新會員登記     會員登入      我的開飯遊蹤      OpenRice 主頁
hideki
hideki
我是hideki。
留言  留言給此旅遊家
  遊記數目 4
  上載相片 48
  上載影片 0
最近分享過的旅程
關西紅葉之旅
旅程日期:2008-11-29 至 2008-12-03
夏の祭り～東京 と 軽井沢
旅程日期:2008-07-02 至 2008-07-13
共找到 4 篇遊記， 正顯示第 1 至 4 篇遊記
關西紅葉之旅 (日本)
(旅程日期: 2008-11-29 至 2008-12-03)
 整個旅程  (共1篇遊記)
 分享至Facebook 
遊記 : 第1日
發表日期: 2009-11-04
難得地有免費機票遊日本，所以早在幾個月前先安排定密麻麻的行程
因為假期只得5日....要盡我所能去盡大阪、京都、和歌山三地並非易事!!
何況，今次只有我一條友仔實行：
「小女子Not Shopping玩盡關西！」

十一月下旬的日本已經變得寒冷
而難得撞正紅葉盛開期當然要以此為主題啦~~
京都Let's GO GO！！
貴船 - 浪漫賞夜楓＊* 笑臉2009-11-04
漫長的車程開始...
漫長的車程開始...
叡山電車「きらら」号
叡山電車「きらら」号
夕陽映照著紅葉襯托的列車
夕陽映照著紅葉襯托的列車
貴船到着！！
貴船到着！！
沿途不斷的燈籠
沿途不斷的燈籠
一直延伸至神社的路燈
一直延伸至神社的路燈
夜晚的紅葉一樣吸引
夜晚的紅葉一樣吸引
去完酒店check in完後房都未上已經衝去趕住搭車
由大阪去京都再到貴船都要個半鐘頭....
原打算搭車時眠一眠，但沿途景色實在吸引到我唔捨得訓
越接近目的地，景色越見鮮紅!!

由於紅葉期的關係，叡山電車特別行駛「きらら」号列車
專為遊人賞楓而設，所以座位與別不同
才不過4點已黃昏.....夕陽映照下的山頭出現一篇橙紅色景像
有一種說不出的感動，獨自一人感覺更為強烈 >.<

到埗後襯天未黑晒周圍逛下先
入黑後開始熱鬧起來，遊人都拿著相機到處拍照
路邊燈籠處處....更成為最受歡迎的主角!!
途經料理旅館街、貴船川、北參道後
便到達有「夜の紅葉演出」的貴船神社...(續)
推介項目: 叡山電車、紅葉、燈籠
參觀時段: 晚間
入場價錢: 每人0日圓
評分: 值得去5  
檢舉此評論
回到頁首
神奇的水籤文！！！ 笑臉2009-11-04
可愛點之一：水占籤教學
可愛點之一：水占籤教學
手工精美．手信之選
手工精美．手信之選
でた！！！(出現了)
でた！！！(出現了)
為祈福而燃燒的神木
為祈福而燃燒的神木
浪漫的環境+優美的琴聲
浪漫的環境+優美的琴聲
貴船神社外貌
貴船神社外貌
7度低溫.....寒....
7度低溫.....寒....
離開本宮....GO DINNER
離開本宮....GO DINNER
行上北參道後就到貴船神社了
已經凍到鼻哥都紅晒...running nose =..="
幸好神社周圍放了不少火爐
嚴寒仍得到一絲絲溫暖~~~~~

講到神社最受歡迎o既，當然係「水占みくじ」啦
一張平平無奇的白紙，竟會突然出現籤文？！
什麼原理不清楚，只要將水籤放到神社旁的池中就會出現籤文了
http://www.facebook.com/video/video.php?v=312869965461&ref=mf
(片段↑)...好神奇呀 XDDDD

o係神社外徘徊一陣，大約五點半左右
神社開始有表演觀看，相中名為LES・ANGES的組合演出
小提琴+電子琴的演奏....呆著坐，一邊聽著音樂
不知不覺餓了，向料理旅館街出發...(續)
推介項目: 水占みくじ
參觀時段: 晚間
入場價錢: 每人0日圓
其他消費: 水占籤: 200円
評分: 值得去4  
檢舉此評論
回到頁首
正宗日本料理體驗 - 鞍馬御膳 笑臉2009-11-04
貴船川...川床的位置
貴船川...川床的位置
在川上進食的感覺一定很好><
在川上進食的感覺一定很好><
This is my cup of tea XD
This is my cup of tea XD
正宗塌塌米..要跪坐嗎= =?
正宗塌塌米..要跪坐嗎= =?
好豐富呀！！！(仲有紅葉襯托)
好豐富呀！！！(仲有紅葉襯托)
研究左好耐又咬唔入o既物體....(前)
研究左好耐又咬唔入o既物體....(前)
個招牌反晒光tim = ="
個招牌反晒光tim = ="

沿路上聽著神社演奏著的音樂~~慢慢行進料理旅館街
係時間醫醫肚，街上的店多的是...花多眼亂
最後就入左位於貴船川旁的栃喜久用膳！

在夏天的時間，貴船一樣熱鬧
川床料理往往受到追捧，可以在河川上席地而食幾咁寫意
可惜冬天並沒有這種享受，但京都的料理依然吸引！
我點了一個鞍馬御膳....御膳的意思不太清楚
總之也是日本料理的一種吧

店員穿著正式的和服為客人服務，奉上一壺熱茶~~正合我心意
上餐了....御膳好似幅圖畫一樣，裝飾得好別緻
放上一片片新鮮的紅葉，可見廚師的用心 ^^
味道較淡，全因日本人不想食物的本味被蓋過...
看似份量不多的一餐，吃完還真撐得上心口了...haha

推介菜式: 各式会席料理
每人消費: 約3500日圓 (晚餐)
評分: 味道3   服務5   環境4   衛生5   抵食4
檢舉此評論
回到頁首
非一般的電車.....正 笑臉2009-11-04
離開貴船...再多兩張
離開貴船...再多兩張
站外樓梯上的精緻竹燈
站外樓梯上的精緻竹燈
....等車中
....等車中
夜間紅葉在燈光下特別吸引
夜間紅葉在燈光下特別吸引
真係好靚...好靚....但唔夠上車吸引..hehe
真係好靚...好靚....但唔夠上車吸引..hehe
可能大家覺得奇怪點解一部電車會成為景點
全因秋季特別運行的「きらら」号非同小可！！！
開首我也以為只是有紅葉標誌、座位特別的一架列車...
直到晚上我乘著它離開時，才發現佢驚艷之處！！！

唔駛講咁多，去片先清楚
http://www.facebook.com/video/video.php?v=281817260461
推介項目: 列車熄燈時間
參觀時段: 晚間
入場價錢: 每人410日圓
評分: 值得去5  
檢舉此評論
回到頁首
LADIES FLOOR じゃない？ ok喇2009-11-04
京都出名甜品店
京都出名甜品店
京都特產：八橋
京都特產：八橋
聖誕未到..已經出現不少燈飾了
聖誕未到..已經出現不少燈飾了
酒店房內
酒店房內
酒店房內
酒店房內
贈送的護膚品包
贈送的護膚品包
行左成日o係京都諗住食埋個甜品先返去
點知收左鋪....唯有take out個軟雪糕食算
買少少手信就準備返酒店

「CHISUN HOTEL 心齋橋」其實並不位於心齋橋站
而係隔鄰的長堀橋站，但步行到心齋橋也非常方便

在官網預約可享有【最低価格保証】
如果做埋會員可以再平d，我當然唔執輸入左會先講
一個女仔去旅行首選當然係女性樓層啦

依間酒店無包早餐....
但女性樓層仍有吸引之處，就係除左每晚提供o既女性用品外
還送上DXC的護膚品試用包~~真貼心！

P.S. 奇怪在....某朝早我出門時，竟然見到有個男人o係同層房內拖個o急出黎...= =?
每晚價錢: 6800日圓 (單人房)
評分: 設備3   服務4   環境4   衛生4   抵住4
檢舉此評論
回到頁首
  1 個留言    |  加入你的留言
夏の祭り～東京 と 軽井沢 (日本)
(旅程日期: 2008-07-02 至 2008-07-13)
 整個旅程  (共3篇遊記)
 分享至Facebook 
遊記 : 第2日
發表日期: 2009-10-18

渋谷 血拼天堂*

一朝早食完個無料早餐後，10點鐘就衝到人氣熱點→渋谷！！！
此地絕對係shopping天堂....
各種品牌應有盡有，睇到人眼花撩亂
我都忍唔郅手買返件Blue Label先~~hehe
由於7月大減價的關係，好多商鋪都有割引
真係荷包大出血呀！！！！

行下、買下、影下相....肚子話咁快就餓喇
拿拿林去搜索下之前上網睇到介紹的:
「特大咖哩飯」~~GO！GO！GO！

吃飽之後再搏殺，女人天生購物狂嘛...
01 city飾品部半價起
同朋友分別買了CK 及 Tommy Hilfiger的介指....都係半價咋！！！

買到野自不然要慶祝，慶祝不外乎食！食！同埋食！
正好01 city對面有間好搶眼的Haagen Dazs....
天時暑熱食個雪糕真係透心涼呀~~~~
仲要係抵食過香港 XDDDDD

食完行埋涉谷地標109同109-2
109-2最頂層仲有好大間貼紙相鋪tim~~
然後再去買靚靚內衣...
不得不提日本人的服務態度
好有耐心去介紹同解答客人問題，仲充滿微笑
我係女仔都冧呀~~~ =3=

話咁快天都黑埋...見未餓
拿拿聲返酒店放低野再留低池袋拼搏 (哪來的力氣 Orz)
最後o係Mos Burger解決埋我地o既晚餐
返到酒店周身骨痛，咁行法唔跛都偷笑

大大大大大咖哩飯～＠＠” ok喇2009-10-18
so fresh~~~
so fresh~~~
果真好好好大兜！
果真好好好大兜！
....可見我地幾餓 Orz
....可見我地幾餓 Orz
小小木屋一間
小小木屋一間
行街行到嘔血咁濟，填飽肚子先講
一諗就諗到依間以「特盛」出名o既CURRY店！
無計......我地太餓要解決

wow~~果然無去錯，係多人等左d = ="
店內位子不多，幸好入去o既都係1位起4位止
同埋佢地都食得相當之快 @@"
唯有望下menu先諗定食乜

一有位坐低第一時order
見到一盤盤有如面盤咁大o既咖哩飯奉出來
仲可以望到老闆娘落足心思o既料理
個肚仲叫多兩聲，咖哩味真係芳香噴鼻 >..<
視覺同味覺都得到安慰...
當然~~前菜未能夠滿足我，一黎到仲使同佢客氣！！

咖哩同飯係1:1份量，我所叫的是芝士玉子咖哩飯
濃濃的咖哩配上芝士的口感，味覺新衝激
可惜的是此飯沒有肉....但亦可追加；
朋友的是咖哩炒飯，實際上是在飯上鋪滿咖哩炒成的肉碎蔬菜
亦都相當下飯，三扒兩撥就吃清光了...hahahaha！
同一時間.....店鋪亦都「売切」....要吃襯早 =3=
推介菜式: CURRY
每人消費: 約700日圓 (午餐)
評分: 味道4   服務4   環境3   衛生4   抵食5
檢舉此評論
回到頁首
透心涼の首選！ ok喇2009-10-18
眼花撩亂 @@
眼花撩亂 @@
d款好似多過香港~~
d款好似多過香港~~
美味しい～
美味しい～

買完成手戰利品....消耗不少體力
天氣又咁熱，最好當然食雪糕喇！
眼前大大間樓高兩層o既Haagen Dazs~~~
無理由咁近城隍廟都唔食返杯雪糕架

原諗住坐低慢慢嘆睇下menu
但都係果句，時間就係金錢....take out！！
order左杯「白玉抹茶新地筒」
價錢抵過香港吃wo，仲要係兩球半

抹茶味道同香港有點不同，可能原產地
雪糕的味道更香更滑 (賣花賺花香??)
有時候香港吃到的會帶些微苦澀味...
但依杯真的，甜度適中不失茶香
配上煙un的白玉與紅豆，天口咁慶遇到佢
一個字「爽」呀！！！

推介菜式: 綠茶雪糕
每人消費: 約680日圓 (下午茶)
評分: 味道5   服務4   環境5   衛生5   抵食4
檢舉此評論
回到頁首
不在目黑的摩斯漢堡 ok喇2009-10-18
我的Cheese Burger
我的Cheese Burger
朋友的炸蝦堡
朋友的炸蝦堡
行左成日累翻了....
o係西池袋那邊逛下逛下就黎到摩斯漢堡店
話晒係依度地頭不妨去試下！

先在counter落order，店員將號碼牌給我
我們便上2樓耐心等候
因為漢堡都是即制的，店員會親自拎上來

拿著熱騰騰的漢堡也急不及待要一口咬下去
肉汁隨之溢出
芝士味不濃但會帶出牽絲的感覺
朋友的炸蝦堡亦不遜，"shok shok"聲有夠清脆
菜亦新鮮，不像某大連鎖店的菜又碎又老....
今天真的有夠滿足喔～～～～
推介菜式: Cheese Burger
每人消費: 約700日圓 (晚餐)
評分: 味道4   服務4   環境4   衛生4   抵食4
檢舉此評論
回到頁首
  0 個留言    |  加入你的留言
夏の祭り～東京 と 軽井沢 (日本)
(旅程日期: 2008-07-02 至 2008-07-13)
 整個旅程  (共3篇遊記)
 分享至Facebook 
遊記 : 第1日
發表日期: 2009-10-15
港人必住．平價商務旅館
東京平靚正酒店之選~* 笑臉2009-10-15
粉紅色的浴室=3=
粉紅色的浴室=3=
單人房..雙人床
單人房..雙人床
經過4個鐘左右o既飛行, 對腳同癱左沒兩樣= ="
一落機衝到入境關口...趕住搭無料機場巴士出市區!!!!
(普通機場巴士都成3000円一位架~~依家唔使錢...呵 )
但都係趕唔到2點o個班車, 唯有hea到3點鐘o個班......
4點幾到達秋葉原!!!!


之前去東京都係book依間...貪佢有"女性樓層"
日本o既酒店若提供女性樓層的話
男人當然唔入得啦...加上一般都係禁煙的!!


除此之外仲有一樣好貼心的服務~~~
仲要係Ladies Floor獨有!!
就係每位女仕每晚都會得到一份「Lady's Pack」
即使無帶護膚、落妝...甚至每月o既小問題都好
「Lady's Pack」都會解決你o既需要
就算一人遊都好....都包你住得稱心又放心呀!!!

***特別要提, 酒店浴室用的都是"資x堂"的用品喔!!
每晚價錢: 7770日圓 (雙人房)
評分: 設備4   服務4   環境4   衛生4   抵住5
檢舉此評論
回到頁首
  1 個留言    |  加入你的留言
夏の祭り～東京 と 軽井沢 (日本)
(旅程日期: 2008-07-02 至 2008-07-13)
 整個旅程  (共3篇遊記)
 分享至Facebook 
遊記 : 第1日
發表日期: 2009-10-15
東京。池袋。ホテル到着！！
Go！池袋必吃拉麵店之一 笑臉2009-10-15
建議食到一半先落
建議食到一半先落
朋友的「のうこく麺」
朋友的「のうこく麺」
我的「つけ麺」
我的「つけ麺」
加了暗花，麻煩請到官網下載
加了暗花，麻煩請到官網下載
去完Uniqlo買浴衣為祭典作好準備好...
係時候醫下個肚!!
碌左去人人大讚、只此一間o既無敵家潮聖一下

淨係排隊都排左超過半個鐘.....
見到一位位食客好滿足咁出黎, 等耐d都值得o既!!

「のうこく麺」- 750円
朋友order的...黎得無敵家梗係要吃叉燒啦@@"
但依度的叉燒拉麵~~叉燒多到唔係人咁品...
細食o既朋友可以食依款過下口癮!!

「醤油つけ麺」 - 850円
雖然つけ麺並唔係依度發明...
但好耐之前已經好想試下, 咁好機會我點會放過
將一口拉麵, 放進熱騰騰而又濃郁的湯汁中
一咬下去已feel到拉麵o既彈性~~~
叉燒厚身又夠晒淋...聞落香氣撲鼻
湯汁濃度仲可以自己調較.....美味しい！！！


真係超大碗~超好味 >口<
枱上面仲有topping比你加, 建議食到咁上下先落...
別有一番風味 =3=
記得去之前要去官網印張coupon出黎ar, 有隻蛋送過你吃~~
食完包你捧住個肚好滿足咁走!!


P.S. 由於唔想有賣廣告成份, coupon加左暗花...
要用o既網友麻煩親自去官網下載喇
推介菜式: つけ麺
每人消費: 約850日圓 (晚餐)
評分: 味道5   服務4   環境4   衛生4   抵食3
檢舉此評論
回到頁首
  0 個留言    |  加入你的留言