搜尋:
遊記日期:    發表日期:    
 
簡介形式      文章形式
共找到 625 篇遊記, 正顯示第 1 至 10 篇遊記
Handsome XO
80篇遊記
2017台灣婚禮三天遊 (台灣)
(旅程日期: 2017-04-20 至 2017-04-23 ,  旅程性質: 飲食購物, 探訪親友, 慶祝節日)
 整個旅程  (共3篇遊記)
 分享至Facebook 
發表日期: 2018-09-18

422日(陰)

旅程到咗婚宴嗰日,家人朝早食完個酒店早餐就慢慢行去「這一鍋皇室秘藏鍋物」食晏。路程大約二十分鐘左右,由於預鬆咗時間,大家就好佗佻地邊行邊購物。見識過人氣火鍋後,長輩們就趕返酒店參加斟茶儀式,小肥就孖哥哥同表妹去咗「STAYREAL」血拼一番。滿載而歸後即返回「台北國賓大飯店」,裝好身就上去「樓外樓」參加小表弟迎娶嬌妻之晚宴
台北國賓大飯店 - 明園西餐廳
台北國賓大飯店 - 明園西餐廳
自助早餐
自助早餐
自助早餐
自助早餐
即煎班戟
即煎班戟
搶手餃子
搶手餃子
即煮湯麵
即煮湯麵

早一日喺酒店「行政樓層貴賓廳」度食咗早餐,父母都話想試埋地下「明園西餐廳」個自助早餐,因據悉該處食物款式更多及更精。

「明園」面積明顯比樓上貴賓室大,餐桌座位迫啲,但食物區就多咗啲即叫即煮嘅開放式廚房,包括即煎班戟、煎蛋、炒蛋、湯麵等,質素算係OK合格,正常酒店自助早餐。服務生大多都好忙,不過態度良好,有求必應。
評分: 味道3   服務4   環境3   衛生3   抵食3
這一鍋皇室秘藏鍋物
這一鍋皇室秘藏鍋物
這一鍋皇室秘藏鍋物
這一鍋皇室秘藏鍋物
餐具及圍裙
餐具及圍裙
老火湯(NT 110/人)
老火湯(NT 110/人)
海鮮
海鮮
紅肉
紅肉
福氣粥(NT 100)
福氣粥(NT 100)
乳酪冰沙(免費贈送)
乳酪冰沙(免費贈送)

去台灣玩,家人第一句都會話想食火鍋,上次同班姨媽食過美如藝術般嘅「寬X子」後,今次就決定一試潮流熱店「這一鍋皇室秘藏鍋物」。

人氣火鍋店最與別不同之處就係門面及室內裝修嘅設計都用上兵馬俑作題。正門有迷你水池及木橋,由兵馬俑守門真夠威嚴。推開重重嘅鐵門即見龍椅一張,更顯氣派。用餐大堂所有散座均為方形木造枱櫈,並以屏風隔開,中國風得黎清爽簡潔。四周有不少靚花擺設,感覺甚為雅致。最有古代感就係洗手間門外寫有「男」字及「女」字嘅布簾,認真搞鬼

小肥早已托台灣女朋友訂座,一行九人到步即被安排入座廂房,餐桌上亦早已擺放好茶具。細心一看,方才留意到碗碟茶杯均為翠玉色系列,貴氣十足。每人一塊紅色嘅掛頸紙圍裙,衛生非常。細問下先知原來圍裙上嘅「呷嘎宋嘎」意思原來係「吃得很爽」;好,就睇吓食完會幾爽

厚本餐牌頭幾頁先講解推廣優惠、靚鍋底賣點、幾篇火鍋傳說及鍋品食用秘訣。散點火鍋料項目全伴上彩圖對照,計埋大圖共有十二頁之多。消費指南及細則如最低消費額等,就列咗喺尾頁,有埋圖表夠哂清晰易明。

1)      老火湯(NT 110/人):據餐牌所講,老火湯底以大豬骨、雞骨、豬後腿肉及多款中藥等精髓所燉製而成。奶色嘅老火湯肉味香濃,且傳出陣陣胡椒味,餐前先嚐一碗直令胃口大增。

2)      翡翠鮮蝦滑(NT 380):因為港版蝦滑大多為灰色,所以當見到蝦滑如此皎潔雪白時真係有啲意外。煮熟咗嘅蝦滑爽脆彈牙,鮮甜可口。

3)      黑玉墨魚滑(NT228):同白雪雪嘅蝦滑成對比嘅墨魚滑色澤真係黑得夠哂勻循,幸好咬落柔潤有彈性,是不錯之選。

4)      梅花豬肉(原價NT 268,拼埋「和牛梅花」則可以優惠價NT 10享用):豬肉雖切成薄片,但個人覺得肉質都係偏嚡,如果唔係半送的話一定唔會叫黎食

5)      雪花牛肉(NT 268):砌到一朵花咁嘅雪花牛肉片從紋理睇講真唔多似雪花,色調又唔夠鮮明,食落唔夠軟滑亦冇乜肉香,請恕細佬未能推介。

6)      培根牛肉(NT 338):據餐牌簡介所述,培根牛肉嘅油花分佈應最均勻,但如相所示,碟中嘅白色肥膏全積聚於一邊,個人覺得絕不均勻,煮熟咗亦屬嚡口之列,不吃也吧。

7)      極神仙牛肉(NT 488):多款牛肉中只有兩款啱XO仔口味,其中極版神仙牛肉薄片掛於架上,以乾冰營造出仙氣,外觀最為震撼。神仙牛肉嘅雲石紋就真係表現出靚牛肉嘅油脂如何均勻,即煮即食半溶於口中,肉香軟腍,何其美妙!

8)      和牛梅花(NT 588):第二款靚牛就係最薄巧嘅和牛梅花和牛紅白嘅紋理同極神仙牛肉可謂不相伯仲,講真飲咗幾杯後,兩者質感如何不同已難以分辨,只係覺得好食就夠。

9)      松阪豬肉(NT 328):松阪豬肉片疊成玫瑰花形,這個外表同之前喺「寬X子」食過嘅有八成相似,但「這一鍋」個版本就明顯少配咗個鮮蛋黃醬汁。可能係先入為主嘅關係啦,未黏上蛋黃嘅松阪豬肉雖則夠爽,但就欠缺咗份柔滑,有陣時菜式嘅靈魂就是隱藏在那一點點。。。

10)  鮮跳活蝦(NT 268):小肥一向少食蝦蟹,尤其係當身處於異地時,不過見蝦隻當真係活生生咁喺隻碟上跳來跳去時就不得不拍下照片與大家分享。

11)  半殼扇貝(NT 368):扇貝體積同彩圖一樣咁大隻,烚熟咗仍能保持爽厚嫩滑,正!

12)  青竹蚌(NT 268):睇相已知青竹蚌其實即係蟶子。蟶子原條冰陣上枱,夠哂頭,可惜滾兩滾同滾耐啲蟶子都一樣咁韌,即使味道幾鮮,咬唔到已大打折扣。

13)  五彩鮮蔬盤(NT 198):鮮綠色嘅蔬菜均新鮮爽脆,實屬正菜也!

14)  福氣粥(NT 100):最後加NT 100即可加碗白飯由服務生以鍋底即煮香濃鮮甜嘅福氣粥。雖然九人只可每人分到一小碗,但靚粥極之暖胃,一小碗就已經夠哂

15)  乳酪冰沙(免費贈送):清涼嘅冰沙味道就好似益力多咁多甜微酸,飯後一小枝有助解熱消滯。

台灣人氣連鎖火鍋店「這一鍋皇室秘藏鍋物」裝潢極富中國色彩,格調輕鬆,服務優質,環境又夠衛生。XO仔可能係因有比較下,總覺得「這一鍋」除咗老火湯底福氣粥最有賣點之外,火鍋料反而不及市內其他火鍋專門店,不過其價錢講真同時亦比某幾間便宜,要揀去邊間食就要睇大家追求啲乜野嘅享受啦。
評分: 味道3   服務4   環境3   衛生4   抵食3
STAYREAL 台北南西店
STAYREAL 台北南西店
會員生日月份有禮物
會員生日月份有禮物

同為五迷嘅XO、哥哥同表妹每到台北都必定要一訪STAYREAL」瘋狂掃貨,今次亦不例外三口子襯婚禮前有少少空檔就去咗最近酒店間台北南西店逛逛。

離遠已見門面大大隻加菲貓,唔洗多講大家都知今期目標會係加菲系列嘅產品。嘩卡卡,小肥買咗一大袋,店員即幫忙登記做會員,得知四月正正係細佬生日月份,更送上生日賀禮,小小心意確真暖在心頭,真係好想高歌一曲「最好的一天,最好的一天。。。」
參觀時段: 下午
評分: 值得去5  
婚宴良地 笑臉2018-09-18
鳳梨酥及精美「囍」蜜糖
鳳梨酥及精美「囍」蜜糖
鮮花、糖果、菜譜
鮮花、糖果、菜譜
和風龍蝦沙拉
和風龍蝦沙拉
六喜碟
六喜碟
花好月圓
花好月圓
珊瑚魚翅盅
珊瑚魚翅盅
麻醬鮮鮑
麻醬鮮鮑
茄汁蝦球佐花卷
茄汁蝦球佐花卷

小表弟迎娶嬌妻,舅父特選於「台北國賓大飯店」擺酒大宴親朋。婚宴設於酒店十二樓之「樓外樓」宴會廳,環境高雅得很,四周以鮮花點綴,散發著芬芳及雅致。

除咗靚花擺設及菜譜之外,每席都有糖果及馬仔,寓意甜甜蜜蜜。每位賓客更有鳳梨酥及精美「囍」蜜糖帶回家,一同分享此份甜蜜喜悅

晚宴共有十二道菜,確真豐富:

1)      和風龍蝦沙拉:以蕃茄墊底嘅沙律清新潤甜,喺面疊上爽脆嘅龍蝦及沙律醬,紅當當嘅組合好睇又好食

2)      六喜碟:由服務生續一分配嘅潮派六味喜碟分別為雞件、薄餅捲蛋、炸蠔、銀杏、腐皮卷、及炒年糕,顏色鮮橙奪目,食落均香濃惹味。

3)      花好月圓:意頭咁好,餸名又靚嘅「花好月圓」原來係炸湯丸仔,煙煙韌韌都幾得意。

4)      珊瑚魚翅盅:嘩,魚翅每盅都咁大碗同咁足料,啲成梳喺湯面可謂睇頭十足,認真唔講得笑!靚翅厚而爽潤,湯底亦濃而不俗,正爆

5)      麻醬鮮鮑:清蒸鮮鮑就食得多,以麻醬作鮮鮑嘅調味都係第一次食。鮑魚質感雖則軟腍,無奈麻醬嘅味道實在太搶,所以就唔係好食得出任何鮑魚嘅鮮甜味。

6)      掛爐烤雞:意外地,烤雞外表肥厚,但香脆嘅雞皮下並無太多脂肪,就連雞胸肉都一啲都唔嚡,肉質軟嫩可口。

7)      茄汁蝦球佐花卷甜酸蝦球一人一大隻,體積絕對夠哂大體!咬落層炸皮鬆化乾脆,蝦身更加係爽厚潤甜,個個食到嗦嗦聲,冇得頂呀!

8)      清蒸老虎斑老虎斑魚肉幼嫩滑溜,鮮味無窮。

9)      貝酥油飯:原來「貝酥」乃乾瑤柱個靚名,細佬又上咗一課。油飯粒粒晶瑩飽滿,油潤有光澤,伴上脆身惹味嘅貝酥猶如畫龍點睛,更上一層樓。

10)  鴛鴦美點甜品環節家人都忙於拍大合照,小肥就襯排隊時不停偷食超級香口而且唔係太甜嘅紅豆薄罉

XO仔首次於台灣參加婚宴,有幸於名酒店「台北國賓大飯店」嘅「樓外樓」宴會廳見識到台式婚禮多麼高貴又溫馨,氣氛好好,當中潮派中菜美觀又美味,實在令人難忘。再次恭喜小表弟成家立室,舅父多咗個好媳婦!
評分: 味道4   服務4   環境5   衛生5   抵食4
  0 個留言    |  加入你的留言
Handsome XO
80篇遊記
2017台灣婚禮三天遊 (台灣)
(旅程日期: 2017-04-20 至 2017-04-23 ,  旅程性質: 飲食購物, 探訪親友, 慶祝節日)
 整個旅程  (共3篇遊記)
 分享至Facebook 
發表日期: 2018-07-06

421日(陰)

肥叔叔早年遷往台北工作,愛飲好食嘅佢每次返港聚餐時都定必會大談食經。得知肥肥家族將飛往台北參加婚宴,佢就提議四口子由台北坐高鐵去一轉台中,一訪由美女廚神開辦嘅法國餐廳「樂沐法式餐廳」,細嚐佳餚已值會票價咁話;講到咁犀利,我地當然係要去見識吓啦

因深知大肥爸爸最怕行路同等車,哥哥早於出發前訂好高鐵車票,仲訂埋旅遊的士接送四人來往台中車站及餐廳。有哥哥喺身邊,大家真係乜都唔洗擔心,週五朝早喺「台北國賓大飯店」食完自助早餐後就搭的士去台北車站,等佢喺櫃檯攞好飛後就好順暢地排隊上列車,四十五分鐘就到台中車站,簡易快捷

喺「樂沐法式餐廳」享受完一頓難忘嘅感官旅程後,導遊先生就車咗我地去「如邑堂太陽餅」度買太陽餅做手信。由台中返回台北後已過黃昏,由於落著傾盆大雨,週五交通又特別擠塞,結果等咗成個鐘頭先搭到的士返酒店。晚餐就由舅父仔帶路去咗「嘟柏林鐵板燒」食潮派海陸鐵板燒。
行政樓層貴賓廳
行政樓層貴賓廳
行政樓層貴賓廳
行政樓層貴賓廳
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區

入住「台北國賓大飯店」嘅行政房間除咗包咗樓下咖啡室嘅自助早餐券之外實亦可選擇去同層,即十一樓行政樓層貴賓廳」度食早餐

行政樓層貴賓廳嘅自助早餐雖然款式冇咁多,但勝在環境較寬敞,又冇咁逼人,食得舒適得多。早餐供應時間為每朝早六點半至十點,座位任揀唔嬲,只係食咗成大半個鐘都未見有服務生經過就有啲奇怪。食物區有咖啡機、牛奶、果汁茶包麵包、沙律、水果、芝士、咸點熱食可選,質素算係不過不失。
評分: 味道3   服務2   環境4   衛生3   抵食3
台北車站
台北車站
台北車站
台北車站
台北車站 - 地圖
台北車站 - 地圖
台北車站售票處
台北車站售票處
台北車站月台
台北車站月台
台北車站月台
台北車站月台
四周都有安裝閉路電視
四周都有安裝閉路電視
高鐵車票
高鐵車票
由台北乘高鐵往台中,每人每程一千元新台幣,如果一早已訂好日子的話,大家不妨於網上買定車飛,早鳥優惠有成六五折,人多真係慳唔少架!「台北車站」簡潔光鮮,四周都有安裝閉路電視,衛生又安全。車站內外都有清晰嘅指示,網上預訂取票處亦不難找到,喺月台排隊嘅人又守規矩,感覺極之良好
參觀時段: 早上
評分: 值得去5  
台灣高鐵列車
台灣高鐵列車
台灣高鐵列車商務車廂
台灣高鐵列車商務車廂
台灣高鐵列車商務車票
台灣高鐵列車商務車票
台灣高鐵列車商務車廂
台灣高鐵列車商務車廂
蛋糕仔及水
蛋糕仔及水
窗外景色
窗外景色
窗外景色
窗外景色
窗外景色
窗外景色

肥肥家族個個身形都有番咁上吓,尤其係大肥成二百幾磅,行得太多或企得太耐都容易攰,為咗大家搭台灣高鐵可以坐得安心又服,哥哥就決定訂哂商務車廂,有指定座位就唔洗怕要搵位同排隊。

台灣高鐵非常準時,商務車廂嘅厚墊椅櫈都好舒適,每人仲包有蛋糕仔同飲品一杯,短短四十五分鐘車程可望出窗外欣賞景色,玩吓手提電話兼充埋電,亦可以短睡片刻,由台北去台中真係話咁快就到,方便得很
每人消費: 約1000新台幣 (其他)
評分: 味道3   服務4   環境4   衛生4   抵食4
樂沐法式餐廳 Le Moût Restaurant
樂沐法式餐廳 Le Moût Restaurant
自家製麵包
自家製麵包
配酒
配酒
「感官」午餐
「感官」午餐
鮮鵝肝/芥菜心/香草
鮮鵝肝/芥菜心/香草
緬因龍蝦/西班牙辣腸/香草青醬/覆盆子
緬因龍蝦/西班牙辣腸/香草青醬/覆盆子
睡蓮
睡蓮
現代主義之乳酪蛋糕
現代主義之乳酪蛋糕

三層高嘅「樂沐法式餐廳」猶如一座洋式別墅般,步入樓底高高嘅大堂,面對著接待處已感到餐店嘅氣派。核實訂座後,即由專人帶領往上層之用餐區域,貴客可選擇行樓梯或搭乘升降機。店子內外嘅燈飾、鮮花、擺設、傢俱等,包括洗手間都流露著華麗嘅格調。

同樣樓底極高嘅用餐大堂環境優雅,光線柔和,空間感足。小肥早於網上訂座時為家人從三個規範餐單「創造」、「感官」、「記憶」中選訂午餐,每款菜單均可加錢玩埋配酒。侍酒師不單加配日本清酒,更呈上店子自家品牌嘅香檳,就連紅酒都用上潮流新興嘅Coravin取酒器,可謂驚喜不斷。

搞掂好飲品,姐姐即送上兩款海藻味海鹽味牛油,告知大家可先食用花瓶內修長嘅麵包條,食完佢地會陸續換上不同款式嘅自家製麵包,當中最正必選熱辣香醇惹味嘅高梁酒臘肉包及芳香微甜嘅蜂蜜麥包

午餐由兩道節令下酒菜作序。第一味金光閃閃嘅「黃豆卷拼香草芝士球」中黃豆卷皮脆餡軟味淡,剛巧同濃味嘅香草芝士球造成對比,都幾得意。第二道「海鮮脆米通」鮮黃色嘅米通鬆化脆巧,連同米通上嘅帶子魚碎食落口即增添鮮嫩。

感官」先由熱湯「鮮鵝肝/芥菜心/香草」接捧。上枱時,湯碗以一塊薄薄嘅鵝肝醬蓋上,再由服務生續一斟入清湯,鵝肝醬隨即溶化並為湯品揭盅,露出碗內其他湯料,賣相極之震撼吸睛。可能自己唔係太鍾意食菜啦,故對菜味極濃嘅清湯只可以用「苦」字黎形容,幸好鵝肝醬幫忙調和咗陣菜味,先變得易入口得多。

午餐第一款肉為顏色鮮美嘅雞翼組合古早小母雞翅/甜蝦/番茄/酸黃瓜/香草蛋黃醬」,另配一小杯黑色嘅甜豆湯。已去骨嘅雞翼包住咗甜蝦同雞肉,皮脆肉爽嫩,輕輕點上色彩繽紛嘅香草蛋黃醬就好比畫龍點睛般同時提升視覺及味覺嘅享受,實在妙極!

接著嘅「緬因龍蝦/西班牙辣腸/香草青醬/覆盆子」色澤同樣鮮美,師傅以不同調味醬汁緬因龍蝦等食材重新砌成一幅立體嘅龍蝦食物圖,當真令人嘆為觀止!龍蝦肉爽脆彈牙,配上秘醬同時帶出花香、果甜及微辣,味道複雜得黎和諧新穎。

主菜上枱前,哥哥先以銀盤展出多把靚刀讓食客挑選,再將刀子安全地擺放於牙形嘅刀架上;「樂沐」嘅女主人明顯喺用餐所有細節都有花下不少心思。「感官」嘅主菜「嫩烤鵝肉/姬松茸/芥菜/米湯」雖外貌為最平凡嘅一道,味道卻絕不遜色之前道「緬因龍蝦」。汁液上枱時先會即場淋上,以確保新鮮度,碟上兩件鵝肉皮層香脆,肉質厚而鬆軟多汁,可以話係小弟至今食過最好味嘅鵝肉;伴碟嘅姬松茸則芳香惹味嫩脆,一樣咁出色

甜品出場前先由清新爽甜嘅「香桃雪葩」為味蕾洗滌一番以作準備。套餐第一道甜品杯「可可清湯凍/焦糖蘋果塔雪酪」其實係朱古力味淡淡嘅啫喱拼果香甜甜嘅焦糖蘋果雪葩。而第二道紅黃鮮明且時代感極重嘅則為「現代主義之乳酪蛋糕」!餐牌上注明,芝士蛋糕嘅紅、白、黃網格外型構思源自荷蘭藝術家「彼埃•蒙德里安」(Piet Mondrian)及「密斯•凡德羅」(Mies van der Rohe)嘅「新造型主義」風格。極富立體感嘅芝士蛋糕微甜軟潤,輕巧不溜滯,放進口中就好似吞噬咗件藝術品般,認真搞鬼

食到咁飽最好就係飲番杯飛沙走奶嘅特濃咖啡。跟餐茶及咖啡最後仲有的骰嘅「精緻小點」;每人都有兩粒,細細粒,容易食。黃色小球乃脆皮清涼嘅乳酪雪糕棒,而兩球中央嗰件則為巧薄爽脆嘅鳳梨塔,兩者均微微酸甜,毫不溜滯。

台中名法國餐廳「樂沐法式餐廳」洋房式嘅設計大方高雅,就連服務都可稱得上為酒店級,多道精美且高質嘅佳餚令XO仔與家人一同感受到不一樣的感官世界!
推介菜式: 自家製麵包,「感官」午餐
每人消費: 約6300新台幣 (午餐)
評分: 味道4   服務5   環境5   衛生5   抵食4
如邑堂太陽餅門牌
如邑堂太陽餅門牌
如邑堂太陽餅
如邑堂太陽餅
如邑堂太陽餅購物部
如邑堂太陽餅購物部
如邑堂太陽餅金漆招牌
如邑堂太陽餅金漆招牌
透明度極高之食品製造工房
透明度極高之食品製造工房
透明度極高之食品製造工房
透明度極高之食品製造工房
彩圖單張
彩圖單張
訂購單
訂購單

司機先生見距離列車離台中嘅時間仲有成個幾鐘頭,佢就好客氣咁提議四周圍兜吓,順便喺「如邑堂太陽餅」間旗鑑店度停留,介紹我地買台中最出名得奬太陽餅做手信

如邑堂外出有位俾人泊車,入面個舖位都幾大。最近門口位置擺放出多款彩式禮盒。左方為透明度極高之食品製造工房,可見工作人員全體戴哂口罩同帽,乾淨又衛生,食得同買得都自然好放心啦!而右方則為有專人招待之免費試食區,真係估唔到試食都可以舒適地喺餐桌度進行,仲要乜都可以試,份量多到成份下午茶咁勁,桌上更包有熱茶以助消化,相當認真!大家試食時,售貨員都會推介不同產品,並送上自助落單紙,講解可以點樣填寫,同佢地嘅包裝如何穩固,手信店太懂得做生意了!
推介菜式: 太陽餅
評分: 味道4   服務5   環境4   衛生4   抵食4
台中車站
台中車站
台中車站月台
台中車站月台
台中車站月台
台中車站月台
台灣高鐵列車
台灣高鐵列車
台灣高鐵列車
台灣高鐵列車
台北車站等的士處
台北車站等的士處

由於一早訂好車票,只要預多少少時間排隊攞飛就可以直接去月台等車。台中車站感覺上比台北車站大,但站內嘅小食店、報攤、及咖啡館就較集中,個人覺得好行啲,喺月台影列車都容易得多。一樣係坐咗九個字車就返回台北,簡易方便。

台中一日遊中最唔爽嘅一環反而係返到台北車站要排成個幾鐘頭隊先等到的士,不過週五傍晚遇上狂風大雨,交通擠塞也在所難免,冇計
參觀時段: 下午
評分: 值得去4  
嘟柏林鐵板燒餐廳金漆招牌旁有盆靚靚蘭花,高雅簡潔
嘟柏林鐵板燒餐廳金漆招牌旁有盆靚靚蘭花,高雅簡潔
鐵板燒廂房
鐵板燒廂房
南瓜海鮮湯
南瓜海鮮湯
鱈魚
鱈魚
鐵板式燒蠔
鐵板式燒蠔
芝士龍蝦
芝士龍蝦
牛扒
牛扒
潮派海陸鐵板料理
潮派海陸鐵板料理

小表弟週六娶妻,舅父仔早一晚就招呼香港代表嘅親戚去佢家常幫襯嘅「嘟柏林鐵板燒餐廳」食半西半日又帶少少中嘅新潮鐵板料理。

餐店正門喺金漆招牌旁有盆靚靚嘅蘭花,高雅簡潔。十多人嘅派對安排於最入嘅廂房內進行。主人家早已訂好菜單,每個位置亦擺有齊備嘅西式餐具、醬汁及花生小食。

1)      蒜蓉包:可任添嘅蒜蓉包厚而鬆化,外脆內軟,香濃惹味。

2)      南瓜海鮮湯:鮮橙色嘅南瓜海鮮湯以大貝殼承載著,外表相當吸引。熱湯芳香輕巧,香滑而不溜滯,配搭新穎,效果討好。

3)      鱈魚:師傅即場喺貴客面前為雪白嘅鱈魚調味及半燒半蒸。熱辣辣嘅鱈魚鮮甜嫩滑,微微唧上青檸更添清新,實屬好魚也

4)      燒蠔:講真自己都係第一次食鐵板式燒蠔,真係冇諗到可以燒至如此香口,薄薄嘅外皮脆巧嘅同時,蠔隻仍能保持肥潤,好有驚喜

5)      芝士龍蝦:厚厚嘅龍蝦爽脆潤澤,鮮甜無比。

6)      梅子沙律:交接海陸主菜之時,姐姐先送上沙律一碗。梅子沙律清新醒胃,最正就係塊又甜又多汁嘅粟米,堅爽!

7)      牛扒:燒煮牛扒前,師傅先續一問及客人要求之生熟度,結果全場只有細佬一個要見紅嘅三、四成熟。牛扒均切成薄片,肉質鬆軟,且肉汁豐盛,簡單點上鹽同胡椒已夠美味。

8)      翡翠苗:鮮綠嘅翡翠苗幼嫩帶脆,無可挑剔。

9)      三色鮮果:三款水果一樣爽甜。

10)  芋蓉燒餅鐵板燒餅脆薄輕巧,如要減少或增加芋蓉餡料份量,可直接跟師傅提出。

嘟柏林鐵板燒餐廳」環境樸實,服務優良,潮派鐵板料理混合中、西、日之廚藝,師傅所烹調出黎嘅海陸配搭質高味佳,且不乏驚喜元素,當真感激舅父仔悉心安排
評分: 味道4   服務5   環境4   衛生5   抵食5
  0 個留言    |  加入你的留言
Handsome XO
80篇遊記
2017台灣婚禮三天遊 (台灣)
(旅程日期: 2017-04-20 至 2017-04-23 ,  旅程性質: 飲食購物, 探訪親友, 慶祝節日)
 整個旅程  (共3篇遊記)
 分享至Facebook 
發表日期: 2018-06-05

2017台灣婚禮三天遊

台籍小表弟成家立室,舅父誠邀居港o既眾多親友參加婚宴,一同分享喜悅。有P開,又有得外遊喎,出名爛玩o既肥肥家族當然係第一個舉埋腳答允啦!婚禮週六晚舉行,四口子就決定佗佻啲週四晚收工後出發,前後各加多一日,實行玩足三日四夜!

420日(

由於規劃好週五一早出發去台中玩,週四晚就乘搭國泰夜機往台北,諗住唔洗咁趕嘛。有大肥爸爸喺身邊,家人結果早成個幾鐘已辦理好離境手續,咁就當然係要先去貴賓室度食住等啦。。。點知等呀等,結果仲勁唔好彩地遇上航班因機件故障而被取消添!見有咁多時間,鑽石卡會員又夠份量去齊國泰航空「寰宇堂」商務及頭等貴賓室喎,XO仔就好八地邊食邊四周圍探索;嘻嘻,有香檳陪伴,總算有啲安慰!舅父早已安排專車接機,但當晚冇塞車下,去到「台北國賓大飯店」結果都要成凌晨兩點幾,講真都幾攰。
國泰航空「寰宇堂」商務貴賓室
國泰航空「寰宇堂」商務貴賓室
「風味坊」餐牌
「風味坊」餐牌
牛肉燒賣
牛肉燒賣
魚蛋湯河粉、野菜稻庭烏冬
魚蛋湯河粉、野菜稻庭烏冬
生煎包
生煎包
咖啡閣
咖啡閣
「咖啡閣」餐牌
「咖啡閣」餐牌
咖啡閣糕點
咖啡閣糕點

國泰航空「寰宇堂」商務貴賓室主要分「風味坊」「咖啡閣」兩個區域,前者主要係高櫈吧位,後者則為較舒適o既梳化椅。雙方間隔都好開揚,可惜駐場服務生完全唔主動,感覺也太hea

「風味坊」個自助區內可見多款凍熱飲品及點心小食,當中牛肉燒賣最搶手同最好味。食客亦可於開放式廚房點選即叫即煮o既雲吞湯麵、擔擔麵、魚蛋湯河粉、野菜稻庭烏冬及三款包品。如相所示,魚蛋河同野菜稻庭烏冬個賣相都唔係咁得,食落更加係淡而無味,件生煎包則包皮過厚,餡料乾嚡,講真都幾恐怖。

環境較開揚o既「咖啡閣」主要係食三文治、蛋糕、西餅、雪糕等,個人覺得睇見都唔係太開胃,行咗一轉就決定直接去頭等貴賓室就算。
每人消費: 約0新台幣 (其他)
評分: 味道1   服務1   環境4   衛生4   抵食1
國泰航空「寰宇堂」頭等貴賓室
國泰航空「寰宇堂」頭等貴賓室
凱旋吧
凱旋吧
獨立式厚墊梳化椅
獨立式厚墊梳化椅
Moet & Chandon Rose Imperial NV
Moet & Chandon Rose Imperial NV
逸雅閣用餐大堂
逸雅閣用餐大堂
逸雅閣自助區
逸雅閣自助區
逸雅閣餐牌
逸雅閣餐牌
香煎三文魚,烤焗羊鞍扒,香檳
香煎三文魚,烤焗羊鞍扒,香檳

國泰航空「寰宇堂」頭等貴賓室比起隔壁o既商務貴賓室明顯豪華得多頭等貴賓室主要分為「浴泉居」、「逸雅閣」及「凱旋吧」三個區域,環境時尚雅致,服務生亦體貼好客得多。

比商務貴賓室多咗o既「浴泉居」其實係設有浴缸o既大洗手間,設施齊備,且極之寬敞。「凱旋吧」為酒吧及客廳區,當中o既厚墊梳化椅仲有獨立式可選,私人空間足,貴客更可無限享用多款酒品;香檳都有三款可選,包括粉紅香檳「Moet & Chandon Rose Imperial NV」,XO仔同媽咪有酒飲當然係唔怕航班延誤啦

逸雅閣」則為寬廣o既餐飲區,用餐大堂猶如正式餐廳般,散座有齊餐墊、餐巾及齊備o既西式餐具,仲要每枱都有專人招待。客人可於廳內任飲精選酒品、果汁、汽水、咖啡或茶水,並於大堂自助區內揀選壽司、沙律、點心、甜品等,選擇比商務貴賓室內多且精。除此之外,旅客更可於餐牌點多道即叫即煮o既主菜,爸爸大讚「香煎三文魚」皮脆肉嫩,細佬嗰份「烤焗羊鞍扒」亦鬆厚軟腍,嘻嘻,喺國泰航空「寰宇堂」頭等貴賓室飲飽食醉後上機唔洗怕埃飛機餐lu
每人消費: 約0新台幣 (晚餐)
評分: 味道4   服務4   環境5   衛生5   抵食4
國泰航空餐牌
國泰航空餐牌
國泰航空餐牌
國泰航空餐牌
麵包及餐具
麵包及餐具
前菜之時令鮮果
前菜之時令鮮果
烤澳洲牛柳伴馬德拉酒汁,配薯蓉,菠菜及胡蘿蔔
烤澳洲牛柳伴馬德拉酒汁,配薯蓉,菠菜及胡蘿蔔
香蒜辣汁蝦球,配白飯,芥蘭及胡蘿蔔
香蒜辣汁蝦球,配白飯,芥蘭及胡蘿蔔
綠茶慕絲蛋糕
綠茶慕絲蛋糕
咖啡
咖啡

國泰航空商務艙o既座位闊就夠闊,無奈機上唔多夠冷氣,只穿短袖T裇o既小肥唯有狂飲凍水解熱。

短途航班包有簡單晚餐及限定酒水:

1)      前菜之時令鮮果有西瓜、奇異果、火龍果、哈蜜瓜及菠蘿,酸多過甜,不過大肥話齋,飛機餐唔可以要求太高。

2)      主菜其中一款為「烤澳洲牛柳伴馬德拉酒汁,配薯蓉,菠菜及胡蘿蔔」,牛柳個味道還可以,但肉質偏咗少少韌同嚡,唔係細佬杯茶囉。

3)      哥哥話令外一款主菜「香蒜辣汁蝦球,配白飯,芥蘭及胡蘿蔔」啲蝦夠大隻同爽,個汁香辣惹味,意外地比個牛柳主菜美佳。

4)      甜品「綠茶慕絲蛋糕」芳香微甜,濕潤軟潤,個人覺得係三道飛機餐中最美味之一環
評分: 味道3   服務3   環境3   衛生3   抵食3
酒店大堂
酒店大堂
酒店大堂
酒店大堂
 商務樓層走廊
商務樓層走廊
商務樓層房間
商務樓層房間
商務樓層房間
商務樓層房間
商務樓層房間
商務樓層房間
商務樓層房間
商務樓層房間
朝食券
朝食券

為怕天有不測之風雲,或難預計週末交通,家人早已決定入住小表弟舉辦婚宴之酒店台北國賓大飯店」(Ambassador Hotel Taipei由於航機延誤上數小時,舅父雖訂好專車接機,四人到達酒店都已過凌晨兩點。不過夜啲到都有好處o既,街道上零塞車,辦理入住手續又唔洗排隊,爽呀!

小肥見識少,其實當第一次聽到台北國賓大飯店」個名時,真係以為酒店係好中式嗰啲大飯店,完全冇諗到除咗個大堂掛著大紅燈籠外,店內四周連房間及商務中心都極為洋化,絕對係一間高級酒店!

幾家人入住o既商務樓層房間都極之寬敞豪華,冷氣勁,洗手間又夠衛生闊落,除咗免費上網服務,每日仲包有早餐、下午茶、歡樂時光酒品、泳池及健身室等設施配套。住得舒適,酒店位置又夠方便,下次黎台北好大機會都會住返台北國賓大飯店」,感激舅父悉心安排同咁好介紹!。
評分: 設備4   服務5   環境4   衛生5   抵住4
  0 個留言    |  加入你的留言
Heidi Shiu
1篇遊記
瞞著爹爹從香港跑過來 (台灣)
(旅程日期: 2017-04-20 至 2017-04-23 ,  旅程性質: 背包旅遊)
 整個旅程  (共1篇遊記)
 分享至Facebook 
發表日期: 2017-07-09
瞞著爹爹從香港跑過來

是次一個人來台北參加女子馬拉松比賽,中午已圓滿結束,成績挺滿意的!
下午稍作休息後,專門來 - 瞞著爹!
門面
門面
懷著滿滿期待的到訪,小店在一商場後的小巷,幸好手握手機上的Google Map App還不太難找到。

甫到門口,已有三位日本人在詢問店員有關餐牌上的款式,而店員亦有細心回應及介紹選用的食材。(我是懂一點點日語的啦~)
我準備進店時,店員以閃電速度截停我! 我還以為店要打烊! 

噢~原來是要在門口先下單, 再進店內享用的。(以為被爹發現了,嘻嘻!)

早早已做了功課心裏選好了招牌的 - 牡丹蝦海鮮丼!

三只眼睛亮晶晶的牡丹蝦肥美又新鮮, 一口氣吃了兩只, 還真要回過氣來再下一城~
再試試海膽, 有著一股微咸的海水味道, 夾著燈光下顆顆耀目的魚子, 每粒都爆出鮮甜的魚油香。
啊~ 口中充滿了幸福的感覺! 

相信我, 即使再要偷偷瞞著爸爸, 我也要再來! 
推介菜式: 瞞著爹丼飯 營業中
評分: 味道5   服務5   環境4   衛生4   抵食3
  0 個留言    |  加入你的留言
applehoneyhk
72篇遊記
叔叔嬸嬸台北鬆鬆遊 (台灣)
(旅程日期: 2017-03-06 至 2017-03-12 ,  旅程性質: 飲食購物)
 整個旅程  (共19篇遊記)
 分享至Facebook 
發表日期: 2017-05-21
來到台灣第二個想到的咖啡店便是位於這個新北市的Kiosk, 其實位置上對我們絕對是一個不熟悉之地方、幸好當日有朋友之囡囡在台灣讀書 ,比較起我們熟悉當地上之地方、 故此坐上捷運站加上google輕易地便找上了電子正確姿位置。。。
優閒三文治 笑臉2017-05-21
以我一個路痴所見,當日位置上附近差不多全是民居、而側旁只有一間咖哩店子, 專誠來訪之客人也不少,我們排上已是第四、五張枱~

很喜歡台灣親切的感覺,每每都帶上笑容、 時間滴答滴答的過,職員終於推門而出告訴我們枱子已準備就緒、浩浩蕩蕩一行六人終於可以入去舒舒服服嘆杯咖啡。。

玻璃雪櫃架內之蛋糕真是手快有手慢冇,當日所見 想要之胡蘿蔔蛋糕剛巧給人捷足先登、最後還是選了 別的味道。。

薑汁加在胡蘿蔔身生想究竟是什麼味道? 最終我也吃不到!!!

店裏面積不算十分大,但樓底之高令到視覺上感覺寬敞、而沒有逼夾知感覺~

被安排的位置正正就是店內的角落, 雖然一行多人 坐得力比較迫夾, 但亦無損我這刻之心情 當然啦旅行嘛、 心情與食物要連成一致,這才算完美的用膳

跟手下來我們便點上當日之飲品,及輕食三文治和蛋糕、

茶品方面這間kiosk比坊間的咖啡店子多了一些特色茶,中印度茶180.便是其中的一個,茶香獨特是大路茶品意外另類選擇, 強烈之茶品味道帶你進入另一個茶味世界~

雖然客人滿座但咖啡師亦沒有馬夫做作, 簡單之心形拉花內藏綿密之奶泡、 令這杯平平無奇之 latte150 順滑而挺身, 偷喝一口淡淡之咖啡香混和在奶泡內 既簡單卻來又不俗~

我是一個慣性的 flat white迷140, 所以不同之場地不同之地區, 無疑第一個選擇的 都是它, 咖啡與牛奶之比例,刚好是我的要求4/6分賑、咖啡豆味沒有帶着果酸,濃重之下又不感過於苦涩、感覺上都不错~


由於店子採已較輕食為主,所以要來了好幾份三文治作午餐,辣肉腸甜椒190便是其中一份、辣度不過於强勁而且带有點點咖哩香,包身亦烘得脆口,這刻望上身旁其他人士三文治大多數亦是以青瓜絲伴磲、刨得薄薄沾上西式醋汁特別惹味~

另外酵母起司160及磨菇起司,芝士被夾得半溶狀態下很好吃~

之前亦都講過雪櫃內之蛋糕甚為搶手,所以今日我們多人只要上兩款不同 甜品作品嚐,
首先講便是這一款輕身芝士蛋糕, 軟軟綿綿入口輕盈~

賣相漂亮之極無花果撻160, 新鮮之無花果絕對是全撻之亮點,
牛油皮亦做得超鬆,一啖一口其實絕對不能用刀义品嚐、分享其實都不太想~

走出店子,排隊的人還依然繼續,看來它之無形吸引力也不只單單區內人、
台灣咖啡店不論食物、環境也絕不輸蝕之香港,看來下次再訪台,覓食咖啡店之比例要增多、不過只歎旅行之時間往往不夠用。

吃過咖啡店以後 我們還遊走了位於附近之光華數位新天地, 就好像我們香港的深水埗黃金廣場一般、售賣的全部是以電腦製品或是遊戲機配件零售等商店。。

旅程接近尾聲我們便坐車回旅店, 取回已執拾好在旅店 大堂內的行李、出發坐上今年才新開的機場捷運站, 因為新開不久所以全程也感覺比較新淨、 不過拖著行李走向機場站其實真是有點兒疲倦, 一上一落加上要拖出差不多兩條大街之上、比起初初來時有專車接送這麼方便來港,我還是喜歡訂車較方便,不過看見機場捷運站是新開所以也應該試試、 車費方面好像是港紙大約HK$80元一程, 車程就大約是35分鐘已由中山站去到機場、 價錢上來說當然是平了一截, 可以講為各有所優。。。

再見啦台灣, 有機會再來吃著你們的牛肉麵和芋圓吧,一連七日台北遊終告完畢、下一次旅遊亦已安排在手希望時間快些來臨!

由於上載相片有限請看影片!

評分: 味道4   服務4   環境4   衛生4   抵食3
  0 個留言    |  加入你的留言
applehoneyhk
72篇遊記
叔叔嬸嬸台北鬆鬆遊 (台灣)
(旅程日期: 2017-03-06 至 2017-03-12 ,  旅程性質: 飲食購物)
 整個旅程  (共19篇遊記)
 分享至Facebook 
發表日期: 2017-05-21
由中山站到淡水差不多35分鐘鐵路時間,一行多人今次吃過午飯义好電力便向那邊出發、想著晚上時間也是邊行邊吃。。。

下午人潮越來越多我們便隨意找上一間餐廳歇歇腳,這間以藍白色為主, 感覺上 仿似歐陸式的愛琴海一般作主調 、 在舊區街上正好又突出它的個性~

態度親切之招呼語永遠最令人受落,食物以輕食為主、咖啡、沙冰、窩夫等。。。
圖片給人食慾故一行多人也要上這個冰漂浮㗎啡180. 沉厚之冰咖啡上有綿綿之忌廉及雪糕球, 用長長之吸管攪兩攪,頓然將忌廉混和 上咖啡之內、 將漆黑之咖啡加上襯衣, 入口順和得多、 一啖一口之雪糕球更在這刻被咖啡融為一體絕配~


一行數人叫了兩份(雙人份下午茶)三層架580一份.一式一樣, 層架上包括 上層之生果 ,中層之炸物及底層之窩夫, 感覺上有別於在香港吃上之三層架 , 大大件之生果雖則新鮮,但擺放就較為凌亂、 外觀上減分不少 ,至於中層之炸物由於剛剛炸起 、所以更見香口非常 ,個人就較喜歡底層之窩夫 ,沾上朱古力醬更為美味~

熱帶綜合水果汁150. 是席間小朋友叫來的,
所以沒有嚐過、但看上顏色感覺應該不俗~


輕輕的岩鹽味道漂浮於咖啡之上,帶出這杯 岩鹽玫瑰latte180.
在幽幽的玫瑰香氣下,另有一番味道~


長長而無邊的舊街小店下,其實一面吃一面走 真的可飽足一天,
今次湊巧來到這店、主要為的是歇腳,所以建議還是一人一杯飲品較為理。
評分: 味道3   服務4   環境4   衛生4   抵食3
  0 個留言    |  加入你的留言
applehoneyhk
72篇遊記
叔叔嬸嬸台北鬆鬆遊 (台灣)
(旅程日期: 2017-03-06 至 2017-03-12 ,  旅程性質: 飲食購物)
 整個旅程  (共19篇遊記)
 分享至Facebook 
發表日期: 2017-05-21
美食這兩個名字會唔會令人失去自控,中午我們一行多人在去淡水之前、便來到這個朋友推介之上引水產,由於地點不熟故此在來之前跟這幾日喝咖啡之小店老闆談上、他建議我們坐的士,由旅館往上引水產,大至10分鐘至15分鐘車程、約價為台幣160元, 老闆亦建議我們寫上去之路程里數,免得的士叔叔會兜路這個方法確實我取。。
中午時分落車店子已人山人海, 面積不算超大但是卻給睛非常, 一入門已有 新鮮生猛之長腳蟹、 海膽 繼而再往便有熟食區例如壽司又或者是煮物之熟食製品, 不過在於我來講就是不可取的,便時沒有信用卡消費或是好像香港以八達通形式消費、如沒有帶備足夠現金、你可能會吃得沒有那麼暢快~ 
 大大隻仔長腳蟹 更是全場最為矚目,海鮮缸內由於養殖數目不少、 陣容之鼎盛 卻令人目不暇給~

一排又一排列之海膽, 便放在入門口 附近、 論 價錢上不算十分抵、 打新鮮度無可質疑~

場內亦設有乾貨部林林種種各適其適, 如即食之食品、

茶葉品與及即場亦設有酒品區, 真是走上一個上午亦可以樂而忘返~

終於在一個滿載情況底下,購物籃被我們堆放得滿滿、 場內並沒有座位,所以每位顧客亦要在購物完後、走出店外之立食區進食~

當日所見我們便買了壽司、海膽、扇貝、 三文魚刺身 帶子刺身、 鰻魚與及長腳蟹等。。

食物水準方面個人覺得沒有什麼可挑剔之言, 流量之多以及大所以新鮮度不用差疑、 價錢上就不算甚為便宜,但抵食與否實屬個人化、 照片可以當日我們便買上了大約台幣11000.

在上引水產之食評亦到此完畢, 往後還有數篇在台覓食之旅地方食物、希望在我還沒有忘記之下好好繼續寫上,為這次旅程留個紀念。

由於上載相片有限請看影片!
評分: 味道4   服務3   環境4   衛生4   抵食3
  0 個留言    |  加入你的留言
applehoneyhk
72篇遊記
叔叔嬸嬸台北鬆鬆遊 (台灣)
(旅程日期: 2017-03-06 至 2017-03-12 ,  旅程性質: 飲食購物)
 整個旅程  (共19篇遊記)
 分享至Facebook 
發表日期: 2017-05-21
吃過午飯後一眾人便往上一個名為(五分埔) 的專賣衣服批發地方去逛了一趟, 地方之內雲集數百間專門售賣成衣批發店子, 不過就比女人街還要感到差所以完全沒有給予拍照, 真的不知朋友怎樣知道這個地方、 白白浪費了半天時間, 繼續的毛毛雨在回程間越嚟越密、故此我們原先安排吃晚飯的餐廳亦只好更改為旅館附近之日式拉麵店。。
不錯之拉麵 笑臉2017-05-21
由於要放低手上沉重之背囊和物品,所以我們途經上址回酒店時、還看上沒有人排隊,但斯斯然在酒店出來、時間彷彿已告訴我們食晚飯已開始了, 人龍大約有十多人只不過是六時半左右、真是給嚇了一跳。。

店舖分開兩層,樓下的是以吧檯設計形式、二樓上即是坐檯的用餐區...

店員在分流安排上及點餐倒有他們的一套, 排隊就坐前,由於我們一行八人、所以要分為兩枱前後入座, 就在排隊之際亦已逐一為我們寫上應叫之餐點及飲品、已方便我們一坐下便可以不久上餐, 效率不錯。

在店員的帶領下我們步上二樓樓梯, 統一的風格以木紋設計, 貫徹了一貫和風味道、 排隊時點餐的麵食亦都續中一送上枱前。。

小魚涼拌豆腐80. 感覺上醬汁有點疑似大阪燒,醬油 混雜上葱花及蝦乾味道都不錯~
和風洋蔥沙拉80. 面層是慷慨的木魚碎及紫菜絲 ,
底層就是切得薄薄的洋蔥圈、 攪拌以後來吃總是木魚碎味道較強, 相反洋蔥圈滋味道就不太突出~

店家之拉麵 分別有好幾個價錢, 就以東京豚肉拉麵180 、東京豚骨海怡拉麵210 、東京豚骨黃金蛋拉麵210 、東京豚骨叉燒拉麵250、東京豚骨京蔥拉麵240、豚叉燒拉麵280、魚豚海帶芽拉麵240、魚豚拉麵210、鐵板蛋豬扒200 、屯京特製炸雞扒180 、奶油鮮花甲150 、麻辣豚骨叉燒拉麵270、 麻辣豚骨拉麵200 、奶油玉米味噌拉麵250、味噌豚骨拉麵200、豪華味噌拉麵332、魚豚沾麵210、 和風石鍋拌飯180、 薑汁燒肉180、 味噌大腸煮180 、炸薯條120 、奶油玉米菠菜120等等~

麵食花款可算為十分之多, 我們點選之東京豚骨拉麵亦以上場, 麵質爽彈面層配上蔥花絲和荀絲、湯底十分之濃稠、 每一口拉麵亦都能掛上滿滿之湯汁口感非常, 而超邪惡之豚肉感覺上肥多瘦小、 浮沉在豚骨湯之中理智全放下一啖一口, 把味美之卡路里送往嘴裏,( 不過講是講,如果店家有肩肉部位、應該會較為切合一些喜歡瘦身肉之人士)~

奶油玉米味噌拉麵易計以上場 奶油在熱湯之溶化下,
湯底甚為香、 跟圖片相符如果喜歡吃豚肉的,可能覺得不甚多夠、但如果跟小朋友吃應該較為理想~

如果喜歡飲品我建議要來一杯草莓可爾必思 ,味道酸中帶甜 冷冷的很是好喝~

和風石鍋拌飯就是個人超超超推介, 上枱之時還熱氣四射,那股用石鍋做出來之米飯、有上一層焦香感, 更令我這個香港人對於煲仔飯的掛念、 面層之食材易感覺上以作調味,所以在攪拌下米飯已有充分的味道,不需額外再加以醬油、 味道上絕對不遜色於拉麵~

雖然排隊上擾攘了差不多20分鐘,而且還是在微微的細雨下、

但是感覺這一頓飯是值得,因為吃得滿意又稱心、而且論價錢比香港更為抵。

上載相片有限請看影片!
評分: 味道4   服務4   環境4   衛生4   抵食4
  0 個留言    |  加入你的留言
applehoneyhk
72篇遊記
叔叔嬸嬸台北鬆鬆遊 (台灣)
(旅程日期: 2017-03-06 至 2017-03-12 ,  旅程性質: 飲食購物)
 整個旅程  (共19篇遊記)
 分享至Facebook 
發表日期: 2017-05-21
今日一眾人瞓到自然醒, 邊便走上了旅館附近的一間台灣麵食店吃其地道特色米苔目的小店吃其午餐、 不過味道上就只屬平平、所以在此也不作多為大家介紹,只作圖片分享地道菜式。。
集合多人所以要來之食物也較先前多。。
評分: 味道2   服務3   環境3   衛生3   抵食3
  0 個留言    |  加入你的留言
applehoneyhk
72篇遊記
叔叔嬸嬸台北鬆鬆遊 (台灣)
(旅程日期: 2017-03-06 至 2017-03-12 ,  旅程性質: 飲食購物)
 整個旅程  (共19篇遊記)
 分享至Facebook 
發表日期: 2017-05-21
這間名為(魏姐包心)之甜品店, 實在太近自己旅店( 就在旅店之斜對面), 所以每次晚飯後我們必經此地、 故此一行多人今晚便決定不往㗎啡店,而轉軚去到這間吃上台式食品質甜品舖作其是宵夜。。
甜品做夜宵 ok喇2017-05-21
店子簡潔而不算太大, 粉圓 (香港人稱之為珍珠 )在台灣食店中應最為流行 ,這間店子其實款式真是很多、店內包括有鮑森之奶豆花,包心豆花煉奶、包心桂棗銀耳、包心乳蜜布丁、包心燒仙草、 包心豆奶豆花、包心薑汁豆花、包心優格雪沙、包心綜合佈丁等等, 價錢方面由台幣55元起跳至75元不等。。

桂棗銀耳70.味道上不帶俗,大部分來自紅棗味道、加上當地特色之粉圓多了一份咬口,QQ而富彈性,銀耳即港人常吃之(雪耳)、本身無味但卻每每喜歡加於糖水身上,清爽質感夾雜在粉圓之內、 整體上來得不錯

 豆奶豆花55. 在香港食豆腐花很少加上粉圓,即港人稱 (珍珠)的食品、所以口感上已給予我一個較為新鮮的感覺, 綿綿細滑之豆花豆味尚算濃、 在宵夜時段來吃感覺剛剛好,因為豆花在宵夜時段來吃不算為多、 肚皮剛剛好夠容得下~

 至於這杯凍飲,哈哈 。。

怪我忘記了它的名字,亦因為是朋友的女兒喝、所以沒有嚐到~

這間甜品舖在網上看上才發現是集團式之分店, 其實對於他的背景我是一無所知、
不過論(就腳) 實屬不錯、 至少晚飯過後我們不必每晚都坐咖啡店,而有另類之選擇。
評分: 味道3   服務3   環境3   衛生3   抵食3
  0 個留言    |  加入你的留言