~~ 為食Be ~~
我是~~ 為食Be ~~。 我最喜愛到台灣,泰國,多哥旅遊 , 最鍾意遊覽歷史建築/遺跡,鄉郊農田,民俗風情, 住宿通常會揀4星酒店,5星酒店。
留言  留言給此旅遊家
  遊記數目 2
  上載相片 34
  上載影片 0
最近分享過的旅程
台北4天勁食自由行
國家/地點: 台灣
旅程日期: 2009-03-29 至 2009-04-02
共找到 2 篇遊記, 正顯示第 1 至 2 篇遊記
台北4天勁食自由行 (台灣)
(旅程日期: 2009-03-29 至 2009-04-02)
 整個旅程  (共2篇遊記)
 分享至Facebook 
發表日期: 2009-05-11
9點幾起左身, 出左中山站,去左bank 唱錢, 之後落左地下街搵食...
去左<八方雲集>食返個窩貼+餃子早餐,由於太早,未有豆漿買, 所以行左去隔離買珍珠奶茶飲~~

食飽飽就去左<台灣故事館>,入埸費280台幣,不過會比返150蚊消費卷你,你可以係入面d商店駛用...依間故事館有好多舊野睇.好多人黎影相..可惜小妹唔識影相,所以post出黎d相會差d啦..希望大家將就下啦..行到一半有一班幼稚園小朋友黎參觀囉..佢地全部都好乖,好得意啊...行左個幾鐘見有d口渴,入左去一間<懷舊冰室>食冰..我叫左布丁牛奶冰,男朋友就叫左紅豆冰..一黎到比佢嚇親,勁大碟..早知叫一碟share食啦..好努力咁食,都係食左1/3咋..因為佢除左大碟之外,其實都幾甜..好漏~~食完冰又行左陣,經過<懷舊小食亭>又食左一碗肉躁飯..臨走嗰陣見仲有消費卷剩,用左去玩d舊時地攤d小玩意,win左幾粒糖啦...

離開故事館,我地就出發去北投..book左<春天>,由於第一次去,咁個agent又話出左捷運站,行10分鐘左右就到..咁我地就棄酒店既Shuttle Bus,諗住慢慢行上山...唉...點知係勁後悔囉...行左差唔多半個鐘..仲慘係行又斜又灣既山路...去到酒店累爆check in 中途發生左d小插曲..令到我對依間酒店既印象麻麻地..不過算啦..出黎旅遊都係想開心姐...入到房放低d野就去浸溫泉..之後返房hea左陣..再出發去淡水啦...

去到淡水不停食..一路行一路食...本來諗住同男朋友睇埋日落先走架...但可惜天公不造美,落大雨囉..最後行多陣就搭捷運返北投lu...

係新北投周圍行下..大約8點幾就食Dinner..食到10點幾,去左超市買左<台灣啤酒>就撘taxi返酒店lu...

返到酒店,即刻浸返個浴..之後嘆埋罐beer...跟住就覺豬lu...
好抵食啊...5蚊一隻窩貼+餃子, 招牌窩貼好好味...值得推介...
推介菜式: 招牌窩貼
每人消費: 約30新台幣
評分: 味道4   服務3   環境3   衛生3   抵食5
一間很多野睇的主題館..可以令你更加體會到老台灣...有好多不同類型的展品..地點又方便..
參觀時段: 全日
入場價錢: 每人250新台幣
評分: 值得去5  
都唔錯既~~ ok喇2009-05-11
房間夠大,有個私人浸浴..係服務差少少
評分: 設備4   服務3   環境4   衛生4   抵住4
我叫左布丁牛奶冰,男朋友就叫左紅豆冰..一黎到比佢嚇親,勁大碟..早知叫一碟share食啦..好努力咁食,都係食左1/3咋..因為佢除左大碟之外,其實都幾甜..好漏~~
評分: 味道3   服務4   環境4   衛生4   抵食5
淡水搵食~~ 笑臉2009-05-11
大腸包小腸
大腸包小腸
阿給
阿給
可口魚丸
可口魚丸
依個麻麻地...
依個麻麻地...
超正臭豆腐..
超正臭豆腐..

去到淡水就周圍食啦..完全唔記得晒邊間打邊間..只係記得食過d咩..大腸包小腸 : 依個男朋友好鐘意食,我就覺得麻麻地..係幾香口既..不過油左dd囉...阿給 : 哈..哈..依個反而我鐘意食,男朋友覺得佢d醬太甜..但我覺得出面層豆腐同d醬好夾囉..但d粉絲就太淋啦...可口魚丸 : 魚旦好彈牙, 佢仲有雲吞,不過係豬肉雲吞,無蝦的..蝦錦章 : 依個真係麻麻地啦..見佢整個陣好香,好似好吸引咁,但一咬落佢只係食到佢面個層味粉囉..個餅係無味的臭豆腐 : 依個係最好味..佢一d都唔臭,但食落好香口,同埋佢係燒既,少左一份油膩..加埋佢有d泡菜係碟邊幫係清清個口腔...依個係推介啊...

推介菜式: 臭豆腐
評分: 味道4   服務4   環境4   衛生3   抵食5
好得意既杯
好得意既杯
好睇唔好食
好睇唔好食
好味
好味
好好坐...有免費wi-fi,意粉好好味..不過個鐵餅牛仔肉就差d啦...
每人消費: 約500新台幣 (晚餐)
評分: 味道4   服務4   環境5   衛生5   抵食3
  0 個留言    |  加入你的留言
台北4天勁食自由行 (台灣)
(旅程日期: 2009-03-29 至 2009-04-02)
 整個旅程  (共2篇遊記)
 分享至Facebook 
發表日期: 2009-05-11
一去到桃園機場,去左旅客服務中心換左張青年咭 - 跟住坐國光出台北市- 去到酒店hea左陣就出動去搵食啦...
良品牛肉麵, 好好味, 不過d麵既質感同香港嗰d好唔同,比較粗..但都ok...
福洲世胡椒餅..mm..mm..依個麻麻地,可能太多汁啦,攪到個包食到中途已經淋晒..個底一pat pat...
之後去左美麗華,因為坐摩天輪好貴啊,差唔多50蚊一個人,轉一個圈就落返黎,唔係太值,所以只係影左幾張相就走lu...

跟住去市林夜市搵食...
豆花三兄弟,唉...依個真係好差..豆花好實...好鞋...可能依d係台灣既豆花同香港既分別掛...好想介紹公和d豆花比個老闆試下~~不過佢個雪花冰就唔錯啦..係甜左少少...之後周圍行..行行下見到檔串燒,超抵啊..一條秋刀魚只係買10蚊(每一只可買一條)..其他野食都係10蚊..買左秋刀魚,雞翼,魷魚...都ok好味既...

行到差唔多12點就搭捷運返酒店lu...
酒店請的
酒店請的
3點左右到左酒店, 但因為未執好房, 所以請左我地去餐廳飲左杯野, 大約1分鐘左右便有人通知我地間房已經預備好啦..
入到房都OK大, 浴室分開企浴同浸浴,個廁所仲係可以洗PAT嗰隻
評分: 設備5   服務5   環境5   衛生5   抵住4
好好味, 不過d麵既質感同香港嗰d好唔同,比較粗..但都ok...
值得一讚係個姨姨,好熱情,好主動幫我地影相,好好人啊...
每人消費: 約150新台幣 (下午茶)
評分: 味道5   服務5   環境3   衛生3   抵食5
太多汁啦,攪到個包食到中途已經淋晒..個底一pat pat...
同埋太濃味啦...又油喎...不過男朋友就覺得好好味...
每人消費: 約50新台幣 (下午茶)
評分: 味道3   服務3   環境3   衛生3   抵食3

其實只係一個大的shopping mall..無咩特別,係見到摩天輪真係好浪漫囉...

評分: 值得去3  
豆花好實...好鞋...可能依d係台灣既豆花同香港既分別掛...好想介紹公和d豆花比個老闆試下~~不過佢個雪花冰就唔錯啦..係甜左少少...
因為佢用豆花做佢個名就真係要比喊面啦~~
每人消費: 約100新台幣
評分: 味道2   服務2   環境2   衛生2   抵食3
  0 個留言    |  加入你的留言