唔值,所以哩個水族館成為佢嘅指定景點..........

推介項目: NIL
參觀時段: 全日
入場價錢: 每人38馬元
其他消費: NIL
評分: 值得去5  
附近富印度特色嘅舖頭
附近富印度特色嘅舖頭
賣飲品嘅檔攤,我就唔敢試嘞!
賣飲品嘅檔攤,我就唔敢試嘞!
去咗俗稱"小印度"嘅地方,打算睇睇有無啲咩特別銀器飾物買....

行咗陣無咩好睇,失望而回,影咗幾幅相就去另一個目的地嘞!~如果你唔鍾意印度服飾嘅話,喱度就無咩值得睇,可以唔去
推介項目: NIL
參觀時段: 早上
入場價錢: 每人0馬元
評分: 值得去1  
獨立廣場同 阿都薩馬德蘇丹高等法院都只係一條馬路之隔
獨立廣場同 阿都薩馬德蘇丹高等法院都只係一條馬路之隔
獨立廣場
獨立廣場
阿都薩馬德蘇丹高等法院
阿都薩馬德蘇丹高等法院
舊國家博物
舊國家博物
哩度係見証住馬來西亞獨立的歷史建築,純粹望一眼、影張相就可以撇,怕熱就唔好去嘞!
入場價錢: 每人0馬元
評分: 值得去3  
正門
正門
場內
場內
手繪彩蛋
手繪彩蛋
場內其他店舖
場內其他店舖
未去吉隆坡之前,搵過好多介紹有關茨廠街(即CHINA TOWN)嘅資料,篇篇都講到茨廠街係另一條好多人去嘅食街,好多好嘢食,搞到我同Cherry對嗰度充滿了期待.......去CHINA TOWN途中經過Central Market,裡面有冷氣,見行到身水身汗就走入去過一過冷河,順便睇睇有無啲咩嘢買

中央市場是一共兩層嘅室內市場,以賣手工藝品及精品為主,埸內亦有其他各式各樣嘅店鋪~鍾意手工藝品的話都幾多嘢睇,如果唔係,去唔去都無咩所謂~
參觀時段: 全日
入場價錢: 每人0馬元
評分: 值得去2  
極度失望~ 哭臉2009-10-18
牌坊
牌坊
唔係我亂講,佢自己都係咁寫.........
唔係我亂講,佢自己都係咁寫.........
炒栗子
炒栗子
終於搵到CHINA TOWN個牌坊嘞,原來頭先兜咗個大圈!唔緊要,我哋仍然係充滿期待咁去搵旅遊書介紹過而且我哋又好想試吓嘅新九如牛肉粉、羅漢果龍眼冰糖燉冬瓜同埋王金蓮記嘅福建炒麵........

哩條唐人街係有瓦遮頭嘅,落雨去都唔怕俾雨淋濕,不過一入到去行,就發覺哩度似旺角女人街多過似條食街,假Nike, Addidas, LV....要咩都有得賣.....如果唔係見到個牌坊,我仲以為自己搵錯地方。

再行下四圍睇睇,我哋經過王金蓮記、亦都見到賣羅漢果龍眼冰糖燉冬瓜嘅檔口,亦都幾經辛苦搵到新九如牛肉粉嘅檔口,不過通通都無開.............不過由於當時只係下午4:30左右,所以我哋估可能太早仲未開,所以再四圍行行見到有人炒栗子,香港都有,所以無試

見到有檔賣一件件已經切好嘅生果,仲有話梅粉俾人自己落落啲生果度。Cherry叫咗件哈蜜瓜(RM$1/件),落埋啲話梅粉,超甜超好味喎~不過就唔記得影相......我哋見條街啲嘢又唔啱買,加上天氣又熱,於是行咗去麥當當同麥叔叔打聲招呼,就係咁一坐就坐咗個幾鐘.........

hea到大概6點幾鐘,先返去頭先經過嗰啲檔口搵食,點知去到......唔係呀嘛,仲未開檔???睇佢哋個勢唔多似會開檔咁款,於是行到7:00左右見嗰啲檔口仍未開檔,最終同女友又失望而回,補充一點,經過在茨廠街一役之後,發覺嗰度衛生情況好差吓,如果你食唔慣大排檔,甚至環境仲差過大排檔嘅地方,因為見過啲未開檔嘅檔口度有好大隻老鼠,有啲檔口又喺垃圾堆旁邊,建議你唔好抱太大期望。不過又客觀一啲,可能我嗰日食唔到自己心頭好,所以有吃不到葡萄嘅感覺都唔定。不過我到依家都係未搞清楚究竟我嗰日係因為太過早去到先未開檔呀還是啲檔口已經搬咗定係咁啱嗰日休息呢!?~可能茨廠街要越夜先越精彩掛!
參觀時段: 晚間
入場價錢: 每人0馬元
評分: 值得去1  
遠眺
遠眺
到達電信塔嘅山腳
到達電信塔嘅山腳
好曲嘅上山路段
好曲嘅上山路段
哩個係SHUTTLE嘅時間表
哩個係SHUTTLE嘅時間表
哩個就係現時電訊塔嘅收費牌,懞就懞啲,不過仲睇到價錢嘅
哩個就係現時電訊塔嘅收費牌,懞就懞啲,不過仲睇到價錢嘅
雙子塔
雙子塔
夜景
夜景
因為電訊塔係喺座山度,而經過哩條咁曲嘅曲街先去到,如果行上去起碼要行15分鐘,好彩山腳底有免費SHUTTLE搭,架SHUTTLE VAN一次最多坐到10個人。

5分鐘到車程上到山頂,落車一刻好很興奮.......不過被老點事件又再發生..............

話說揸住嗰本閃吓閃吓有長馬尾風水師做代言人嘅"09-10完全版"旅遊書,裡面寫住上電訊塔嘅入場費用: 成人RM$15;小童RM$9。點知去到售票處睇極個個收費牌都唔見有成人RM$15;小童RM$9喎,我同Cherry睇咗陣都係見唔到嗰個價錢,而見其他人又係按收費表收費買飛,所以最後都係照買咗!

Cherry再多口問個收銀姐姐,指埋本"09-10完全版"旅遊書問"RM$15入場費嘅飛係咪而家無ga嘞?"個收銀姐姐諗咗陣,然後好似恍然大悟咁笑笑口同我講,本"09-10完全版"旅遊書嘅價錢已經係3年前ga嘞!好彩頭先有唱多咗啲馬幣,如果唔係都唔夠錢上去,激氣之餘仲白行一趟兼浪費腳骨力添!!!買完飛忍唔住彈咗馬尾風水師塊面一下洩憤..........

嘩!觀景台上有多部望遠鏡,都係免費嘅,估唔到啲望遠鏡咁勁,連地面上嘅人都可以清楚睇到呀.........我睇睇吓仲搵到我哋住嗰間Guesthouse附近嘅BB Plaza,順便研究吓行返去嘅路線,原來係好近jar 喎~ (睇落好似好近..........)喺觀景台睇吓夜景,影吓相,逗留45分鐘度就走嘞.......如果你依家問我俾RM$38上去望一望值唔值,我會覺得麻麻,因為其實15分鐘咩都睇夠有突。不過一場去到又唔上去又好似好可惜咁,人一世物一世,上去睇吓夜景又真係幾Relax,如果去睇日落應該會更浪漫....

推介項目: 睇日落及夜景
參觀時段: 晚間
入場價錢: 每人38馬元
其他消費: NIL
評分: 值得去4  
強仔蠔煎
強仔蠔煎
細蠔煎
細蠔煎
幾經辛苦,終於行到返去啦...我哋到咗阿羅食街,去咗食哩檔強仔蠔煎,位於街中段位置

我哋叫咗碟細嘅蠔煎(RM$10),哩個蠔煎同台灣啲蚵仔煎係兩回事,台灣嘅蚵仔煎啲蛋係淋"pat" "pat"同埋個茨超"杰"嘅,而哩個蠔煎嘅蛋係脆卜卜嘅,而且有好多蠔,啲蠔又有鮮味,配埋辣醬一齊食,味道very good!!!!!!!!一定要試
推介菜式: 蠔煎
每人消費: 約5馬元 (晚餐)
評分: 味道5   服務3   環境2   衛生2   抵食5
麵檔
麵檔
喇唦雞絲河粉
喇唦雞絲河粉
Cherry叫咗哩個喇唦雞絲河粉(RM$5/碗),Cherry食完第一啖就話超好味,啲河粉好滑,啲雞好嫩,個喇唦湯底又好惹味喎! 可以食多碗添呀~不過太飽食唔落.....Cherry推介!!!!


推介菜式: 喇唦雞絲河粉
每人消費: 約2.5馬元 (晚餐)
評分: 味道5   服務3   環境2   衛生2   抵食5
檔口
檔口
食飽飽之後就返Guesthouse喇!行到阿羅街頭位置見到哩檔賣羅漢果龍眼冬瓜水(RM$1.5/杯),因為係茨廠街飲唔到,所以喺哩度叫返杯,順便當清吓熱氣。哩杯羅漢果龍眼冬瓜水味道好甜,飲唔到羅漢果同龍眼味,淨係飲到冬瓜味,不過杯嘢都好冰涼,我覺得ok ga!~(又唔記得影相)
每人消費: 約0.75馬元
評分: 味道3   服務2   環境2   衛生2   抵食4
  2 個留言    |  加入你的留言
慳慳哋吉隆坡+曼谷7日6夜2人世界抵玩之旅 (泰國, 馬來西亞)
(旅程日期: 2009-06-16 至 2009-06-22)
 整個旅程  (共3篇遊記)
 分享至Facebook 
發表日期: 2009-07-21

日期:
16.6.09至22.6.09 (7日6夜)

人物:
CHRISX + CHERRY

航班:
16/6 11:25  Shenzhen -> Kulua Lumpur (AK081);

18/6 20:55 Kulua Lumpur -> Bangkok (FD3574);

22/6 18:50 Bangkok -> Shenzhen (FD3622)

吉隆坡旅館:
COMBO GUESTHOUSE (約HKD$200/night) (位於金三角區)
Check-in: 16/6  Check-out: 18/6

曼谷酒店:
IBIS NANA HOTEL (約HKD$290/night) (位於NaNa酒吧區)
Check-in: 18/6 Check-out: 20/6

CENTARA GRAND HOTEL@CENTRAL WORLD (約HKD$1620/night) 買1送1優惠
Check-in: 20/6 Check-out: 22/6

參考書:
長空出版嘅閃吓閃吓馬來西亞食玩買終極天書09-10完全版
長空出版嘅閃吓閃吓曼谷食玩買終極天書+芭堤雅、沙美島08-09完全版
新假期曼谷王09-10版
胡慧沖嘅泰指導之為食Guide

COMBO GUESTHOUSE
COMBO GUESTHOUSE
雙人床
雙人床
房內嘅梳妝枱同一大塊鏡
房內嘅梳妝枱同一大塊鏡
洗手間同冷熱水花灑,水力夠大,水溫亦可自行調較
洗手間同冷熱水花灑,水力夠大,水溫亦可自行調較
房內的分體式冷氣機,夠晒涼
房內的分體式冷氣機,夠晒涼
窗外街景
窗外街景
免費嘅COMPUTER ROOM,新的Samsung LCD Monitor
免費嘅COMPUTER ROOM,新的Samsung LCD Monitor

Combo Guesthouse樓下坐住啲應該係Staff嘅本土馬拉人拉吓客,我哋一行埋去就問我哋係咪想租房住,我同佢講已經booked咗,咁有位馬拉哥哥就引領我地去check-in啦,(無錯~係引領!佢並無幫我哋拎行李,不過佢都幾NICE嘅),Guesthouse嘅外表看落有些少殘舊,給我感覺似家庭式經營,我哋拎住行李,行咗十幾級樓梯,上到露台,露台有三張舊舊的sofa,可望到街景,有陣陣微風,然後我哋再大汗搭細汗咁上到 1/F嘅Reception,同層亦有一間TV Room同埋一間Computer Room(我哋都係住到check-out嗰日先知有哩間Computer Room), 裡面有兩部電腦供住客免費上網。

去到Reception,馬拉哥哥幫我地CHECK-IN, 我booked 咗一間Private Ensuite房,check-in期間,TV Room突然有位華籍姨姨走咗過嚟(應該係老闆娘),搞掂晒check-in同俾埋條尾數後(老闆娘好好,唔使我哋俾deposit,老闆娘仲叫個馬拉哥哥幫我哋拎行李,帶我哋上房,行過兩層樓梯到頂層3/F, 入到房Cherry同我講佢覺得好Suprise,俾佢想像中好好多(因為佢係第一次住哩種hostel,而我亦覺得滿意),房內設施唔多,麻雀雖少,五臟俱全,房間都好乾淨,張床都算舒服

每晚價錢: 109馬元 (套房)
其他消費: NIL
評分: 設備3   服務4   環境3   衛生4   抵住5
黃亞華小食店
黃亞華小食店
燒雞翼
燒雞翼
福建炒麵
福建炒麵
青檸話梅汁
青檸話梅汁

我同Cherry首先去咗哩間個個都話佢啲燒雞翼同青檸話梅汁好正嘅黃亞華小食店醫肚,位於阿羅街左邊街尾位置(如果龍記係左邊街頭位置嘅話)

一場嚟到馬來亞,梗係要食佢嘅風味啦,個個人都話坐喺舖頭出面,好似食大排檔咁更有風味,哩點我絕對認同,所以我未去之前一直都係有咁嘅想法,最多都係委屈下女友陪我捱熱,不過我做咗咁多年人亦都明白到理想同現實始終係有分別嘅,加上我真係好怕熱,焗少少都好似落完雨咁成身濕晒,所以最後我都係揀咗喺.......室內食,有冷氣嘅,Cherry又可以食得舒服啲!!~千祈唔好笑我,如果你係我,你都一定會咁樣揀..............

嘆住冷氣,睇吓店裡面嘅裝修,一樣可以好有風味,我哋叫咗4隻燒雞翼(RM$2.2/隻)同兩杯青檸話梅汁(RM$2.8/杯),加多一碟兩人份量嘅福建炒麵(RM$14),另加5% Gov tax,埋單約RM$28.2

燒雞翼:  真係非常出色,皮脆肉嫩,非常juicy,燒出嚟嘅色水亦都好靚,如果鍾意食辣,配埋辣汁更加惹味!!yummy!!! 一定要試!!!! (值4粒星)

兩人份量嘅福建炒麵,特色係用碳火再加埋用豬油嚟炒,碟麵的確炒得好有鑊氣,不過成碟麵就無咩材料,仲反晒光咁,我只有兩種感覺,除了麵還是麵,除了油還是油...。如果係蔡生食嘅話,一定話好香好味,因為佢好鍾意食豬油,不過哩碟嘢對於我哋嚟講就太肥膩(由於太肚餓,碟麵最後都係用嚟祭咗我嘅五臟廟。如果怕肥膩嘅話就建議唔好叫嘞!(值3分)

青檸話梅汁,我同女友飲咗第一啖之後,大家都係碌大對眼話好好味,味道甜甜酸酸,真係有粒話梅喺杯嘢裡面,咁熱嘅天氣下飲一杯,消暑解渴,感覺好fresh!!唔使多講,睇到隻大拇指就知very good啦!!!!!一定要試!!! (值4.5分)

補充一點,黃亞華小食店嘅餐牌係無標明價錢嘅,所以order前,特別係叫海鮮時,最好先問清楚價錢先,以免事後引起無謂爭拗。喺我哋進食途中,有三個講廣東話嘅女仔入咗離坐喺我哋隔離枱,佢哋睇咗陣menu,然後聽到其中一個女仔講"無價錢嘅,唔食嘞",然後就離開咗。另外,可能間舖出咗名唔憂做,我覺得哩間餐廳啲員工都無咩禮貌,而且我哋一坐低佢就放低咗兩包濕紙巾仲要係埋單時先知道要收RM$1,由於我哋無用過,梗係同佢講啦減返錢啦,雖然係一個幾毫濕濕碎碎嘅小事,不過對於哩種經營手法我就唔係唔欣賞嘞....

推介菜式: 燒雞翼, 青檸話梅汁
每人消費: 約14.1馬元 (晚餐)
評分: 味道4   服務2   環境3   衛生3   抵食2
  0 個留言    |  加入你的留言