第二日: 幕張>台場>新宿

九點起身換好衫急急腳去食早餐, 食飽飽向幕張出發~~~去到outlet, 行左Agnes b, 可惜無收獲~為有有效d去shopping, 決定同honey分開行, 約定時間集合先去食lunch! 其實outlet都唔算岩行, 不過好彩最後都有收獲!!真係比香港平好多呢~~~hehe~~~

lunch去左一間叫Jerry's UNO度食, 墨西哥style, 都ok, 食飽就回程了....當然又係搵個locker放低d戰利品再去台場啦~但由於時間比預計遲左d, 所以去到台場已經四點幾五點了.... o係台場都大有收獲, 尤其honey, 用唔洗10000yen買左成六七件衫, haha! 好抵呀~!!!

回程時, 去左新橋站搵食. 去左一間叫安具樂既地道日本餐廳..返到酒店已經十點多lu~ 結束左一日行程

第一日: 香港>日本羽田機場>築地>銀座>新宿

到左日本第一站既羽田機場, 竟然比想象中簡陋得很!!!一出閘口, 已經一眼望晒所有野了.......實在細得可憐~之後搵shuttle bus搵去terminal 1 轉車, 一直都好順利呢...去到大門, 先搵locker放低行李, 第一次黎日本既我地, 大鄉理出城一樣, 乜鬼都唔識. 完成放行李呢個check point後, 我地終於可以向築地出發!!!

搭地鐵去到築地已經八點多, 比預計差唔多時間!! 先周圍行下, 睇下有咩發現, 但都係無乜特別, 之後搵到我地想食既大和壽司! 人唔算多, 等左一陣已經有位了! 食飽飽, 去左行街市~ haha~ o係hk都甚少行濕漉漉既街市, 估唔到黎到東京反而會行~ 其實都行得七七八八. 之後向銀座出發...

去銀座沿途, 經過本願寺, 當然唔會放過去睇睇啦~又係無乜特別. 反而中途見到一d好地道既食野地方我地更有興趣~haha~ 到左銀座後, 我地先去Nissan Gallery, 得少少野睇~~~不過叫做黎過囉~之後本來打算行Burberry, 可惜未開呢...唯有唔行住啦, 去左Sony Building, 原來都幾多野睇同玩架喎~! 同事果然無介紹錯!! 玩左一輪, 再行街, 去左三越買左少少手信再返去搭地鐵去大門攞返d行李. 由於第二次見到Glico雪糕機, 真係好想試呢....hehehe~~~原來幾好味架呢!!!! ^^

攞返d行李後就去左新宿了......新宿, 果然係好旺既地方, 好多人, 我地先返酒店check in都抖下, 再出去行街....行左歌舞技町, 食左我至愛既Mr. Donut! 比起泰國同台灣, 日本既donut貴好多呢!!! 不過又的確好味既^^ 之後再去博多天神拉麵..又係好好味架~~行左一輪, 再去Game Center玩下夾公仔, 可惜無收獲~~. shop下105yen店, 買左d平野...hohoh~~~

最後一站係去Lawson便利店買三廌美術館入場卷~雖然朋友仔已經教晒我點買, 但最後我地都係要勞煩店員姐姐幫我地入幾個日文先成功買到呢~~~haha, 不過呢個係一個唔錯既experience!

新宿時代廣場

早上八時去到扎愰的豐田Rent a Car取車(http://rent.toyota.co.jp/en/index.html)費用大約每天11000円,這次租了一部環保車Prius,車廂的空間感出奇地好!開著GPS輸入目的地電話號碼正式出發!(在日本使用GPS比其它國家方便,只要輸入目的地的電話號碼就可以開始導航)
大約開了四十五分鐘左右上了第一條IC收費高速(是在出口位置收費)沿途雪愈下愈大,這時GPS顯示應駛住3號出口,但去到竟然封閉了!於是去到占小牧市內找了一家小咖啡店休息問路,多得熱心老闆二話不說!放下生意不管,親自駕車引領我們尾隨,撓圈在另一條路再上高速.
去到二世古已經開始天黑,唯有先回酒店休息,第二天吃過早飯後再到滑雪場全力搏殺!

以往去日本只會選擇到大城市如東京及大阪,去到已有點麻木,很多事物也不再感到好奇!
但如普遍香港人一樣始終對日本有特別的情意結.(潮物、食物、温泉能抗拒嗎？)
這個聖誕節換湯不換藥!都是去日本不過目的地是北海道!
這次的行程大約是由扎幌→二世古→伊達→登別→支芴湖→扎幌→小樽
因機位緊張關係,搭不到直航要在東京轉機,幸好等侯時間只需一個小時.
晚上七時到達新千歲機場,出到市區抵達酒店已是八點鐘左右,放下行李立即出發食晚餐
(日本店舖一般比較早休息)
第一餐就是蟹將軍!
晚餐後步行到了大通公園,因為這裡有少量燈飾!幸好行到發射塔咐近開始下雪,
總算可感受一下節日氣氛!(日本人向來不太重聖誕節,因為已有4次的聖誕是在東京/大阪渡過,
簡直毫無氣氛可言!)
因為外出時沒有戴冷帽,凍得耳仔已開始痲痺及頭痛,趁還末變雪條前趕快回酒店,預備一早出發!