我地住個間民宿唔算豪華,但勝在平價同地理位置極佳,在青青草原旁邊,每晚NT$1800
去到民宿已經5:00點了,而且老闆已經為我地準備咗晚飯,所以今晚都係附近周圍行下,明天先開始行程!老闆仲好好人,介紹d行程比我地好開心呀~估唔到晚餐係火鍋!!

民宿老闆夜晚9:00車我地去到小瑞士,夜晚嘅小瑞士入場唔使錢,但係冇咩嘢睇,只係有場音樂噴泉show睇下,旁邊有人表演~跟住入咗去紙箱王,成間嘢90%都係用紙做架!!

第二日凌晨3:30起身,前一晚已經叫民宿幫我地訂上合歡山觀日出車,4:10係民宿門口集合,都好多人去睇日出,仲有好多香港人!上合歡山好凍,所以要預備禦寒衣物,我地上去個日得七八度左右!!仲要好大風!!上去個程都差唔多成個鐘~差唔多7:10,個導遊就車我地去松雪樓同武嶺~

差唔多8:00點返到民宿,食完早餐後就出發去青青草原!!
我地住嘅民宿行200米就到青青草原喇~票價NT$160,入去記得打返個印呀~
好多羊咩咩手信買~最出名係佢個羊咩咩鎖匙扣,係用真羊毛做架~

跟住去咗紙箱王餐廳食小食,d到無論係一枱一椅,一杯一碟都係用紙做~
小食唔係好貴,有下午荼優惠~味道唔係好特別,都係一般,但係環境搭救~

然後向下山方向行,便到老英格蘭,民宿老闆話d到嘅下午茶係最出名,當然要試試喇!!
每人NT$500,即港幣$128左右,係香港high tea都要成二百幾蚊,係香港唔會做嘅嘢,係d到做晒~
但係食晒成個會好流好濟,好彩佢地d紅茶係任飲,飲返口紅茶就中和返晒~
最上層有大大舊嘅macaron,第二層有cap cake,第三層有咸肉餅~
無論環境同食物,都係五星級享受~
然後出發去盧山浸溫泉,前一日或當日早上向民宿預約~
浸完溫泉之後係盧山食埋晚飯,食咗個當歸雞火鍋,加埋兩碟小菜,唔算太貴,每人NT$350

去到埔里,可以去睇下佢個酒廠,都幾出名架~
d到好多食物都係用酒做,例如雪條,糕點等等~
仲有酒類博物館,介紹酒嘅歷史~

去到日月潭,唔想乘船遊湖咁dry,可以租單車係湖邊周圍踩,租車車費約NT$150兩個鐘,三個鐘以上都係NT$200,六點前還車~但係回程途中,落大雨...............

去逢甲搭的士時遇上了一位好好的司機,今年64歲,依然工作,係短短嘅十五分鐘車程入面,講了很多自己的事情,還叫我們來得旅行的,就要慢走慢看,不要急著時間,還送了高鐵時間表給我們:"你們10:30在這裡離開也不遲呀!"台灣人真好客,伯伯講得O岩,嚟得旅行嘅,就不要趕行程,有些人排得自己的行程密密麻麻,就算你到過很多地方,感覺是賺了,但是沒意義!又要趕路,辛苦過返工,去旅行不是要放鬆心情,體驗當地的一物一事嗎?

逢甲夜市很大, 好多嘢食,"掃"完街後,搭返的士回台中高鐵站(NT$280-$300),然後返台北高鐵站(NT$700),車程一個鐘~

到達台北高鐵站,再轉乘捷運站往西門町酒店~我地住嘅酒店叫金國際旅館,每晚NT$1480~
雖然位於夜總會樓下,會聽到夜總會的音樂聲,但位置方便,對於背包旅客來說尚可接受~

到咗九份,好大風好大雨,有傘都唔得,最好買雨衣!
雖然落雨,顯得九份更加淒美,但這裡的人卻很熱情!

然後搭返的士落瑞芳,轉平溪線去十份,
d到有個大瀑布,原來好多人都唔識去,
只要沿著火車路行20分鐘,就會到達十份瀑布,
但個日好大雨,似洪水多過瀑布!

然後搭返火車去八堵站,再轉車去基隆,
去到基隆,街下佢個夜市,唔係好大,好快行完,但係想食嘅嘢都有~

美麗華百樂園,夜晚嘅摩天輪會仲靚,
由西門町站搭捷運去劍潭站,再轉乘免費接駁巴士就去到架喇~

然後搭返接駁巴去劍潭站,乘捷運去淡水~
淡水老街,好多嘢食~有好出名嘅胡椒餅,土耳其雪糕,
仲有好多手信買,阿婆鐵蛋都係d到!!

行完淡水,搭捷運返劍潭站,去市林夜市,
新市林搬咗去離舊市林大概200米,沿著捷運站的路牌便去到,五點鐘就開始有嘢食喇~