晚餐竟然有日本野~好開心
前菜有3款選擇,主菜有2款
我的side dish是枝豆
蒸熟了之後加點鹽都已好好食了^^
狂啪入口的感覺真爽~
main dish是Yasai Yaki Soba
炒喬麥麵
第一次試~
有蛋, 洋蔥, 蒜, 菇, 青紅椒, 白豆蓉, 炸乾蔥等
份量其實幾大
青紅椒很爽甜~蛋油了點
面頭的酸薑是咸到嘔的@@
Soba煮得過了火太腍沒彈性
mushrooms都好味道
所以最後只吃剩那些麵
配料是吃清光的
飯桌上有一枝辣油
卻是不辣的….
這一餐算好過buger king很多倍

吃飽飽再行多陣
中途更見到有好多隊兵隊和學生操步走過
終點處更有好多達官貴人之類~

參觀完之後去食lunch
是Pizza Express
感覺高尚
我們不是一人食one piece
而是一人一個批!!
應該有八寸左右
我要了芝士和tomato的組合
第一次咁樣食pizza
是薄批來的
芝士落得足夠
茄味也夠濃

看完操隊
就坐車到Weymouth
亦即是我們遊學的地方
坐了3個多小時~屁股開花中
沿路風景目不暇給
像電腦的示範圖片:D
還見到好多牛馬羊
好大自然好舒服
之後到了Weymouth College等Host Family接
我和1個朋友的Host family唔得閒{?!}
所以搭的士去~
是一間擁有2百多年歷史的家
host mum第一天很nice
以hot dog同fries款待我們
味道上不便多談
能放入口便可

之後host mum講下平時點樣搭巴士去college
同埋幾點食飯+返家
之後上房執野,沖涼,訓~

食完野坐巴去sports centre玩ball games
玩左一陣好冇癮, 係度影相
同其他人傾開計先發現人地host family勁好
又nice又talkative野食又豐富仲可以自己揀
唔係要刻意同人比較
只係覺得大家都host stay
點解d family既質素又咁大分別??
唔單止野食, 係個人都好有問題.
不過唔想講咁多實在太長篇.
roommate當晚忍唔住喊左. 之後就不作多談啦
上YahXX知識都有一個example睇.
有人話好講彩數.well我嘔2萬幾蚊出黎博一個彩數??
好無奈
係間房度唯有自嘲講全屋對我地最好既
係個四隻狗….

dinner是芝士椰菜花焗macaroni, 沙律加熱狗腸, 焗’火農’左既麥包
算係有好野食la
個包真係焦左d…
熱狗腸佢煮到又係好淋…
沙律都係咁啦.. 算係最正常既野

disco後番到家
係roommate沖緊涼個陣落左去同host mum傾計
好無奈
佢只係望住個電視+問一句答一句
問佢識煮咩國家既菜
佢就話咩都識狂數d國家出黎
其實個人黎講唔多覺哈哈哈哈
之後講多兩講我都冇癮dead air左勁耐
唉同想像中差太遠

晚飯好嚇人一搬出黎勁似屎
係墨西哥菜…個名是甚麼我不了解
起初有飯食覺得好開心
但一食落口
飯既質地好似未叮既波仔
碎濕濕好可怕
中間既係好似咖喱既野
辣辣地入面有好多紅腰豆
我個人比較中意食豆類野所以冇所謂
但個飯真係食唔到

琴晚寫左張便條俾host mum同佢講成件事唔係咁
不過佢都唔會點信架喇
不過都有寫番話我地中意食佢d pasta,waffles呀個d
希望唔好再有d恐怖菜式
今朝就有waffles la
食食下個host mum走出黎講左好耐..
話多謝張紙又XXXXXXXX{都係講番個d野}
跟住有句好正{Here is my family, we smoke!

d煙味攻上二樓真係好爽!!!!!!!!!!!

係個town玩完一齊坐車去朋友既host度BBQ^^**
個host family好nice好funny
隻狗雖然好大隻但好好玩
識頂頭鎚架~!
今晚好多野食
唔算係BBQ因為都係由人地爸爸燒俾我地;p
燒左漢堡扒~可以夾包夾芝士同蔬菜
好美味食左兩個J
仲有兩款墨西哥脆片
點d辣醬好食到傻左
可能太耐冇食好野
食到癡左線…係咁拎黎食
加上個醬酸酸辣辣好開胃
好彩食完第二日未算爆哂瘡
仲有兩款沙律
赤裸裸地見到係買既~不過冇所謂我覺得
有BBQ已經好爽
其中一款沙律係琴晚個餐都有食既!! 有沙律醬個隻
{咁即係其實我地host個廚房其實冇乜用}
呢一隻係薯仔沙律味道都幾好
加d沙律係d餅上面食都隊左好幾塊:P
另外仲有炸蝦
外面好似有d春卷皮之類既野包住
雖然食個陣凍左
但都好好食d蝦唔霉架^^!點泰式辣醬食~
炸蝦係最快清哂既一樣小食~
個host daddy仲燒左雞鎚
唔通真係外國既雞好食d?
daddy燒得好好呀~~個皮唔肥好薄
燒得脆脆地但入面肉質仲好嫩滑多汁~!係香港真係未試過;p
食食下個family仲翻叮左佢地琴日食既pizza
雖然係叮但都俾面食廢事浪費
pizza有兩隻~一隻似香港既鬆厚批
感覺幾鬆軟
芝士落得唔多仲好唔太膩~
另外薄批冇食到因為真係飽喇;D
仲有燒腸仔
燒焦了而且腸仔係午餐肉味好怪
大家都只唔敢食呢一樣而已xD
雞鎚pizza同腸冇影到掛住食呀:D
講下甜品
有朱古力muffin, 檸檬蛋糕同卷蛋
其實個胃就爆不過都試下啦
朱古力muffin係係一間既ASDA既supermarket度買的
味道濃, 但鬆軟得滯冇muffin個種感覺
檸檬蛋糕係將件蛋糕個頂切開
加左d檸檬味既icing sugar再放番頂部既蛋糕上去
d icing sugar唔膩檸檬味好清新
應該係個host mum自己整既
我中意食甜野, 所以我好中意*仲打包左個tim xD
卷蛋冇食到因為好飽
外國西瓜好似冇咁水~
食到最尾個host family係咁拎d甜品出黎xD
有我最愛既caramel shortcake同埋朱古力手指
雖然飽到上頂但都有食
*今晚又食又拎呀;p{明天packed lunch有著落了}
真係好開心;)

因為今朝黎多左兩個西班牙學生
夜晚黎多兩個法國學生
個女人話咩法國學生好細個要唔知點點點
所以就想我地搬去樓下gardon格黎間房

夜晚返到家沖完涼攤係度個陣聽到個兩個法國女仔黎左
個女人對佢地勁好勁友善.
哈明既始終大家都係西方人嘛.

根據上次飛阿聯酋經驗登機前唔太敢食野
首先飛左去Dubai先~第一次坐A380
Economy d位都闊d好坐d
有時仲會有d燈光效果咁樣
dinner飛機餐有羊肉食, 唔太羶仲好軟tim
而且仲食到少少皮幾正
仲有d  biriani{印度菜飯}飯不過好難食
所以剩係食哂d肉
個吞拿魚沙律入面有d冷麵都唔錯
不過甜品好難食coconut cream有怪味
芝士同apple juice都係必食/飲之選
飛左6個鐘度到了
中途等轉機唔似一個鐘因為之前有delay
杜拜飛香港大約差唔多8個鐘
飛左無耐有包snacks不過好難食
叫左pineapple juice~都必叫架
同朋友上機冇耐就訓左, 一打開眼見到自己張餐牌俾人放左係大脾度{唔跌好勁}
朋友個d就攝左係隻手度xDDD
食左兩餐Lunch係燒牛肉加連皮薯條, 薯仔沙律同甜品
個燒汁酸酸地唔多好食但個牛肉本身幾好架
薯條當然淋哂啦{有d飛機餐煮好到俾人食時間都隔左半個月}
但都ok ge
薯仔沙律甜甜酸酸咁幾開胃
甜品初頭睇以為係雪糕
其實係一個chocolate muffin旁邊有d mousse同朱古力醬
真係整到好似一球雪糕咁
朱古力醬偏苦幾好食
最後當然食哂啦~
snacks係雞肉三文治同飛黎個陣一樣
但d餡好食左
除左雞肉外仲有少少生菜個醬就有少少似千島醬
都係凍食但都好味d雞肉仲係滑既
另外仲有個muffin~普通冇上次個隻咁濃.
兩餐既飲品都係pineapple juice~

食完野收餐盤個陣發現有個空中少爺好靚仔xDDD
想影佢但俾佢發現左
佢好巧妙地扮冇野咁縮低左係個架車仔後面=D
仲有一個好似Mr Bean呀~
訓左一陣腰骨痛
係架飛機度用佢個remote打電話傾計同打機
架機好靚.. 個頂會有d燈仔扮星星
等下等下就返到香港喇
第一個感覺就係: 好熱!!!
而家反而最掛住既係人地既host family同隻狗@