舊年有份搭過「小樽散策巴士」o既家人都讚巴士乾淨好坐，短程車都幫忙慳返唔少腳骨力，所以上岸時一發現巴士公司特意為「鑽石公主」o既旅客增設一天循環巴士專線往返碼頭，心諗來回已經440円，坐多兩程足以歸本有餘，小肥就立刻購下十二張750円o既「一日乘車券」。

「LeTao」o既芝士蛋糕及特濃朱古力實在令人一試難忘，為求可以食到最新鮮o既糕點，XO仔專登揀喺此店食早餐。

兩層高o既「LeTao」地下為商店，樓上為咖啡茶室，有專𨋢上落。十二人為當日首批客人，唔洗等位即可入座中央張大枱。闊別一年，木造o既裝潢傢俱一樣乾淨企理，樓面年輕o既妹妹仔依然友善有禮。

團友飲食口味各有不同，不過未黎過o既長輩都應細佬推介，試咗個招牌芝士蛋糕「Fromage Double」做早餐。雙層芝士蛋糕鬆軟輕盈，微甜潤澤，原味及朱古力味均得到眾人讚賞。

飲品方面，咖啡及紅茶幫全部都叫咗個972円o既蛋糕套餐。（翻查舊相先知套餐一年前為862円，睇黎日元跌價，多做遊客生意o既「LeTao」都懂得以加價作為應對措施喎。）其餘同小肥一樣係朱古力迷o既就當然係點飲連杯都特別靚o既熱朱古力啦！熱朱古力柔滑醇濃，甘香味美，要飲真係要飲成壺先滿足。

旅途完結後先知原來「LeTao」將十月正式抵港，於中環IFC設置首間分店。新店起步階段只售賣人氣芝士蛋糕、朱古力及多款甜點，當真希望遲啲會擴建埋咖啡屋哦！

享用完豐富o既芝士蛋糕同熱朱古力做早餐後，十二人就由街尾間「小樽音樂盒堂」開始行起。喺紅綠燈口等過馬路時，突然聽到疑似火車聲o既蒸氣聲，方才發現原來音樂盒堂門前有個高高o既「蒸気時計」喺度噴緊白煙。

小樽有「音樂盒城」之稱，好多遊客都會專登黎搵愛好o既曲調音樂盒，有心人更會自己動手製出獨一無二o既作品，XO仔自問冇乜藝術細胞，不過淨係睇同買都已能自得其樂。

市內聞名o既「小樽オルゴール堂」為音樂盒設有多座建築物，包括博物館、音樂廳、商店、工作坊及動物園。各場館有著不同意義及特色，如果時間容許而又對音樂盒有興趣，當然最好全部去哂，但對半天或一日遊o既旅客黎講，其實行咗本館及2號館都應該足以購下不少手信及紀念品。

喺小樽除咗可以買到五花八門o既音樂盒之外，其實淨係行一條「堺町通り」都經已足夠買到成幾車手信。

大街兩旁o既商店種類繁多，飾物、皮具、雜貨、餐具、化妝品等，應有盡有，當中當然不乏食得o既糖果、餅乾、糕點等代表。購買零食手信時，個人會主攻小樽或日本限量產品。親友都愛流連於蜂蜜店、朱古力店、餅舖及酒舖，因各大店舖均設有免費試食試飲，早餐唔夠飽都絕對唔洗緊張。

環保背囊，係咪好醒呢？！

姨媽姨丈們同肥肥家族一年前於小樽初遇「旭壽司」後，壽司屋已成為大家再訪小樽o既必到之處。記得第一次去「旭壽司」時屬非旺季，冇預先訂座都有得坐壽司吧。可惜今次細佬早成兩個月前打定長途電話卻未能成功預留壽司吧位，講真都有啲失望架。

十二人準十二時抵達壽司店，即被入座三張鄰近o既四人枱。木造o既枱櫈乾爽企理，年輕o既服務生都好友善客套，只係年紀最大o既婆婆明顯屬火爆之人。團友對魚生種類一啲都唔陌生，壽司全以舉手式點數，刺身及小食則續張枱叫黎分。由於魚材鮮美，壽司同刺身一樣咁正，個人精選推介脆薄o既鮮螺刺身、鮮濃o既海膽壽司、軟嫩o既帶子壽司、爆於口中o既三文魚籽壽司及爽滑o既兩吃牡丹蝦壽司。因出發前小肥從餐廳網頁下載及打印咗十二張優惠券，結果全體都有球免費哈密瓜雪糕做甜品，清香微甜，極為討好。

円，團友都大感物有所值。

食完多款刺身壽司做晏，長輩們都話好想飲番杯咖啡消吓滯，可惜壽司屋未有咖啡提供，十二人只好另覓他處。哈，就係咁俾我地發現到隔兩個舖位一間家庭式作業o既咖啡屋「茶房おこばちSabou OKOBACHI」。

只有十多餘座位o既小店就好似人家屋企o既客廳咁，裝潢、間隔、小擺設都流露著無盡o既溫馨。店子由一對中年夫婦開設，正所為「男主外，女主內」，老闆先生自己負責手調咖啡及招待客人，老闆娘大部份時間則躲於小廚房做後勤工作。正因所有凍熱咖啡都要由叔叔一人續杯調製，合共十杯之多真係要花上好多心機同時間。XO仔影完首輪靚相，可能店內冷氣唔夠勁，加上午餐實在食得太多壽司而引發飯氣攻心，居然喺等待期間瞓著咗。短睡片刻後猶如叉咗電，連對眼都好似睜大咗不少，醒來時剛好可享用老先生用心之作。嘩，凍齋啡冰涼幼滑，香濃甘醇，就連免費送贈o既甜餅乾都鬆脆過人，直令眾人都覺得好有意外收穫！

以示歡迎我地一遊小樽，小小茶房當真溫情洋溢！

除咗購物之外，小樽其實都有靚景睇o既，其中一個影相熱點就係「小樽運河」，朝早到夜晚長期都企滿旅客。有心黎觀光但又唔想行太多路o既朋友，不妨考慮乘坐人力車，拉車o既全部都係黑黑實實o既靚仔壯漢導遊，極具睇頭，單喺運河旁邊兜返轉感覺應該都唔錯。

正因「小樽運河」為遊客必到之處，運河中段巧妙地設有一個小型廣場。廣場展示出區內o既地圖、當地o既時間及溫度，中央更設有個旅遊資訊豐富o既「小樽観光案內所」，內有精通多國語言o既旅遊大使親身解答疑問，費用全免。雖則潮流興網上打咭，但相信仍有不少旅遊家保持寄明信片o既習慣，故場內有個非常當眼o既鮮紅色大郵筒，唔知喺運河郵筒所收集o既信件會唔會有特別印章呢？！

有咗上次遊北海道o既經驗，蟹痴團友都話要再返去「北の漁場」食即燒活鱈場蟹。因深知食店只有鱈場蟹一味值得一嚐再嚐，今次細佬就專登安排大家下午茶時間幫襯，貪其地點離車站不遠夠就腳，店內又唔會咁迫人。

為節省時間，安頓好長輩入座後，XO仔迅即同幾位廚神代表行咗去漁場度買活鱈場蟹，並指明要即燒黎食。兩隻靚蟹一登場，就連年長o既團員都要大玩手機先食，幸好天氣唔係咁凍，蟹肉入口時仍然好夠新鮮熱辣，眾人都食得津津有味，無一不讚。

小肥自知有敏感問題，出外遊埠都會避開唔食蟹，所以就襯大家慢慢品嚐即燒活鱈場蟹時，行咗去附近o既店舖繼續狂購手信。返轉頭時先一齊食橙色o既哈密瓜一解餓氣。餐店預先切成一階階o既哈密瓜又甜又多汁，消暑又解熱，喺日本食生果果然係正爆！

手持「小樽散策巴士一日乘車券」埋單即有九折優惠，單據列出共減咗七千幾円，令人豪食完鱈場蟹做下午茶感覺都仲好抵。

食完咁勁量級o既鱈場蟹下午茶後，大肥爸爸就陪伴疲倦o既親友先返回郵輪休息，而小肥就同其餘仍精力充沛o既蒲友繼續尋歡。

團友們嗜杯中物，大多更為威水客，故兩次遊北海道前規劃行徎時，細佬都有諗過要加插一站，去鄰近小樽o既余市度，參觀日本威士忌之父「竹鶴政孝先生」所創辦o既名威士忌廠「余市蒸溜所」（Yoichi Whisky Distillery），無奈兩次都因時間過於緊迫，唔係好夾得到公共交通o既時間表，所以就打消咗念頭。嘻嘻，不過喺互聯網上搜集資料時，卻被XO仔發現「小樽運河」附近有間以此酒廠「日果威士忌」（Nikka Whisky）及其女主人「竹鶴リタ太太」起名o既「Nikka Bar Rita」，緣份就咁引領咗八人一訪小酒吧。

酒吧隱藏於迷你美食廣場「小樽出抜小路」（Otaru Denuki Koji）內，雖則外牆貼有酒牌廣告，不過如果唔係手持資訊，相信真係唔會自己行入去光顧。店子酒窖式o既裝潢暗黑神秘，擺設都用上與酒有關o既酒桶、木盒、酒樽等設計，而酒吧o既商標則用上酒廠女主人o既美影，全部都好到題。

店內只有三張四人高櫈散枱及七個吧位，淡季期間型男酒保一人足以應付所有酒客。顧名思義，「Nikka Bar Rita」主要提供威士忌廠所生產之威士忌，包括多款限量版靚酒及威水雞尾酒。由於所有酒品只可堂飲，我地就應型男哥哥推薦，從四款限量品中每人點咗杯合適o既威士忌飲。小肥自知唔係威水酒客，對威士忌認知唔深，難以作出專業品評。單憑酒保為酒廠o既出品及其不同飲用方法之解說，聽後慢慢再細嚐，飲落嗰杯以大舊冰塊浸住o既威士忌又真係幾濃醇香滑喎。

黃昏時段於酒吧歡聚，酒後返回「小樽運河」拍下河景夜色，各人肚仔又開始響起雷聲。為方便可於回程前先喺便利店購買樽裝大水，團長就決定喺巴士站附近一家見到有吉位o既「小樽らーめん問屋」（Otaru Ramen Donya）快速食個拉麵做晚餐。

設於停車場旁o既拉麵屋樓底極高，右手邊一排和式四至六人卡位，左邊圍繞住開放式廚房有兩列正常高度o既吧位，右後方位置則有幾張以布簾半掩o既四人半開放式廂房，間隔開揚通爽。可能聽到我地講廣東話o既關係，接待處位姐姐仔都好盡力嘗試用英語對答，不過一知道細佬識講少少日文時，佢即時鬆一口氣，臉上亦展出燦爛o既笑容。

有飄雪特別好睇〜

不知從那天起便戀上士多啤梨特飲，每次去到草莓國日本都會被其紅色o既靚影包圍，甜品店同咖啡店總不乏草莓味產品，淨睇已教人興奮莫名！

其實第一日已察覺到札幌日航酒店旁邊o既Stellar Place商場地下有間「星巴克咖啡店」，收銀機旁仲有個火紅色o既廣告牌正在推廣緊鮮果特飲，所以一早已計劃好第二朝早坐火車前要孖大肥一齊嘆返杯雜果凍飲。

由札幌日航酒店行去JR站只需五至八分鐘，閘口兩邊都有電動售票機供搭客自行購票，如有任何查詢，機旁有位靚女姐姐可以提供協助，不過語言不通唔緊要，因JR公司於西邊出口設有「JR外籍旅客服務處」，入面長期有幾位懂得以外語溝通o既職員駐守。買飛時記緊要先查列車是否有指定席，幾百円絕對抵加錢坐，因繁忙時間有多條線路只設自由席，搵位甚艱難。

細閱超閃旅遊書得知小樽市觀光點範圍不大，溫馨提示中指出，要節省時間喺一日內去哂咁多地方可選搭「小樽散策巴士」循環巴士線。巴士站及詢問處就喺小樽駅前方，步行一分鐘即達。正如書中提到，不論遠近，巴士每程220円，如果諗住會起碼搭四次的話，當然係購買750円o既「一日乘車券」最為化算啦！編好必到地點及行程大綱，再上網查核過巴士o既時間表，覺得要年長o既團員快速移動只有乘搭循環巴士，所以未出發前已決定以循環觀光巴士代步一日盡遊小樽。

於巴士站詢問處內工作o既嬸嬸只可以話係略懂英語，幸好XO仔事前做足資料搜集，又能用上「下手」（即唔係咁叻）o既日文加手語搭救，先勉強明白對話，叫做抺咗一把汗。原來「一日乘車券」係一張刷刷卡，搭客要自行刷出當日日期，並於每次落車前顯示俾車長過目。

小樽散策觀光巴士外型好似個火車卡咁，上半截為墨綠色、下半截為鮮紅色。單層o既木造座位高身簡潔，撞啱淡季時份冇乜人坐，我地八個人大袋細袋更可以每人霸一行，舒服過坐的士。每個巴士站都有個橙色o既站牌，牌上列有時間表及巴士路線，資料明確，巴士亦超級準時，令旅客可更容易掌握時間及規劃行程。

以前一直都唔係好鍾意睇書，但係自從開始咗寫食評及遊記後，小肥就留意多咗報紙、雜誌、及網上有關飲食o既文章，就連旅遊書都唔再抗拒。多得自己新增o既閱讀習慣，知悉小樽市內有一間喫茶店「銀の鐘」不但可以一杯o既價錢任飲限定咖啡或茶，飲完仲可以拎埋隻好得意o既Hello Kitty造型杯返屋企作紀念品添。由於家中有不少Hello Kitty小粉絲，眼見八人可以喺度食完早餐，再包走八隻杯做手信，「銀の鐘」就好順理成章地成為小樽一日遊o既首站。

「銀の鐘」合共有三間分店，集中於同一個路口，乘坐小樽散策觀光巴士可於離小樽駅站最遠o既「メルヘン交差点」（Merchen Crossroads）站落車，行過馬路即達。請留意，如果有意要Hello Kitty造型杯必需選擇1号館或2号館同設於二樓o既喫茶店。

早上十點半左右，「銀の鐘1号館」o既二樓已擠滿遊客，搵位唔易。店子o既傢俬唔再新淨，又以快餐店自助形式經營，人多時服務生又未趕得及清理，感覺其實唔夠衛生乾淨，加上座位狹窄，對肥人黎講真係唔多舒適。可能收銀姐姐每日應對遊客人數實在太多，連面部肌肉都薑硬埋，難掩其極不耐煩o既表情，直令身為顧客o既小肥感到不受歡迎，今時今日咁o既態度個人覺得喺日本黎講可算係幾震驚。

正如書中記載，咖啡、紅茶、及清水屬任飲項目，價錢則由食客所選o既卡通杯型號所定。因媽咪及姨媽都覺得陳列櫃中紫色同粉紅色o既Hello Kitty杯最為吸引，結果就每款要咗四隻。店內更設有一個洗杯區，方便客人清洗靚杯。原來隨每杯咖啡及紅茶仲奉送杯盒及雜果蛋糕一塊，鬆軟香甜。

日本最多甜品食，買手信首選當然要揀朱古力啦！「LeTao」朱古力店喺小樽市內居然有成六間分店咁多，來頭認真唔野少。

店舖有分蛋糕店、咖啡室、零食店等，各間分店o既主題都有所不同，不過全部都有得免費試食。試啱最好快手買，因為有幾款產品機場分店都冇得賣。除咗朱古力出名，「LeTao」o既芝士蛋糕更加係一絕，其超級軟綿綿，而又夠哂輕巧o既質感同味道真教人一試難忘。由於蛋糕有嚐味限期，亦必需保持冷藏，小肥建議大家可以留待喺新千歲機場先買，店子會代為加以包裝。

一眾長輩最愛食蟹，黎到北海道當然係唔可以放過食鱈場蟹啦！喺小樽市內，除咗有多間糖果店之外，賣海產o既市場都一樣咁多，再一次多得書本介紹，女士們不加思索就鎖定「北の漁場」為目標，入門即搵活生生o既鱈場蟹。

可能早餐只食蛋糕同咖啡唔多夠飽啦，見到店子有即買即煮服務，太太們一口氣就買咗兩隻鱈場蟹，一隻生食、一隻燒煮。雖然魚缸上明明貼有「No Photo」，店主叔叔卻自動獻身，擺出拍照模樣，小肥得到特別批准，梗係立即行動，幫兩隻巨蟹影返幅靚相啦！

「北の漁場」一邊賣海產食物、另一邊則就做大排檔式食肆，方便不少遊客享用即買靚蟹，真係好有生意頭腦。綜合各人意見，鱈場蟹刺身雖然甜美，但質感遠遠不及燒煮咁幼嫩，而且其鮮味亦冇咁突出，所以建議大家如果有機會試，可以主攻燒鱈場蟹。

小樽除咗係音樂盒及玻璃之城，其壽司街「小樽寿司屋通り」更加係遊客必到勝地。喺日本o既壽司屋可以話係數之不盡，「小樽寿司屋通り」能夠成為日本全國居民選出為高級壽司十大之一真係一啲都唔簡單，我地當然係不可不試啦！壽司街上有多間店舖，為怕團友行得辛苦，小肥就揀咗一間旅遊書推介，網上又頗有名氣，而且離巴士站最近o既「旭壽司」。

「旭壽司」本店為四層高o既獨立小樓，派頭十足。室內木造o既間隔傳統潔亮，舒適大方，地下分為四至六人散座、小廂房及可坐十多人o既壽司吧；多得大肥爸爸四周搜索，一行八人原本被安排入座兩張四人散座，但最終卻得以入座壽司吧，感覺真係爽好多！XO仔以半帶英語o既日文跟兩位大師傅溝通，逗得大家嘻嘻笑，返到香港上網查看先知師傅乃店主碓井先生及其兒子，二人一啲架子都冇，真係估佢唔到！

得知大家同屬好飲愛食之人，師傅首先推介自家品牌o既清酒，魚生方面亦由當地盛產o既魚生續一推薦，並連同即場生磨芥辣呈上：

1)      當中最安全o既有北海道名產三文魚籽壽司及海膽壽司，兩者勻鮮甜濃郁。

2)      而最出眾則為兩件牡丹蝦壽司；第一件牡丹蝦身加綠色蝦子壽司鮮甜爽潤；第二件由小碓井先生即拆蝦頭製出，同樣鮮濃無比，就連平時唔食生蝦o既團友都大讚好味，實屬難得！細問下，得知壽司上o既蝦子呈綠色證明蝦子未經處理過，亦即是師傅常掛於口邊o既「生」（拼音：「name」）。

3)      大家要留意一味叫「Nishin」o既魚生，其刺身味道極為鮮甜，無奈個人舌頭不夠靈巧，喉嚨又不懂吞嚥入面幼少o既魚骨（有啲似鱔入面嗰啲），所以食得較為困難。

4)      三文魚相信大家都食得多，不過細佬都係第一次聽到三文魚都會有證書！原來此種「幻之鮭」只會喺十至十一月出現，每一萬條先會一、兩條o既基因突變三文魚，珍貴非常，其肉質肥美，兼且營養價值高，相傳每個日本人一生都想食一次架！

5)      團友們一致覺得鮑魚刺身雖然爽脆清甜，但質感還是覺得炆煮最好食。

6)      北寄貝其實喺香港都有食，不過真係估唔到喺「旭壽司」食北寄貝壽司，其鮮甜味可以有咁大升幅，直令人拍案叫絕！

「LeTao」喺小樽市內不但有多間商店，就連咖啡室同甜品店都唔少得。下午茶時間一到，為減少大家o既步行路程，細佬就揀咗間門口就有車站o既「LeTao」本店等大家歇一歇，因網上資料顯示其二樓o既咖啡廳有個超抵o既840円芝士蛋糕下午茶餐，相當吸引。如果夾啱時間，大家不妨一試店子每月一次o既蛋糕自助餐，不過要留意因座位有限，顧客必需預先訂座。

裝潢簡潔o既咖啡茶座的確有個下午茶餐，不過售價係864円，估計差額同稅收有關。套餐包有餐牌上o既精選蛋糕一件，及指定咖啡、茶、或橙汁一杯，飲品凍熱同價。因糕點即日限量製作，有意一嚐人氣甜點，建議大家早少少去。八人當中食得落甜品o既其實只有三位壯男，所以我地結果都只係叫咗三個餐。為食貓小肥三款試齊，個人始終情迷鬆軟、幼滑、輕盈o既招牌芝士蛋糕。由於跟餐只有三杯飲品，眼見還掂有人都要散叫，「LeTao」又以朱古力起家，細佬就同哥哥個契爺每人叫咗杯熱朱古力黎飲。嘩，二人真係估唔到熱朱古力每人有一壺，不但味道甘香醇厚，套茶具仲要咁美艷，好有驚喜呀！

從互聯網得悉北海道有多間名酒廠，XO仔其實都只係聽過幾間名啤酒同威士忌品牌，因為睇到小樽市內都有啲地道o既日本清酒廠，所以就好奇地帶隊一探地點最方便o既「田中酒造」。

由於大家都唔想太夜返酒店，所以就改早咗喺傍晚時份返札幌，肚仔仲食得落晚餐o既六位團友就行咗去隔離Stellar Place商場食肆層六樓覓食。行咗一個圈，發現成層都只係得「牛角」一間滿座，且企有人龍，大家就決定排埋一份。

「牛角」乃香港都有分店o既燒肉專門店，大家都預咗食完成身會一陣味，不過真係估唔到其間隔會咁狹窄，坐得咁唔舒服。年輕o既哥哥仔其實面口唔差，態度都好友善吓，不過可能真係實在太過忙碌，未有時間去解答細佬o既疑問，就算想佢呈上食物時重複餸名都好困難，幸好所叫o既全部都係牛肉，唔講都冇乜問題。

由札幌到小樽的特急車程只需三十分鐘，可是早上十時前的火車都不是特急版，我們最終在火車上耗上一小時，才安全抵埗。

到小樽的一大目的是到奧山商店吃蟹，原以為奧山商店位置是在三角市場中，怎料來回走了三次，都未能找到，失望之際，我們決定走到其中一個黑漆漆，看似沒有任何人跡的角落探一下。這只是一條通往洗手間的通道，正想調頭時，看到一張印有 「奧山商店」四字的海報，幸運的，原來它只是搬遷了，新地址是在不遠的中央市場。

抱著期待的心情到中央市場，走過了中央市場一號，看不見，失望感重來。再前走，中央市場二號，沿路也仰著頭看招牌，終於看到那「奧山商店」標誌，真的是又驚又喜。

老闆娘熱情的向我們介紹，我們最後點了燒元貝和時令的皇帝蟹。二十分鐘後，先上台的是燒元貝，元貝較函館吃到的小，但同樣新鮮，爽口彈牙。這裡沒有用牛油來燒，只加上豉油作簡單的調味，味道稍稍遜於函館的，但以平一大半的價格來比的說，已經物有所值吧。

接著，熱呼呼、紅卜卜的皇帝蟹呈現在我們的眼前！只能用 “嘩”來形容那震撼感，當然要忘記二十分鐘前那蟹仍在水中游的殘忍吧。急不及待的剪開蟹腳，很燙，蟹汁亦順勢流出來，要吃，先要點付出！

整條蟹肉有手指般長，比手指粗，味道甜，而且肉質紮實，是我們吃這麼多蟹餐之中品質最好的。每一個部位藏著的都是肉，一絲絲的肉真令人一試難忘，而且因為是原隻烚的關係，所有蟹汁都留在蟹內，每剪下一條蟹腳都湧出鮮甜的蟹汁，真想點多一只！ 把蟹掃清光前，老闆娘來檢查，指一指蟹殼部分，說eat，我們再望一下蟹殼，是個污黑的部位，不像是個應該吃的部位，遲疑之際，老闆娘不斷說good，eat，好吧，硬著頭皮，把那怪怪的位置打開吧。一打開，原來囤積著飽滿的蟹膏，一半是流質，一半是固體的蟹膏，土黃色的，入口香濃，一點腥味也沒有，而且份量頗多，好蟹的我們當然一口也不浪費，幸得老闆娘一提，我們才沒有錯失這美味，人不可以貌相，原來蟹都是一樣。

差不多掃清整隻蟹的時候，老闆娘給我們送上一碗深啡色的蟹湯，內裡放有不同蟹的部份，相信蟹湯是用上幾款蟹熬出來，賣相不是很好，但喝一口，感覺截然不同。不咸，卻有著海水的咸香味。很濃，有丁點麵士味道，跟友人爭著喝，原來用蟹煲出來的湯是這樣的鮮味!

享受這份皇帝蟹餐，豪花了一千港元，但給我皇帝級的款待，絕對值得！！

帯広JR INN不但離帯広JR 站近(1分鐘路程)，大堂有IPAD任客人上網，還有浴池和漫畫室給客人使用，最重要是很便宜呀！

有時候出門最怕就是睡得不安穩，這酒店最有趣的地方是客人更可以依照自己的喜好選擇不同素質的枕頭，令客人能睡得舒舒服服。

來到帯広必要吃道地的十勝豚肉飯。烤香的豚肉片加上醬汁，好吃到第二天要再叫外賣上火車吃。

北海道這麼多有名的魚市場，為何要到三角市場吃?
原因很簡單……因為行程上較方便XD…….

對我來說，食蟹是很花時間的，要慢慢坐‧慢慢品嚐。
而令我最驚喜的反而是市場裡豪華魚生飯，望見都會流口水。

身為觀光客，少不免要做些到此一遊的事，例如光顧高級壽司街裡的政壽司。價格高昂又怕吃不飽，只叫了一個魚生飯和一個特選壽司盛，再趕去下場。

德國聖誕市集也能在札幌找到噢! 德國香腸，啤酒及聖誕飾物都能在這裡買到。跟德國眾多聖誕市集一樣，聖誕前幾天就會結束了。不想飛去德國看，也可以到札幌體驗一下。

北海道的美食又怎少得湯咖哩，少許肉類及大量不同的蔬菜，加上濃濃的湯咖哩，食材雖然簡單，但好吃到見到碗底。

回來後很想在香港再重拾那種味道，尋覓了很久都不見有餐廳會賣，看來要再去北海道才能回味了。

出發前先查到小樽潮祭的舉行日期(7月27日- 7月29日), 所以我們除了第二天去了小樽, 我們也決定了7月29日再去小樽一次, 主要是看小樽潮祭的煙花.

小樽潮祭的起源是昔日的小樽是一個漁港, 居民為了感謝大海的保佑及祈求在陸上活動的平安, 所以便有祭典活動.

一連三天的小樽潮祭, 每天的慶祝活動也有不同, 而且是富有日本傳統特色, 例如有五千人身穿傳統祭典服飾邊跳邊歌的巡遊活動, 及抬神轎遊行. 但我們在出發前沒有細心研究, 所以去到小樽JR站時, 見到人頭湧湧的情況, 才知道小樽潮祭在當地是大節日. 之後拿了一張活動 Leaflet, 才知道有很多活動, 如果早點有這資料, 我的決定是早點入小樽.

入到小樽後, 我們去了看市集走走. 每一個攤檔也是賣風鈐和玻璃產品. 走到盡頭, 見到一些食物攤檔, 及一條掛滿風鈐的小街. 微風一吹, 風鈐便發出叮叮噹噹的聲音了.

今年的小樽潮祭, 分別在7月27日和7月29日的晚上8時 – 8 時40分會有煙花表演. 如果要看煙花, 可以去色内埠頭公園, 從小樽JR站走10分鐘便到達. 日本人是會坐在地上看煙花, 我們是大約7時去到, 已經是有很多人了. 從7時至8時, 眼見不停有人走進公園, 大約7時半已坐滿人. 所以早點去到便會有位置坐.

看完煙花後, 可以在外面的廣場 (中央ステージにて) 看看潮太鼓表演, 另外廣場上有很多玩的, 食的攤檔, 就像我們過年的年宵市場一樣的熱鬧. 通常每一個食市攤檔後, 也有枱櫈, 是給在該攤檔購買食物的客人坐下慢慢享用食物.

之前在別人的Blog介紹在小樽的見津吃燒海鮮,見到她的食物照片已覺得十分吸引, 所以今次去小樽特別安排要去.在小樽的JR站下車後便外面的巴士站坐巴士去見津. 下車後便一直走, 看見一家燒海鮮的餐廳, 以為是青塚食堂便走進了(吃完才知道去錯了!).

去錯的這餐廳叫海賊食堂, 在195X年開業. 餐廳是有露天座的, 面向一大片的海洋吃燒海鮮, 實在是寫意. 我們點了的燒海鮮有蝦, 螺, 扇貝和炸馬鈴薯球.味道方面, 螺和扇貝是不錯, 但蝦燒得有點乾了.

海賊食堂和青塚食堂提供的食物也差不多, 有燒海鮮和定食. 但海賊食堂 90%的食客是日本人, 很少遊客, 但很多遊客認識青塚食堂, 所以很多人, 不但要等位, 而且不會是很寧靜的.

如果喜歡看海, 可以選擇這一間.