搜尋:
遊記日期:    發表日期:    
 
簡介形式      文章形式
共找到 1029 篇遊記, 正顯示第 721 至 730 篇遊記
Manlie
7篇遊記
2009箱根東京5天自由行 (日本)
(旅程日期: 2009-03-12 至 2009-03-16)
 整個旅程  (共5篇遊記)
 分享至Facebook 
發表日期: 2010-02-11
第二天有點雨,有點冷..check out周圍走走,吃了一間家庭式的烏冬,之後就到我們於箱根最後一個景點<元箱根>,最後就到箱根大街走走,食tea及看看手信~下午就搭浪漫特快回新宿check in,行街及跟友人吃好好味的晚飯!
搭登士巴士去昨天去不到的元箱根,經過的站其實跟登山電車都差不多,到了..好大的鳥居呀呀呀!這裡都看到蘆之湖~但因天雨關係...好凍
參觀時段: 下午
評分: 值得去3  
TEA @ Miami Cafe 哭臉2010-02-11
回箱根大街,有點餓,試試日本的西式下午茶,厚多士 + 火腿煙肉焗薯 + Ice Coffee,雖則幾好味,不過因為入面可以吸煙..都幾煙同埋都幾貴,差不多HK$100一set。
評分: 味道3   服務2   環境3   衛生3   抵食1
Vintage Shinjuku,由JR行返去大約7-10 mins,都算近,只是夜晚穿過歌舞技町比較雜~還可接受,起碼見到不少"俊男美女"~房間隔音不錯,樓下有車行都不會嘈雜,房間都是一貫東京酒店作風..小小的!不過裝潢比上年的池袋的好,新式一點!最緊要價錢相宜!
評分: 設備3   服務3   環境4   衛生4   抵住4
野郎壽司 笑臉2010-02-11

晚餐相約了我的日本客人的翻譯,之前她問我想吃什麼..左想右想,在日本最煩就是食壽司,因為不懂日語,所以不懂看MENU..食壽司吧!她可以幫手點菜~跟她相遇後,她已經訂了台,去了一間在酒店附近的野郎壽司!如搭JR前往,JR新宿站東出口 步行7分鐘就到~
因為訂了台,有包廂坐,真好!

她叫了很多很多呢,基本上全部都好好味,新鮮!特別推介蟹膏!!簡直是一絕,香港食到只是軍艦或者點一點在蟹腳上,這裡是一碟的,只是800YEN,物超所值值值!!!完全沒有腥味,鮮到不得了!好似我鍾意食蟹的人一定愛不釋手!!在日本,除了海膽,這蟹膏是十級推介!!!

推介菜式: 蟹膏
評分: 味道5   服務4   環境5   衛生4   抵食3
  2 個留言    |  加入你的留言
Manlie
7篇遊記
2009箱根東京5天自由行 (日本)
(旅程日期: 2009-03-12 至 2009-03-16)
 整個旅程  (共5篇遊記)
 分享至Facebook 
發表日期: 2010-02-11
一年不夠又再次來到我目前最愛的日本,今次只有5天假期,本來想去和歌山的,不過左度右度都會跟上次大阪的地方重覆..想去九州,但係5日時間去到福岡又去不到鹿兒島..最後決定了箱根+東京!!東瀛遊自由行PACKAGE - $3,600,提早報名再減 $300,轉一晚箱根酒店,最後埋單$4200 (連tax)

放下了行李在新宿的酒店,第一天就是到箱根,為方便只拿一袋小小行裝就到小田急搭浪漫特快,tickets都是預早上網email 預定的,回覆得很快的,會問你拿 credit card no.作保障,不會扣錢的!在網上順便一次過預留箱根 free pass,有分2 days和 3 days,2 days售 5,000yen, 3 days 更抵售5,500yen,已包了箱根內所有交通工具,這服務非常非常好的呢!

浪漫特快是直接到達箱根湯本的列車,車程約個半鐘。
website: http://www.odakyu.jp/chinese/index.html <<除了交通還有很多景點介紹>

12點左右來到,入到去沒有開燈,還以為是黑店~哈哈,原來只是慳電,因check in 時間3PM,我們先放下小小行李就出發去遊覽,傍晚才回來check in。這酒店分有兩楝的,酒店的叔叔很好,用他謹識的英文很盡力向我們講解酒店的設置等等,去到房門口,原來upgrade了和室給我們呢,呵呵!第一次住和室哦,比起市中心的酒店,其實空間算是很多呢!而溫泉就位於basement!
評分: 設備4   服務5   環境3   衛生4   抵住4
遠眺富士山 笑臉2010-02-11
於箱根湯本駅乘搭箱根登山電車到強羅,轉箱根登山纜車早雲山,之後轉箱根空中纜車,下一站是大涌谷!一過了上山位就左手邊即刻看到了大涌谷,大涌谷是仍可看到火山活動痕跡,真的很厲害,不要看少大自然的力量!

未看完大涌谷,就聽到同車的日本人講"好犀利呀!",這一刻呆了!日本最有名的地標 - 富士山!不過因為天色加上雪山頂的關係,好難影得清楚,但實景看真的十分十分壯觀!!

原來這裡已經是1044m,阿衰話比大帽山更高呢!走過另一邊,看到富士山全景,不知可以怎形容...在相可能沒有什麼特別,但實景是非常非常的宏偉!呆了~

這裡有3間shop,有小食,手信,飲品等等,買了黑色的蛋填肚,沒有單隻買,一買最少買5隻,請不要以為是溫泉蛋,只是烚蛋,要食溫泉蛋要落番地面呢,而且有外賣裝的!黑色是因為硫磺問題,所以很多手信都用黑色蛋為主角!
參觀時段: 下午
評分: 值得去4  
遊覽完大涌谷,再搭空中纜車經姥子到纜車終點站 - 桃源台,即是蘆之湖!蘆之湖是火山爆發後造成的堰塞湖,要過蘆之湖當然要搭船 - 箱根海賊觀光船,4點左右才到了碼頭,已經最後一班船 - 4:30PM了!用FREE PASS只可以坐普通席,不過可以自由走上甲板,哈哈!好靚的陽光 + 湖景..不過話晒位於高地..吹過來的風都幾凍!
參觀時段: 下午
評分: 值得去4  

溫泉酒店大多是一泊二食,即是包一晚住宿及包兩餐,晚餐及早餐~安頓好,到飯堂用晚餐,一去到先給我們壽司,其他就是Buffet形式,有天婦羅,有shabushabu,有西式焗的,中式烹煮的等等,味道比較家庭式!

評分: 味道4   服務4   環境3   衛生4   抵食3
  0 個留言    |  加入你的留言
mark cheung
5篇遊記
九州行 (日本)
(旅程日期: 2009-12-27 至 2010-01-01)
 整個旅程  (共5篇遊記)
 分享至Facebook 
發表日期: 2010-02-10
精彩的一天! 我們從天神坐一個多小時火車到達柳川, 當天天氣是最凍的一天, 只有零下2-4度, 沿途風景延美, 小屋都佈著雪, 火車快速的走, 陽光下飄著時密是疏的白雪, 美極了.

由於是元旦, 到達柳川後大部份的商店和餐廳都關門了. 我們徒步走到河邊, 看見迫在岸邊的小舟, 拍了很多照片. 由於人流甚少, 我們等了半小時(冰冷的), 也沒有人來跟我們同坐一只船(船主要求最少四個人才開). 我們無奈地到處走走, 原本在另一個地方, 又有上船的位置, 今次船伕是一些老伯, 又碰巧我們遇到另外一家日本人, 一行五人船伕把船拔出去. 收費是一千日元45分鐘, 延便宜!

沿途船伕不停講解風景(需然我聽不懂), 但加上他的歌聲, 很舒暢. 船上有暖爐, 很窩心.
美麗的小鎮 笑臉2010-02-10
被小河包圍
評分: 值得去5  
  0 個留言    |  加入你的留言
mark cheung
5篇遊記
九州行 (日本)
(旅程日期: 2009-12-27 至 2010-01-01)
 整個旅程  (共5篇遊記)
 分享至Facebook 
發表日期: 2010-02-10
清早回程到傅多, 車程一個小時. 回到shopping地帶-天神, 馬上開始shopping, 買了博多的手信, 也去UNIQLD, 無印買了些特價東西. 晚上食了一間著名的壽司店.但味道一般.  可能是香港的壽司店已做得太出色了!
著名壽司店 ok喇2010-02-10
U (福岡)
但一般
評分: 味道3   服務3   環境3   衛生3   抵食3
  0 個留言    |  加入你的留言
mark cheung
5篇遊記
九州行 (日本)
(旅程日期: 2009-12-27 至 2010-01-01)
 整個旅程  (共5篇遊記)
 分享至Facebook 
發表日期: 2010-02-10
食完傳統的早餐, 我們起程去別府的地獄溫泉觀光, 溫泉區有五個不同地區, 有紅色的, 白色的, 爆炸的 和靜態的, 套票1200日元.

之後我們搭巴士到湯布院, 這個小鎮夏天綠樹林蔭, 冬天以溫泉為主. 我們選擇了一間小旅館, 離火車站30分鐘步行, 地方簡潔, 價錢不貴(大約13000日元兩個人), 最住是有獨立溫泉, 自己二人泡, 在零下四度喝著清酒泡溫泉, 真有意思.
溫泉區 ok喇2010-02-10
佈滿溫泉酒店的山區
評分: 值得去2  
  0 個留言    |  加入你的留言
mark cheung
5篇遊記
九州行 (日本)
(旅程日期: 2009-12-27 至 2010-01-01)
 整個旅程  (共5篇遊記)
 分享至Facebook 
發表日期: 2010-02-10
收拾行李, 起程到別府, 從酒店徒步到博多中央火車總站, 只是十五分鐘. 火車票3000日元, 很貴呢,但我們坐的是高鐵. 車程大約兩小時, 經過都是平房和農田.

到達別府已是中午, 我們步行到溫泉酒店, 大約十五分鐘, 原來別府也是一個小城市, 市區的巴士十分方便. 中午我們跑到附近的小餐廳, 原來是延有名氣的,很多人.

午飯後我們隨便到附近的商場走走, 買了些小食, 便回酒店泡溫泉. 別府是溫泉城市, 到處都是溫泉酒店.
有點舊. 但天台泡溫泉很舒服
每晚價錢: 9000日圓 (雙人房)
評分: 設備3   服務3   環境3   衛生4   抵住4
以炸物為主 ok喇2010-02-10
海鮮炸物都很美也不貴
評分: 味道4   服務3   環境4   衛生4   抵食4
  0 個留言    |  加入你的留言
mark cheung
5篇遊記
九州行 (日本)
(旅程日期: 2009-12-27 至 2010-01-01)
 整個旅程  (共5篇遊記)
 分享至Facebook 
發表日期: 2010-02-10
去了東京.大板很多很多次...可能年紀大了, 對shopping trip 開始厭倦. 09年聖誕的機位早於三個月前已全爆滿, 我們無奈地接受了12月27日出發, 也好吧, 省了不少錢, 因不用付假期附加費.

6 天的package大約$5,700包香港-福岡機票和三晚Hyatt Regency酒店住宿. 27號晚到達福岡機場, 只花了640日元坐的士便到達酒店, 原來博多是一個小地方, 十分方便! 步行到附近有多間便利店和餐廳. 大約十五分鐘可到達火車總站和地鐵站.
低調舒服 ok喇2010-02-10
房間不大, 但應有盡有, 早餐自助式不錯.
評分: 設備3   服務4   環境4   衛生4   抵住4
  0 個留言    |  加入你的留言
opennice
10篇遊記
08年 跟團 沖繩四天遊  (日本)
(旅程日期: 2008-10-08 至 2008-10-11)
 整個旅程  (共4篇遊記)
 分享至Facebook 
發表日期: 2010-02-03
近年多次去外出遊行,都是跟團多
08年10月家人選擇去日本沖繩
就係跟信x 行程安排大致不錯
沒有什麼地方好挑剔,
不過出發要先過澳門乘坐viva非凡航空
回程都係澳門解散,自費回港
團費+導遊都係$2xxx, 相當超值~
整個旅程花費不多過四千....平~
(唯一係 個領隊就有點.......)

而沖繩的的確確係美麗的南之島
一生要去一次,自己去過最靚的絕美地方......
即使當地仍用舊casio相機,甚至係舊se手機
拍出來的相片質素,都係咁多次中最出色的
沖繩國際機場, 唯一國際機場國內線機場細小
沖繩國際機場, 唯一國際機場國內線機場細小
路上右邊都係海岸
路上右邊都係海岸

0600先到信德集合
當日共有4個團,包了機

齊齊排mc記食早餐, 替員工慘......
之後坐金光過澳門
乘坐viva非凡航空
非凡航空的航機很闊落airbus
員工也很有禮貌
但行程不包機餐...
自己叫一個杯麵的話
就要$40
經過二小時航程..
就到沖繩, 由於美軍駐守, 一下機就聽到很強勁又由很特別的引擎聲
環迴而傳入耳中

參觀時段: 早上
評分: 值得去4  
兩團人都幫襯,築地銀座小丸子
兩團人都幫襯,築地銀座小丸子
其實不太高
其實不太高
feel so good~
feel so good~
遊過美國村, 晚上食中華餐, 挺不錯
遊過美國村, 晚上食中華餐, 挺不錯
店為做多點生意, 飯後賣和歌山柿子,100ren, gd~
店為做多點生意, 飯後賣和歌山柿子,100ren, gd~

第一站到先美濱海灘-美國村一遊
今次信x的導遊幾落力,不過有點長氣
例如教團友由酒店行去超市的方法
都有點簡單複雜化,
其實出門口右手邊過條馬路直行就得lor


到美國村, 首先去旁邊的吉之島行下
導遊指吉之島在日本,係窮地方才有的百貨公司
但因中午未有進食,
兩個信x的團友就在吉之島的food count不停買野食
人太多又個個太肚餓,弄得場面有點混亂
香港人又不及日本人守紀律, 有點不好意思....
g/f有間築地銀座,真係比香港間好吃

之後到側面的美國村行行, 真的具有外國outlet
古服店,摩天輪,兩三層的樓房pub, 
藍天白雲 很有美國feel,
美國村內人人打份都很型,
就像non-no的model,很有潮樓觸覺
就算40幾的日本男人,
也夠膽穿著得很hip很型
唔會有香港馬會內的麻甩佬感覺....

其實美國村後面就是著名的美濱海灘sunset beach
可惜這個團帶我們來陽光與海灘的沖繩
竟然無行程是游水
之後一日是自由時間,我便再來一次
(其實係團中有一日為自費活動可以付$$去游水,但十月後天氣取消...)

參觀時段: 早上
評分: 值得去4  
自由行 可乘單軌到國際通
自由行 可乘單軌到國際通
人人都買的手信...星砂
人人都買的手信...星砂
整條街都好funny~
整條街都好funny~
OK~收到!
OK~收到!

沖繩那霸市最繁華區段
又一個必去地方,
因為個人第一次去日本,
覺得這很富特色 真的很合旅客去見識
長長一條街, 商店綿延1.6公里
兩旁都是型格的三層建築
門前一棵棵棕櫚樹,加上五光十色的霓虹燈
很多有玩到盡興的感覺

又有好多手信店,
很多小樽小樽星砂 tee
沖繩特產 泡盛酒, 蛇酒
見識到日本手信店 任你試食的方式
連賣得很貴的紅番薯餅都放在盒子任你吃

行到三越時,就入對面的平和通走走看看
完來又另一番景像, 平民化得多
其實係兩三條主街,再有些小小橫巷交錯
面積也頗大
沒有國際通的遊客區感覺, 就像行日本街市般
二樓有個熟食檔, 跟香港街市熟食市場同一個模樣
很多日本人圍在一起食海鮮,好正,很熱鬧!


但小弟今次去得太天真太傻, 覺得日本物價太貴
在日本,那一句"'一千幾百,猶如垃圾"真貼切
結果去了mcdonad點幾個100ren的食物填肚...
其實都有幾多款式
但都比hk老麥好味呢

第二日自由時間, 我也去多一次呢~
終於沖繩晚間去的地方不太多呢~

參觀時段: 晚間
評分: 值得去4  
  0 個留言    |  加入你的留言
陳真
65篇遊記
Our Honeyweek in HI (日本, 美國)
(旅程日期: 2010-01-12 至 2010-01-18)
 整個旅程  (共5篇遊記)
 分享至Facebook 
發表日期: 2010-02-03
傲遊上野區...乘夜機由羽田返港
人人只說阿美橫町, 其實阿美橫町, 同旁邊的 "上中" 上野中通商店街, 基本上是同一個商業區.

是日, 我們一早從新宿出發, 要體驗東京, 除了要坐下山手線之外, 另外那些什麼都營地下鐵同什麼私鐵, 都是不容錯過的旅遊節目. 而我們, 看見新宿西口駅, 有車直達上野御徒町駅, 山手線就回程先坐, 第一次係東京自由行, 當然要體驗一下地下鐵.

到達上野, 竟然首個任務是去了買零食手信. 那間什麼二果子的確非常吸引. 之後我們便每人拿著一袋戰利品, 傲遊上野區的阿美橫町同上野中通商店街. 這兩條街, 可算是日本的大笪地, 什麼都有而且價廉物美. 阿美橫町同 "上中"之間既三角位, 更是日本的市場, 阿美橫町街頭有不少新鮮海產賣, 八卦地行入一商場地庫, 類似香港的肉檔水果店, 也齊全. 淨係呢兩個商店街, 消磨了我們好幾個小時, 由11點行到4點幾才由山手線, 回到位於新宿既酒店, 收拾行李, 去機場.
參觀時段: 全日
評分: 值得去5  
牛肉飯團 笑臉2010-02-03
係上野, 為食的我們不忘掃街. 一路看地道得意野之餘, 亦一路妳有妳食, 我有我食. 當齋妹吃著雪糕時, 我就在對面的其中一個人龍店, 看見煎地香香的, 名字太多日文假名, 只知道叫牛肉卷, 而賣的, 當然也只是牛肉卷.

此牛肉卷, 說正確一點, 是一個牛肉飯團. 外層一片片的牛肉, 卷著一舊飯, 就在鐵版上慢慢的煎香. 非常簡單, 只賣一味, 我們不用說話, 不用手指, 350Yen, 俾錢就走得.

牛肉, 煎得燶燶地, 非常之香口, 看見在煎封時, 肉汁像泉湧的飛濺出來, 乍乍聲, 夠哂氣壯, 夠哂香味. 不過, 肉汁不會就咁由佢煎到乾. 因為, 牛肉裡面包著的, 是飯, 煎好交給我時, 一咬, 裡面那一團飯, 是充滿了牛肉肉汁的, 外面的牛肉香口之餘, 裡面的飯亦充滿了牛肉汁既可口味道.

不過, 食左成舊飯, 掃街..............有得睇, 冇胃食.....
每人消費: 約350日圓 (午餐)
評分: 味道4   服務3   環境3   衛生3   抵食4
齋妹的一Part, 除了街邊買了一杯綠茶雪糕外. 我們行到上野駅前, 小妹被這一間草餅店吸引了. 拉了我入來.

我們只叫了一隻大福食, 精心挑選了一隻紅豆大福. 外面凍凍地, 見到店內有位坐就不如食完先再戰上野. 我們決定坐低食, 食食下, 店員嬸嬸親切的, 90度鞠躬的端上兩杯綠茶. 我們只是二人分一隻大福啊, 而且我們只是打算食完就走. 我地好唔好意思地也90度鞠躬接過兩杯綠茶.

大福不太甜, 仿佛日本人對用糖既份量好仔細地研究過, 要用多少糖才能夠達到優質既味道, 相信他們調教得非常之好. 我們食過什麼良品的, 機場pre pack的騙遊客貨色, 味道非常之參差. 而這些傳統和菓子店的正貨, 新鮮之餘, 又傳統手作. 200yen一隻, 值....

後來, 離開了上野, 有點後悔的責備自己....為何不買一盒拿回香港.
每人消費: 約200日圓 (下午茶)
評分: 味道5   服務5   環境3   衛生3   抵食3
上野昇龍霸 ok喇2010-02-03
又刑我掃街既收穫點評時間了. 係火車橋底. 找到這一間叫做昇龍的餃子店. 剛好3點幾, 食完行多一陣, 回去新宿酒店執野, 剛剛好.

店子很細, 而齋妹怕一入到去又冇樣野食得, 她自行行街去. 而我就來到. 嚐嚐這裡極香, 感覺極好味的餃子. 後來才在一些旅遊人既blog 之中才得知此店都幾出名下. 而且亦富有歷史. 不過呢D苦悶既野, 不在此評. 最重要都係份餃子好唔好食既姐.

點了四隻餃, 手指指的點上木牌上面寫的餃子乜乜乜....出到來, 當然是餃子一客啦. 但原來我點的是套餐形式. 有餃子之餘, 仲有碟飯. 弄得我飽到死. 這裡的餃子, 稱為中華餃子, 亦即係日本人做既鍋貼啦. 所以同平常係香港食開既日本餃子好唔同. 大大隻, 餡料新鮮美味, 再加少少豉油, 不錯. 只是一樣野不好, 就是煎餃好難避免到既油, 同大大碟飯, 又飽又滯. 四隻餃子加飯, 原來都幾full下.
每人消費: 約450日圓 (下午茶)
評分: 味道3   服務3   環境3   衛生3   抵食3
係上野, Window Shopping 完了, 仲有什麼地方行, 當然就是東京睇櫻花既勝地, 上野公園啦. 不過, 時節不對, 同時間已經有限. 動物園同看櫻樹既環節, 還是留返下次再來東京時, 撞啱櫻花季節才再來看吧.

是次遊上野公園, 只是係清水觀音寺附近參觀算了. 日式的寺廟, 同中國的寺廟設計不同. 不過比起中國的香火鼎盛, 日本的寺廟是走清幽路線的. 有香火佐不多, 有信眾但個個都是淨心祈禱, 不多作聲, 不大嘈步, 不搶頭香. 日傳佛教, 就是這樣的清幽安靜.

行完寺, 係公園的凳坐一會. 再看看手錶. 該是回去酒店, 準備去機場離開倭國了.
參觀時段: 下午
評分: 值得去5  
夜機 ok喇2010-02-03

是JL8739, 日航最夜回程香港的班機, 而且起飛的地方非常正, 因為在比較近市區的Haneda, 8點鐘飛機, 5點走都未遅. 從新宿迨, 搭JR到品川再轉車. 所需時間都不過半小時. 啱哂我地呢的短期滯留人士, 讓我們有多點時間感受東京.

不過, 始終羽田機場是以內陸機為主, 國際線也只限那些定期包機. 去到機場, 我們下火車之後, 按所乘航空公司指引去了第一航廈. 上酊去, 問了地勤, JAL的國際班次係由另一個機場航廈起飛的, 要乘坐接駁巴士才能到達. 

經過了第二航廈, 再向下一站國際航廈進發. 明顯地, 這個國際航廈地方非常之細, 而且設備簡陋. Duty Free是有的, 但不大. 次要機場就係咁, 來來去去都只是亞洲客, 而且航點也只有, 香港, 上海, 台北, 北京 及首爾. 不用弄得那麼華麗.

雖是一個簡陋的terminal, 但有多少旅客會真真正正enjoy你個機場, 最重要有飛機起到飛. 而且, 8點起飛的超夜機, 對來日本shopping的香港人, 當然好開心啦.

8點, 登上JL8739, 我們離開倭國國土, 零時12點30分, 準時到達香江, 叫做7天的愉快honeyweek, 就在這裡畫上句號. 之後, 正式開始去行人生的另一個階段.  

參觀時段: 晚間
評分: 值得去3  
  0 個留言    |  加入你的留言
陳真
65篇遊記
Our Honeyweek in HI (日本, 美國)
(旅程日期: 2010-01-12 至 2010-01-18)
 整個旅程  (共5篇遊記)
 分享至Facebook 
發表日期: 2010-02-01

早機到, 早機返...回到日本, 少左一日.
之後是我們的東京急行24小時, 第一天...新宿

檀香山空港 ok喇2010-02-01
每次坐飛機去旅行, 到達後第一個景點, 同離開前最後一個景點. 不用多說, 一定是飛機場. 是日是夏威夷的last day,  我們的行程係早機到, 早機返. 9am, 便要出發, 回到倭國, 進行我們餘下的兩天行程.

一早, 我們book好機場巴士, 通過了麻煩的check in 手續. 夏威夷機場其實幾舊下, 入候機室前, 看看周圍環境. 發現此機場同好多機場一樣, 吊架舊飛機來展現一下佢既航空史.

再過埋勁乞人憎的安檢, 入到候機室了. 地方雖然不大但店舖齊全. 而且我們亦發現, 有不少倭國旅客, 來夏威夷, 不是為了渡假咁簡單. 6小時的飛機其實不遠, 為了買平價美國名牌, 6小時飛機總好過10多小時飛機, 夏威夷原來是倭人的名牌掃貸勝地.

我們先去食野 (下文再說), 之後便行去飛機泊位, 等上機. 行去等飛機時, 為何感覺咁嘈既? 平常的機場, 都是密封式設計, 一塊大落地玻璃, 保護室溫, 同減少嘈音. 呢個機場, 就係冇呢D野既, 非常之open air, 影飛機都影得清楚D.
參觀時段: 早上
評分: 值得去3  

離開大美帝國既最後一餐, 竟然都是Burger King. 我們去程時, 領教過 JAL既難食飛機餐, 所以異口同聲地, 決意要食左個早餐先上飛機. 係food court, 揀下揀下, 始終都是Burger King 好.

早餐, 我係香港一路都想試既牛角包終於有機會試到啦. 是bacon, Cheese, 用牛角包夾, instead of 普通漢堡. 食落感覺幾light, 煙肉又脆脆地, 包仔又熱熱地, 幾好食架.

另外齋妹的Veggie Burger, 不再評了. 不過, Burger King 既 Coffee, 都係淡左D, 意大利飲到的Americano, 就是這一個味道. 而係呢一個trip, 亦明白了, American, 真係喜歡咁既淡淡地coffee.

每人消費: 約7美元 (早餐)
評分: 味道3   服務3   環境3   衛生3   抵食3
看日本的旅遊書, 齋妹發現呢間被介紹為東京版大家樂. 一早在書上bookmark了, 說一定要來食下, 同禁下機仔.

幸好機仔有圖, 不然對我們這兩個只懂手語及漢字的人, 應真的麻煩. (因為見過一些同樣的禁機仔店鋪, 沒有圖....) 如個按鈕沒有漢字, 就真係...冇人幫...

for lunch, 我們點下一個牛肉丼, 一個半熟玉子, 同齋妹想試下 you either hate it or love it 既.....納豆...

交飛仔時, 日本人妹妹仔焦急的說, 大概意思是這個有問題...我們說沒問題, 就是白飯一碗嘛....妹妹仔更加焦急, 因為我地唔明, 佢又唔知點算. 之後, 她叫了一位同事幫忙, 原來那位同事是中國人, 用普通話同我們解釋一番之後, 原來我地禁左的, 是套餐加飯, 我們沒有點套餐, 不能加飯的. 我們再說出, 我們要白飯一碗, 他亦非常之幫得手, 幫我們改單加錢, 令到齋妹有飯食.

牛肉丼, 其實同吉野家的差不多, 個牛肉飯送一隻生雞蛋的, 人家打落另一隻碗度, 發了才倒回去, 而我就一於窩蛋吧, 直接打在碗飯上面. 讓牛肉同飯, 沾有蛋黃汁之餘, 亦分別的, 有一邊是沾純蛋白汁. 再加少少七味粉, 味道不錯.

齋妹的半熟玉子沒有食, 反而試了我上次黎日本, 接受不到既其中一個日本人覺得超正既納豆. 就咁食佢, 又腥又臭, 唔得....齋妹其實也有相同既感覺. 不過既然叫了, 撈飯食睇下點.....果然, 飯是納豆既catalyst, 納豆送飯, 因為飯夠熱, 辟除了那難頂的腥味, 咸咸地, 納豆....給了我一個另類感覺. 而且齋妹亦因此, 成為love it 的一族, 回程她要食多一次松屋納豆飯, 回到香港, 又係Sogo買多盒納豆, 要食多一次.

湯, 原來是送的, 中國人店員哥仔, 醒目地給了一碗乜都冇加既麵豉湯俾我地 (由日本妹仔端來), 起初, 因為個湯係同我個餐一齊出, 而誤以為是我個丼包的. 之後, 中國人哥仔端多一碗有餡既麵豉湯來, 我們才知, 呢一電純麵豉湯, 是為特別了齋妹的...同胞服務, 真是細心.
每人消費: 約750日圓 (午餐)
評分: 味道3   服務5   環境3   衛生3   抵食4
魚餅 笑臉2010-02-01
遊覽新宿, 除shopping外, 另一個環節是掃街. 不過, 我們的食力始終是有限的, 不能一次食6, 7檔野. 我們掃街, 只有一站, 就是這個魚形燒餅.

行完百貨公司, 係門口, 齋妹被路人拿著的一條條類似芋頭魚的東東吸引著, 即時拉我去檔口, 買魚仔食.

我們所食的, 當然不是芋頭魚, 是魚形的夾餅, 內餡有不同的味道, 不過係日本食甜餅, 紅豆餡最是傳統同合味道. 所以, 都係朝安全之路ORDER, 食過既味道, 知道一定好食, 當然不改.

外皮, 說是芋頭魚也啱一半, 魚, 真的有芋頭味, 不過是日本芋頭, 味道始終有點不同. 內裡是紅豆餡, 粒粒有咬口, 就是我喜歡日本既紅豆餡餅既原因. 而且, 我們食到的, 是新鮮烘起, 熱辣辣, 唔會唔好食的.

小食多滋味, 兩個人分一塊, 食完繼續Window shopping.
每人消費: 約300日圓
評分: 味道4   服務3   環境3   衛生3   抵食3

行到咁上下, 到了晚飯時候了. 係街繼續食小食...不好了, 好讓兩隻腳休息一下, 不如找家餐廳, 坐低食個餐舒服一點.

誤打誤撞, 又看見名字特別, 咁就入左黎呢度, 好求其咁, 食個拉麵烏東. 其實間野有三層, 不過我們被安排了坐在樓下. 店趴知我地係外國人, 首先俾一個英文Menu我地. 不過一看一對, 好似英文Menu內既選擇比起全倭文的Menu少好多.

首先要安頓好齋妹先, 我們事先做定功課, print 了一張要求素食既日語 print out, 我們未落order, 對比侍應小姐, 看看店方有什麼介紹同安排. 店員小姐, 聽到我們說中國話, 之後便用國語回答, 說食素的, 要看看麼廚房怎安排, 因為湯底有魚肉. 我們要了一個炸豆腐烏東, 店員小姐答廚房可以改用清水煮.....咁我們便安心叫下. 而我, 按其日文Menu order, 叫了一個海鮮烏東湯飯.

不過, 出來的, 只是一個鹽水湯烏東, 豆腐呢.....原來改oeder時, 改錯了....沒有, 想加番, 不過齋妹說算數. 就沒有再追加了. 不過, 味道....就是普通啦. 沒有做功課, 求其..就隨時中招.

而我的烏東湯飯, 雖有尚可既烏東麵條. 但湯飯.....搞到好似食潮州粥咁. 覺得係香港, 搵一間烏東店, 都可以好過佢..........不過, 我地唔識叫, 係食唔到好野既一個因素. 而且姓"謝"個位妹妹仔又唔識介紹, 當服務員的經驗可算是甚淺, 唔係幾識安排.

下次去日本, 都係要做下功課先.

每人消費: 約700日圓 (晚餐)
評分: 味道2   服務2   環境3   衛生3   抵食3

果間旅行社仔, 安排的兩個住宿, 要求已經不高的我們都喊面左一間. 抱著驚驚地既感覺, 入到黎新宿呢一間係正歌舞伎町入面既小酒店, 反而覺得不錯.

說房間, Semi-double roome, 係人都知是細細房. 不過, size, 其實同一些我住過既cheap歐洲酒店差不多. 而且日本人講求整潔, 房間雖小, 但感覺骨子企理. 最開心就係....等了咁多日, 終於有一個Bath, 享用一下.

位置方便, 房間不錯, 而且, check out時, 更有廣東人服務. 正價房好似係8,000yen 一晚. 下次來東京, 又想住返新宿呢頭. 再住返呢間都唔錯.

每晚價錢: 8000日圓 (雙人房)
評分: 設備3   服務4   環境3   衛生3   抵住3
  0 個留言    |  加入你的留言