朝早食完旅店包既早餐, 我地就出發去台中啦...

心情勁興奮, 因為睇書既介紹實在太正; 所以我地都好緊張...

在台北車站買高鐵飛, 舒舒服服的坐左一個鐘就到左台中啦...

跟住我地就接力一個鐘去坐中型巴士到“浦里”; 落左車, 去左 KFC食個快餐, 就再坐多個幾鐘去我地去台中既目的地 --- “清境”!

Relax 左一日"香格里拉空中花園", 我同亨利就 check-out 再住第二間.

依到既人真係好好, 好有心, 好好客; 第二間民宿既屋主中午就揸車黎 Starbucks 接我地去 check-in @黃慶果園民宿, 真係好好呀!

第二間既民宿離香格里拉空中花園大約有五至十分鐘車程, 我地一直向山上走, 原來環境更靚喔...

跟住屋主又車我地去睇羊 show (@2:30pm) (100台幣一位入場, 超平)... 我同亨利都以為大家去左紐西蘭一天遊, 哈哈(真係好似呀)! 清境農場除左有得睇剪羊毛外, 仲有趕羊表演, 同埋我地同左好多羊羊影相, 好開心呀!!! 

 

玩左兩日台中清境, 我同亨利都唔捨得走...

跟住我地又坐返三個幾鐘車(兩程大巴加高鐵)返台北啦...

吼! 竟然連甘耐既事都翻出黎講!
唔講廢話, 先講第一日既行程啦!
到達香港機場後, 就去左Burger King食早餐, 食到飽飽地, 再抖下, 就夠鐘上機啦!
不過去到港龍櫃位, 空姐竟然話班機延遲個半鐘起飛 所以一人有五十蚊餐券做補償!
所以我呢d一早食飽但又驚蝕底既人, 就去左板前坐下, 再添食到12成飽.
絕對可以話係為呢個'勁食'旅程, 加上一個好飽既開始!
經過一個半鐘既機程就到左台中機場啦! 呢度相當迷你, 應該同朗豪坊間無印差唔多大.
不過呢度既職員就好幫到手,好友善, 特別係旅遊局既姐姐呀.
知道我同家姐兩個傻傻地又學人自由行, 就提出好多建議俾我地.
仲見我地唔識路, 寫紙仔俾我地同帶埋我地去搵巴士站添! thanks!
坐左一個鐘車左右就到我地間超平價酒店啦, 係旅行社訂就$300晚/per人
雖然係平, 但外觀唔算太殘舊, 服務都唔錯, 免費提供既自助早餐都可以接受
另外, 非常意外, room入面, 張雙人床係超超超大, 保守估計一家四口適用!
係酒店休息左一陣就去台中地標-逢甲商區!