9月20日(Happy Friday..Day 4)~"4日3夜(喀比之旅)"完結lu
依日準備返"布吉"繼續行程~前一晚臨瞓開始落長命雨
朝早涼左好多..同埋好好陽光~泰國9月都屬於雨季
幸運地..係喀比幾日都好天~唔太熱又比較乾爽(感恩)
~~~~~~
起身攪掂梳洗完..出去食早餐~心思思又去搵"穆斯林媽媽"
因為佢個湯麵真係好味~所以離開"喀比"前..都想再品嚐一碗
加上未來日子應該未必再踏足喀比~所以更加要回味一下呢^^
我點個"雞肉湯米粉(走牛肉)"..另外隔離檔買左幾件"炸雞"
食完早餐~9點半check out揸車返布吉~中途站小休
回程揀415公路~比全程行Highway 4快左30分鐘
全程2小時15分鐘..已經返到布吉
~~~~~~
 布吉第一站..去"Bang Pae Seafood"食個lunch先
(待續)

9月19日(星期四..Day 3)~前一晚又係瞓得非常好
半夢半醒之間..以為自己係屋企起身~可想而知..
張床褥+環境真係瞓得好安心~依早8點幾就醒啦
嚴格黎講..計埋時差~香港時間已經9點幾(好少咁晏起身^^)
梳洗攪掂完~是日行程繼續"生態遊"~出發前去大街對面
搵Muslim Mama食個早餐先~因為另一半話想食湯麵喎
反正昨日食左西式早餐~而且份量真係超巨(勁呆飽!!)
所以依早食湯麵都好既..份量少d
~~~~~~~
食完早餐..去油站入油~因為去程好遠..加上2日已經用左好多油
是日生態遊 - "Emerald Pool"
睇完Blue Pool..回程返落去Emerald Pool玩浸水
知道鄰近有個"Hot Steam"~原本無興趣plan去
不過另一半話反正黎到..入去睇下喎
所以浸左無耐就走lu~濕住個身揸車返Resort..真係超凍!!
去返Ao Nang Beach附近既地道排檔~即刻食返d熱野保暖
又凍又餓無影相~但d local food幾好味(位置近PK Mart/上Hilltop對面)
~~~~~~~
食完野即刻返Resort沖個滾水涼~即刻舒服晒
出左去成日..係Resort休息下~食晚餐前再去做Massage
因為Haven booking full晒~所以free walk去Beach附近
入左間"Sawadee Massage"做Thai Massage(總消費:600THB)
做完去"E-San Seafood"食晚餐
玩左成日又行左咁多路~食完飯..直接返Resort休息lu^^

9月18日(星期三..Day 2)~前一晚瞓得好好..依早未夠8點就起身
攪掂梳洗完~就出去"Smiling Dog"食西式早餐
食完早餐..開始上午生態遊 - "Tha Pom"
回程同另一半食埋碗local湯麵~就返Resort hea陣
下午3點幾..再揸車去Krabi Town視察下環境
原本晚餐安排去town食~不過另一半話興趣不大
加上夜晚街燈唔夠~最主要又想Relax係附近飲酒
咁是但啦!! 係Town閒逛完..返Resort放低架車先
再free walk去大街做massage
massage完又free walk~今次行近Ao Nang Beach果條街
閒逛完..準備食晚餐~依晚揀去"Bombay Palace"食印度菜
食完飯..walk返Resort準備休息lu^^

今次"泰南自駕遊11天之旅"~主要既目的地係出外島渡假
以布吉為轉接站(行程原本只有8日)~不過另一半話反正去開
想順便過埋Krabi~唔駛搵次再去喎! Krabi本身我就一般般
無話特別想去/唔去~因為我最期待係外島果幾日悠閒假期
既然佢想去~行程再加4日3夜去埋喀比..當還佢一個心願呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
9月17日(星期二..Day 1)~前一日上航空公司做online check in
另外re-send email去喀比Miti Resort confirm booking(以防甩漏)
依早8點多去到機場T2 counter寄行李~我地乘坐"泰國航空"
TG609(HKG>HKT)..起飛時間10:25am~飛行時間3小時20分鐘
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
寄完行李..另一半話去飲茶~同上次一樣揀去"潮樓"
食完都趕緊準備要入閘登機lu
今次online揀既窗口坐位好前~而去程只係半full
起飛後..可以同另一半前後排坐(每人各佔兩個座位)
航班準時起飛..無耐空姐開始派snacks+飛機餐
反正飲完早茶仲好飽..所以無要到~睇下戲+聽歌
隨後填埋入境紙~當地時間12:35pm(比原定時間早10分鐘)
到達布吉國際機場~旅程正式開始!!
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
今次自駕遊最終決定連租10日~原本出島果幾日想還車
不過計過數..另租車接送只係差少少又唔想有任何甩漏
所以決定租晒整個行程~由自己操控時間最為安心
出發前同租車公司傾好價錢+交收車地點~揀左Toyota Vios
折實900THB/日.."唔要"GPS(600THB)~本身包左保險
另外comprehensive insurance(2500THB)~原本都想買既
因為車程太長~不過交車時..Mr. Sawat話唔駛(有事搵左佢先)
最終租車(共9000THB)~直接比現金..Credit Card要3% surcharge
另一半驗完車後..簽收埋文件~直接開車去喀比lu
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
出發前..去程全段揀行Highway 4~諗住有靚山景睇
點知原來無~仲要好多急彎..又比預定時間長
所以回程返布吉..決定改行415公路就快好多呢
行Highway 4(山路)足足用左2:45hrs先到Resort
回程轉行415公路~唔計休息..2:15hrs已經返到布吉
喀比4日3夜之旅..訂左"Ao Nang Miti Resort - Deluxe Room"
(待續)

前一日未夠六點就醒左
係villas hea到6:30pm先坐speedboat出機場
坐21:50夜機返香港~差不多六小時機程完全瞓唔到
好在隔離個男仔成日起身四圍行~我地都可以伸展下
瞓唔著唯有睇戲..食candy..聽歌去消磨時間呢^^
~~~~~~~
回顧今次既旅程~可以好好享受大自然
真係好舒服+relax~因為已經買少見少
所以更加會珍惜~當刻短暫抱擁既感覺
6日4夜之旅正式完滿結束~從天堂島回到現實世界
再見啦..馬爾代夫~我們會再來啊^^
~~~~~~
其實影左段片..已經upload左上youtube
不過遊記上載唔到(話格式唔岩)~有興趣可click以下條link呢
http://youtu.be/Ah8rOTp9v0g

最後一日係villa~夜晚準備坐夜機返香港lu
早幾日都瞓到8點先起身~太陽都出來了^^
諗住都係隨緣影日出~唔想刻意起身去影囉
出奇..依早未夠6點就醒左~仲係完全清醒狀態
去完洗手間..出露台昅昅~wow..剛好準備日出喎
~~~~~~~~~
影完無再翻瞓~早少少出去食早餐^^
食完早餐..我開始收拾行李
另一半話要最後一浮~所以又去左浮潛
玩完攪掂晒..管家12點黎接我地check out
check in時..已經問過可唔可以extend到2點
酒店企得好硬..extend要加錢~我地6:30pm就走
加錢extend 6個好無謂~去main bar hea坐好過
第一日黎無食lunch~所以最後一日可以享用
~~~~~~~
管家約定我地6:30pm
坐speedboat出機場~食完lunch..仲有成4個鐘
出面咁熱..唔想四圍行~所以我地去main bar坐
因為已經check out~all inclusive唔再包飲料
如果要飲野就要自費~我地房仲有支大蒸餾水
管家叫我地拎埋去~咁就唔駛再點飲品呢^^
~~~~~~
出發前dl左好多戲~4個鐘涼住冷氣hea睇
差不多6點..準備日落~同另一半出去行+舒展下
順便又可以影埋日落呢
~~~~~~
日落完了..我地既旅程都來到尾聲
villas大門..管家同部份職員已經準備好
一一同我地握手道別..船隻離開都不停揮手
十分鐘船程~好快去到機場
辦完登機手續~仲有好多時間可以四圍行下
~~~~~~
我地乘坐(5M136)直航航班~由Male > HK
起飛時間21:45~航程4小時45分鐘..(時差3小時)
將於第二日早上~香港時間7:15am到達

黎到Day 4
每日既活動其實都一樣..唔係食就係瞓
一係浮潛..浸水..飲野..影相..睇星星..睇魚^^
唯一唔同就係餐飲~好! 又睇下依日食咩先

係島享受假期..除左食玩瞓
最正係安排好晒~定時定候去用餐又無人騷擾
每日d時間..真係過得好快~無耐..又夠鐘食lunch
~~~~~~
下午浮潛+浸完水..超勁眼瞓
瞓到8點有人按鐘入黎執房先起身
wow..瞓醒又去食食食dinner啦^^
食完飯又去beach bar坐~睇星星+睇魚(超勁舒服)

話咁快就Day 3
係馬爾代夫咁多日..除左2次超短暫過雲雨之外
其他時間都好好天~陽光好猛..超爆曬但好大風
依日好早起身..懶洋洋係villa hea到9點先食早餐
~~~~~~
食完早餐~唔係影相..就係返房玩浮潛+浸池
好快又話夠鐘食lunch呢^^
(待續)