由民宿乘的士前往, 大約5分鐘左右就到了

松園別館位處一個小山丘之上, 可以遠眺花蓮市的景色.  別館前身為日軍海軍辦公室, 而家改為活動及展覽用途, 不過我哋呢日去到沒有活動又冇展覽, 但淨係嚟睇下景&呢度特別的日式建築也值回票價(門票票尾可當50台幣作園內消費添~)

因為的士司機介紹, 行完別館後, 我哋走到附近的日式將軍府參觀, 可惜這裡似乎日久失修又欠管理, 好多樓房都很破舊, 逛了一圈我哋就搭的士回程了 

搭的士回民宿攞行李後, 就往火車站走, 見仲有時間, 就在附近這家COFFEE SHOP食啲嘢再搭火車

兩個人點了一杯凍咖啡, 一杯凍蜂蜜檸檬茶+一客雪糕窩夫.  店員很細心提議叫個套餐+一杯嘢飲比較抵, 讚~

窩夫焗得很鬆脆, 熱炙炙的, 加埋朱古力漿, CREAM&雪糕, perfect match啦
蜂蜜檸檬茶好清新, 大大杯的又夠凍.

店內寧靜舒適, 客人唔多, 火車站附近食肆好少, 出發前來坐低飲杯嘢都唔錯 (尤其是在這大熱天時).

 

搭火車來到羅東, 時間尚早, 民宿還未有房攞, 所以放低行李後, 又搭番火車去蘇澳站, 去浸下冷泉~

冷泉分大眾池及個人湯屋, 我哋買咗個人湯屋(2人300台幣, 40分鐘), 原可以玩埋大眾池, 點知嚟到先發現攞漏咗泳衣, 結果只能浸個人湯屋了...

夏天嚟呢度, 真係樂而忘返的, 泉水好冰凍, (睇落)好乾淨, 池底舖咗石春, 浸一陣會發現身上有好多氣泡的, 好過癮~



 

午餐食得太少, 浸完冷泉之後我哋都好肚餓, 就到附近搵食嘞

下晝3點幾, 周圍的食肆唔多, 仲營業的更少, 行行下就搵到呢間小店

兩個人點了滷肉飯, 排骨麵, 老公無啦啦話想飲湯, 所以又點了個淮山湯.

滷肉飯好好味, 唔會話太咸; 排骨麵麵條煙靱; 個湯好清好甘甜, 試下無仿~ 

回民宿攞房~ 房間在二樓, 乾淨舒適, 設備用品都齊全, 最鍾意呢度個天台, 夜晚行完夜市, 買了點宵夜, 可以靜靜哋响度一邊食一邊睇星星, relax~

時值黃昏, 又未肚餓, 所以去行下公園~

這個林業文化園區佔地約20公頃, 非常之大, 中間有個生態池, 响呢度會見到好多唔同品種的雀鳥, 我哋沿住生態池邊的小路走了一圈, 感覺寧靜舒服

園內亦有堆小屋, 會有些文化藝術活動舉行及一些小店, 不過可能也晚了, 所以好多都已關門.

另外亦有一些舊火車卡及木製遊樂設施, 慢慢的走, 也閒遊了一個小時.

回民宿稍作小休, 就去羅東夜市搵嘢食.  由民宿到夜市, 只需2分鐘, 超方便.

夜市圍住羅東中山公園 (台灣真係好多中山公園~), 食肆小食檔林立, 亦有不少飾精品店, 一路行一路食, 我哋試咗幾檔地道美食, 都唔錯:

花技羮@魷魚王 (NT70) - 花技好爽口, 湯羮唔會太咸, 加了點沙茶醬(我估係), 好味

麻油雞&藥燉排骨@香城(NT100 & NT60) - 排骨好林, 個湯藥味勁重; 麻油雞就麻麻, 雞肉有點鞋, 個湯酒味太濃.

炸物@赤炸(NT130) - 揀了卜肉, 魷魚鬚&龍珠, 麻麻地, 食落幾樣嘢好似差唔多, 係熱炙炙, 不過個炸皮有點靱

蜂蜜芥末臭薯條@臭薯條 (NT40) - 仲以為係臭豆腐味的薯條, 原來真係臭豆腐嚟ga 只係變咗長條形~ 又幾好味喎, 還有帥哥睇檔

 

羅東夜市內有好多間買粉圓的甜品店, 全都晒魏姐和另一品牌的, 我哋食飽小食, 再周圍逛一陣, 就揀咗呢間試試, 因為店面較大較濶落, 座住亦交多

甜品組合有成幾十種, 不過都係豆花呀, 粉圓呀, 綠豆呀....之類的, 我就點了個綜合豆花, 乜都有啲

豆花和粉圓是分開上的, 豆花好滑, 不過口味就較淡, 好多豆, 所以好飽肚; 粉圓好似透明的湯丸, 又有啲似珍珠奶茶啲珍珠, 中間包住粒紅豆, 甜甜的, 好煙靱.

如果以經食飽小食, 其實兩個人叫一份已經好夠了~

之後就帶住包'臭薯條' 番民宿天台做夜宵~


 

10點鐘食完早餐後就出發嘞~ 包車司機大姐準時到達, 還準備了兩支冰俾我哋呢.

一路上大姐都會介紹沿路的所見所聞, 在前往清水斷崖途中, 她介紹我哋飲這店的檸檬水, 因為係每天製造, 買完即止, 我哋約10點半左右到達, 但杯裝已經售完, 所以買了一大支. 不過大熱天時, 飲這個確實好清新又解渴, 回程前我哋都飲得晒

買完果汁, 林大姐就車我哋去第一個景點: 清水斷崖

車程約15分鐘左右, 過了崇德隧道, 已見到一大地的士旅遊車停在一旁就即係到咗嘞

一落車, 已經嘩嘩聲! 除咗因為超級晒, 就係因為睇前靚到冇得輸的景色!

林大姐說遊清水斷崖仲冇另一個方法: 爬獨木舟

我哋在崖上真的看到有一大堆人跟著教練在海中暢'爬', 林大姐話一般都會爬大半天....我哋都係繼續坐車算了

 

為了避開遊行團人潮, 林大姐建議我們先吃午餐

11點半左右來到, 已有其他食客比我們早到了

餐廳以套餐形式, 可選300-500台幣(一人計), 我們點了300台幣的, 差啲食唔晒.

食品有10樣以上(相中只是部份...), 除了白飯外, 每樣餸菜我都係第一次食, 個湯比較清淡了點, 其他餸都好好食, 可以一試原住民的美食, 呢餐物有所值.

呢度屬於室外地方, 沒有冷氣只有數把風扇, 但不覺得太熱. 不過蚊蟲就難免了, 搽定防蟲劑就隱陣嘞

食飽飽又繼續行程.  

來太魯閣國家公園之前, 一定要做定功課, 因為公園佔地甚廣, 當中有不少步道(即係要用腳行的), 所以最好先同包車公司溝通下, 考慮景點(距離), 時間及個人體力應付到與否 (近日有景點有落石傷人的新聞, 包車公司都會因應情況告知遊客邊啲景點唔開放).

我哋的行程如下:
砂卡礑步道->長春祠->布洛灣+燕子口->錐麓斷崖 ->慈母橋->太魯閣牌樓

雖然有包車, 但好多景點都要步行的, 林大姐放低我哋再去泊車, 之後也跟著我哋走, 沿路再介紹景點, 所以雖然有點攰, 但看到大自然的鬼斧神工, 很值得一遊. 

包車行程最後一個景點: 七星潭

雖然叫做潭, 但其實係一個佈石春的石灘.  傳聞以前附近真係有零星的小水潭, 不過因為發展所以填了, 但因為七星潭個名好聽, 所以繼續用番~

來這裡吹吹海風, 感覺不錯, 稍為休息之後, 開始有點肚餓, 就坐車回市區了 

林大姐車我地到自強夜市後, 我們就道別(&付款)了.

這個自強夜市, 民宿主人已跟我們說過可以不去, 不過話晒都係地標之一, 而且都要食晚飯了, 咪嚟行一轉囉, 點知...

真係行一轉就完了

6點左右, 攤檔只開了6成左右, 大部份都係食店, 但全場都唔超過30檔(目測), 而且因為人多又迫, 好鬼熱.  試咗幾檔, 唔算好飽, 叫試過地道小食就走了. 

第一烤肉: 食品種類都幾多, 場內好似得呢一家.  試了牛肉, 雞肉及冬菇串, OK, 但個人覺得元朗的串X正啲

法式官財板: 唔知係咪最出名, 不過見係"長龍"店就排隊試試. 選了個黑椒牛肉味, 幾惹味, 似煎過的三文治, 有點油, 但唔錯, 每件送一杯凍紅茶, 正(因為實在太熱)
 

這間燒番麥, 即係粟米, 都幾有名氣的 (場內播著電視節目訪問), 人氣也不少, 因為等呢條粟米都等咗成半粒鐘...

粟米有三款'口味', 軟.硬.Q., 價錢以粟米的重量計, 我揀嗰條要100台幣

未試過咩為之Q, 所以就揀嚟試下

面層的醬汁咸咸甜甜的, 而Q的口感就幾特別, 啲粟米係煙煙靱靱的好似咬緊糯米咁

是日'行'程多, 所以食力下降, 食完條粟米就番民宿休息了. 

到花蓮後, 先到民宿存好行李後, 就出發去光復站的糖廠參觀

原本打算坐客運去的, 但民宿住人建議搭火車仲快, 因為客運很疏而且會兜路, 搭火車只需約40分鐘. 於是又再搭番火車, 去光復站, 再行約15分鐘(差啲曬溶了)就到糖廠嘞(其實可以打的).

看過糖廠網頁&人家的網誌, 糖廠最出名之一就是---- 雪糕~

呢度啲雪糕有幾十種味道, 來到揀好'Number'之後到一個窗口付款, 就到另一個窗口最雪糕嘞

我揀的洛神花味有果肉的, 味道清甜, 酸酸地, 好正(熱到冇乜胃口, lunch都冇食, 成個晏晝就只係食咗呢杯雪糕, 所以特別好食)

園內有些小商戶, 有呢度另一名產---香茅驅蚊油.  嚟到一定會買, 因為呢度實在好多蚊! 我都即買即用, work~

食完就周圍參觀下, 園內有個關於糖廠的博物館仔, 好細, 講下糖廠創辦人及歷史.  糖廠其實有導覽服務, 不過要預約, 所以我哋就只係周圍遊覽下就走了.

離開之後, 本來打算去去其他景點, 但因為實在太熱, 約果決定回民宿攞房休息下先

 

由糖廠回到民宿都差不多下午4點了, 回來時行李己送到房間.

房間很大, 窗外可以望到中山公園呢, 房內用品齊全, 和酒店沒分別.  民宿約有4間房, 我的房間位於4樓, 要很樓梯呢, 不過只係走嗰日攞行李落樓有啲吃力, 其實都ok的

民宿包早餐, 打電話去訂, 很快就會送到房間, 第二朝早訂了蛋餅(以前未食過呢), 夠熱, 煙煙勒勒的, 好好食
 

休息完又出發去行街搵食

目的地係離民宿有一段距離的'舊鐵道行人徒步區', 徒步區就在以前穿過花蓮市區的火車軌上, 沿路的小攤檔買的都是手作仔或衣服鞋襪之類, 不過可能係平日吧, 攤檔數目唔多, 我哋逛咗一陣, 就走去搵食嘞 

花蓮美食眾多, 其中一名店就係'公正包子'~

由民宿出發, 逛完徙步區, 再轉個彎就見到呢間店 (其實係見到條人龍先發現)

店面不大, 座位都非常迫. 排咗大約15分鐘, 被安排坐响門口位, 由於多人出入, 雖然店內有冷氣, 我都食到成頭成身汗......

兩個人點了包子, 貢丸湯, 肉焿冬粉和豆漿, 原以為一籠10個的小籠包只係小食(TWD5/個), 但原來並唔係香港食開的薄皮細包子, 而每個都只係比雞包仔細一點的厚皮包...包餡係豬肉, K.O.貢丸湯, 肉焿冬粉和十個'包子'之後, 本來想試埋個鍋貼(餃子), 但因為太飽放棄了 (後來才知道餃子仲出名!)

每人只花了65台幣就攪掂個晚餐~~ 

紅茶店就在公正包子店對面, 因為我飲咗豆漿再加埋啲包已經好飽了, 所以得老公買了一杯紅茶試試. 店內老伯由綱管的水龍頭口倒出紅茶, 味道偏甜, 沒有加冰但也夠凍.

晚飯後再周圍逛下, 附近都有些小商戶及大型家品店, 不過就沒有如台北夜市般熱鬧, 所以逛了一會就步行回民宿了.

沿住中山路行, 途中'遇到'這間地道小店, 門口攤著不同口味的台式滷味, 我哋觀察咗一陣, 就學著台灣人將食物夾到小盤內, 店員在將滷味切成小塊再用滷水浸泡一會, 打包就成為我哋帶回民宿的消夜了

滷味味道有點點咸, 最好味係豆腐, 夠入味, 其他如雞腎也很爽口, 正~

其實間中也會遇到呢啲滷味小店, 相信不同小店的滷味味道應各有特色, 未試過真係值得試一下 

酒店就位於台北轉運站樓上, 由機場搭國光客運到台北火車站, 步行過對面馬路(途經地下街及商場)就到, 因為明天一早要搭火車到花蓮, 所以住呢度就非常方便.
房間都很寛敞, 而且露台可以望到101~ 房間設備用品齊備, 不過燈光就略為暗一啲.  房間位於16樓, 所以位置在鬧市都覺得寧靜
 

安頓好後再休息一陣, 就出發去醫肚嘞

通常嚟台北都係掃夜市小食當一餐, 朋友大力推介下, 今晚就嚟試吓打邊攎~

這店在台灣有幾間分店, 出發前先在網上預約訂位, 準時嚟到就有得食嘞

店內環境舒適, 通風做得好所以食完個身唔會有陣'火鍋味'.

兩個人點了: 養顏美容鍋, 沙朗牛肉, 油條, 菜&一個海鮮拼盤(細)

這裡的鍋是以位計的, 而沙朗牛就勁大盤, 兩個人食其實幾'吃力', 油條比較香港食的硬&乾身, 用嚟打邊爐真係超好食! 海鮮拼盤有: 蝦, 蘭花蚌, 鯛魚片, 扇貝, 份量二人剛好, 亦很新鮮

其實個湯底都有'料'的, 最好未係啲豬紅, 好爽口, 仲有條蔘呢~

醬料選擇唔多, 不過有白飯任裝! 我見啲台灣人食完就會加啲飯落個湯底度再連埋啲湯食清~ 好似好正咁, 但我兩個人已經食飽飽, 試唔到呢個'湯飯'嘞~

而最最特別ge係: 個湯底可以打包攞走ga (我當然冇咁做啦.....)

另外值得一讚的係呢度啲服務員, 真係勁勁勁有禮貌, 下下都九十度躹躬, 真係有啲唔好意思

仲有仲有, 食完會有張滿一千減二百的coupon, 我用了朋友俾我嗰張(佢前兩日先幫襯~), 所以又再抵啲

由無老鍋出發, 步行去'地圖上較近的夜市' - 寧夏夜市
最終行咗差唔多25分鐘.
食飽飽就當散下步啦~ 

第一次嚟呢個夜市, 感覺很地道, 遊客(好似)比較少, 賣的都係地道小食, 也有一啲遊戲小攤, 雖然規模唔大, 但都幾多嘢食選擇, 食飽都忍唔住再食個臭豆腐呢~

閒逛完就步行到捷運雙連站, 搭捷運回酒店休息了. 

因為太愛吃鳳梨酥，所以要去買來做手信。

因為吃的太多了，想找點清淡小吃食。經過洪師父麵有水餃吃，便入內看看。買了2味的水餃，味道一般，只是因為食了那麼多天有點消化不良，所以想食點清一些晚飯。

7:10食身，然後又輪住用洗手間後，8:15又去食酒店提供的早餐。

因為食物款色和昨天一樣，所以沒什麼好食。食完9:00便離開往坐捷運。

紅樓高層餐廳有個露台，可以外出看看淡水附近的風景的。

對上一次來台北，已經是六年前的事了，當年經過這裡已經很想要入來吃個午/晚餐的啦。當天早上腦海裡空白一片，所以就來這裡吃吃嚕~這是位於台北市中山區民生西路38號的芙蓉刀削麵之家~

入面比相像中更要整齊，當時還沒有到午餐的時間，所以人流還不算多，後來慢慢多人啦，還出現等位的情況呢~

台北人是很自律的啦，可以自己到小菜區夾小食的，然後店主就會為食客計數的啦~

店內的餐具讓人感覺很傳統的啦~店主也很細心的，為食客提供紙巾呢~

------------------------------------------------------------------------------------ 

蕃茄牛肉湯麵(NT$130)

先來一客店內的必食之選啦，就是蕃茄牛肉湯麵，剛端上台的時候已聞到很清香的蕃茄味啦~麵就是刀削麵來的~牛肉的份量也算是多的啦~

沒想過麵條有點厚的啦，可惜麵條並沒有透切地吸收到蕃茄湯的味道啦，就是表面那層吸收到而已~還是那句啦，這個麵的性價比其實算是高的啦~對於價錢跟份量就是成正比的啦~要是麵條能薄一點就好了~

------------------------------------------------------------------------------------

小籠湯包(NT$110)

我們點了另一個店內必食之選，小籠湯包~!!這個小籠包也算是新鮮的，但湯嘛，就未去到會掛住筷子的那個程度啦，肉質十分鮮嫩的，湯是剛好可以入口的啦~

但這個價錢呢，有這個質素算是物有所值的啦~

在台北的最後一站，就來到位於臺北市台北市信義區松高路16號的Line Friends Store微風松高店~當Wing看到Line Friend Store的擺設之後，已經興奮不已了~!!!!!

雖然Wing沒有玩Line Rangers，但也忍不住要走去跟這Line Rangers的擺設拍個照呢~XD

走上二樓就是這個Line Friends Store啦~!!!!真的超興奮的說~

真的超喜歡Line Friends呢~!!!!很想把它們全都帶回香港去~放一些在公司、放一些在家的，好讓自己可以去到那裡都見到它們嘛~但…..好吧…還是買一點點小物回港，並隨身攜帶就好了~Wing最後買了一塊小鏡子呢~

Line Friends原來有Swarovski的水晶擺設跟首飾啦~

儘管店子只是少少的，但入面賣的貨物跟周圍的擺設都令人十分興奮啦~!!!!

為了滿足好友的需求，Wing就來到位於台北市重慶北路二段58號的林三益買手信啦~

這個地方在Wing的民宿走大概十至十五分鐘就到了，但真的要小心看，因為這家店很少的，很容易就看跑了，Wing也走過龍了…幸好好友們的眼利，一眼就把這店子看出來了~

林三益的產品的確很吸引的啦，Wing最後也買了來送給自己呢~後來跟店主聊聊天，店主超級好人的啦~Wing稍後一有空閒時間，就會騰出時間來使用一下的啦~大家要等我喔~!!!!

第二天的第一餐，我們就來到位於忠孝敦化(詳細地址：台北市中正區館前路１８號２樓)的咖啡弄食個Brunch~XD

其實丫，咖啡弄在香港有分店應該是眾所周知的事啦~但Wing呢…..還沒有光顧過啦…原因就是人太多了…所以就來台這邊才吃啦=3=

先是走一條樓梯啦~好快好快~~~我們急急腳的走上樓梯就到了~!!!!

地方十分寬敞整潔啦，給人一種悠閒輕鬆的感覺~

餐具也整齊的放在台面上啦~

好啦….又是選擇困難症出現的時候啦，擾攘了好一陣子…終於揀好了想吃的啦~要記著喔，咖啡弄的最低消費是每人一杯飲料丫~~~~~

------------------------------------------------------------------------------------

玫瑰花草茶(NT$150)

這個玫瑰花草茶的賣相很高分的啦，單憑這個雅緻的茶壺，已經讓Wing留下深刻的印象囉~

焗一會兒以後把茶緩緩倒出，就已經聞到很香的玫瑰花味。沒錯，那是已經久遺了的味道。想當日在office內天天沖來喝的丫~~

永遠都是喝畢整壺茶才知道，原來這個玫瑰花草茶的手料也蠻多的啦。說真的平日我自己沖一壺茶，用的玫瑰花數量一定比這個少的啦。

------------------------------------------------------------------------------------

桂圓紅棗茶(NT$160)

這壺桂圓紅棗茶是意外的驚喜啦，還沒有去過咖啡弄的Wing一心以為桂圓紅棗茶只有茶，怎料滿滿都是桂圓、紅棗、杞子啦，比想像中的材料還要多呢~

蒲端上台就已經聞到很香的桂圓紅棗茶味了，喝下的第一口就已經感到那滋潤感隨著食道進入消化道，很棒的啦，滋潤著這陣子乾燥得要命的Wing啦~

------------------------------------------------------------------------------------

黃金拿破崙千層派(NT$180)

這個是每日限量發售的丫~看上去感覺這件千層派很小的，但又感覺很高貴的，可能是因為加上了金箔的緣故吧~

切開一看見到其層層分明，吃下去嘛，有點點的芝士香氣，加上外層的杏仁脆片，就是外脆內軟的啦，愈食愈好味的說~

------------------------------------------------------------------------------------

草莓冰淇淋鬆餅(NT$185)

接著就是大家常說來咖啡弄必點的草莓冰淇淋鬆餅啦，這個賣相滿分的啦。草莓很新鮮的啦，而家超甜的，加上雲呢拿雪糕以後，味道就是相輔相乘的，而且加上草莓醬，令草莓跟雪糕變得更香甜呢!!!

至於鬆餅嘛，上面烘得脆卜卜的，鬆餅的下面是軟棉棉的啦，就是外脆內軟的，而且有夠厚的啦，用雙手拿著吃也可以的，點上草莓醬跟雪糕以後，更覺滋味呢~

吃過「早點」以後就是觀光的時間啦~我們來到淡水，坐捷運嘛…大概四十五分鐘吧~也許是太飽的緣故，在捷運上都睡死了…到達以後，天氣一直不佳，甚至有點點雨粉啦..所以也沒有在淡水老街裡拍照啦=3=

只能說這個地方是不錯的遊客區啦，想要買的東西都很齊全~Wing在小店內買了木板明信片呢~小店還提供了郵票跟寄件服務啦，原來寄一塊木板來香港只需NT$25，也蠻便宜的啦~

之後就去坐船看看著名的情人橋~原來這架船的尾班是下午五時在漁人碼頭那邊開出的啦…就是說我們要在五時以前回到碼頭啦…但我們買票的時間就是下午三時四十五分……好吧….畢竟還沒有去過嘛~就算少時間也要去逛逛丫~

船程大概廿分鐘吧~其實船上面是很焗的啦….叫人很容易就睡著的…所以丫..廿分鐘很快就過~

其實情人橋也蠻美美的啦，站在那裡往下看，看到很多不同的建築、風貌，要是天氣好的話就能看看日落啦…可惜當天的天氣並不似如期啦，但不打緊~下一次再來一定可以看到日落的~!!!! 

最後就是在大概四時五十五分回來坐回程的船啦…在這邊逗留的時間並不長..但Wing發現有很多地方錯過了..真的不捨得就這樣上船啦，但沒法子啦，唯有寄望下一次的台北之旅吧=3= 

來到位於敦化南路二段六十三巷二十八號的「是熊」!!!!這是一家美式餐廳來的~想來這裡的原因只有一個….就是看看這隻小熊啦~!!!!真的超可愛的說~!!!!還記得Wing來這裡的時候下大雨，冷得很，但為了這隻小隻就管不了啦，看到這小熊就是忘記了寒冷這回事喔~!!

一走入去就見到門後大大的寫著SMILE=]

到處看看就看到這個寫著菜式的黑板啦，畫得很美的啦~

收銀處後面就是廚房啦~

終於見到小熊的正面啦~!!!但Wing要離開小熊一回兒啦…因為……

我們要坐的是地庫的位置啦~原來地庫的位子比樓上的更寬敞更舒服啦~

餐具就整整齊齊的放在台面上~

----------------------------------------------------------------------------------

是療癒心情好茶(熱)(NT$170)

這家餐廳不論是飲料名還是菜式名都是很特別的。我就點了這杯「是療癒心情好茶」，這杯茶氣味淡雅，喝一口感到很清香的，也有助滋潤喉嚨的，喝完以後消除了一整天的乾燥感呢~

----------------------------------------------------------------------------------

洛杉磯脆薯(NT$100)

這個薯條顏色超美，是金黃色的，入口夠脆夠香口，就是停不了的吃喔!!!

----------------------------------------------------------------------------------

看心情主廚特餐(NT$200)

看了餐牌很久，最後點了「看心情主廚特餐」，今次的心情特餐是「宮保雞丁炒義大利麵」，相信大廚今天是受了刺激的吧xd

沒想過來到台北會有這麼港式的菜吧。說香，這個比香港的更香；說辣，這個比香港的更辣。義大利麵用的油分並不多喔，麵條也沒有糊口的情況出現，每一條麵都是充滿著這個辣味的，超不錯的說。

----------------------------------------------------------------------------------

是熊吃的出是原味(NT$150)

最後我們點了這個作為晚餐的甜品。侍應也很細心的，待我們吃完了主菜後才端上這個甜點啦。

這個鬆餅也蠻厚的啦，而且真的是很鬆軟的啦，好像咬在棉花糖上面一樣，加上有點點的糖粉跟蜜糖，甜甜的~!!!!超想再點別的甜點丫~!!!但太飽了….留待有機會再拜訪台北時才吃吧~