我好喜歡吃青口，所以來到澳洲一直對澳洲出產的青口充滿期望！
但期望總令人失望。

空姐朋友特意來柏斯找我，只有一天時間的相聚，我們就相約到FREMANTLE了。
我們乘火車到FREMANTLE線的尾站，一直走五分鐘左右就到海港那邊，
那邊有好多餐廳，看見一間外形醒目的西餐廳，落地玻璃設計，相當有格調。
而且以The Mussel Bar Restaurant命名喎！MUSSEL一定是它們的招牌菜吧！

我們點了一份MUSSEL - Moules Mariniere
（White Wine, Fresh Herbs, Braised Onions & Confit Garlic ）
點菜後不夠10分鐘，侍應就上菜了，也太快了吧！
我們的感覺就是很「快餐」，不是ORDER後即煮！
青口的SAUCES還好，最令人失望的是青口肉有點縮水，
我之前在法國工幹的時候嚐過法國一間好普通的青口快餐店LEO'S，
那間的青口肉是跟青口外殼同樣大的，沒有縮水，怎料這間以MUSSEL打正旗號的西餐廳，
竟然不及法國的連鎖快餐店，真令人跌眼鏡啊，可能是青口產地的問題吧。
另外ADDITIONAL配上的薯條也是M記式的幼薯條，而不是粗薯條！

到澳洲還是吃生蠔比較有保證。



 

來到悉尼一定要試吓超過70年歷史嘅Harry's Cafe de Wheels！TIGER，即係青豆薯蓉肉批。呢個批係佢呢間鋪嘅招牌菜！點解叫TIGER呢？就係因為以呢間鋪嘅始創人Harry ‘Tiger’ Edwards命名！喺店外仲貼咗FIONA SIT幫襯時候嘅相，幾FUNNY喎。

其實類似嘅青豆蓉薯肉批之前喺墨爾本的PIE FACE試過，整體的味道PIE FACE差得遠。青綠色嘅青豆蓉非常醒目，清清淡淡配上薯蓉，好好味；批入面嘅牛肉粒帶有濃烈的花椒味，混著青豆蓉及薯蓉食，好配合，而且大概有三､四粒牛肉，幾足料。肉汁也OK香。 

終於把行李安置在SHAREHOUSE，是時候到附近的唐人街食個便飯。幸而SHAREHOUSE附近就是唐人街，走路大概15分鐘就到！悉尼唐人街充滿著濃濃大陸的味道，有一刻真的以為自己去了大陸！太肚餓，見到「碗碗香川貴小食」，衝咗入去即刻叫服務員點菜！來！服務員！

兩個女仔叫了三道菜：碗碗香､招牌辣子雞中翅､蔥油餅

碗碗香就是拌著吃的麻辣燙（$10.9），有魚腐､脆皮腸､蟹柳､牛百叶､藕片､竹笋､土豆､海帶等。還可以選麻及辣的程度，我們選了微微辣及微微麻，相當惹味！配上白飯，真的口水直流！碗碗香裡頭加了很多蒜頭､蔥，用來撈飯都好好味，可能我真係太肚餓！我特別喜歡裡頭爽口的藕片和竹笋。

聲稱是招牌菜的辣子雞中翅($6.5/5隻)，不是特別香辣，雞肉唔多，香港的譚仔土匪雞翼比較出色。不過$6.5有5隻，而且佢仲比多咗2隻我地，真係抵到喊。

蔥油餅($3.6)入面雖然只有少少蔥，而且食到成口都係油，但煎得非常香脆！有驚喜。

二人都係$21埋單！好抵！完全感受到喺悉尼食飯係比柏斯來得便宜，仲要食到飽飽！真開心！