格斯肥牛牛
我是格斯肥牛牛。 我是一名醫護支援。 我最喜愛到日本,台灣,德國旅遊 , 最鍾意遊覽自然景觀,歷史建築/遺跡,民俗風情,展覽館/博物館, 住宿通常會揀4星酒店,民宿。
留言  留言給此旅遊家
  遊記數目 2
  上載相片 24
  上載影片 0
最近分享過的旅程
德國遊記 @ 27-JUN to 15-JUL , 2013
國家/地點: 中國, 荷蘭, 德國
旅程日期: 2013-06-27 至 2013-07-15
德國遊記 @ 27-JUN to 15-JUL , 2013 (中國, 荷蘭, 德國)
(旅程日期: 2013-06-27 至 2013-07-15 ,  旅程性質: 背包旅遊, 探訪親友, 消閒度假)
 整個旅程  (共2篇遊記)
 分享至Facebook 
發表日期: 2013-10-16
突如其來的行程, 突如其來的新體驗
BEFORE FLIGHT -  地點: 香港
============================
係五月中,女朋友突然收到德國公司既通知, 話公司希望佢可以去德國工作一個月作交流體驗。交通費用會由公司付責,而且事後還可以請假遲d才回香港,可以在德國多玩一會添!
 
事出真係好突然,點解?因為五月中講, 五月尾就要出發, 只有兩星期時間呢,我實際上沒有時間和她計劃行程。所以好多行程都由我呢個旅行既初哥去計劃, 經網上和e-mail去討論。 由於時差問題,進度很慢很辛苦,而且旅程真的比想像中的難掌握, 是一個很深刻的體驗。
 
初轉機, 初夜
Day 1 to Day 2 - 27-SEPT-2013 to 28-SEPT-2013
地點: 香港 > 北京 > 法蘭克福
============================
出發當日,其實我係仲要返工既,因為行程長,日數多, 所以我用盡有薪假期了.....DAY 1 - 20:00由香港起起出發去北京轉機,凌晨00:45多D到北京, 我既下一班去法蘭克福既機, 係......DAY 2 既14:00...... 要等差不多13小時 。 (要平機票,沒辦法啦......去德國機票很貴哦!)
 
這時候, 機場冷清,陰暗,十分冷清,出到大堂,能坐的地方滿地都是等待轉機既乘客。 說得誇張一點,如果你加一點想像力,這裡其實就像是生化危機現場呢~ 一生人第二次出國,就要在機場過夜,我估也估不到呢~
 
我分別在一間24小時營業,招牌很像PACIFIC COFFEE的店,和一間國內出名的連鎖粥品店中渡過了我的(機場候機的)初夜,和充滿期待的早晨。(請看餐廳介紹)
 
北京機場很大,和香港機場比完全無得比,看著機場由一地都是睡覺的旅客,陽光照亮機場之後,睡覺的旅客一點點地消失,換來了大量趕機的旅客。繁忙的很,人多的有如旺角,印象很深刻。
 
12時多就進去準備,怕安檢會很耐,事實係都好快就完成安檢。可是航班延誤了一點,要1430才起飛。心想真的希望不要再延誤,因為我到法蘭克富時大約是18:30。我要趕上晚上20:00的尾班火車才能夠去到女朋友暫住的德國同事家中(滿遠的),登機沒DELAY,可是起飛時又再DELAY了半小時。說是北京機場航空管制問題....那時心中的不安即刻湧出來,萬一我錯過了尾班火車,我應該如何是好?
 
DAY 2 德國時間19:15分, 我終於到法蘭克福機場。可是心中我不安即時冒出來,因為計埋安檢和取行李,我鐵定趕不了20:00的火車了.......在等候行李時,我利用法蘭克福機場的FREE WIFI連上網, 用SKYPE聯絡我女友, 她老闆說會去火車站接我。這才放下一點心中一點點小石子.....20:10才取行李,由於之前在網上查詢的火車已經開出了,我只好再去德鐵(DB)的遊客中心問一下如何坐車是好(好在還沒關門,也好在去程火車我沒有在網上購買)。 德鐵的機場遊客中心能說流利英文真的太好了, 而且他們還安排了可以趕上去到目的地火車的接駁方法和提供了更平的坐車方案給我。令我安心了很多。DB的服務令我很滿意。
 
買票之後上車之前我再連上網,用SKYPE  跟女朋友說了最新的火車安排,她們會在火車站接我, 之後我就坐火車出發了.由機場坐區域列車去法蘭克福中央車站( Frankfurt(main)hbf ), 轉坐火車經吉森(Gießen)去海格爾(Haiger)站....晚上 22:44到達, 海格爾係一個細站, 夜晚完全無人, 加上古式既火車站和微弱既燈光, 感覺格外恐怖, 總覺得會在某處有喪屍走出來呢~(笑)
 
德鐵出名準時, 完全準時到達海格爾站, 我女友的老闆就駕車來接我, 也不用等多久, 經過不久的車程, 終於到達了他們家了, 實在很累而且已經是深夜, 只寒暄了幾句就上床去睡了。我的德國行,現在就開始
 
很廣闊的門面, 很好找
很廣闊的門面, 很好找
金槍魚芝士火腿三文冶
金槍魚芝士火腿三文冶
位置就在禁區入口則, 很好找
位置就在禁區入口則, 很好找
很像某知名品牌的門面呢~
很像某知名品牌的門面呢~
PACIFIC COFFEE COMPANY ??? 噢!! 搞錯了!不過個logo真係好鬼似~~

花漾咖啡係北京機場有多間分店, 不過除了正門這間是24小時營業之外, 其他的到晚上就會關門, 對於我呢d需要過夜等機既人來講, 呢間店間直就係正~

菜色唔多, 主要以飲品為主, 以三文冶, 熱狗, 蛋糕等東西為副,可能有其他吧? 或者因為是凌晨而收起其他餐牌吧?

我目的是以快食完東西之後就係檯上小睡一會過夜, 所以就叫左個金槍魚三文冶來食, 味道一般沒什麼亮點, 只是金槍魚唔係哥d吞拿魚撈沙律醬哥d, 而係剌身式一片片金槍魚肉, 食起上來幾有口感, 這點我很滿意. 也覺得RMB 28 有這樣的三文冶算不錯了.

除了我坐窆一般檯子之外, 這裡有很多4人包箱可以坐, 而且有幕可以隔開外界既視線, 可是我來遲了一點沒空位了, 不然我就可以在裡面小睡一會了....

推介菜式: 金槍魚三文冶
每人消費: 約28人民幣元 (宵夜)
評分: 味道3   服務2   環境4   衛生3   抵食3
酸菜肉絲米粉配荷香糯米雞
酸菜肉絲米粉配荷香糯米雞
味道真係麻麻....太乾又無咩味...
味道真係麻麻....太乾又無咩味...
李小龍做裝飾的主打
李小龍做裝飾的主打
由一條好細既樓梯上去, 要細心找。。。如果沒有這海布相信不知道在這裡上
由一條好細既樓梯上去, 要細心找。。。如果沒有這海布相信不知道在這裡上
昨晚寄縮的咖啡廳我只吃了個三文治,早上起來了,肚子就叫我找吃的.......
四周看一下有沒有什麼可吃的東西, 不久之後我就被奇怪的標誌吸引了我視線, 李。小。龍。。。。。
嘩打!! 我腦中突然響起這一李小龍叫聲,被好奇吸引住了!就一試吧!
佢既入口好細,只係一條小小小樓梯,入到去,個格式比我既感覺係,麥當勞!中國中式中餐版!(腦中比人"嘩打!!"打左一下。。。)
他們賣的不是包類薯條,而係中式粥粉麵同包點。我被個荷香糯米雞吸引住,所以叫左個有糯米雞既餐來食。
叫左酸菜肉絲米粉配荷香糯米雞既餐,取餐的時候,見到隻糯米雞,腦中又比人"嘩打!!"打左一下。。。好細!如果話呢隻係珍珠雞可能會好D......突然由原本好豐富抵飽既感覺, 變左有D唔夠喉既感覺......
酸菜肉絲米粉其實同我地食開既雪菜肉絲米粉差唔多,口感沒什麼特別突出既感覺,米粉爽口煮得可以,不過平凡的湯底
有D失色.......快餐我都唔會指意佢太多呢,至於隻糯米.....阿....珍珠雞......沒什麼荷香味,中間肉中算有肉汁存在,可是都係很乾和偏硬. 不好吃.....
在機場中算係比較平便既店....都算啦, 當是填包肚子就好了......不過都應該只會一期一會。下次未必再幫襯。
評分: 味道2   服務2   環境3   衛生3   抵食3
  0 個留言    |  加入你的留言
此遊記的留言
加入留言
如要加入留言, 請先登入