1933年創業嘅老字號豬肉飯店元祖豚井，正如旅遊書同網上嘅人所講，門口一定排晒長龍，唔怕搵唔到，就連當地日本人都排隊去幫襯，咁肯定係正野，唔係旅遊書吹水嗰種。
佢哋以炭火將上等厚切豬里脊肉烤成金黃色，再加入自家製醬汁，然後鋪滿响新潟名米上。

我哋由1:35pm等到2:14pm終於有得食，肉質鬆嫩，個醬汁好惹味，真係好好味呀!!!!!!!!! 好食到我覺得唔夠喉~

我仲留意到，碗飯一上枱，連日本人都會拎部電話/相機出嚟影相，最搞笑係，個個一放入口個反應都係好自然點晒頭，就連自己都不自覺地點頭，碗飯有幾好食，相信大家都想像到啦

之前上網無意之中睇到有呢個地方，覺得好靚好特別，好有意思。雖然帶廣呢邊冇乜野玩，長途跋涉過嚟就真係淨係為咗呢個景點，但我覺得值得

這條「幸福駅」廣尾線列車雖然已經停駛，但由於車站的名字寓意著幸福快樂，居民幾經爭取，車站最終得以保留。
 
藍天 白雲 綠葉 燈車廂，啲色襯到好似一幅圖畫咁~

幸福車站裡內外都貼滿密密麻麻嘅祈願字條和卡片，很有特色，車站對面有二間紀念品店，可以買到前往「幸福」嘅列車票，老闆仲會响車票上打上當天抵達嘅日期作為紀念，成為幸運符。仲有好多其他特色記念品，例如Hello Kitty幸福電話繩、Hello Kitty幸福筆、幸福車站牌、幸福車站溫度計、幸福車站Post Card、幸福車票匙扣同埋幸福車票符仔.....仲可以買本幸福簿(100yen)，吸晒紀念品店提供嘅印仔作紀念，好靚架~

鹽燒豚肉、豬腸、豬腎、豬肝.........好多款，有啲食完都唔知係乜，全部新鮮即燒好好味

試咗人氣no.1 & no.2
- 天婦羅蕎麥麵(1200yen)
- 豚肉蕎麥湯麵(950yen)

我覺得冷食好味啲~

四季彩之丘都幾大下，可以坐車遊覽，我哋當然冇坐啦，自己鍾意行去邊就行去邊仲好啦，又方便影下相~

對於富良野居民嚟講，成吉思汗燒肉算係餐桌上不可或缺嘅料理。
我哋點晒三款口味嘅羊肉，三款都以獨特嘅醬料醃漬入味，柔嫩鮮美~

食法係：先將蔬菜放入凹陷嘅溝槽，再將鮮嫩多汁嘅小羊肉放响隆起嘅位置。隨著爐火溫度嘅升高，多餘嘅油脂會沿著曲線流入溝槽內，將蔬菜一併燒烤入味。最後，將烏龍麵放入溝槽裡最精華嘅湯汁中燉煮~

富良野起司工房隔離就係富良野冰淇淋工坊，買咗牛奶味+玉米味雪糕(350yen)，真係有栗米响雪糕入面，超勁香滑~

向富良野站出面個巴士站，搭夏季迷你觀光巴士(150yen)就可以去到富良野起司工房~

去到富良野，就當然要食著名嘅咖哩蛋包飯，當地約有20間提供「富良野咖哩蛋包飯」嘅店舖，佢哋更組成咖哩蛋包飯愛好會『FURANO KARENJAZU』，各間店舖均以當地產嘅米，雞蛋，起司(奶油)，蔬菜，肉，葡萄酒，及富良野濃醇嘅牛奶製成各種風味嘅咖哩蛋包飯。而佢哋提供嘅「富良野咖哩蛋包飯」係有6大規條：
1.      用富良野產的稻米，煮出飽滿米飯
2.      使用當地出產的大西養雞場雞蛋，蛋黃堅實；蛋包飯上碟時須在蛋上插上招牌小旗。
3.      使用富良野芝士工房出品的芝士及葡萄酒工場的葡萄酒。
4.      使用富良野蔬果、肉類及”福神漬”(山部漬物屋)。
5.      進膳時以富良野牛奶作餐飲。
6.      價錢約¥1000或以下。

睇介紹去咗其中一間試，佢嘅特色係用鐵板上，我哋咁啱坐正响前面，可以睇住師傅整，佢雙手真係好快冇停過，全部都係佢一個人整晒~

叫咗豚肉咖哩蛋包飯餐(1000yen) (上面真係有旗仔喎)
另外叫咗個ふわふわ男爵玉(850yen)
同埋一杯啤酒(500yen)