呢度真係好難搵,係大街度落左的士仲要行條暗巷,細膽d都唔掂

原來呢間餐廳係一間都幾有歷史o既舊樓, 暗暗o既燭光都好有氣氛. 不過因為我地揀左露天o既座位, 都會有蚊飛下飛下
 
呢間餐廳標榜傳統泰菜, 我地叫冬蔭公, 菠蘿焗雞, 椰青等等.
坦白講, 食物真係一般過一般, 可能我地叫既野唔特別, 所以覺得同係香港食差唔多

不過, 餐廳旁邊另一楝舊樓o既2樓有一個Gallery, 放左一D傢俬同舊相, 其實都有d恐怖 , 所以我好快望兩眼就走.

經過前一晚o既教訓, 今次決定搵間多人幫趁o既, 實無死錯人
因為係Siam Square 附近, 所以易搵好多. 行完街去食都好方便.每晚例牌叫我的最愛冬蔭公, 仲有咖哩蟹等等.
咖哩蟹相當出色, 好味道又不會太杰, 撈飯一流 最特別係有人表演泰國音樂, 不過我地就唔係太識欣賞.

我地3晚都食傳統泰國菜, 好彩一晚比一晚好.

呢度環境清幽, 人不是太多, 但佈置很有泰國風味, 門前大櫃擺左好多工藝品, 可以買番去做手信 (不過, 梗唔會係呢度買)

例牌冬蔭公之外, 仲叫了小食拼盤, 咖哩魚杯等等.
冬蔭公算呢間最似樣, 起碼有原隻大頭蝦. 無蝦就唔可以叫冬蔭公啦!
咖哩魚杯都幾等特別, 一啖一杯, 鮮味得來不會太腥.

(其實原本今晚想唔食泰菜, 去食海鮮, 點知一場去到"Seafood Market", 貴到飛起, 龍蝦要成3000 baht / kg, 嚇到走人, 門口見一車車既旅行團, 呢間野都應該係出名o既, 只係我覺得唔駛咁貴囉)