猶記得2000年第一次遊馬來西亞, 就愛上了這個國家。當年花了一個月遊遍東馬的沙巴及沙勞越, 西馬的吉隆坡及檳城, 順道遊覽了文萊及新加坡, 上山又下海, 非常好玩。對於吉隆坡便宜又好味的食物, 印象難忘。2012年的今天, 終於有機會跟男友再次暢遊吉隆坡, 順道遊玩峇里島, 作甜蜜自由行之旅~

我們是以背包族出遊, 所以機票酒店方面就要省點錢, 留待食好D, 玩好D~我們選擇的是AIR ASIA的機票, 到達吉隆坡的LCCT (low cost carrier terminal)機場。因為是特價機票, 一個人只可帶7kg重的手提行李, 超重要加錢, 還好我們是去熱帶地方, 所以行李+購物後, 全程都沒超重, 真好~機上也沒有提供免費膳食及飲料, 幸好我們坐的是短線, 不,到4個鐘頭的機程, 我們是可以接受的~

到達吉隆坡的LCCT就有巴士(RM8/9) 或機場快捷(RM12.5)接駁到downtown的KL SENTRAL, 再轉其他的公共交通, 算是非常方便。

到逹KL SENTRAL, 我們急於找'touch n go' 卡, 結果問過所有櫃位都說沒有此卡賣, 我們心想, 唯有'明天請早', 最後找到KL Monorail的站, 買單程票(RM2.1/pax)到我們的酒店位處的Bukit Bintang。

問了數天, 我們還是找不到'touch n go' 卡, 終於在吉隆坡的最後一天, 有位職員跟我們說, 'touch n go' 卡已沒有再賣, 而我們數天來也是NO TOUCH但照樣GO得好快樂~

 

完結篇

行程：東方村 + Tanjung Rhu Beach + 燈籠海鮮館

雙子塔 + 亞羅街 + Sky Bar

第一次黎自由行

機票一早係Air Asis 做promo個陣買, 連埋稅﹠行李費
香港 ﹣吉隆坡 玩2日 HKD $ 733.60 (2人價錢)
吉隆坡 - 浮羅交怡　玩3日 HKD $ 329 (2人價錢)

保險：

吉隆坡係一個值得推介o既city tour~消費指數唔高..食物質數高..當地人大陪份都識講英文同普通話..所以完全無溝通o既阻礙~!!想行街,食好野,睇下名勝...吉隆坡係唔錯o既選擇!!

Day 3 (19/6/2010) – 購買手信 / 數碼港 / 水上清真寺 / 狄臣港度假村

行程的第三天，早上全部時間大多集中參觀不同的店舖，方便選購地道的產品，分別有無糖白咖啡，錫手工藝品及朱古力店。最緊要買亞蘇麻油...

        今日的午餐就安排吃肉骨茶，話說這間店舖連特首也曾經到過，因為牆上有他們的照片。整體餸菜皆微調以適合香港人口味，肉骨茶的藥材味不太濃，店員的服務十分細心，甚至講解味道的問題，是因收到很多遊客的意見及反映，所以作出改善；話雖如此，肉骨茶不是地道風味，我們都叫店員把肉骨茶潻了又潻。

午飯後便到著名的數碼港，果然是一個祟尚環保，綠化及經過規劃的新城市環境；再向前往便到水上清真寺，旅行團訂了13:00觀光船，全程約25分鐘。由於是中午時分，陽光非常猛烈，但在一個人工美及平靜的布達拉湖上，沿途有海風吹送，真把酷熱的天氣忘記了！

約16:00便抵達狄臣港度假村，一個很有Resort的感覺度假村，還擁有一個長長沙灘看日落，玩厭了度假村內的泳池，便可投入馬六甲海峽的懷抱，超正！晚上19:30便到度假村附近的華人海鮮酒家，其中的名菜蟹肉魚翅很足料，很多蟹肉；還有金黃流沙蟹也很惹味，味道如同香港式的黃金蝦加了椰香及甜味。

Day 2 (18/6/2010) – 整天旅程都是指定地標景點，沒有多大特別，到處留倩影便算，分別拜訪的地方是:-

l   蘇丹皇宮 / 獨立廣場 / 國家英雄紀念碑
l   湖濱公園
l   飛禽公園
l   黑風洞
l   吉隆坡塔

但到了黃昏時間，閒逛雙子塔的 Vincci鞋店，果然聞名不如見一面，那種試鞋壯觀情況，真係震撼！記住遊客可以到Information做張折扣咭，買鞋有九折，價錢算抵…..到吉隆坡一定要到此一遊，放低銀兩……..

今晚又再到亞羅街晚飯，除了享用如昨晚地道的小食外，加了咖哩麵包雞，Yummy Yummy！為了一嘗不同款式的榴槤，團友們都戒酒留肚，食飽後便再到大街的檔攤去試，你話一檯檯的在街邊食榴槤，是一種趣緻的特色，什麼貓山皇，D7，D24….全都放進口裹…..哈哈！回到車上，那種陣陣幽香，真不能用筆墨形容，就是這樣便回酒店，飽飽的進入榴槤甜美夢鄉。

Day 1 (17/6/2010) – Pavilion Jumbo Mall 大型購物中心 / 亞羅街宵夜

為省卻中途轉機的時間，成班朋友都商量好，選擇旅行團時首要是國泰直航吉隆坡；反正乘坐星航早機起行，中午也要在新加坡轉機，同樣也要下午三點才到吉隆坡。

整個旅行團準時10:30在機場集合，乘坐12:25國泰直航吉隆坡，在藍天白雲陪伴下，16:30分便抵達吉隆坡機場。

與當地導遊會合，約18:00已開始第一站 – 先吃個很早的晚飯，那一個【客家黃燉雞】很特別好惹味，帶點藥材味；還有【椰水野味蝦】有點似冬蔭功，味道酸酸的但不辣。

第六天一大清早七點就由酒店出發,搭Monorail去KLCC站排隊拎票上Sky Bridge。不過去到KLCC都無指示去邊拎票,唯有問商場經理先知。好在我地早到,7:45已經打蛇餅,排到9點先開始派票。我地拎左9:45,拎完之後去對面的便利店買點早餐吃,之後我地就上Sky Bridge。高空觀光完,就係KLCC行下,去Madam Kwan's食午飯。之後我地就有一段酸苦的經歷。

我地本來諗住去Imbi那邊做Spa,但我地趕時間,一出KLCC就上的士。那個黑人的士司機向我地揮手,一上車就較低佢個座位,搞到坐係佢後面的男友好迫郁唔到,佢無按過咪錶就開車。之後又問我地係咪遊客同我地傾下閒話。不足十分鐘車程就到,佢要我地畀MYR294,這相對700港幣。我地同佢理論左一陣,但佢話在KLCC前的的士是貴的,而的士錢可以向酒店取回。我地當然不信啦,但佢又畀張收據我地,抄埋牌照號碼,車牌號碼。我地都唔知點,佢又停左係個位隔離有架車頂住左,我地又落唔到車。最後,我地叫佢寫埋佢公司電話,畀左錢就走。

因為昂貴的車費,我地唔夠錢做spa。結果帶著不快搭地鐵回酒店。返到酒店,我地拎張收據畀酒店職員睇,佢地都嚇左一跳,因為真係好貴。佢地話就算係機場去Bukit Jalil都係五十多馬幣,我地都知畀人騙,但我地真係唔知點算。佢本身話我地去旅遊協會舉報的士司機,不過我地4:40會上機,趕唔切。咁佢就教我地係機場搵旅遊協會專櫃舉報,不過我地去到機場,又問人,又行左幾個圈都找不到。我地好唔開心,無晒心情,執埋行李check-out,酒店職員就幫我地call車(MYR90)去機場。

黑仔經歷一而再,再而三,本來上左機,不過過左十分鐘,機長話飛機有故障要轉第二架機。我地又落機,係候機室等左十分鐘,又上番機,上左機又要等十五分鐘先起飛。結果返到香港遲左差不多兩個鐘。

這個旅程算是先甜後苦啦......