我們第二天十點半左右出門，出門後到STAR BUCK'S 吃早餐，然後便去誠品敦南店。小弟和女王大人一直都想去去台灣的書店，香港人常說香港書店比不上台灣的書店，心郁郁便想去看看到底有何不同。

的而且確，台灣的書店真的很大，很闊落，排列整齊，分類細緻，書店環境給人悠閒的感覺。然而，台灣的誠品卻沒有想像中這麼吸引啊！很多書香港也能買到，價錢也不比香港便宜！因此，我真的懷疑經常誇賞誠品書店天下無敵的人，是在香港是沒有行書店的習慣的。(打呢一句肯定俾人亂石擲死！)

逛了一小時，我們便去了吃度小月。度小月的豆腐和擔仔麵很有特色！豆腐香，質感好。肉燥亦算是台灣中相當美味與吸引了！我在這裡吃了很多，三碗擔仔麵，兩碟豆腐，兩個蛋，一碟清菜，把整天的肚都塞滿了。最後滿滿足足地結賬離開。

逛了一會，便去吃了一點MOS BURGER。(女王大人又去買美麗日記了！)老實說，去台灣吃一些香港也有的餐廳，感覺依然新鮮！好明顯，是隔離飯香的緣故！哈，其實是因為台灣的服務人員很有禮貌，服務很周到。這裡的生活步伐又不像香港人般，個個也是劉翔，跑得快到不見影。所以，在台灣的任何一處地方，也能讓自己心情輕鬆和悠閒起來，自然也倍覺快活。

之後，去試了試試粉圓。媽的！我們點了豆腐花，粉圓，杏仁和綠豆。他們把它撈在一起便算一味甜品？？！杏仁的味道和砒霜沒有分別！其它的豆腐花和綠豆又不太好吃，最後，我認為，我中了最大的陷阱！嘔！！！(女王大人要吃嘛，沒辦法啦！)

吃了午餐後，便出發往淡水。淡水老街聽聞有很多當地文化可堪一看，而且情人橋更是情侶必往朝拜的聖地。於是，小弟便和女王大人乘了四十五分鐘捷運去淡水，在捷運內，我們睡死過去，因為，昨天的緊密行程早已把我們的體力榨乾榨淨。

來到淡水已是下午三點。淡水老街有不少值得一吃的小食。甚麼鴨蛋、阿給、炸魷魚，昨天還未吃的，今天來到全都吃回！

逛了兩小時，便出發往旅遊書另一大陷阱－漁人碼頭。漁人碼頭......是一個目無邊際，戒毒的好勝地！它除了有情人橋，和賣船票的售票處，那裡近乎甚麼也沒有！如果不是旅遊書說這裡是漁人碼頭，我還以為我去了毛里裘斯。

話雖如此，我和女王大人仍選了一間咖啡室坐下，希望看看被旅遊書大力推崇的漁人碼頭日落美景是一樣怎樣的回事......

太陽徐徐的下山了(天線得得B 要走了!)，我看到了日落了！我看到了！我看到了太陽躲在雲後，不出來了！很好看啊！妖，我跟女王大人說：「很好看啊！對不？回家看我的八月十五吧！」

於是便一肚氣乘捷運回台北市區。

我們在晚上來到西門町。西門町有很多台妹，很多美食，還有很多香港人！(一有香港人的地方，沒有那裡是安靜的！)

我們來到這裡先吃甜不辣。女王大人一直嚷着要吃甜不辣。其實，在我眼中，又不是甚麼特別小吃呢？但女王大人的指令便是我的指令，於是便陪她吃了一點。

後來，我和女王大人去了吃鴨肉扁。鴨肉扁麵真的好吃！湯內既甜美亦濃厚，喝一口後便停不了想吃另一口。麵線亦充滿着鴨肉的香味和鮮味，麵有嚼勁，彈牙，正！但，鴨肉我真不太愛吃。肉質粗糙，味道亦不是十分好吃，只是普通肉的味道。罪過罪過，吃了一點後，便覺點多了，最後全放在嘴裡，待回酒店時才消化。

最後，女王大人因為要去屈臣氏買美麗日記(FELIX, YOU WIN!)，我便吃了一點水餃，坐在餐館喝點豆漿，等她歸巢。

然後，在她買完香港女人必為之瘋狂的美麗日記後，我們便啟程回酒店。第二天的旅程，亦到此輕輕鬆鬆地結束了。

酒店在捷運一出行三分鐘就到，交通方便。在附近地區，也有一個商圈，入面有多家連鎖店，如鮮芋仙、誠品、麥記、kfc......

行程: 西門町  ~ 香港

因為尋晚太攰嘅關係, 維妮同張生今朝係無食酒店嘅早餐, 寧願訓晏啲~ 點知我哋出發時, 發覺原來dady mami同亞妹都無食早餐喎, 既然係噤, 我哋就去搵嘢食先啦! 未去食嘢之前, 張生同衝鋒人去退番悠遊咭啲$$先, 點知退$時比人發現我哋其中一個人尋日喺淡水搭船無比$, 嗰個人咪係dady囉! 都唔知佢係有心定無意嘅, 但就係噤先知道原來無比$人哋都check到架喎! 今日我哋主要係要買手信!  我哋去咗永來香, 老天祿同埋太和, 去永來香當然係買豬肉乾啦, 而老天祿就梗係買鴨舌啦, 但原來老天祿啲嘢係超貴架, 鴨舌貴就不在話下啦, 連其他嘢都好貴架, 唔係受人所托, 維妮真係唔會喺呢間嘢買手信呀! 原本我哋去完老天祿都準備走架啦, 點知行行吓, 比我哋見到一間舊式嘅餅舖有鳳梨酥賣, 呢間嘢叫太和, 我哋試過啲鳳梨酥又真係幾好食喎!  個老闆娘仲好好人叫我哋唔好買呢啲啦, 佢整啲新鮮嘅比我哋, 叫我哋晏啲先嚟攞, 老闆娘真係細心啦! 買齊晒手信, 我哋就要搵嘢食, 因為我哋有幾個人仲未食早餐呢! (都已經唔係早餐啦!)  行番去西門町睇下有咩食啦, 見到有間有雞絲飯食喎, 就呢間啦, 除咗雞絲飯, 我哋仲叫咗蘿白糕, 蚵仔煎, 米線, 仲叫咗珍珠奶茶, 唔知係咪肚餓呢, 樣樣嘢都好好食呀!尤其係個雞絲飯同蘿白糕呀!

食完嘢我哋就各自喺西門町行街街啦! 行完街我哋就返去攞鳳梨酥，啲鳳梨酥真係熱辣辣架！真係好新鮮呀！但新鮮又點呢？我哋又唔係即刻食，哈哈～夾啱時間我哋就行番酒店準備出機場返香港啦，去到機場我哋最後衝刺，又買手信，唔知點解噤多手信要買嘅呢? 之前我哋喺台灣買咗啲薯片, 諗住沿途坐車食嘅, 但點知我哋一包都無食過, 所以我哋上到飛機食完個食咗好似無食過嘅飛機餐之後我哋就開我哋喺台灣買嘅三包薯片食, 唔駛一個鐘, 我哋就掃晒三包薯片啦,好厲害哦!

行程: 書局街 ~ 淡水 ~ 漁人碼頑 ~ 士林夜市 

經過尋晚嘅一番相量之後, 我哋都係.....未決定到究竟去 淡水好呀定係九份好!講真維妮對九份一啲好感都無, 因為之前去過只係覺得嗰度濕濕笠笠, 地方又窄! 而且張生仲話因為去九份會比較遠及晒時間, 所以最終我哋都係揀咗淡水! 未去淡水之前, 我哋要去一去書局街, 因為亞妹有成張list嘅書要買,行咗兩三間書局亞妹同維妮都有少少收穫, 但維妮好似買得多過亞妹喎, 一心準備好晒嚟買書嘅就買得唔多, 無諗過會買書嘅, 就買咗一大堆! 連mami都掃到幾本歌書! 好勵害呵! 行完書局街, 我哋就去淡水啦, 喺西門去淡水, 如果搭捷運要成個幾鐘, 識得維妮嘅人都知, 維妮係有地鐵恐懼症, 而捷運維妮真係覺得同香港嘅地鐵無咩分別, 依家仲話要坐成個幾鐘, 維妮可能會窒息架喎! 但可能衝鋒人對地鐵有情意結, 佢堅決坐捷運, 噤我哋唯有跟隊啦!上到捷運發覺原來都幾多香港人去淡水架喎!

一出淡水嘅車站就發覺呢個車站原來係紅磚牆起, 又幾靚喎! 車站後面仲係個海, 環境都幾靚架!喺呢度仲比維妮見到有人影緊婚紗相, 維妮都唔執輸, 偷影埋一份, 點知影影下, 比個新娘示意叫維妮唔好影tim, 維妮都係見妳幾靚女先影下啫, 唔比影就算數啦! 之後我哋行咗去老街, 老街有好多手信買架, 嚟到呢度就發覺我哋無揀錯! 呢度真係好行過九份好多呀! 起碼條路都闊啲呀! 聽講老街出名魚丸, 我哋又未食lunch, 就搵間魚丸食吓啦, 呢度係老街, 就搵間叫老店魚丸食啦!啲魚丸又唔係唔好食, 只係無咩特別啫, 反而啲雞同啲菜又幾好食,

食完嘢我0哋就繼續行老街, 行行吓我哋見到不可思議博物館, 細佬好有興趣噤, 但啲dady mami無興趣, 噤唯有我哋陪佢入去啦! 唉~維妮仲以為會好似泰國信不信噤大啦, 點知一入去就已經一眼睇晒, 真係搵鬼笨! 行完老街, 我哋原本諗住再搭車去漁人碼頭, 點知比我哋見到可以搭船去架喎, 我哋一於試下搭船啦! 去到漁人碼頭, 亞妹即刻變成維妮嘅御用model 所有廿年前嘅超高難度post都出晒嚟, 真係笑到我哋扒晒地!影到差唔多, 我哋又坐番船返去老街行番去車站搭捷運去士林夜市啦!自從 士林夜市唔知幾時改頭換面之後, 維妮今次都係第一次嚟, 依家嚟到同以前相比係好似整齊咗, 有規模咗! 但賣啲嘢就好似無以前噤有特色噤啦, 賣啲嘢就好似 旺角嘅女人街啲貨式噤, 行行吓, 見到阿宗麵線, 嚟咗台灣三日都未食過, 一定要試下啦, 真係keep到水準喎, 同以前一樣噤好食呀! 之後我哋又見到超大塊雞扒, 勁多人排隊, 我哋更係又排埋一份啦, 原本維妮以為同家鄉雞差唔多啦, 一食先知原來係超好味呀! 同家鄉雞差好遠呀! 正!正!正! 呀! 之後我哋再行去以前嘅鐡皮屋, 睇下仲咩好食, 果然同以前食嘅嘢差唔多! 但就好似少咗好多舖噤嘅! 哈哈~ 一入到去以前食過嘅台式鈇板燒仲喺到喎, 要回味下呀! 但好似無以前噤好食啦! 之後亞妹話未食過棺材板, 所以佢哋就去咗買棺材板食, 之後我哋就去咗食冰, 我哋個個都試咗唔同嘅綿綿冰, 嘩~呢幾日, 維妮日日都食冰, 但發覺最好食都係綿綿冰呀, 好似食雪噤, 超超超好味呀!喺士林食完嘢, 維妮原先係諗住今晚去美麗華影犘天輪, 但食完嘢都已經10點9啦, 維妮都預咗要放棄~ 因為坐得捷運去, 去到真係驚咩都影唔到呀, 噤dady就話坐的士去, 但我哋又驚會好遠喎! 噤啱我哋就企正喺的士站隔離, 於是dady就走咗去問去美麗華大約要幾$, 原來都只係二佰幾蚊, 噤我哋就123坐的士去lu! 去到美麗華維妮即刻set好晒腳架狂影, 維妮都係第一次影夜景咋, 但唔知點解影極都唔係好滿意囉! 我哋特登坐的士嚟到無理由影幾張相就走架, 所以我哋一於趕去坐最後一班嘅摩天輪! 上到摩天輪, 維恨又影, 但發覺係咩都影唔到囉! 坐完摩天輪我哋又要趕頭趕命噤去搭最後一班捷運, 維妮呢一刻係有少少內疚架, 如果唔係維妮話想嚟影摩天輪, 大家就唔駛趕頭趕命噤啦! 但之後發生嘅事仲令維妮更加唔好意思!事情就係, 就喺我哋趕緊去捷運站時, 就有位保安哥哥話我哋應該趕唔到去搭捷運架啦! 噤點算? 咪唯有搭的士啦, 但我哋之前搭捷運都搭咗個幾鐘, 搭的士咪好貴!!! 呢個時候我哋就見到有架的士, dady就走去問佢去西門幾多$$啦, 個的士佬就話二佰幾蚊! 我哋一聽到, 唔係庥, 噤平? 呢個時候張生先醒起, 係喎, 我哋依家唔係喺淡水, 我哋去過士林, 依家又嚟到美麗華, 加加埋埋都已經去咗一半路程啦! (點解噤遲鈍架)但我哋又諗, 路程行咗一半, 噤二佰幾蚊係咪貴咗呢? 我哋又唔識路, 佢可能會兜路兜到二佰幾蚊架喎! 我哋又唔想洩, 於是dady再去問多架幾多$啦, 點知頭先嗰個的士佬又跟住dady一齊行, 仲用潮州話同另外個的士佬講:{我話咗二佰幾蚊架啦! 唔好平比佢哋呀!} ha~你以為講潮州話我哋就唔識聽呀!你知唔知維妮dady係咩人呀! 咪ga ge la囉, ha~ha~ 跟住另一架的士就話同我哋講:{要三佰蚊!} 奸得佢哋呀! 於是我哋決定離開呢個範圍, 去另一邊再揾的士, 就當我哋問緊一架的士時, 頭先嗰個奸的士佬竟然出現喺對面線, 佢仲落埋車食住支煙企喺度!  佢噤嘅衰格樣, 擺明就係特登過嚟睇我哋點衰啦呢個時候我哋就知, 佢一定call晒台啦! 好彩呢個時候又有個保安哥哥見我哋噤, 就叫我哋行返出去大街嗰邊捷! 最後我哋出到大街捷, 返到去酒店係NT275,  呢個的士佬有無兜路我哋唔知, 但都好過搭嗰個衰格司機呀! 關於喺台灣搭的士, 我哋前一晚搭的士返酒店時, 其中一架都兜我哋路, 但佢兜咗路我哋都唔知架, 都係另一架的士佬好心話比我哋知咋庥! 返到去酒店後, 酒店職員問我哋係咪聽日返香港, 話如果係可以幫我哋叫的士NT1000去機場, 依~ 噤都係貴我哋搭巴士幾佰蚊咋噃, 都低呀! 經過一番商量之後我哋決定放棄聽日搭巴士出機場, 改搭的士啦! ho~ho~ho~ 商量完之後, 雖然已經係12點幾, 但唔知邊個仲話要去食宵夜, ha~ha~跟住我哋又再出去食宵夜, 我哋真係 ~好勵害哦~ 我哋一路行條街靜嬰嬰, 都唔知有無嘢食嘅, 終於我哋行咗成半個鐘先搵到一間仲好多人食嘢嘅舖頭, 但啲嘢食就認真庥庥哋啦! 食完嘢我哋就真係返酒店訓覺啦!

行程: 西門町 ~ 101 ~  饒河街夜市 ~ 遼東夜市 ~ 華西街

今朝嘅早餐有日式, 西式兩款揀, 為咗隱陣起見維妮都係揀西式, 而張生不嬲都對日式早餐情有獨鍾, 所以佢就揀咗日式啦! 呢朝嘅早餐雖然唔係自助, 但賣相就非常之靚呀, 係一個又靚又好味嘅早餐呀!去台北嘅車站就喺正酒店隔離, 我哋非常之好彩, 一出酒店就有巴士, 仲有好多位tim, 我哋8個人包咗成架巴士...嘅車尾, 又可以擺行李, 真係fit晒呀! 估唔到喺金山去台北嘅巴士又幾靚架喎, 成架旅遊巴噤, 一啲都唔似巴士喎, NT120都幾低坐! 坐咗差唔多成個幾鐘終於去到台北車站啦, 唔好以為我哋到咗, 我哋仲要坐捷運去西門站再行15分鐘倒, 先去到我哋今晚嘅酒店 ~ 富園國際商務飯店 因為我哋呢兩日都會坐捷運, 所以我哋決定每人買張悠遊咭, 悠遊咭就好似我哋嘅八達通噤, 搭車會平啲, 用淨又可以退番$$, 非常方便架! 去到酒店離遠睇個外表又係又殘又舊噤, 又大打折扣啦!但入到房又真係完全唔差喎, 仲幾正tim喎, 仲有DVD機tim! 究竟台灣啲酒店係咪間間外表都係殘殘舊舊, 內裹就四四正正嘅呢?放低行李之後, 我哋就行去西門町食lunch, 行到去左睇右睇都唔知食咩好, 終於比我哋見到一間食泰國菜嘅餐廳! 唔好諗啦, 就呢間啦, 餐廳仲比間房我哋tim呀, 呢間嘢平平無奇但啲嘢食又幾好味喎! 餐廳個名唔記得, 但記得就喺正老天祿隔離! 

台北嘅地標101, 去到101感覺上都唔係好高啫! 影完一輪相, 見又無噤早去行夜市, 決定喺附近周圍行下, 順便睇下有無eeepc賣, 但發覺原來呢區係無asus囉! 行到無嘢好行, 決定早啲去行夜市! mami之前講過話要去饒河街夜市, 我哋就決定首先去呢個夜市先啦! 饒河夜市好明顯無基隆夜市噤熱鬧, 但一樣都有好多嘢食, 同之前一樣我哋各自分頭行動,最攪笑就係當我哋坐低食嘢時, 一見到自己人就會叫佢過嚟試食, 就係噤一個經過又走埋嚟食一舊, 下一個經過又走埋嚟食一舊, 啲食店佬闆見到我哋噤都笑我哋呀!芒果奶冰同碗魷魚勁好味架! 好快我哋就行完成個饒河夜市啦, 見時間仲早, 我哋一於再攻下一個夜市, 邊個好呢! 經過張生同衝鋒人商量過之後, 衝鋒人話去一個叫遼東嘅夜市! 遼東夜市? 維妮聽都未聽過呀!去到遼東夜市, 呢到都算係我哋去噤多個夜市最少人嘅夜市啦, 我哋唔駛半個鐘就行完, 仲係無食過嘢, 就行完! 見噤嘅環境我哋決定再攻第三個夜市, 就係華西街啦, 華西街就好似香港嘅廟街噤, 因為唔係好多人, 我哋都諗住一齊行, 但發覺原來行夜市8 個人一齊行係唔work架, 因為行行下我哋已經好自然噤分開晒lu! 行完我哋就搭的士返酒店lu! 就喺我哋坐的士差唔返到酒店時, 竟然比我哋見到嘉樂福, 仲係24小時營業, 仲要係離我哋酒店一啲都唔遠, 哈哈~今晚我哋有節目啦! 返到酒店, 原本我哋四個做人仔女嘅諗住飛起啲dady mami自己去嘉樂福, 點知比佢哋知道咗, 佢哋都話要去, 哈哈~我哋仲以為佢哋已經攰到唔識郁tim, 原來佢哋啲精力一啲都唔差架喎! 係唯一衝鋒人真係攰到唔識郁話唔去, 但衝鋒夫人死都要拉埋佢去, 所以我哋一行8人又浩浩蕩蕩噤去嘉樂福啦! 行完嘉樂福我哋又掃咗一大堆嘢食返酒店又開餐啦! 順便商量下聽日嘅行程! 究竟去淡水好呀定九份好呢?

行程: 香港 ~ 桃園機場 ~ 基隆夜市

我哋去到桃園機場都成點鐘啦, 第一件事當然係唱$$先啦, 超多人呀, 好彩我哋有個衝鋒人,一落機就一支箭噤去咗排隊! 如果唔係都唔知要攪幾耐! 攞完行李我哋就要搵車去今晚嘅溫泉酒店 ~ 喜凱亞溫泉酒店 去到一間租車公司左問右問, 佢哋話無8人車, 所以要租兩架車! 衝鋒人一聽到就話:{唔駛諗, 搭巴士啦!}就轉身走啦, 但唔知點解我哋7個人竟然好一致噤無跟佢走, 因為我哋都覺得應該有第二個選擇架庥! 就喺我哋商量緊之際, 就有人走埋嚟問我哋去邊到, 今次由dady出馬, 因為大家都係ga ge la(自己人), 佢哋話可以租兩架奔士比我哋NT$4000, 噤我哋計過同搭巴士相差NT1500, 每人都係多$50啫, 但時間上就快好多, 又唔駛轉車, 又唔駛搬行李, 噤都化算架喎, 但衝鋒人就話佢哋一定係禁住搶.  又想轉身走, 但我哋7個人一樣無動於中, 哈哈~ 因為我哋7 個人已經決定咗唔坐巴士坐奔士, 7對1無嘢講, 哈哈~  坐咗差唔多兩粒鐘奔士終於到啦!  嘩 ~ 一睇到間酒店外表好唔掂喎!  但好彩入面原來唔差嘅, 同web site都差唔幾! 不過我哋四人房就好似細咗啲囉!

我哋喺酒店hea咗一陣就出發去基隆夜市啦, 今次我哋真係搭巴士啦!一去到基隆夜市, 多人到爆呀!我哋一行8人都唔知點行好, 最終我哋決定各有各行, 各有各食, 香腸, 魷魚, 魯肉飯, 刨冰......總之就係食..食..食..大家一輪狂掃之後, 又要趕返酒店浸溫泉, 返到酒店, 男人就去浸溫泉, 我哋女人對溫泉無興趣嘅就走咗去酒店對面睇下有無宵夜食! 發覺無嘢食, 最後都係去咗7-11掃貨!到佢哋浸完溫泉返嚟, 竟然比細佬買到宵夜返嚟, 我哋又開餐啦!開完餐我哋返房諗住睇下有咩玩啦, 點知維妮等等下就訓著咗啦!

台灣的地方很大,看地圖不可以盡信,因看似相近的地方,步行亦花上相當長的時間,公共交通亦不像香港方便,最好有心理準備......

西門町食食食！