Hard Rock的確唔錯呀，check-in果度好多結他果Ｄ野，不過check-in就要等到三點先有房，依點唔係太好，所以我同女友要係新濠天地行一陣先有得check-in

間房都唔錯呀，入到去有張Bar桌位，我同女友最鐘意依個位 ，又可以食野，又可以傾下一陣出去會去邊
間房個境都唔錯呀，又可以見到個泳池
唯一有個問題就係個浴室同去洗手間竟然係分開左 @_@"依點真係.....奇怪

第一晚，我地叫左個Room Sevice既公司三文治，正呀，只係等左二十分鐘，好新鮮，薯條好熱呀，雖然得兩件，不過好大件，，第一次叫Room Sevice，唔錯

我地一共四個人，坐的士去新葡京，我地食第一轉（1800 ~ 2000）

我地入到去，剛開始食，最多人排既就食食生蠔果part，所以我地去左拎Ｄ熟野食先，真係幾多野食

沙律：果part都好多chose，而且真係好新鮮，唔錯，正

湯：有兩款湯，不過Ｄ湯好水，冇咩味

天婦羅：好新鮮呀，不停咁見佢炸Ｄ蝦，而且Ｄ粉唔厚，好食

中菜：有蒸籠野食，蝦蛟呀，叉燒包，燒買等等，Ｄ蝦蚊不錯，佢最好係咩呢，就係一籠得一兩粒，又可以試下，又唔會好似平時酒樓咁有四粒，可以試多幾款。
其他中菜有叉燒、燒鴨、蘿白糕、春卷等等，大至都唔差

羊：有羊架同羊肉炒雜菜，羊架好味；羊肉炒雜菜，佢係即炒，不過好少，而且味道一般

牛：我就冇食，我個朋友有食，佢話一般，果舊肉都幾生下，而且好多根，唔食都唔可惜

日本野／生野：壽司種類唔多，得4~5款；刺生都係得4~5款，都叫新鮮過Ｄ壽司，即叫即切；生蠔雖然唔大隻，不過都好鮮，而且補返Ｄ蠔都補得好快；而且仲有凍蝦、青口、龍蝦仔等等

熱野／飯／麵／麵包：有牛丸、魚旦果Ｄ配唔同既麵呀、河粉，冇食，不過都唔係多料去選擇；有一隻印度既薄餅一定要食呀，佢Ｄ醬辣辣地，好好味；有炒飯，唔記得咩國家既炒飯，又係辣辣地，唔錯

甜品：我唔鐘意食甜野，不過我Ｄ FD話Ｄ甜品好好味，pan cake即叫即整，佢地話好正；好多甜品選擇，有蛋糕、雪糕、「姐」哩、朱古力噴泉等等

生果：有西瓜、波羅、提子、木瓜等等，全部都好新鮮

食物整體的確唔錯，食物質數幾好，而且每樣野都補給得好快，依點真係值得讚
不過講完好既野，就要講返Ｄ缺點

缺點1：除左一坐落有杯水之外，我地叫左Ｄ侍應好多次添水都冇人添，叫左幾個唔同侍應都係咁，依點真係差

缺點2：冇人黎收碟，我地食完Ｄ碟都冇人收，叠到好高都冇人理，我地係叠左兩行先有人黎收，真係幾過份下......

缺點3：因為我地係食第一轉，所以早半個鐘就要我地結賬先，依點都算，但之後仲有十五分鐘又黎提我地仲有十五分鐘就要交桌，之後每五分鐘過黎吹一次，我覺得依點唔係太好lor，覺到我好想坐到夠鐘先走，你越吹我我越唔想走呀><"

同女友去到新好利食豬扒包同葡撻

葡撻：好香，熱辣辣，唔錯

豬扒包：都幾大件，不過件豬扒好油，我地拎起左個包，將件豬扒面Ｄ油用佢俾果張紙仔吸緊Ｄ油先再食，個豬扒包真係幾好味，個包仲要係熱辣辣，加埋件豬扒真係一流，如果唔係要留肚食自助餐，一定會叫多個葡撻同一個麵黎食下呀

間店就好有冰室feel，環境都算係幾好，仲有不停咁新鮮出爐既葡撻

其實我地去到都係人地剛開門冇耐，哈哈

入到去唔係好多人，可能仲係早啦，我地四個人點左葡式燒乳豬、葡國雞(例牌)、菜同埋一碟意粉

葡式燒乳豬：唔錯，唔係好肥，個皮好脆，又有橙係旁邊

葡國雞(例牌)：正呀，因為佢Ｄ包遲左黎，我地用Ｄ汁黎點包，好好味，Ｄ雞都幾滑

菜：不過不失

意粉：真係一碟仔，都算係少，又係用葡國雞Ｄ汁黎點，正

整體幾好，係Ｄ份量少左Ｄ，入面都坐得幾舒服，環境都唔錯呀，Ｄ侍應都好nice，因為我地食完飯就下雨，想坐多左一陣，等停雨先走，佢地都好nice咁同的我地講慢慢坐呀

食完葡國菜就去李康記食野，次次去澳門都會帶朋友去食

我係唔食豆腐花既，只係飲豆漿

豆腐花：我Ｄ朋友話真係好滑，好好食

豆漿：因為係冇加糖，你鐘意幾甜就自己加糖水，好飲呀，都幾有豆味，每次我都會叫一杯黎飲!!

睇書話依間野Ｄ炒粉麵正，所以，決定去試下，因為我地兩fd要返HK, 得返我同女友兩個人食，所以叫左牛肉粥、干炒牛河同雞絲炒菜

牛肉粥：Ｄ粥好綿，Ｄ牛肉好好味

干炒牛河：出奇地唔係好油，佢依檔Ｄ牛肉真係好好味，無論係炒定係放入粥都好好味呀

雞絲炒菜：依個係一般，菜係得Ｄ銀芽同蔥.... 依個反而咸左同勁多汁

反而個炒菜係唔店，佢Ｄ牛真係好正

我地十二點幾入去，唔係太多人，Ｄ野食一般多啦

麵包：都幾多種類既麵包同芝士俾客人自己去切，唔錯呀!!!!!

沙律：都幾多菜去選擇，醬都多，係Ｄ麵包粒唔得呀，一Ｄ都唔脆

熱食：都ok多野食既，有麵、飯，有咖哩，牛柳，叉燒等等，不過都幾油下呀Ｄ野食

日本野：有少少壽司，不過冇食，因為睇落去唔多新鮮，加上又唔係放係凍櫃入面，真係唔多敢食；有冷麵，都係啦，冇放入凍櫃入面

意粉：即叫即炒，依個幾好，我叫左個茄汁意粉，唔錯，份量唔多，可以試多Ｄ其他野，哈哈，不過要用英文講，因為整果個師傅係外國人黎ka

魚旦粉：又係即叫即整，不過得果三種餸可以選，麵都係得三種，種類真係太少啦.......

環境：真係唔錯，好正呀，好舒服呀，我地個位仲要對住個泳池，正!!!

整體上Ｄ野食真係一般....好在個環境都唔差

買完手信，其實都未餓，但一陣又要睇水舞間，又唔可以唔食Ｄ野先wow!!!!
行到黎咪同女友入去試下間粥店，因為女友話好想食粥，哈哈，好啦，咁睇書知附近有間粥店，所以入去試下，我地點左皮旦粥同腸粉

皮旦粥：正呀，Ｄ粥好綿，好香

腸粉：我地叫左碟細，因為怕食唔晒，點知好正呀!!!!!!因為好滑呀，雖然大大舊，但都仲好滑，勁!!攪到我地兩個到喉唔到肺

之後見到有人叫燒買腸，原來即係燒買加腸粉，唉，早知我地一早就叫依Ｄ啦，我見到幾款ka....下次識叫啦!!!!!!!一定要再黎呀