29 November 2009          天晴

10:00am先起身, 去咗一間叫”Dante Coffee”食早餐。行咗新東陽, 連新東陽都有豬肉紙賣呀..哈哈。之後check out先, 放d行李喺酒店餐廳 (其實係一個幾百呎的地方)。打算出發去市政府站向尋找Jay的第二站 -  Mr J II 出發。再去三越 A4 攞查理布朗雞蛋布丁 &買江記華隆豬肉紙。點知行經中山站三越3館時, 發現有cold stone 雪糕食, 做緊買一送一, 好抵喎..我同友人又食番杯, 友人食好特別的烏龍茶味(我試咗一啖, 好”真”的茶味呀), 我食薄荷味。

之後乘捷運去市政府站, 打算乘台北醫學大學免費專車”藍5”前往Mr J II (喺台北醫學大學內的), 點知星期日係無車咖, 我地問警察有無公車, 連警察都唔知 (?!?!), 唯有搭的士去啦。的士車鬼咗我地去醫院…哈哈…原來喺隔離啫。終於比我地搵到Mr J II啦, 係周杰倫開的餐廳, 亦係用”不能說的秘密”做background的, 連侍應都著”不能說的秘密”的校服咖。

一見個menu就開心, 頁頁都有Jay咖。我地每人叫一個set, 都幾好食咖, 有湯有沙律、有主菜、有嘢飲&甜品 (不過個甜品就麻麻地)。當然主打係不停影啦, 有果部可以彈番去20年前的鋼琴, 又有周杰倫的大頭poster, 仲有佢攞的獎項添呀。

影完我地就走人, 問人點搭公車出番市政府站。再去sogo A4 攞查理布朗雞蛋布丁 & 買江記華隆豬肉紙。番回中山站, 喺康是美買埋”我的美麗日記”就番酒店。喺酒店果個所謂的餐廳, 我地係咁塞嘢入喼之際, 又比我地遇上個好好人的女職員, 問我地嚟旅遊定睇演唱會..哈哈..佢仲教我地搭的士去圖書館再搭巴士去機場, 仲幫我地叫埋的士, 仲同我地講由酒店去圖書館都係台幣100咖咋, 似係提個司機唔好昆我地…..好好人呀…

我地順利由圖書館乘巴士去機場, 去到國泰counter, 有自助check in, 仲有得print out…哈哈..可惜我地太遲check in, 我地要分開坐 (我選43行, 友人60行)。去到counter位, 擺喼寄倉, 個地勤好似好好心咁問我地做咩分咁開坐, 話幫我地安排近d (但係都係無哂連位咖啦), 點知結果係變咗我坐55行, 友人就三十幾行…. 車…仲衰。 未過海關之前, 大批港人喺”維格”內買嘢, 我同友人去duty free, 本來見有台幣300(細size)的鴨舌比細佬, 點知無哂細size, 得我手上大size台幣700, 好貴, 不過算啦, 細佬鍾意食, 買知我得番台幣500 唔夠$..哈哈…居然可以比台幣500, 碌卡台幣200….哈哈哈哈。

我地準時上機, 不過就因為有d麻煩香港人搞到遲咗少少。我地發現班機都好full, 好多人都好似我同我友人咁要分開坐。個人而言, 1個半小時啫, 無咩所謂。

飛機餐明明係晚餐, 但得個幾鐘, 所以只係有三文治…….嗚….唔夠飽囉。喺飛機上買咗隻peninsula 的聖誕熊…….好可愛的。

9:55am到達香港機場, 好多班機同時出行李, 要等一陣。之後就乘機場快線去香港站, 再轉巴士回家。

28 November 2009         (下雨, 仲有d涼意)

台北車站> 瑞芳>平溪線

今日主要係坐火車, 平溪線…去十分、菁桐。

去到台北火車站買票時, 我地遇上一個”看似熱心幫我地”但其實想問我地攞$的男人, 嚇鬼死。我地買咗票上到車, 發現無得坐..唔明人地有d人的票有坐位號碼, 我地無….要企足1小時20分鐘…..(~__~)! 到達瑞芳…要轉平溪線, 購買平溪線一日週遊卷台幣 54。未有車住, 我地出出面的”美食街”(即係熟食中心)食早餐, 食咗個好地道的米線。之後上車出發去十分(其實我地本來想去菁桐先, 但係落錯車), 行老街、觀瀑吊橋、眼鏡洞瀑布, 開始有d雨。呢個站唔太多嘢睇, 所以去菁桐, 但係又要等, 因為d車好疏。呢個站多d嘢睇, 我地首先去”紅寶礦工食堂”, 食lunch, 食咗個礦工工人飯盒, 多嘢食到爆, 好大塊雞扒。之後行鐵道故事館, 原來所謂的故事館, 係買記念品的地方, 並唔係一個博物館..哈哈..有木板postcard, 我都買咗寄比自己&朋友, 仲喺個”幸福郵筒”寄的, 唔知…會唔會得到幸福呢?!?!....雨就越嚟越密..不過都無阻d新人影結婚相, 而我地亦趁無咩雨的時候行落路軌度影相….友人對鞋就就咁宣佈死亡..哈哈…可能比d石仔整爛的。

之後去番去瑞芳, 混亂之間買車票回台北車站, 我地d票又係無得坐, 都唔知有坐位號碼d票點買….又要企1小時20分鐘番去。番到台北車站, 行吓地下街, 友人睇吓有無鞋賣, 發現好多鞋店都有”Made in Hong Kong”的鞋賣…我地話香港要喺長沙灣果d批發先有得賣果d…哈哈..。喺呢度, 友人鞋就睇唔啱, 不過就誤打誤撞去到”李儀餅店”, 買鳳梨酥。之後番中山站, 行新光三越, 喺2館終於比友人買到鞋了。之後再行1館(即係本館), 比我見番Harrods Counter..太好了…我就買咗個x’mas set 比母親大人, 包一隻熊仔 (佢條頸巾有隻小熊的)、一個PVC中size袋、一個x’mas紙盒。比$時, 發現明星…………就係……….伍佰….哈哈…同一名女士一齊買茶葉。走果陣, 我同友人”發夢”地想, 如果我地見果個係Jay….就發達了 (發夢中…………)。之後上9/F 行Tokyo Hands, 不過無咩特別。諗住去退稅, 點知要同一館先得 (我在1館買Harrods, 友人在2館買鞋)….又係搵嚟搞。

已經係9:30pm, 我地仲未食dinner咖, 你話我地為咗shopping, 真係咩都得咖…呵呵。喺毫無頭緒食咩之際, 我地向番番酒店方向, 見到一間好大個招牌的咖哩餐廳, 就入內試試。喺入門口之際, 我同友人講：”依, 呢間嘢個logo公仔好似city super內果間喎”, 友人：”咁即係入定唔入呀?” 我對腳當時已經唔屬於自己咁, 梗係入啦。入到去, 果然係city super果間, 不過都無所謂啦。遇上一個勁熱情的女侍應, 問我地係咪遊客、係咪第一次食呢間餐廳….。同香港唔同, 呢度除咗食主菜外, 係有沙律、湯比你自己任食/飲的, 都幾好喎…哈哈。我食咖哩豬扒飯, 友人食蛋包飯。

就係咁, 明天就係last一天喺台北了。

27 November 2009          天晴 (曬死人果隻)

今日plan咗去野柳 -- > 淡水

搭捷運去台北車站前的台北國道客運總站 (我地搵錯地方, 職員叫我地去"Y22出口"), 好遠, 行到隻狗咁。再搭乘前往金山青年活動中心的國光客運，喺野柳站下車。都搭咗個幾鐘咖, 其實唔係好識落車, 不過見有2個男士 (一個本地人、一個外籍人士)都係都野柳, 所以都放心d瞓吓先。

好彩到到站時, 司機好好人咁大叫呢度就係野柳。我地就見到個指示牌 (仲見到有個男人同我地一樣影個指示牌, 我地仲以為佢都唔係好識路), 沿路行5-10分鐘就會到”野柳地質公園” (入場費台幣50), 我地影相時, 果個男人又出現, 仲主動幫我同友人合照 (但佢一直都無講嘢, 只係指手劃腳)； 買咗票, 之後行到去個大地圖(因為此地方最出名就係”女皇頭”, 我地要睇吓點行去)時, 個男人又出現, 佢今次攞咗個信封出嚟, 信封內有相片, 佢就用英文講, 原來張相係佢同”女皇頭”的合照, 不過係1971年, 幾十年前…哈哈…佢一講英文的口音, 就知佢係日本人, 佢特登幾十年後再嚟影過, 日本人真係好有心。其實地質公園內的奇形怪狀的石, 係因為多年比風吹成的, 而 ”女皇頭”就係其中一個最多人的景點, 好似話以前係可以觸摸嚟影相的, 不過聽聞就係太多人觸摸, 加上再比風吹襲, 所以依家唔比觸摸, 有security睇住, 亦可能幾年後無咗咖啦。  沿路行就會見好多唔同形狀的石, 個風景好靚, 真係好海天一色。行行吓就見到個”女皇頭”, 係要排隊影的…哈哈…好彩我地排果陣唔算太多人。之後我地見到個”海角一號”的牌就影, 其實係toilet嚟, 點解影, 因為我地好白痴咁…..記錯係”海角七號”…嘩咖咖咖咖。由於太曬的關係, 我地都要開傘用, 頂唔順, 又曬, 又熱, 又流哂汗, 差不多中暑。睇完我地碌入7仔嘆杯可樂c樂冰, 不過好似太甜, 甜到有d “封喉”。

出番嚟我地就向尋找Jay的第一站出發 – 淡水 ： 淡江中學, 即係Jay的母校, 又即係”不能說的秘密”拍攝場地。我地乘巴士由野柳去淡水(從野柳搭【基隆-淡水】的巴士)。又搭咗成個鐘, 到尾站就係捷運淡水站, 我地再轉紅 26 號巴士往中正路，到真理街淡江中學, 亦有叫司機提我地落車。一落車就見指示牌, 我地就行上去…..見到啦….淡江中學呀…好緊張呀。入到去就影影影…..見到d唔似一間學校會有的東東...哈哈…真係好大間…因為入面有埋幼稚園、小學、中學…仲有….墓地添….行幾行d學生就放學, 佢地好勁, 放學唔係即刻走, 仲要打掃埋咖….好日本feel呀….我地行到去個操場, 即係套戲入面打比賽&葉湘倫同小雨食蘋果的地方, 再行就見到套戲的正門, 原來唔係好大咖咋….坦白講…有少少失望, 加上又係放學時間, 好多學生、老師出出入入…唔係太好意思影相。

見識完淡江中學, 我地就行吓附近的”紅毛城”, 本來係要入場費的, 但如果有發票(即係喺台灣買完嘢就會有的發票, 好似有得抽獎的), 就可以免費入內。不過其實無咩睇, 因為”紅毛城”只不過係好耐好耐之前英國領事工作及休息的地方, 我地香港曾經都係英國的藉民地, 所以都無咩特別。

行落淡水老街, 已經係3點幾4點, 我地除咗喺野柳飲咗杯c樂冰之外, 我地無食過其他嘢…好肚餓呀…我地要去”百葉溫州餛飩”食周杰倫套餐, 有雞比&餛飩, 呢2樣嘢都係周杰倫中學時代最鍾意同成日食咖…呵呵…。

行吓淡水老街, 有好高的ice cream食….我食朱古力+vanilla , 友人食綠茶………..好睇唔好食………..都唔似雪糕味……嗚….

行到個天都黑哂, 都只不過係5:45pm, 我地就搭捷運去西門町行。一出西門町, 就好似旺角咁多人, 仲係多年青人。有街頭表演、街邊畫畫檔口、買頸巾….等等..我地見有台幣39店(即係hk$10店)就行吓, 又買到嘢..哈哈..因為依家香港的$10店都唔只賣$10….行幾行去咗食”爭鮮”壽司, 見佢個牌碟碟hk$9, 好抵咁………….不過….都唔好食……………嗚………d水好似溶岩咁熱。食完又行街, 有日本牌子”Design T Shirt Graniph”, 買咗一件比細佬, 一件比自己。

之後我地番酒店附近的7仔攞書, 喺之前喺香港上網訂定的, 比出面平d。個網唔只可以訂書咖, 有雜誌、化妝品..連muji嘢、手袋..都可以訂的..哈哈。

26 November 2009 (Thu) 天晴

今朝”倒塔咁早”就起身去機場, 因為我要乘8:15am港龍去台北。由於機場巴士都無咁早, 所以我要乘第一班(5:30am) 的788去香港站轉機鐵 (好彩MTR Club 送2張50% discount coupon..呵呵), 我5:15am起身 (基本上昨晚係輾轉反側訓唔到, 我去親旅行前一晚都係咁咖), 連人帶喼衝落樓, 可惜都係miss咗班車, 因為我明明企喺788個位置, 但居然比發現有架788喺隔2條線開出, 仲要我趕唔切叫停佢….激死…有d出師不利的感覺。

去到機場6:35am, 好多人check in, 又排一大爛餐。7:00am去果d貴賓候機室, 喪食嘢, 再嚟一罐汽水。食完拿拿聲搭無人駕駛列車入閘, 因為final call啦..哈哈。

獨自一個上機, 因為友人同我唔同機, 佢會乘遲我一小時的國泰機, 即係話我到達台北都要等佢一個鐘。本來預咗個幾鐘的機程, 飛機餐都會係三文治、麵包, 但居然係食麵, 仲要有2粒燒賣..呵呵…仲有一包曲奇&包裝橙汁。我就好飽, 所以曲奇&包裝橙汁袋走, 以備不時之需。

聽住歌瞓的我, 話咁快就準時(9:55am)到達台北桃園機場。行去換台幣, 勁多人排隊, 之後去落地簽證 (台幣200), 好快搞掂。準備去等友人, 由於港龍降落喺T2, 而國泰就降落喺T1, 所以我就要去T1等了。一去到T1就比我發現友人的航班delay了30mins, 嗚…我只好傻更更咁等”接機”, 期間我發現勁多人接勁咖喎, 仲要係帶埋banner果隻, 哈哈..好似fans等偶像咁。

出發前check過台灣天文台, 話係19 – 23度, 有雨。但係落機就發現係26度, 仲要越嚟越高添….果然同香港天文台一樣…唔多準喎。

終於等到友人出嚟, 我地就去搵車搭去酒店 (其實唔係酒店, 係”商旅”), 我地搭”國光”, 個職員叫我地喺”國賓飯店”落車直行, 我地到咗國賓落車, 開始要估估吓…哈哈…唔記得講, 今次的旅程, 我同友人都係無旅遊書、地圖在手咖…我地只係download咗捷運、火車路線咋..幾勁。

無啦啦我地經過個公園, 就比友人發現我地要入住的”新月商旅”個牌, yeah我地搵到啦…個outlook同我地上網睇好唔同, 不過都ok啦..哈哈..。不過無得上網 (之前上網睇過有咖, 不過唔覺囉), 仲有個浴室係無浴簾的, 所以我地日日都整濕哂個地。喺房我地休息一吓, 友人乘國泰都係得麵包食咋, 所以佢勁餓, 我比咗港龍的曲奇佢食。

梳洗之後我地就出發, 首先搭捷運去市政府站, 新光三越A4 館 (超市果層) 訂咗查理布朗雞蛋布丁 (一盒台幣180, 9隻), 只需留名、數量、攞貨時間就得咖啦, 我同友人每人訂3盒。之後行去搵”江記華隆豬肉紙”, 佢就唔係counter, 只係喺超市入面的一個玻璃架內, 我見仲有貨就唔買住, 等last day嚟攞雞蛋布丁時再買 (之前同事話因為阿蘇介紹過, 所以勁多人買, 成日sold out, 再加上佢去果陣係公眾假期, 所以要訂囉)。

行行吓見到有Harrods counter (我仲以為係日本三越先會有Harrods counter), 即刻入去睇吓有咩啱母親大人, 不過睇嚟睇去、心大心細, 唔知買咩好。所以又兩手空空走。臨走前影相比母親大人睇。

之後我地去咗信義誠品旗艦店, 已經係3:30pm, 好餓呀, 不過今晚打算去”牛角”食日式燒烤放題, 所以又唔敢食太heavy, 所以我地就一人食咗一個mini pizza, 加嘢飲, 個pizza 都ok, 不過杯嘢飲就好唔得。之後我地就行誠品, 不過就無咩收穫, 因為d嘢都幾貴。之後見到我去日本必食的mister donut, 我就忍不住買2個食 (台幣35一個), 仲見到有禮品換, 可惜要勁多”點數”先得…..短短4日, 我一定唔得囉。

之後我地就搭捷運去中山國中站食”牛角”, 其實”牛角”就唔只呢間, 不過就得呢間有”食到飽 all you can eat”, 同埋得星期日至四的。一出中山國中站去對面向右行就到。大約7:30pm, 唔算太多人, 不過我地無訂位, 所以要坐大枱, 我地2個人就一個爐, 我地對面4個人(3大1小)就有2個爐。台幣699 (另加一), 任食任飲2小時, 我地食咗五花牛、牛肋、雞、菇、有骨腸仔、帶子、鍚紙金菇、蝦、蜆湯、溫泉蛋、甜品、每人飲咗3杯嘢….勁飽。不過我地都後悔無勁叫五花牛..哈哈。

食完就行吓街, 去咗康是美睇”我的美麗日記”價錢, 不過都係無咩收穫, 打道回府。

台北自由行第一天: 桃園機場 → 板橋 → 台灣故事館 → 鋤燒煱物料理  → 西門町 → 酒店

         第一天帶著輕鬆的心情出發, 怎料一登機便出現故障, 所以延遲起飛, 使得其中一個行程去不到了, 而且還天公不做美, 竟然下足一日雨, 最不幸連我最喜愛的加菲貓餐廳也關門大吉, 不能拍照下來, 還有幸台灣故事館都總算有所期待, 拍了很多照片, 也很有懷舊味道, 內裏的刨冰也很大很好吃, 接著便到鋤燒煱物料理打邊爐, 勁食牛肉, 很不錯呢! 最後便到西門町逛一逛, 早點回酒店準備明天的行程了.

 台北自由行第二天:  十份 → 台灣煤礦博物館 → 九份 → Pepper Lunch → 酒店

          今天也是倒楣的一天, 整天都下著雨, 車程還遠, 鞋也全濕了, 很不舒服, 到了十份, 在雨天也感覺不同, 雖然很狼狽, 但感覺也不錯, 在火車路軌上行走, 很有味道, 也拍了不少照片, 也寄了兩塊印有火車圖案的木板給家人, 不過我相信我回到香港後還未收到呢! 嘻嘻~~ 最可惜煤礦博物館, 可能因下雨天, 所以沒有開業, 不能參觀, 接著到九份山城買手信, 因之前也到過九份, 所以沒有行很久就離開了, 因為雨越下越大, 所以不得不走了, 肚也餓了, 到了一間Pepper Lunch的地方吃了一個一口件一塊雞的鐵板燒, 還可以呢! 因佷夜了, 所以回酒店準備一番.

台北自由行第三天: 小國人多啦A夢樂園 → 豚屋 → 曉河街夜巿 → 酒店

         今天終於沒有下雨了, 本是玩足三個行程, 但因時間不夠, 而且車程也很遠, 這個小國人也玩足一日, 所以沒有到其它地方, 小國人裏都很多小人設的地方, 拍了很多照片, 很可愛呢! 最可笑之處就是有些小人模型裏會有叮噹在內, 你們可以留意一下相片, 還有一個小朋友玩的遊樂場所, 而我最喜歡當然是叮噹表演及故事館啦! 能同大雄叮噹一同拍照真的很開心呢! 玩盡後會到周杰倫所介紹的豚屋吃了一個咖哩炸豬扒定食, 這個是周杰倫推介, 真的很好吃, 下次去一定會再吃過, 最後到曉河街夜巿, 不過只吃了一個肉骨茶, 因為肚皮已很滿足了, 回到酒店休息.

台北自由行第四天:  淡水 → 新北投 → 地熱谷 → 鳳凰閣温泉 → Cafe8 → 美麗華百樂門 → 士林夜巿 → 酒店

         一大清早便到淡水, 今天陽光普照, 但店鋪還未全開, 一直原著店鋪走, 買了一些手信, 可能因太早, 而且不是假期, 所以比較冷清, 拍了幾張照片便起程到新北投, 乘坐捷運到新北投, 本想到地熱谷拍照, 可惜因工程進行中而不能內進, 那便到温泉輕鬆一下, 竟然一個人都沒有, 所以我們便包了整個露天温泉, 真係寫意, 嘆一下後當然要咖啡店嘆咖啡食件café啦! 接著便到美麗華百樂門, 坐摩天輪, 非常的高, 在高處望下去腳有點震, 呵呵~~ 最後到士林夜巿掃街, 掃到肚子滿足便回酒店執拾行李.

台北自由行第五天: 龍山寺 → 國父紀念館 → Sogo → 板橋 → 桃園機場 → 香港

         這是自由行最後一天, 這一天我才覺得有點累, 首到龍山寺參拜一番, 買了一些平安包送給朋友家人, 希望她們能夠平平安安, 也拍了不少照片, 跟著便到國父紀念館參觀一下孫中山先生的肖像, 也有士兵在隨行表演, 英偉不凡, 最後便到sogo美食街吃了一個石頭煱麵, 真的很不錯, 終於都累了, 準備到機場回香港, 但在後機室竟然發現了Hello Kitty, 原來這是Hello Kitty後機室, 拍了幾張照片留念, 開始登機了, 帶著開心的心情和疲累的身體回香港.

第一天  13-11-2009   淡水 – 美麗華 – 士林夜市

12: 00到達桃園機場，去(國光客運)國光號買來回車票，搭去台北車站，然後行去力歐時尚旅館 check in，放下行李，行去買張悠悠卡，搭去淡水，1 8: 0 0到達，岩岩看見日落，同女友拖手望望海拍拍照，沿住海邊慢慢地進行掃街，海傍有好多家烤魷魚店，只要三十元、五十元就可以吃到魷魚，即叫即烤，香噴噴的味道令人流口水，仲有阿給、蝦捲、魚丸湯、阿婆鐵蛋、魚酥...等各式各樣的淡水小吃，阿媽的酸梅湯一定要飲，飲後行行又可以再掃街，然後行去淡水老街，去三協成糕餅博物館吃餅喝茶，送便買些小吃走。第二站到美麗華百樂園搭摩天輪，然後同女友看野買野。第三站到士林夜市再戰，賣蚵仔煎、臭豆腐為主，但這兩樣野家家差不多，吸引力同味道都不太掂，也有一些專賣果汁及珍珠奶茶，我們飲了不少白苦瓜，其中有一家賣大大雞扒更是大排長龍，排了十五分鐘就有得吃了好豪的豪大大雞排。見飽，行夠，回家。

第二天           1 4-11- 2 0 0 9    碧潭 -- 烏來

搭捷運去新店，然後行去碧潭，碧潭有條吊橋好長，行上去搖搖晃晃，感覺會另人好危險，好似想斷又不斷的，近吊橋端附近有許多小吃攤，其他景點都係山山水水，可以用水上單水浮行去對岸，逗留了兩小時，就回新店站搭免費巴到烏來（烏來的免費泡湯專車，自11月7日至12月6日，每週六、日上午9點至下午6點，每半小時由新店捷運站發車至烏來老街折返，提供民眾便利的交通服務。），到達後，行去美人湯泉館，初時望地圖以為係平地兼好近，點知中招，行上山了半小時先到，放行李，叫車到.烏來瀑布望望，然後坐纜車到雲仙樂園，會感受到以前的人點解會行到咁高而又起到纜車站咁勁，到了後發覺，樂園以行山為主，尼日天氣熱，女友行到半路唔行，然後派了任務給我，由我上去行行兼拍照，然後再與她集合，搭纜車落去，去搭烏來台車（好快，司機好似趕去死，記住不要伸手腳頭出窗外，唔係就…）到烏來老街掃街，買小米酒回去浸住飲，送到去烏來野溪溫泉，這裡是免費浸，任何人都浸得。

晚上浸了溫泉兩次。

第三天   1 5- 1 1- 2 0 0 9   烏來 ,十份, 菁桐 ,基隆廟口,

一早起身就浸泉，12: 00到台北車站搭台鐵到瑞芳，再買平溪一日遊到十份，可自由穿梭各站, 乘了幾個站就到了十份, 路軌就在民居旁邊...九份就聽得多，原來仲有個十份，在這裡見得最多同鄉（香港人），來十份都係放天燈和行老街，走了不久, 到達台灣煤礦博物館門前, 但因天色開始轉暗, 行上少少就落番來，走了段長長路程, 腳很疼, 是時候回程... 到十份站抖抖。等車再到了尾站菁桐，一出閘就吃呀婆冰條，路傍掛滿寫上祝福字句的小竹，買了塊木板印一印。

第四天   16-11-2009   野柳 – SOGO - 西門町– HK

野柳岸邊，充滿了各種奇特石景，而這裡的地質，也是相當別具特色，平時看到野柳的相片都係風平浪靜的，仲可以行落去影影相。不幸地…我們尼一日天氣好惡劣，橫風橫雨，D雨打黎，我係痛的，可想而知…幾驚險。

我同女友夾實行，行到橋位，浪越來越大，已有不少浪沖上陸地，我地繼續行，覺得無得再行就撤離，我地感受到大自然威力，幾咁可怕。

回程去SOGO吃 DIN  TAI  FUNG，再到西門町買手信，去機場。

今次行程相當開心，雖然有少許不愉快事件，我對這個行程好緊張，因為係第一次同女友旅行，籌備了一個月，幸好完滿完成。