今次介紹的係我同我老婆honeymoon時在法國的其中一日行程!
當日早上我地就去行巴黎聖母院(英文:Notre Dame de Paris, 法文:Cathédrale Notre Dame de Paris), 參觀完之後就到今日既主角TOUR D'ARGENT, 呢間餐廳係當地既朋友介紹的, 我地早幾日已經book定位, 去到發現真係好有氣派, 成十幾人招呼過我地, 全餐廳落地大玻璃可望聖母院景色.
當日到達後首先有一個staff會問係用咩名book位, 之後有另一個staff帶你去搭(車立), 上到上面開門亦有另一個staff帶位, 之後再有另一個staff會俾menu你. menu上中間長方型既係set lunch, 頭盤, 主菜, 甜品每樣3款任選. 每款既中間最上(紅色highlight既) 就係特別推介. 所以2人就會叫一款推介再加另一款, 而主菜我地就轉左佢地出名既血鴨. 係當地既人仲著得好行, 著晒西裝, 女仕們亦著得好靚. 而我地就......
wine方面亦有專人負責, 連去完洗手間都有人帶你回坐位.
完成左豐富午餐之後我地就去左周圍行下, 行左去龐畢度中心同埋有一間免費既教堂(入面睇既野同聖母院差吾多)